سارق ولكن......؟!

احم احم
صلااااااااام عليكم
شخباركم شلونكم اكيييييييد احمر
اليوم جايبه لكم قصه روعــــه
رأتها من قبل واتمنى انها تعجبكم
v

v

v

v

نبذة عن القصة..

فارس احلام ملايين البنات..وسيم.. وجذاب.. بيتعرف على شلة فاسدة بتأدي لانحرافه وضياعه... ومن شدة انحرافه ذهب لسرقة منزل تاجر وتهديد ابنته بالقتل ..

في هذه القصة بتتعرفون على ان المال المسروق لا يهتني به صاحبه ولا يعيش في سعادة .. وبتتعرفون على اشياء اخرى مثل العلاقات الزوجية الانسانية .. كيف من الممكن ان الحب ينولد بعد الزواج وكيف ان هالظاهره الجميلة انقضى عليها بالحب الفاشل والعلاقات الغرامية خارج اطار الزواج...
الجزء الاول


سارق ولكن..؟!


تمضي الايام وتغير الزمن وتتغير مافي النفوس من حال إلى حال ولا يبقى من الماضي سوى الذكرى .. ذكريات أحملها في قلبي الحزين الذي اهلكه الصبر
كان عمري وقتها 22 سنه تقريبا كنت مع شله منحرفه من شرب دخان إلى خمور إلى سرقه الى رقص بنات.. إلا المخدرات مبتعدين عنها
كنت ادخن واشرب خمر شوي بس مو كثر اللي يشربونه لاني ما ابي اهلي يعرفون او في يوم ارد للبيت وانا سكران .. في البدايه رفضت ورفضت بس صدق من قال
(( الصاحب ساحب ))
إلين صرت معهم
وكنت انا ارفض اني اسرق كل شيء اسويه الا اني اسرق
لأني ما تعودت على السرقه ...وبعد ما تعودت على الشرب بس هم ارغموني على هالشيء
واغروني انه يبعد الهموم ويخليني اكيف واروق
وفي يوم من الايام
الثلاثاء
^
^
^
^
^
^
^
العين
خالد: ها وش قررت
نواف : متردد يا ريال تعرف أول مره اسويها والله اني خايف
خالد: افا ريال وش طولك وش عرضك وتخاف وش تخاف منه أنا ما قلت لك اذبح بشر كل اللي اقوله انك تغطي علي واذا دش احد تعطيني اشاره انا اللي باسوي المهمه
نواف: لا لا مب قصدي اني خواف بس اللي اقصده لو احد جافنا
قام خالد منفعل
خالد: محد بيجوفنا انت تفهم .. محد بيجوفنا
وبعدها هداء شوي وصار يتحجى بهدوء يبغي يكسبني
خالد: انت راضي بهالعيشه اللي احنا فيها رياييل وش كبرنا وامهاتنا يصرفون علينا وبالقطاره بعد وانت تعرف مب كل وقت نبغي فيه الفلوس بيعطونا صح وإلا لا
نواف: بس ما نسرق يا خالد
خالد: صدقني يا نواف اذا خلصنا من سرقة الفله والله ان تشكرني
انا مرتب كل شيء واحنا ماراح نسرق بيت ناس فقارا مثلنا طحت على فله ذهب وصدقني راح نعيش حياتنا.. واوعدك وعد انها أول و آخر مره لك .. وش قلت ..؟!
نواف : طيب الفله فيها حد ..؟!
خالد: لا لا تخاف الفله فاضيه محد
نواف: وانت وش دراك انها فاضيه يا خالد وش دراك .؟!
خالد: أنا كنت اراقب الفله لي فتره واعرف الوقت اللي يطلعون فيه والوقت اللي يردون فيه .
نواف: طيب واذا ردوا في بذاك اليوم مبجر
خالد: لا لا تخاف اللي اعرفه انهم عندهم حفلة زواج يعني اهل البيت كله بيظهر والاكيد انهم بيردون متأخر ..

دخلت الفكره براسي بس متردد وخايف ان حد يمسكنا في هذاك اليوم ظهرت من عند خالد وسرت لبيتنا حاولت اني ارقد ماياني رقاد يتني كوابيس واحلام تخوف انهم امسكوني ومره نجينا بفعلتنا
نزلت تحت لصاله الكل راقد شربت ماي وصعدت فوق اتغصب الرقاد والرقاد ما ياني
باقي يومين على مهمتنا الخميس اهو اليوم الموعود
الأربعاء
^
^
^
^
^
^


الخميس
بيت أبو نواف الله يرحمه
الترتيب
أبو نواف: خليفه بن مبارك توفى بحادث من قبل 5 سنوات
أم نواف: ساره حرمه مو كبيره وايد اعتادت يدينها على الماكينه وخياطة الدرعات والملابس لليران هذا المصدر اللي يعيشون منه من غير الارزاق والصدقات اللي تيهم من أهل الخير
23نواف _ شاب وسيم قوي الملامح طويل حسن البنية أسود الشعر خلص ثانوية طموحه انه يكمل دراسه في الخارج ويفتح له شركة بأسمه والمشكله تعرف على شله فاسدة ومنحرفه وهذا الشيء اللي امنعه من البحث عن وظيفة أو اكمال دراستة في الخارج.
17نوف _ بنت حلوة وعليها حركات صبيان لانها البنت الوحيده من بين 3 اصبيان واهيا الحين ثانيه ثانوي وحلمها انها تشتري كمبيوتر وتدرس تخصص كمبيوتر
17نايف _ توأم نوف شاب مسالم ماله على الصدعه بس يحب يناجر اخوانه كل همه انه يتخرج ويدرس طب ويعالج اخوه الاصغر عنه
8 جاسم _ اهوا اصغر عيال ابو نواف يحب السياكل بشكل فظيع مريض بآلتهاب الرئه الحين اهوا ما يدرس خايفين انه يسبب عدوه للطلاب اللي معه وكل من في البيت يحبه ويداريه
وانا بظهر لبيت خالد اسمع امي
^
^
^
^
أمي: نواف يمه وين بتظهر..؟!
نواف: ها .. ها .. بـ بـ... بسير عند خالد
أمي: تريقت والا اسويلك ريوق
نواف: ريوق.. لا لا ما اشتهي
امي: نواف يمه وشفيك ..؟1
نواف : وانا مرتبك هـ ..ا..ا.. ها.. لا ما فيني شيء
أمي: في شيء شاغلنك يما او شى يعورك ؟
نواف: لا مافيني شيء ولا تحاتين انتي يبتي ريال ما ينخاف عليه
أمي: الله يسهل دربك ويبعد عنك عيال الحرام يا يمه
نغزني قلبي حسيت اني بغير نظرة امي لي
نواف: شيء بخاطرج يالغالية
أمي: سلامت راسك يماه
حبيت راس امي وظهرت وأنــــــا
أطرد هالفكره من راسي سرت عند خالد
وانا اقول اليوم بغير حياتي خلاص من اليوم بتصير معي فلوس بحقق كل امنياتي وكل احلامي بسافر واكمل دراستي وبشتري لنايف بلايستيشن عشان يبطل يسير عند حمود ولد يارنا ويقعد يذله بالبلايستيشن حقه وجسوم بشتري له السيكل اللي يباه وبشتري لنوف الكمبيوتر اللي تباه
وأمي
أمي خلاص ما بخليها تخيط ولا تيلس على الماكينه ساعات طويله
يا الوقت اللي لازم ترتاح فيه وانا اعوضها عن كل شيء
انا عند خالد من الصبح ما ياني رقاد وخالد ولا همنه ولا كانه بيسرق اليوم فلة ناس الريال نايم وبسابع نومه
نواف: خالد .. خالد .. قوم
خالد: اممممممم
نواف: قوم خالد من امس وانا ما ياني رقاد قوم
خالد: اامممممم .. جم الساعه ..؟!
نواف: 6 الصبح
خالد: يالله موعيني والساعه 6 تونا احنا بنسير الساعه 8 الليل والله انك فايج روح عني زين
ورد يرقد وانا يلست انتظره لين يقعد ..
الله أكبر .. الله أكبر
سمعت صوت اذن الظهر كان ودي اني اروح اصلي حسيت بخوف ولا قدرت اسير بس يلست ادعي واقول
(( سامحني يا رب انا ما ابي اسرق بس اني مجبور على هالشيء طفشت من العيشه اللي انا فيها يارب سامحني ويسر امري يارب ))

وسرت مره ثانيه لخالد وحاولت اقعده بس مب راضي يلست اشوف الساعه كل شوي و اذن العصر والمغرب والعشاء وانا في كل مره احاول اني اسير للمسيد بس مب قادر احس بشيء يمنعني اني اسير
^
^
^
^
كنت غايص بافكاري وانا اتخيل نفسي لو امسكوني الشرطه وش بيكون موقف ابوي امي اخواني واختي يالله
خالد: بووو.. صباح الخير
نواف: بـ.. سم الله .. خرعتني .. و أي صباح قول مساء الخير
خالد: اللي اهوا
نواف: احر ما عندي ابرد ما عندك
خالد: ياهز انت
نواف: ايوه ياهز بس...؟!
خالد: بس شو ... تتراجع لا ... ما كو تراجع
سار وتركني خالد.. فعلاً بقول له خلاص ما بقدر اسير وياك
5 دقايق واسمع جرس الشقه يرن فزيت من مكاني خايف من اللي بيينا الحين سرت وفتحت الباب طلع ربيع خالد
عبدالله: السلام عليكم
نواف: وعليكم السلام والرحمه.. تفضل حياك
عبدالله: زاد فضلك .. عيل وين خالد ..؟!
نواف: يتسبح
عبدالله: شحالك ..؟ عساك بخير يا نـ.. و..ا ..؟! نواف صح
ارد عليه وانا مرتبك شوي نظراته تخوف
نواف: الحمدالله بخير وسهاله .. ايوه نواف
عبدالله: هـا كيف النفسيه ..؟!
انا اناظره متعجب
نواف: نعم
عبدالله: مستعد وياهز ..؟!!
نواف: عن شو تـ.....
دش علينا خالد وقطع الكلام اللي بيني وبين عبدالله وصارت الشكوك تدور بنفسي قلت اكيد هذا يعرف بس خالد قال لي انا بس ما قال احد بييي ويانا لا لا شكله يمزح ما يقصد شيء الريال
خالد: يهزت نفسك عبدالله
عبدالله: ياهز بس مدري عن السرحانين اهم ياهزين والا لا
خالد: لا لا تخاف ياهز الريال ..كلش.. والدليل انه يايني من الساعه 8 الصبح
عبدالله: ما شاء الله شهالحماس
فزيت انا منفعل شوي
نواف: هذا بيروح ويانا ..؟!!
خالد: ايوه بيروح
نواف: خالد ما قلت لي ان احد بييي معانا ..؟! ليش ما قلت لي من الأول
خالد وبكل برود ييلس على الكنب
خالد: عادي يا ريال لا تكبر السالفه هذا عبدالله اهوا صاحب الفكره والتخطيط كله واهوا مب غريب عليك من الربع
نواف: بس انت ما قلت لي المفروض يكون عندي خبر
عبدالله: هدي يا ريال السالفه ما تستاهل هالتعصيبه
نواف: .................
خالد: يبت التخطيط اللي رسمته ..؟!
عبدالله: ايوه يبته .. نواف عندك خبر ان السرقه في أبو ظبي
نواف: ايوه
أنا يوم شفت مخطط البيت جدامي احس ان لساني انربط اريولي انشلت مب قادر اتحرك ولا شيء واهم يالسين يتكلمون ويخططون حاولت اني اركز بس انا خايف ما اصدق اليوم بسرق .. لاااااا انا اليوم بسرق فله ناس.. يا الله ..
قطع علي حبل افكاري خالد بصوته العالي
خالد: نوافوه انت معانا
نواف: ها ها ايوه معك كمل
عبدالله: متأكد
قلت بملل وانا اقوم ايوه متاكد
^
^
^
^

غيرنا ملابسنا ولبسنا أسود مع لثمه بقبعه سوداء و شنطه شايلهنا عبدالله فيها كل المعدات اللي نحتايها سرنا وركبنا السياره
وصلنا ابو ظبي ورسرناعند الفله المطلوبه نزل عبدالله شاف المكان ورد
خالد: كيف الوضع ؟
عبدالله: تمام ..التمااااام. كل شيء حسب ما خططناه بتظهر السياره من البوابه الجبيره واحنا بندخل مني مفهوم
نواف+خالد: اوكي مفهوم
عبدالله: كل واحد فينا يضبط مهمته ارجوكم وبعدها نسير من الدري وانت يا نواف توقف اهني بالصاله الجبيره وانت يا خالد توقف عند باب اليناح اللي بدش منه وانا بفتح الخزانه واخذ اللي فيها وبكذا نطلع مع الباب اللي دشينا معه وبذلك ننتهي ونتقاسم القسمه بس هاااااه انتبهو تخلون أثار لبصماتكم اوكي
ويضحك ضحكه فرح
نواف: اذا يت الشرطه او شافنا احد البشاكير ؟
خالد: بعدك على هالتفكير محد بشايفنا
عبدالله: صدقه نواف يمكن أحد يشوفنا او يمسكنا انت لا تحاتي انا مرتب لكل شيء اذا يا احد تتغير الخطه ينسحب نواف وانت يا خالد تظهرون من البلكون اللي في الصاله وانا بظهر مع الدريشه اللي بالغرفه ونتقابل عند الباب الخلفي المطل على البحر
نواف: تقصد نسبح لين نطلع
خالد: انا لله وانا اليه راجعون بسك عاد افهم ايوه بنسبح
عبدالله: اذا احد امسكته الشرطه لاسمح الله لا يبلغ عن الثاني مثلاً انا امسكوني ما ابلغ عنك يا خالد ولا انت يا نواف واذا امسكوك يا نواف ماتبلغ عني ولا عن خالد والعكس اوكي
نواف+خالد: اوكي
زاد الخوف فيني بعد الكلام اللي سمعته عدل وللمره الاخيره من عبدالله احس اني بدخل ومب راد لأهلي يارب استر ويلسنا حوالي ساعه بعد ما تأكدنا من خروج أهل الفله نزل عبدالله وبعد 10 دقايق تقريباً نزل خالد انا مانزلت ضرب خالد قزاز الدريشه بعصبيه
خالد: انزل وش تنتظر
نواف: طيب طيب
نزلت عدال الفله فيه زي البراحه الفاضيه (( الارض الخاليه ))
وقلت أكيد بندش مني يعني بنطمر (( بنتسلق )) لحقت خالد والا شوي واشوف باب الفله الجبير ينفتح خفت قلت أكيد احد ظهر توني بنحاش الا ويد خالد تسحبني وندخل داخل الفله من بابها اللي فتحه عبدالله
خالد: نواف وش فيك انت ركز الحين يا اليد
عبدالله: أنا بتقدم وانتم وراي اوكي
نواف: اف .. طيب .. هدني
ودش خالد الفله واحنا وراه اللي لو جفته تقول كان عايش فيها لانه حافظ كل مكان وشبر فيها دخلنا الصاله وبعدها الدور العلوي
دش عبدالله المكان المقصود وانا كنت بالصاله الجبيره وقريب من الدري
كنت خايف كل شوي الف يمين ويسار يمكن أحد يظهر مني مناك
شوي اسمع صوت لفيت وكنت مستعد اني اضربه

^
^
^
^
خالد
نواف: اف خرعتني ..يا معود ..وش فيكم تأخرتوا
خالد: لا تحاتي بنخلص بس صبر شوي ونسير اوكي
نواف : اوكي .. واللي يسلمك استعيلوا

تركني خالد وانا وسط هالصاله الجبيره احس ان الوقت يمر ببطْ شديد
يارب يعدي اليوم على خير.. بس قلت هالكلمه الا واسمع من وراي صرخة بنيه ..
أنا من الخوف ربعت وراها قلت لها
نواف: جب ولا كلمه .. سكتي
والبنت تربع تبغي ترد للغرفه بس انا كنت اسرع منها وقفت عند الباب امنعها كنت خايف انها تتصل بأحد او تتصل بالشرطه منعتها انها تدخل و كان بامكاني اني اضربها عشان تسكت بس مقدر لانها بنيه
البنت: اماااياااااااااااااااااااااا يماااااااااااااااااه( تصرخ باعلى صوتها)
ظهر خالد من الغرفه اللي اهوا فيها وهو يربع وكان متجه صوبها مسكها خالد وعطاها طراق اللي لف راسها مع جسمها الناعم وبعدها سكتت
خالد: لا اسمع منج ولا كلمه ولا همسه فاهمتني ان صرختي مره ثانيه بقتلج .. والله لقتلج ..؟!!
وظهر من مخباته سلاح ووجهه على ويها وهي المسجينه تغطي ويها
البنت : لا لا تقتلني الله يعافيك .. لا تقتلني اه آه آه هامممممممم (تصيح بأنين) خلاص بسكت الله يعافيك .
انا خفت الصراحه ما توقعت ان المسأله تكبر بهالشكل وتوصل للقتل
ضربت يد خالد وحاولت اشل منه السلاح
نواف: انت صاحي بتقتل بنيه
وهو يصرخ بويهي
خالد: عشان تتأدب ولا تصرخ بتفضحنا يا غبي بتفضحنا
نواف: احنا ما اتفقنا على هالشيء يا خالد وبعدين ليش شال معك سلاح؟
خالد: للضروره أحكام ..((ويوجه على البنيه ))
البنت : خلااااص والـ.. ال..والله ما اتكلم .. والـ.. لله
خالد: شفت انه ينفع واااااايد (وهو يبتسم بشرر )
نواف: انت ما في بقلبك رحمه يا معود هذي بنيه مسجينه مالها ذنب هدها بحالها
خالد: يناظرني نظرة استهزاء . اسميك حنون انتبه لها ولا تخليها تلعب عليك اعرفك زين نقطت ضعفك لما تشوف بنيه .. وهو يسير بعيد عني بسير اجيك على المكان يمكن احد سمع صراخها هالغبيه .؟!!

ظهر وتركني وانا ميت قهر منه ومن كلامه السم اللي دايم يقطه علي ومع هالبنيه المسجينه
لفيت اجوفها لقيتها حاضنتن راسها بيدينها وبحضنها وتصيح
وانا ادور في الصاله حرام ليش طقها خالد والله ما تستاهل
سمعت صوت انينها وصياحها كنت اريد اشوف وش فيها بس منعت نفسي قلت اكيد بحن عليها ويلست رايح راد واسمع انينها يزيد وعورني قلبي عليها قلت بس بشوف شو فيها لفيت عليها لقيتها ترفع خصل الشعر اللي نازله على ويها كان ويها آية من الجمال بس ملطخ بدم ويدينها فيها دم عورني قلبي وهي تحاول تمسح الدم ببلوزة بجامتها
الدم كان ينزل من خشمها ومن ثمها الناعم الصغير زاد خوفي قربت منها وهي تحاول تبتعد سالتها
نواف: وش فيج
بخوف وترجي
البنت: مافيني شيء .. وخر عني الله يخليك ..
تصيح بتعب بخوف مدري شلون اوصفه
يلست ادور علبه المناديل ما لقيتها قلت بفصخ اللثمه اللي انا لابسنها بس بتجوف ويهي وانا حاير وش اسوي ياربي لفيت ولقيت علبه المناديل ربعت وخذتها وعطيتها اهيا ترايعت
البنت: حرام عليك حرام عليك آه آه امممم لا تسوي فيني شيء الله يعافيك لا تسوي فيني شيء الله يخليك
وهي تصيح بصوت يعور القلب
انا رحمتها وقلت
نواف: مابسوي فيج شيء بس خذي المناديل وامسحي الدم
حطيت علبة المناديل على الارض عشان تاخدها وانا سرت عنها
ياربي سامحني .. يارب سامحني
يلست اسير رايح و راد تأخرو لفيت اريد اشوف خذت علبة المناديل والا لا ولقيتها ما خذت العلبه خفت عليها بصراحه انا ما احب البنات يتأذون لانهم ما يستاهلون الاذيه ولا الضرر ما يتحملونها كثر الريايل ومب معاناته اني ما احبهم يتضررون انهم نقطت ضعفي البنات

وترد تدخل في نوبه من الصياح وانا بصراحه عورني راسي
صياحها يعور الراس والقلب ويوتر انا ما اتحمل اشوف شكلها جذي
صرخت عليها
نواف: خلاص كفايه صياح عورتي راسي
سمعت صوتها الناعم وهي تصيح وميته خوف
البنت:الله يعافيك خذ اللي تباه بس خلني اسير الله يعافيك لا تقتلوني آه آه آه آه آه اممممممممم
هديت صوتي يوم جفتها خايفه
نواف: انا مااريد شيء ومب قاتلينج اوعدج بس ابيج تسكتين ارجوج
البنت : وش تبون بعطيكم اياه بس اتركوني
وانا ارص على اسناني واكظم غيظي
نواف: قلت لج ما ابي شيء
البنت : عيل ليش انت معهم ؟
(( أف .. وش تبغي مني هاي ))
نواف: لأني ابغي اكون معهم
البنت : شكلك ما يقول جذي
دخل علينا خالد
خالد : وانتي مب ساكته الا برصاصه براسج (وهو يقترب منها ويصرخ عليها) هاااه
البنت: يمااااااااااااااااااااااا آه آه
نواف: مسكت خالد وشلته عنها .. خالد ابتعد عن البنيه خل البنيه في حالها شوفها ميته خوف لا تخوفها زياده حرام عليك خاف ربك
عنبوك انت ما ترحم شوف شكلها شلون تبي تقتلها
خالد: هههههاي ضحكت استهزاء وسخريه وهو يضرب على كتفي /لا يكون حنيت عليها يا القلب الحنون وسويت لك قصه رومانسيه في غيابي؟!
مسكت خالد من رقبته ومع جتفه
نواف: خالد تراني صبرت وايد وااااااايد يا خالد بامكاني اني اتركك هني وامشي لكني انا هني عشان نخلص مهمتنا ونمشيء مب عشان الخرابيط اللي تتكلم عنها افهمني عدل وزين انا هني عشان نخلص مهمتنا ونظهر تفهم
وبعدها طقيته وطاح على الكنبه اللي في الصاله
وجف خالد ووجه السلاح على راسي
خالد: نوافوه اياني وياك ...
قطعت كلامه لاني ما احبه يستصغرني
نواف: اذا بتقتلني اقتلني عادي خلني اموت وارتاح بصراحه ( وانا اناظره بنظرة كره ) مليت من عيشتكم الخايسه
خالد: لا مب قتلنك لان فيه ناس يحتايونك وااااايد واكثر مني بعد
ويأشر على البنيه .. وكمل كلامه
خالد: اذا انت ريال لا تخليها تلعب عليك
ظهر وتركني وانا من الغيض اللي فيني طقيت الطاولة الجزاز اللي جدامي وطاحت من فوقها الابجوره وتهشمت لين متى بيستفزني لين متى ...؟!!!!
سمعتها ...
البنت : يماااااااااااااااااااااااااااااااااااااااااااااااا ااه
قلت هالمره المفروض اني ما ارحمها
كلام خالد حولني لوحش
نواف: وبعدين معج .. سكتي لأقتلج انا
البنت : واللي يسلمك لا تقتلني
نواف: أقول لج ســـــــكــــــــــتي
سمعت صوت قوي لفيت يلست انادي اصوت
نواف: خالد .. خاااااالد ..عبدالله .. عبدااااللللللله .. وانتي يلسي هني لا تتحركين .. وان تحركتي والله ثم والله لاقتلج فاهمتني

سرت اشوف الغرفه اللي فيها عبدالله وخالد لقيت الغرفة فاضيه
وين راحوا يا ترى ..؟!!
لفيت بعيوني اناظر مني مناك شفت دريشة الغرفه مبطله ومفتوحه على الاخر قربت بسرعه واشوف ما شفت شيء توني برد للصاله واسمع صوت الشرطه برى الفله انا اانينيت
الملاعين اتركوني
آآآآآآآآآآآآآآآآآآآآآآآآآآآآآآه
وش تتوقعون بيصير لنواف ..؟

هل بتمسكه الشرطه أو لا ....؟

والبنت وش بيسوي فيها نواف ..؟
وين راحوا يا ترى ..؟!!

لفيت بعيوني اناظر مني مناك شفت دريشة الغرفه مبطله ومفتوحه على الاخر قربت بسرعه واشوف ما شفت شيء توني برد للصاله واسمع صوت الشرطه برى الفله انا اانينيت
الملاعين اتركوني
طلعت اركض ووقتها شفت البنت يالسه في مكانها ما تحركت
نواف: قومي بسرعه قومي ..؟!! قومي جدامي
قامت البنت وهي خايفه وترتجف من شدة الخوف تمشي وتطيح و انا ما كان ودي اني اشد معها بس الوقت كان صعب وضيق علي كنت افكر كيف بشرد مني والانذال اتركوني مابقدر اظهر مني
انا اصرخ ومن الخوف اللي فيني قلت لها
نواف: عندكم بلكونه هني في البيت !!!!؟ عندكم ردي علي
نسيت وجود البلكون اللي في الصاله
البنت : هىىه اممم ايوه ايوه
نواف: وين فيه بسرعاااااااااااااااه ؟!!
البنت : بغرفتي ..؟!
نواف : وين غرفتج ..؟!
البنت : مني ..؟!
سرنا صوب غرفتها .. وفجئه مسكتها وغيرت الوجهه
سرنا للسطح لاني لو بشرد مع بلكونتها بنزل على الحديقه وفي الحديقه بيمسكوني وفكرت الظهره من الباب الخلفي المطله على البحر راحت عن بالي عشان جذي غيرت الويهه وانا اربع وهي تمشيء ببطء سحبتها بقوه لين اسرعت معي وصعدت فوق وسكرت باب السطح خذت نفسي وسرت وصعدت اجوف المكان اللي بنحاش معه وانا خلاص بسير لفيت وجفتها بعدها تصيح قلت
نواف : ســـــــــا محيني .. ما كنت اقصد اني ااذيج
وبعدها اختفيت طمرت على البيت اللي يمهم وهكذا من بيت لين بيت لين طلعت على الشارع بعد ما فصخت اللثمه اللي انا لا بسهنا واخذت
سيارة اجره وقلت له
السايق: وين في ؟
نواف: العين
سرت للشقه اللي ساكن فيها خالد
^
^
^
^
^
تصدقون هالمهمه خذت منا بس
نص ساعه .. وغير الطريق للعين ساعه
بعد ما وصلت يلست اطق باب الشقه بقوه
انفتح لي الباب ومسكت اللي جدامي وخنفته وضربته وانا اصارخ وكان خالد ..
نواف : يالنذل ليش تهدني وتنحاش ليش؟! حرام عليك حرام عليك يالنذل
وهو يقاومني بس انا ما هديته ويلست اضربه
خالد : نوااااف هدني .. خلني افهمك الموضوع ..هدني
نواف : وش تفهمني هاااااوش بتقول ؟!
عبدالله : نواااااااااف هد الريال هده صل على النبي وهده
وانا التفت وامسكه واضربه
نواف : انت ولا كلمه مالك خص تفهم
خالد : كح ..كح كحح .. نواف كح كح اسمعني ياريال
نواف : وش تبغيني اسمع مالكم عذر انكم تهدوني وتشردون وتخلوني بروحي بالفله تدري الشرطه يت آآآه ياراسي يت يالنذل وانا في الفله يت وأنا في الفله لو يت وامــسكتني ؟؟!! هاااااااااااااه قولي
خالد : مب ماسكينك لو يت تفهم
نواف : وانت ليش واثق هالقد ؟؟! هاه
واحاول اني اضربه مره ثانيه
عبدالله : يبا قلنا لك مب ماسكينك خلاص
نواف : انت جب ولا كلمه تفهم
عبدالله وهو ويلف صوب خالد
عبدالله : وانا اقول والله وطلع مب سهل هالنواف وطلعت ريال
هجمت عليه بضربه بس مسكت فنيلته وهدني خالد
نواف : ليه شو شايفني ياهل جدامك يـاهل
مسكني خالد
خالد : هدي ياريال بفهمك الموضوع ايلس انت الحين
بصراخ
نواف : مب يالس عطني نصيبي ؟
خالد: هدي خلني افهمك شو السالفه
نواف: شو بتفهمني هااا اكيد هديتوني تبغون الشرطه تمسكني وتفتكون مني بس ها كاني جدامكم كـــاني جدامكم مافيني شيء يالانذال يالحمير
وهو يصرخ خالد
خالد : جب عاد اصلاً الشرطه ما كانت مويوده
نواف : نـــ.... عــ ....م !!!!!!
( مصدووووووم )
عبدالله : الشرطه بح ماكو شرطه
نواف : عــ...يـــل الــ....
خالد: الصوت اللي سمعته احنا اللي مظهرينه
نواف : شنوووووووووو؟!! انتو االـ ...صـ....و....ت!
( مو مصدق )
خالد : هدي ولا تعصب ياريال بس احنا سوينا جذيه عشان نجوف بتقدر تنحاش وتسويها وطلعت ذيب وسويتها اشهد انك ريال وسيدهم بعد ( وهو يبتسم ويضرب على كتفي )
نواف : انت من صجك تتكلم والا تتغشمر وياي هديتوني هناك عشان تجوفون اقدر اشرد والا بتم لين تمسكني الشرطه
عبدالله : يا معود قلنا لك مافي شرطه
وانا اصااااااااااارخ واحس صوتي خلاص مافي صوت وانا امسك راسي
نواف : انت جب محد كلمك وهجمت على عبدالله ويسلت اضربه .. اكيد هذي افكارك الخايسه يالنذل
خالد: هد الريال هده
نواف: والله انكم انذال وملاعين تدرون ولا فيكم ذرة رحمه يعنبو بليسكم لو مسكوني هاه قولو لي لو امسكوني اقول عطوني نصيبي بسرعه
خالد : قلنا لك مافيه شرطه بس هذي صوت احنا مسوينه وهذا نصيبك
نواف : آه ياراسي حشى انتوا مو اوادم انتو مو بشر شلون تسون جذيه فيني وانا ربيعكم هذا اذا انا ربيعكم صج
ظهرت من الشقه بعد ماخذت نصيبي وخالد ينادي علي
خالد : نواااااااااااف رد يا نواف خلني افهمك
نوااااااااااااااااااااااااااااااااااااااااوف

تركتهم واخذت سيارة اجره وسرت عند البحر وانا ابجي واول مره ابجي ياليتني ماسرت معهم هالانذال الحين ما تنفع كلمة ياليت آه يا راسي وش سويت انا اليوم .. آآآآآآآآآآه أذيت بنت مالها ذنب
يلست اتذكر ويها وهي تبجي وهي تمشي وانا اصرخ عليها واسحبها عشان تمشي اف ليتني ما صرخت عليها ولا شديتها آآآآه يارب سامحني مسكت الكيس اللي حذالي ويلست اجوف الفلوس وحصلنا على الفلوس الحين شو اسوي بهم
لازم اردها لأصحابها.. ايوه لازم اردها لصاحبها
بس اخواني يحتايون اغراض وامي..جسوم المريض شلون بنشتري الادويه حقته لين متى بنستمر نشتريهم من الصدقات من اهل الخير
مسكت راسي وانا اقول يارب ساعدني يارب
اذا ابغي ربي يساعدني لازم ارد الفلوس لأصاحبها خلاص انا لازم اردها له ومن باجر بردها

^
^
^
^
^
^
^

في بيت محمد بن ظاحي
أبو ظبي
الترتيب
أبو ناصر: رب البيت تيوز من انجي الفرنسيه عن حب وهي ام ناصر
أم ناصر: فرنسيه بس الحين تعتبر الاماراتيه ام ناصر بعد ما تيوزت محمد بن ظاحي واتقنت اللغه الخليجيه الاماراتيه وغيرت اسمها من انجي الى موزه الحين لها في الامارات وبالتحديد في ابو ظبي أكثر من 35سنه

33ناصر: الأبن الكبير مدير شركة ابوه اهوا وولد عمه متخصص في إدارة الاعمال متيوز وحالياً اهوا مسافر باريس لأفتتاح الفرع اليديد هناك
26دلال: حرمت ناصر حبوبه وطيبه معلمة انجليز بالثانويه .. كل املها وحلمها انها تيب ولد او بنت صار لها اكثر من 6سنوات واهيا تعالج والنتايج تطلع كلها سليمه
24زايد : تخرج من جامعة زايد وحالياً ياخذ دوره في هندسة تقنية الشبكات منعزل عن الجميع بعد ما مر بتجربة حب وما نجح فيها
17دانه : جمال رقه نعومه تجمع بين الجمال الخليجي والغربي
الخليجي بشعرها الاسود الطويل والنعومه والغربي ببشرتها البيضاء الناعمه المورده النقيه والعينان الممتزجتان باللون الاخضر والازرق انسانه واثقه من نفسها اللي يجوفها يقول عنها مغروره صعبة المراس والتفكير ومو أي شيء يعيبها ودلوعة امها وابوها طالبة ثاني ثانويه
دانه: الو .. الوووووووو .. أمممم آه آآآآآآآه ردي ماما
يمه يمااااااااااااااااااااه
مارينا: شنو فيه دانا
دانه وهي تركض وتلم المربيه وتصيح
دانه: مارينا ابي La mere اتصلي بـLa mere آآآآآه الله يعافيج
مارينا وهي تمسح على شعر دانه وتحاول انها تهدي منها
مارينا: خلاص حبيبي انا الحين سوي الو لماما خلاص
دانه : ابي أمي اتصلت عليها الحين ما ترد علي يا مرينا البيت فيه حراميه انا خايفه خايفه يقتلوني آآآآه همممم
مارينا: شنو هزا دانا؟ شنو دم هزا ؟
دانه: آآه اضربوني الجلاب أنا اراويهم والله لأخلي Le pere يدفعهم الثمن غالي أنا آه آآآ ه أنا دانه بنت محمد بن ضاحي يستوي بي جذي أنا اراويهم الحمير
مارينا: حسبي الله اوليهم هزا في ربي يسوي عاقب
دانه: اتصلي بلـ La mere وكلميها بسرعاااا
خذت المربيه التلفون عشان تتصل لأم دانه
مارينا: الو ماما انتي يجي .. متى يجي .. لا لا ماكو شيء بس دانه شوي تعبان يبي ودي مستسفى .. ايو تعبان بس مو وايد اوكي اوكي
مع السلامه
دانه: ليش ما قلتي لماما فيه حرامي في البيت ليش جذبتي عليها هااا
مارينا: انا مافي جذب انتي في دم يصب منج و ازا في يقول حراميه في زوج انا وبابا وماما انتي ومدام دلالا يقول سورأ سورأ وسوي اكسدنت بعدين يئور او سوي موت
دانه: بسم الله عليهم .. سكتي بس
.......
مارينا: بسير ايب ثلج حطي على خشمج واسوي لج اسير ليمون اوكي دانا
دانه: لا لا ما ابي سكري الغرفه وقعدي معاي لين ما تيي La mere
ظهرت دانه في البلكونه تنتظر امها وابوها يردون حست بدوخه وطاحت على الارض
مارينا: داناااااااااااا
نزلت البشكاره
مارينا: مدام مدام لحقي دانا في طيح
أم ناصر: بسم الله على بنتي شو ياها ؟
أبو ناصر: شوووووووو
دلالا: طلبي الاسعاف بسرعه
مارينا: اوكي مدام


بعد وصول الاسعاف
أبو ناصر: شنو صار مارينا ؟
مارينا: بابا هزا في يجي حرامي في يسرق الفله ويزرب دانا
أبو ناصر: انا لله وانا اليه راجعون حسبي الله عليهم
دلال: هدي ياخالي مب صاير الا كل خير
طلع الدكتور
أبو ناصر: شو طمني عن حالة البنيه ؟
الدكتور: لا الحمدالله طمن قلبك البنت الحين تمام بس ضربه خفيفه من جهة الانف وسبب لها نزف الدم وشقوق بسيطه عند الشفايف بس يت سليمه ولله الحمد بدون تشوهات
أبو ناصر: طيب ليه البنت اغمى عليها
الدكتور: لأنها افقدت كميه من الدم لذالك اغمى عليها.. بس الحين لازم ترتاح وانا كتبت لها بعض الفتامينات لازم تاكلها بأنتظام وبعد اسبوع تراجعني اوكي
أبو ناصر: انشاء الله
الدكتور: لو سمحت يالغالي أحب أعرف من ضرب البنيه ؟
أبو ناصر: شو اقول لك يا دكتور ..!؟ فيه حراميه دشو البيت واسرقوه واضربوها حسبي الله عليهم
الدكتور: احمد الله انها يت سليمه على بنتك بس انت لازم تخبر الشرطه لأن هالشيء ما ينسكت عنه .. والحين اترخص
أبو ناصر: يعطيك العافيه .. اوما خذيه للباب
بعد مابلغ أبو ناصر الشرطه وخذو الاشياء اللي تدلهم على السارق وللاسف مالقوا اثر للبصمات
سار ابو ناصر يبغي يتطمن على بنته حشاشة يوفه
دخل غرفة دانه جاف ام ناصر تمسح على راسها وتصيح
أبو ناصر: شو حالتها الحين ؟ اوتعت ؟
أم ناصر: الحمدالله احسن .. بس اشربت ماي وردت ترقد
أبو ناصر: طلعي خليها ترتاح شوي
أم ناصر: لا مابروح من هني لين اتطمن عليها
أبو ناصر : براحتج بس من رايي تخلينها ترتاح .. انا بظهر طمنيني عليها
ظهر أبو ناصر ويلس في الصاله
بعد نصف ساعة تقريبا تظهر ام ناصر من غرفة دانه
أبو ناصر: شو صحتها الحين ؟
أم ناصر: راقده بعدها ما اوتعت .. حسبي الله عليهم حسبي الله عليهم والله اني خايفه عليها يا ابو ناصر
وتصيح.. وتدخل عليهم دلال وتيلس حذال خالتها
أبوناصر: هدي نفسج يا حرمه مايا البنيه شيء جايد
دلال: هدي نفسج يا خالتي .. شربي ماي وتعوذي من بليس
تمسك الكوب بيدها .. وترد تحطه
أم ناصر: لو استوابها شيء أكبر من جذي شو بيصير فيا يا ابو ناصر شو بيصير آه آه
أبو ناصر: احمدي ربج كل اللي ياها ضربه في الخشم احمدي ربج انهم ما اقتلوها والا شوهو ويها عيال الحرام الله لا يبارج فيهم
وهي تمسح ادموعها
دلال: خذي شربي ماي يا خالتي .. الله بييازيهم على اللي سووه
أم ناصر: حسبي الله عليهم
أبوناصر: خليها على ربج اهو اللي بيحاسبهم باللي صار حق بنتنا
أم ناصر: ما بسكت عن اللي صار حق بنتيا ولازم يتيازون ويتعاقبون على فعايلهم الخايسه
أبو ناصر: الله ييازيهم واللي انسرق بلغت الشرطه عنه
دلال: شوووووووو شو انسرق
أم ناصر: شووو شو انسرق من الفله ؟!!!
أبوناصر: انسرق مني نص مليون وعقدج الألماس
أم ناصر: حسبي الله عليهم الله لا يوفجهم
دلال: آمين حسبي الله عليهم
أبو ناصر: امين ..
موزه تشوف ريلها اللي منهد حيله وباين عليه التعب قالت له بأهتمام
أم ناصر: محمد قوم ارتاح لك شوي
أبو ناصر: ما بييني رقاد عقب اللي استوى اليوم
دلال: صدقها خالتي شكلك تعبان روح ارتاح
أم ناصر: لا تحاتي باجر بينحل كل شيء قوم ارتاح لك شوي عشان خاطريا واذا اذن الفير بوعيك تصلي
أبو ناصر: ما باقي شيء على آذان الفير
أم ناصر: قوم تمدد لك شوي لين يأذن الفير
أبو ناصر: عشان خاطرج بس انا بروح ارتاح شوي .. موزه ..دلال
وهي تبتسم له ابتسامه تدل على الارتياح
دلال+أم ناصر: لبيه
أبو ناصر: لبيتو حاجين انشاء الله لا تخبرو ناصر اذا اتصل ما نباه يحاتي وهو مسافر
دلال: تطمن
ام ناصر: لا ما بخبره تطمن
أبو ناصر: تصبحون على خير
دلال+أم ناصر: وانت من أهله
^
^
^
^
^
^
^
في بيت أبو نواف
العين
صوت صرير الباب وهو ينفتح
دائماً هالصوت يزعج نوف بس الحين تعودت عليه خلاص بس إلى اليوم تشتكي منه
نوف: اوووووووف متى بفتك من هالصوت اللي دوم يزعجني
نايف: لا متي يا انسه نووووووف
نوف: لا بسم الله علي حرام عليك بعدني بعز عز شبابي ما تهنيت
حتى جوف ويهي
وتسوي حركه بويهها حركة بؤس وضعف وتحرك رموشها بسرعه
نايف: هههههههههاي تخرعين اعوذب الله تقولين فاره كلو اكلها
نوف: مالت عليك ههههههههههههاي من زين ويهك الا اقول وين جسوم ؟
نايف: احيده نايم

دام الهدوء لمدة خمس دقايق


وهي منسدحه على الارض وتلعب بشعرها الناعم
نوف: تدري وش نفسي فيه يا نايف ؟
نايف: ادري كمبيوتر
نوف: لا لا انا نفسي بالكمبيوتر بس مب حاصلن لي ..
نايف: شو نفسج فيه ؟ غير الكمبيوتر؟
نوف: الحين نفسي البس واتكشخ مثل باجي البنات اريد اشتري لي 5 مرايل كل يوم البس واحد وان تخيسوا اغسلهم وارد البسهم ماني طماعه واريد درزن نعل عشان اذا انقطعت وحده البس الثانيه وادوات تجميل شعر واكسسوارات فساتين اللي يتحجون عنها البنات يعني كـــل شيء يخص البنات آآآآآآه ياليت
نايف: يا حليلج تدرين انا شو ابغي
نوف: شو
نايف: انا أبغي سياره يديده خلاص ما ابغي بلايستيشن واريد اخلص دراستي هني وادرس طب في الخارج عشان اعالج اخوي جاسم
نوف: الله يشفيه اخوي جاسم
نايف: آمين .. والله اني احاتيه كل يوم وادعيله في كل صلاة
وابغي اساعد امايا ومب مخلنها كل يوم تحاتي من وين بناكل او من وين بنشرب لأن الرازق بالسماء وين بنروح يعني
نوف: صدقك يا نايف ساعات اجوفك توك صغير وسعات اجوفك ريال تقدر تتحمل قساوة الحياة أكثر من نواف
نايف : : وهو يضرب صدره بخفه وينحني اخجلتي تواضعي انسه نوف
نوف: يبدو عليك ذلك يا فتىهههههههههههههههههاي
نايف:ههههههههههاي
انزاح الفرح من ويها
نوف: اف بس شلون بداوم السبت وانا ماعندي نعال ولاشريت الاغراض اللي طالبتنها مني المدرسه
نايف: شلون داومتي الايام اللي طافت ؟
نوف: والله اني اسحب ريلي سحب لان نعالي مقطوعه تفشل يا نايف بس وش اسوي وانت تعرف ما احب اغيب عن المدرسه
نايف: طيب قولي حق نواف يشتريهم لج دوم أمي تعطيه فلوس الخياطه
نوف: لا لا ما اريد خاف يهزبني انت تعرف نواف
نايف: صدق ما نقدر نتكلم او نتفاهم معاه وما يعطينا ويه ودوم مبتعد عنا ولا يشاكينا أو يسأل شو ناقصنا وهذا مو معناته انج ما تطلبين منه
نوف: بس انا ما قد طلبت منه شيء
نايف: وعشانج اول مره بتطلبين منه مب قايلنلج شيء
نوف: اوكي بقوله وان هزبني ياويلك
نايف: مب مهزبج لأن امي دوم تعطيه فلوس واهوا يصرفهم على نفسه و احنا اخر اهتماماته
نوف: الله يهديه .. والله اني خايفه
نايف: لا تخافين

ويغمز لها نايف غمزة ثقه

صوت صرير الباب مرة آخرى
نواف: السلام عليكم
وبفرح كبييييير وبصوت جريء ولأول مره
مع تحريك اليد اليمنى وابتسامه من اول الثم الى اخره
نوف: وعليكم السلام مرحبااااااااااااااااااااااا ملاييييييييييييييييين ولا يسدهم...
بلا مبالاه
نواف: وين امي ؟
نوف تحط ايدها على ثمها مصدومه
نايف يشوف نوف يقول شو ياها هاي انينت وحب يغير من الجو شوي لأن نواف مارد على نوف
نايف: هههههههاي لبسها ولارد عليها ههههههههاي
نواف: وهو محرج ..ناااااااايف
بخيبة أمل
نوف: أمي راقده من وقت
سار نواف لحجرته وظلوا اخوانه تحت
نايف: شنو فيه هذا ؟ حتى تصبحون على خير ماكو
نوف بوزت ونزلت البراطم من القهر
نوف: مدري شبلاه .. لااااا وتريدني اقول له مب قايله
نايف: يعني شو تداومين حافيه عشان إلا غصب يغنون لج
قاتلتي ترقص حافية القدمين.. وهوا يهز اكتوفه ويضرب بأصبعين يلا سيري له
وهو يحذفها بالقلم اللي معه وهي تربع
نوف: هههههههههاي طيب
^
^
^
^
^
من ورى الباب
يارب مايهزبني يارب الله يستر
نواف: مين
نوف: أنا نوف
نواف: دشي
بأبتسامه مرتبكه
نوف: السلام عليكم
أحاول اني ارد عليها بصوت طبيعي عادي
نواف: وعليكم السـ ...لام
عطيتها ظهري
نوف: تعشيت والا اسويلك عشى ؟
نواف: لا ما ني يوعان برقد لأني تعبان
نوف: براحتك ..طيب نواف فيك شيء ؟
نواف وهو يتنهد تنهيدت تعب
نواف: لا مافيني شيء شيء بخاطرج ؟
نوف: ايوه.... لا بس ..بقولك.. لالا باجر تصبح على خير
نواف: نووووف قولي وش عندج ؟
نوف: بس نعالي انقط..ت انقطعت وامممم
نواف: وش بعد
نوف: والمدرسة طالبتن منا اغراض وابا اشتريهن .. انا اعرف ان ما معك فلوس بس...
قطع عليها نواف كلامها
نواف: باجر بوديج تشترين كل اللي تريدينه
نوف: أنا اسير اتشرى معاك
نواف: ايوه انتي بخاطرج شيء ثاني
بفرح يغمرها
نوف: لا سلامت راسك .. تصبح على خير
نواف: وانتي من اهله
^
^
^
نوف: ياااااااااااااااااااااااااي اووووووووووووووووو وناسه
عاشووووو امباركين عرس الاثنين ليلة ربيع عيني قمراااا
عاااااااااااااشو
وقام نايف يرزف
نايف: ومباركين عرس الاثنين ليله ربيع عيني قمرا ايوا ايوا ياهوووووووه ايواااااااااااااااا وش عندج ؟ وش السالفه
نوف: هههههههههاي ليش ترقص عيل انت
نايف: اشاركج الفرحه
نوف: قال نواف بيوديني باجر اتشرى اللي ابغيه تصبح على خير لازم ارقد الحين .. وهي تحك راسها بصبعها وتتراجع
والله ما ييني رقاد وانا بكرى بسير اتشرى بنفسي الاغرض
وهي ترقص
سهرتنا الليله خلوها صبـــاحي ياهوووووووووووووووه
نايف: حمدالله والشكر انينت اختي
نوف: أقول لك نواف بيوديني باجر اتشرى اغرض بنفسي أول مره بجوف شيء اسمه سوق وشيء اسمه مكتبه.. انا انا ايوه انا يعني انا بسير وياه تقول مينونه صج يمكن انينيت والا اقول لك يب لي كوب ماي ورشها على ويهي جوف انا واعيه والا راقده
نايف كان بيده كوب ماي ياهز رشه عليها لين تخيست ماي
نايف: هــا اوتعيتي والا بعدج
نوف: حسبي الله على بليسك
نايف: ههههاي مو انتي تقولين كب على ماي ابي اجوف انا راقده والا واعيه
نوف: زول عن ويهي
نايف: ههههههههههههههههاي ذلفي ورقدي يلااااا
نوف: ما بيني رقاااااااااااااد ههههههههههههاي


وش بيصير لنوف هل بتكمل فرحتها أو لا ...؟!

واذا عرفت امه عن هالفلوس وش بيقول لها ..؟

نهاية الجزء الاول

الجزء الثاني

في بين أبو ناصر
أبو ظبي

الجمعة الساعة 11
أم ناصر : اوما صعدي الفطور لدانه
اوما: اوكي ماما
^
^
^
دانه: ادخل


مارينا: bonjour دانا
دانه: bonjour La mere ou?
صباح الخير وين أمي ؟
مارينا: La mere تحت يفطر مع بابا هدا فطور انتي دانا
دانه: ما اشتهي أكل بروحي سيري نزليه تحت بفطر معهم
مارينا: مدام يقول دانا يأكل جوا غرفه
دانه: اقولج سيري نزليه وانتي ساكته تفهمين
مارينا: اوكي دانا
^
^
^
^
دانه: La mere bonjour
وتبوس امها على خدها
أم ناصر: bonjour حبيبتي
دانه: Le pere bonjour
وتبوس خد ابوها
دانه: bonjour دلال
دلال: bonjour
أبو ناصر: صباح الخير بعد عمري ليش تعبتي نفسج ونزلتي
أم ناصر: ليش تعبتي نفسج حبيبتي
دانه: ما رمت افطر بروحي قلت خلني أفطر وياكم
أبو ناصر: كان قلتي لأوما أو مارينا تخبرنا وصعدنا نفطر معج ولا تعبين نفسج وتنزلين
دانه: لوبير لا مير لا تتركوني بروحي سيل فوبليه( ارجوكما)
وبدت تصيح .. وتلوي امها عليها وتمسح على راسها
أم ناصر: حبيبتي بنيتي ما بتركج بروحج من اليوم لا تعبين نفسج
يمسح الدمع من خد دانه الرقيقه الناعمه
أبو ناصر: دانوووووه كل هذا تدلعين على ابوج
تبتسم بدلع وتلوي على ابوها
أبو ناصر: شو صحتج الحين ؟
دانه: وايد احسن يوم اشوفكم حذالي
أم ناصر: الله لا يحرمج منا ولا يحرمنا منج
دانه+أبو ناصر: آمين
أبو ناصر: بعد ما تفطرين خبريني شو صارلج البارح
دانه: اوكي لوبير
أم ناصر: سمي حبيبتي
وبدت دانه تفطر بهدوء
حست بالأمان بعد ما شافت امها وابوها من حواليها
خبرت ابوها عن اللي صار
اوما: بابا في شرطي يبقى انتا
أبو ناصر: طيب انا ياي يبي الفواله في الميلس
الملازم سعد : السلام عليكم
أبو ناصر: وعليكم السلام والرحمه حياك اقرب
سعد: شحالك ؟
أبو ناصر: بخير الله يسلمك تسرك الحال انت شحالك؟
سعد: بخير وعافيه
أبو ناصر: تفضل ايلس خبرني شو استوى عالتحقيق والحراميه
سعد: بعدنا فيها ومالقينا اي أثر للبصمات أو اي شيء يدلينا عليهم بس نبغي بنتك اذا ما عليك أمر نبا نسألها جم سؤال وانت معها
أبو ناصر: انشاء الله الحين بزقرها
^
^
أبو ناصر: دانه .. دانه حبيبتي تعالي وياي الشرطي بيسألج كم سؤال
دانه : بخوف مب رايحه
أبو ناصر: لا تخافين حبيبتي ابوج معج
دانه: شنو اقول له ؟
أبو ناصر: اهوا بيسألج وانتي ياوبي عليه واذا ما تريدين تردين على سؤاله لا تردين عليه
دانه: اوكي
أبو ناصر+ دانه : السلام عليكم
دانه ماسكه كندورة ابوها من عند الكتف(( ثوب ابوها))
سعد: وعليكم السلام
أبو ناصر: هاي بنتي وانا.. تفضل شو تبغي تسألنا
الملازم سعد: أبو ناصر خبرني من كان متوايد بالفله أمس ؟
أبو ناصر: البشاكير والمربيه وبنتي
الملازم سعد: اللي قريته هني عندك ولدين وبنت ؟ وين الولدين ؟ وكم اعمارهم ؟ وين كانوا البارح فيه؟
أبو ناصر: ولدي ناصر وعمره 33 سنه واهوا الحين باريس من اسبوعين تقريباً والثاني زايد وعمره 24 واهو البارح ظاهر
الملازم سعد: عندك خبر وين كان فيه ؟
أبو ناصر: على البحر اهوا دوم يسير البحر
الملازم سعد: أنت لك أعداء من اشخاص ؟ أو….
أبو ناصر: لا لا لا مالي أعداء ولله الحمد
الملازم سعد: أنت شاك بأحد الموظفين عندك أو زملائك أو….
أبو ناصر: لا اللي معي كلهم محل ثقه تامه
الملازم سعد: طيب الساعه جم بالتحديد ظهرتوا من الفله ؟
أبو ناصر: تقريباً الساعه 9ونص
الملازم سعد: يوم ظهرت من الفله شفت أحد برع ؟ سياره غريبه ما قد شفتها ؟ أو اي شيء مر عليك غريب واول مره تشوفه ؟
أبو ناصر: الصراحه لا ما شفت اي شيء غريب
الملازم سعد: يا انسه ….
ابو ناصر: دانه
الملازم سعد: عاشت الاسامي
تناظره بغرور ولا اعطته ويه رد ابوها عنها
أبو ناصر: عاشت ايامك
الملازم سعد:انسه دانه يوم ظهر ابوج الساعه 9،30 كنتي واعيه والا راقده ؟
دانه: واعيه
الملازم سعد: شو كنتي تساوين ؟
ايلست تناظره بكره ولفت واهمسة في اذن ابوها
دانه: كنت اتسبح
ابتسم ابو دانه وقال
أبو ناصر: كانت تتسبح
الملازم سعد: اوكي حسيتي بويود احد بالفله بعد ظهورامج وابوج ؟
دانه: لا
الملازم سعد: طيب خبريني كيف عرفتي انهم بالفله ؟
دانه: …………………..
أبو ناصر: يبه خبريه .. يو ظهرتي من الغرفه وشفتيهم
دانه تكلمت بعد ما اصر ابوها عليها
دانه: كنت طالعه من غرفتي ابي ايلس في الصاله لأني مليت من القعده بروحي بالغرفه وانا طالعه اشوف ريال جدامي وبديت اصرخ يا وقالي سكـ…
الملازم سعد: ايوه كملي شو قال لج
دانه: قالي سكتي
الملازم سعد: اضربج ؟
دانه: لا .. يا واحد ثاني من صوب مكتب لوبير وضربني وظهر من مخبـ…ا..ت..ه
آآآآآآآآآآه وبدت تصيح
أبو ناصر: خلاص حبيبتي خلاص .. مب محتايه لهالاسئله خلاص حبيبتي ..
بعد 5 دقايق
أبوناصر: اذا حاسه انج تبغين تكملين كلامج كمليه واذا ماتريدين براحتج
وبدت تمش ادموعها وتحاول انها ترد صوتها طبيعي
دانه: وظهر من مخباته سلاح وحطه على ويهي وانا بديت اصرخ واهوا يقول.. يقـ…ول يقول لي سكتي لاقتلج وانا اكتم واحاول اني ما اصيح
الملازم سعد: جم عددهم ؟
دانه: ثلاثه
الملازم سعد: اذكرو جدامج اسماء احد منهم ؟
دانه: …………… ايوه
الملازم سعد: شو اسمائهم ؟
دانه: خـ…..الـ…..د
تهز راسها ماتبي تتذكر
أبو ناصر: خالد
دانه: والثاني احيده عبـ…د الـ..لـ…ه بس
أبو ناصر: عبدالله وبس
الملازم سعد: انتي تقولين هم ثلاثة عيل شو اسم الثالث؟
دانه: ما اعرف اسمه
الملازم سعد: تذكري يمكن تعرفين الاسم ؟
دانه: اقولك ما اعرفه .. مـــا اعرفه
الملازم سعد: اوكي من اللي فيهم اضربج ؟
دانه : وهي تصيح خالـ……د خالد
أبو ناصر: اتوقع هذا يكفي .. اسمحلي لازم البنيه ترتاح
الملازم سعد: اشكرك يا أبو ناصر انك عطيتني من وقتك شوي .. اسف والسموحه اذا ضايقناك
أبو ناصر: مسموح يالغالي بس البنيه الى الحين واهيا في حالة صدمه عقب اللي صار لها .. الله ييازي من كان السبب
الملازم سعد: الله ييازيهم .. واحنا انشاء الله مب ساكتين ولا راح يهدا لنا بال لين نلقى القبض على المجرمين
ابو ناصر: الله يقويكم
الملازم سعد: والحين اسمحلي ..مع السلامه
ابو ناصر: مع السلامه
^
^
^
أم ناصر: خلاص حبيبتي لا تعبين روحج
دانه: مب قادره لا مير آآآآآه اممممممم
أبو ناصر: دانه يا دانه الامارات انتي لاتعورين قلب ابوج عليج
دانه: سلامتك
أبو ناصر: خلاص بسج صياح كلتي فؤادي
ابتسمت
دانه: سلامت فؤادك jo voudrais m amuser
جو فورديه ماموزيه
( بطلع ارتاح شوي )
أبو ناصر: أي حبيبتي روحي ارتاحي لج شوي
^
^
^

بيت أبو نواف
العين
نواف : اف شو هالحاله يعني انا من انولدت وانا شقي ماعمري تهنيت وذقت الهنا مره شو اسوي الحين يارب وانا البارح اقول خلاص برد الفلوس لراعيها .. بس نوف ماعندها نعل ومحتايه اغراض
وافتح الجيس اللي حذفته فوق الدولاب عشان محد يشوفه
يلست اشوف الفلوس و اعدهم مره ثانيه
اف من البارح وانا اعد يعني انا مب مصدق معي 115000،16الف درهم
^
^
^

نوف ما ياها رقاد تحس ان الارض مب شايلتنها من الفرحه اللي اهيا فيها
واهيا تدخل المطبخ على امها
نوف: صباح الخير والاحساس والطيبه
الام تبتسم
أم نواف: هلا وغلا صباح النور شو عندج اليوم ما رقدتي ؟
نوف: هلابج يا بعد عمري ما بييني رقاد وانا اجوف ويهج الملاك
وتبوس امها على خدها
أم نواف: ههههههههههه فديت عمرج
نوف: فديتج والله اني احبج حب ما حبه بشر
أم نواف: يه يه كل هذا حقي
نوف: اذا ماصار حق ساره حرم خليفه بن مبارك يعني بيكون لمنو
أم نواف: يعلني فدا هالويه محلا كلامج
نوف: شو تسوين امايا؟
أم نواف: اسوي الغدا
نوف: خلي عنج انا اليوم بسوي عنج الغدا .. انتي ارتاحي بس
أم نواف مب متعجبه من تصرفات بنتها لأن نوف دوم تطبخ وهذي معاملتها لأمها ولأخوانها عدا نواف كل يوم بس اليوم مزودتها حبتين
بسبب الروحه اللي بتسير لها مع نواف
: أنــــــــا ييت
نوف: مرحبا الساااااااااااااااااااااااااااع هلا والله هلا بهالويه
وتبوسه في خده وتلوي عليه
: ظكي عني نوفوووووووه امايااااا شوفي نوفووووه
نوف: جسوم اذا قلت نوف وخرت عنك
جسوم: آه امايا شوفي نوفووووووه
نوف: نوف
يأس مافي مفر منها
جسوم: نوف فكيني الله يخليج
نوف: ايوه خلك جذي مؤدب فديت هالويه .. وتقرصه في خده
وهو محرج ( معصب)صج
جسوم:آآآآآآه جم مره اقولج لا تبوسيني ولا تقرصيني ما تفهمين
نوف: لاني احبك أحبك يا أخي
جسوم: مابي حبج غصب هو
نوف: ايوه غصب
جسوم: لا مب غصب
نوف: غصب
بصراخ عشان مايعطي مجال لنوف
جسوم: لااااااااااااااااااااااااااااااااااامب غصب لااااااااااااااااااااااااااااااااااااااا مب غصب لاااااااااااااااااااااااااااااااااااااااااا مب غصب لاااااااااااااااااااااااا بكييييييييييييييييييييييييييييييييفي انا بكيفيييييي
وهي تضحك نوف: خلاص ولا يهمك مب غصب شو قلت يا جاسم بن خليفه
نواف+نايف: شو هالازعاج ؟
نوف تأشر صوب جسوم وجسوم يأشر صوب نوف
نايف: اكيد انتي يا نوف
نواف: لا انت يا جسوم
بأدب جسوم: مب أنا نوفووووه
تضربه بخفه على راسه: اقولك نوف .. لا مو انا اهوا
جسوم: نوفوووووووووووووه ياحمارا
أم نواف: نوف في ماجي ؟
نوف: لا ماكو
نواف: جب خلاص والله انكم صدعه ( وينسحب عنهم بدون ما يحس احد فيه)
نايف: انا بأدبج يا نوف كم مره قايلن لج لا تلمسين جسوم
واهوا مبرطم جسوم: جاسم لو سمحت
وهو يضحك: طيب ولا يهمك جسوم (يبي يغايظه) وش تبغي بعد
جسوم: اقولك جاسم ما تفهم انت
نايف: يه وانا شو اقول جسوووووووووووم صح
نوف: ايوه صح جسوم
الكل: هههههههههههههههههههههههههاي
خلااااااااااااص فار دمه بيصيح
أم نواف: نايف انت ماتيوز خل اخوك بحاله ظهروا برع المطبخ يلا اشوف .. ظهروا لين يزين الغدا يلا
ميت ضحك نايف: اذا قال اسمي جسوم بظهر
ترجع توقف مع جسوم نوف: اجلب ويهك يلا اسمه جاسم بن خليفه بن مبارك
يبتسم ابتسامة رضا جسوم: والنعم
نايف: النعم بحالك
يغايظ نايف جسوم: ماعليج .. ويمد ايده
تمد ايدها له وتضربه بخفه وهي تبتسم
نوف: وعليك زووووود
وتلوي عليه وتشله وتدور فيه وترفع فيه وهوا يضحك
جسوم نحيف من المرض اللي هد حيله اذا شفته تقول عمره 6 سنوات من صغر جسمه
يسوي نفسه زعلان: اسميك مب كفو
ما سمعه جسوم: شو
تحذره نوف: نايف
نايف: ادري ادري
جسوم يناظرهم ويظهر من المطبخ
نوف: احبه
نايف: وانا احبه .. وهو يرفع راسه فوق الله يشفيه يارب
وبدت تصيح أم نواف: الله يشفيه يارب
واهيا تصيح وتلوي على امها نوف: انشاء الله ربي بيعافيه
نايف: بسكم عاد الغدا احترق
وهي تمش ادموعها نوف: وهذا اللي هامنك بطنك
نايف: أكيد صح امايا
أم نواف: صح ابوي
نايف: يقولج عند البطون تعمى العيون .. يلا بسير ابدل ابي ارد واشوف الغداء على السفره يا نوفووووووووه ههههههههاي
وهو يربع
نوف: اجلب ويهك
وهو يصرخ نايف: على أي قناة ههههههههاي
وهي تبتسم نوف: على الامارات هههاي سخيف
بعد ماحطو الغدا على السفره الكل يلس بيتغدا قام نواف
أم نواف: يمه نواف ماتبغي غدا
نواف: لا ما اشتهي امايا
أم نواف: شو فيك غناتي تشكي من شيء
نواف: لا مافيني شيء
أم نواف: عشان خاطري كل لك لقمه بس
نواف:أف اقولج ما اشتهي يعني ما اشتهي

(( ولا تقل لهما أفً ولا تنهرهما ))

وظهر من البيت ويلس على عتبت الدري وهو محرج
ياربي شو استوابي رفعت صوتي على امي كل هذا عشان اللي سويته افففففففف يارب سامحني يارب
ظهر من وراه نايف
وهو ييلس حذال نواف نايف: شو صايبنك ياخوي
نواف:............
نايف: بشو متضايق محتاي شيء تبغي فلوس خذ هاي اللي معي والله لو معي زياده ما ببخل بهم عليك
نواف التفت اشوف ويه اخويا اللي اصغر عني يتصرف هالتصرف وانا العود عمري ما سويتها حقهم خجلت من نفسي احس نفسي صغير كان ودي ابجي واصيح والوي عليه بس مب قادر
نواف: لا مب محتاي فلوس
نايف: عيل شو فيك ؟
نواف: متضايج شوي
نايف: لا تضيج بصدرك الدنيا ما تستاهل نضيج عليها
يمسح على راسه نواف: انا متضايج عشاني طولت صوتي على امايا
نايف: صح انك غلطت يوم طولت صوتك عليها بس قلب الام رحوم يا نواف بترضى بسرعه صدقني
نواف: تهقى جذيه
نايف: ايوه .. انت الحين ادخل والوي عليها وحب راسها مب راضيه تحط لقمه بثمها لين تشوفك معانا على السفره
نواف: خلاص انت ادخل وانا بدخل بعدك
نايف: لا مابدخل ريلي على ريلك
ابتسم نواف: اوكي
ادخلوا و حب نواف راس امه ولوى عليها واستسمح منها

(( وقل لهما قولاً كريما ))

بعد الغدا
جسوم: أمي ما كو ماي بيذر
أم نواف: لا غناتي ما كو
ماي ماكو وماجي ماكو اليوم بوديهم يتشرون الاغراض اللي ناقصه للبيت
نواف: زهبو حالكم اليوم بعد صلاة العصر بنتحوط
فجر قنبله
عليهم ولا واحد فيهم مستوعب كلمه من اللي قاله نواف قد شفتو ناس ما يعرفون الاسواق ولا المجمعات ولا السوبرماركات هذي اهي عايلة خليفه بن مبارك حياتهم من المدرسه للبيت ومن البيت للمدرسه .. الكل مصدوم ما انطقو الا بكلمه وحده وبصوت واحد
جسوم+نايف+نوف+أم نواف: شوووووووووووووو
بابتسامه نواف: بسم الله عليكم .. يبه اقول زهبو حالكم اليوم بوديكم نتحوط شوي ونشتري الاغراض اللي ناقصه للبيت
جسوم: ونااااااااسه
نايف: من جدك تتكلم
نوف: والله بخاطري اتحوط واشوف هالعالم
مو عايبها الكلام أم نواف: يمه نواف من وين بتودينا
نواف: معي سيارة اربيعي قلت اتحوط بكم وبالمره نشتري اغراض لنوف
أم نواف: شو اغراضه ؟!
بفرح نوف: ابغي لي نعل ومريول واغراض طالبتهن منا المدرسه
أم نواف: يمه نوف مامعنا فلوس تكفي هالاغراض اللي تحتاينها يمه
نواف: لا تشيلين هم الفلوس من اليوم ورايح يا أم نواف .. انا معي فلوس وكل شيء بخاطرج اشتريه
بخوف أم نواف: من وين لك هالفلوس نواف
نواف: لقيت لي وظيفه
قنبله ثانيه
الكل: شوووووووووووووووو
انهلت عليه الاسئله من كل الجهات
أم نواف: شو من وظيفه؟
نايف: وين فيه ؟
نوف: جم راتبك ؟
جسوم: مبسوط على الاخر
يتدارك الامر نواف: اعمال حره .. مع واحد توني متعرف عليه راتبي اممممممم 3000درهم
بفرح يغمرها أم نواف: الله يرزقك رزق الحلال يا نواف بن خليفه
نوف: كللللللللللللللوش كلللللللللللللللللللللللللللللللوش ومباركين عرس الاثنين ليله ربيع عيني قمراااااا
جسوم: نواف نواااااف اسمعني
نواف: لبيه
جسوم: ودني للملاهي دوم ربعي يحجون لي عنها
نواف: فالك طيب
وهو يحب راس اخوه جسوم: فالك ما يخيب .. الله يخليك لنا
بفرح كبير نواف: آمين
كان مبسوط لانه قدر يرسم البسمه ويرجع الفرح في هذا القلب المكسور وفي هذا الانسان المريض اللي كل يوم عن يوم تسوء حالته
الكل فرحان ومبسوط على الاخر وشاركهم الفرحه نايف بس قلبه مو مطمن للتغير اللي صار لنواف من عشية وضوحاها

الساعه 4 العصر
نواف: يــلا شبلاكم تأخرتوا .. امايا يلاااااا
أم نواف: كاني انا زاهبه بس جسوم يدور نعوله(جزمه) الله يكرم القارين
نوف: هذي اهيا نعولك .. انا زاهبه الله شو هالجمال نواف
يبتسم نواف: شو فيج
نوف: ارحمني يا اخي ماهذا الجمال
نايف: وأنـــــا
الكل لف صوب نايف
نواف: الله من وين لك هالكندوره
أم نواف: ماشاء الله عليك بتخبل البنات انتا
نايف: هههههههههههههاي
نوف: أمي لا استطيع الاحتمال انهما يفسدان اتزاني يالا جمالهم
الكل: هههههههههههههاي
نواف: بس مب احلى عني
نايف: احلى عنك
جسوم: انا احلى عنكم
نوف: انا احلى
أم نواف: اذا يلستو تتناقرون مب طالعين من اهني
نواف: يلا طلعوا جدامي
^
^
^
في السياره جدام نايف ونواف
الخلف أم نواف وجسوم ونوف
جسوم: الله السياره تخبل
نوف: لا مو تخبل تينن
نايف: نواف اخوانك تهبلو جسوم تخبل ونوف انينت
جسوم: جاسم لو سمحت ..متى بتفتهم
نايف: هههههههه انت جسوم جسوم صح نوفووه
جسوم ابتسم اعيبته السالفه
جسوم: ههههه ايوه نوفوه
وهي تلوي عليه نوف: جسوووووووم
جسوم: آآآآآآآه هديني نوفوووووه
انا كنت مبسوط بهالمنظر اللي اشوفه اخواني مبسوطين وامي تضحك مبسوطه .. يارب ديم هالفرحه علينا يارب
و يارب استر على عبادك يارب ( يقصد بها نفسه)
نواف: تشوفون هالمجمع
الكل: ايوه
نواف: اسمه مجمع العين مول والحين بندخله
نوف: وااااااااااااو
جسوم: فيها سياكل وملاهي
نواف: ايوه فيها .. يلا نزلو
أم نواف: بسم الله توكلنا على الله .. ماشاء الله ماشاء الله الحين كل هاي سوق
نواف: ايوه بس الحين يسمونه مجمع مب سوق
بعد ما دخلوا المجمع الكل منبهر من جمال المحلات وملابسها وعطوراتها واكسسواراتها .. نوف مبسوطه فرحتها لا تقدر بثمن شرت لها عباه وشيله وشرت لها 3 نعل وخذت اكسسوار لشعرها..
أم نواف خذت لها دهن عود وجلابيه فخمه وحلوه مره لونها عنابي مخططه بذهبي ونعال
جسوم مبسوووط على الاخر اشترى له سيكل والعاب بات مان وسوبر مان
نايف مبسوط بس حاس بشيء مو طبيعي يصير في حياتهم اصر عليه نواف ياخذ له بلايستيشن لين شراه له ..
ونواف: خذا له ولاخوانه كنداير وغتر وعقل
بعد أكل الايسكريم والفشار انتقلوا الى السوبر ماركت
أم نواف: شو هالدكان مكبراه
نايف: ههههاي امايا مب دكان هذي سوبر ماركت
أم نواف: وانا شو يعرفني بالسو ماكت
نوف: لا امايا اسمه سوبر ماركت
ام نواف: اسمه دكان وبس
نواف: فديت هالويه خلوها بكيفها دكان دكان يلا اخذو الاغراض اللي تحتيونها للبيت
جسوم: اخذ لي ليز
نواف: خذ اللي تباه
مو مصدق جسوم: اللي اباه
نواف: اللي تباه
جسوم: يعني اخذ كيسه ليز ملح وخل وكيسه بفك وكاكو وجبس
نايف: كل هذا بتاكله
جسوم: ايوه باكله
نايف: خذ لك الحين حبه حبه واذا خلص بيبك وخذ مره ثانيه
جسوم: اخاف ما نيي مره ثانيه
لوى عليه نواف: كل ما بغيتنا نيي هني ينا
بفرح جسوم : صج
نواف: ايوه صج
جسوم: احبك .. ويبوس نواف .. والحين شو اخذ
بفرح يغمره نواف: خذ اللي تباه
ربع( ركض ) جسوم ياخذ اللي يباه
نواف: امي خذي هالشطه حلو طعمها
نايف: لا تاخذون حوار يعوركم
نوف: امايا شوفي الماجي هني
نايف: لا تنسون الكتشب والمايونيز عشان البطاطس
نوف: انا ابي سمبوسه ومعكرونه وين القاهم فيه
نواف: مني
أم نواف: يمه نواف وين اللبن فيه
نواف: مني
نايف: بروح اييب كورن فليكس
وانا يالس ادور دجاج مفروم اسمع صوت من وراي مئلوف
: نواف وينك يا معود
نواف: انت شو تبغي مني
: شو شو ابغي احنا ربع يا نواف
نواف: خالد الحين سير بعدين اكلمك
خالد: يعني اغتنيت وشفت نفسك علينا
يكظم غيظه نواف: لا تنسى كلنا مو انا كلنا اغتنينا
خالد: انا يوم اغتني ما اهد ربعي
نواف: انا ما هديتكم بس تصرفكم معاي تصرف نذل
التفت شفت اخوي نايف يراقب اللي يصير بيني وبين خالد احاول اني اتكلم بهدوء تااااااام
نواف: ارجوك بعدين نتفاهم انا هني ويا الاهل مو بروحي بعدين نتفاهم
خالد: انا ما صدقت اشوفك ما بظهر من هني لين توعدني انك تيينا
نواف: اوعدك بس زول عني ياريال
خالد: الليله انتظرك
نواف: لا شو الليله
خالد: لا الليله والا بتم هني
نواف: اوكي اوكي بييك الليله والحين اجلب ويهك
خالد: اشوفك الليله لا تنسى
نواف: يسير خير
حاولت اني اضبط نفسي توني بلتفت وسؤال نايف يطير بويهي
نايف: منو هاي اللي كان معك
اخذ نفس نواف: ربيعي.. وين امايا ..؟ اخلصوا والا بعدهم ؟
نايف: احنا خلصنا من وقت بس ننطرك
نواف: طـ...يـ...ب طيب خلونا نحاسب ونظهر
في السياره بعد ما شرت لها نوف الاغراض اللي طالبتهن منهن المدرسه من المكتبه
جسوم: وين بتودينا الحين
نواف: وين تبا تسير
جسوم: انا يوعااااااااااان
نواف: يعني شو
جسوم: يعني يوعان
أم نواف: يبغي يتعشى يوعان فديت ويهه
نوف: يبغي يتعشى في مطعم صح جسوم
جسوم: صح نوفوه
نوف: جسوم
جسوم: نوفوه
نايف: شكلج انتي اللي تبغين تتعشين بمطعم
نوف:ههههه نفسي والله
نايف:هههههههه صدتج
نواف: أي مطعم تبغي
جسوم: ما اعرف مطاعم انا
^
^
^
يلا نزلوا
في المطعم ماكدونالدز
نواف: وش تبون تطلبون
ام نواف: اللي تشوفه زين يبه
نواف: وانتي يا نوف
تمسك المنيو نوف: همبرجر تشكن مع بطاطس وكولا بشطه
نواف: وانت يا نايف
نايف: أي شيء بس مب حار
نواف: وانت يا جسوم
جسوم: يهز اكتوفه
نواف: بيب لك هبي ميل
بعد ما تعشوا اركبوا السياره ومن السياره الى البيت واهم يتكلمون عن طلعة اليوم
التي لن تنسى ابداً ولن تمحى من ذاكرتهم ومخيلتهم الكل رد البيت وهو مبسوط نواف شاف البسمه والفرح في وجيه اخوانه نوف تحقق شيء من احلامها نايف فرحان بهالشيء وبنفس الوقت خايف منه جسوم فرحه بقلبه لا تعلى عليها والام مرتاح بالها وتحمد ربها وتشكره طول اليوم انه انعم عليهم ورزقهم الرزق الحلال الطيب ..
شعور لا يوصف انك فيوم وليله تتلبى لك كل طلباتك وتتحقق كل أحـــــــــــــــــــــــــلامك

ياترى بيت أبو نواف بيقول للفقر وداعاً أم سيظل الفقر يطاردهم في احلامهم وفي مضاجعهم…؟!

الجزء الثالث


بعد اسبوع
في شقة خالد
نواف: شو تبغي مني
خالد: استريح ياريال علامك واقف جذي كانك صنم
نواف: مب يالس
خالد: وانا مب محاجيك لين تيلس
شفت خالد مصر على اني ايلس يلست عشان افتك من عناده
نواف: وهاي قعده
خالد: نواف لا تزعل مني انت ربيعي
نواف: عن شو تتكلم
خالد: ؟!!! اتكلم عن يوم نسرق ونظهر صوت الشرطه
نواف: انا نسيت كل شيء يتعلق فيكم .. واتمنى انك تنسى واحد اسمه نواف
خالد: هدي ياريال شو تقول انت ..
نواف: هدني مالي قعده هني
خالد: والله ان الفكره مب من عندي عبدالله حطني جدام الامر الواقع وقال لي بنسوي فيك هالحركه كان اهوا يبي يشوف اذا انت بتظهر منها والا لا
وهو يصارخ نواف: يعني انت تبي تخبرني مالك دخل في السالفه اللي استوت فيني
خالد: والله يا نواف مالي دخل فيها كلها كانت خطط عبدالله .. والحين عبدالله مدري عنه من يوم ظهرت ذاك اليوم خذا قسمه مع العقد الالماس وظهر ولا شفته
نواف: شو عقد الماس
خالد: احنا سرقنا نص مليون وعقد الماس .. اتوقع العقد بحاله بيسوى 600الف والعقد خذاه عبدالله والفلوس تقاسمناها
نواف: انا قايلك من الاول انا ما اتطمن لهالريال أبداً
خالد: خلاص اللي فات فات يا نواف واحنا عيال اليوم
نواف: شو سويت بفلوسك
خالد: ماسويت فيهن شيء
نواف: شو كنت ناوي تسوي فيهن
خالد: استثمرهم واشتري بيت واتيوز واكون اسره
نواف: والحين بعدك على رايك والا غيرته
خالد: لا
نواف: لا شو
خالد: بعدني على رايي بتيوز بس بنتقل للسعوديه
نواف: متى العزم انشاء الله
خالد: بعد اسبوعين انا وامي واختي وابوي
نواف: الله يسهل دربك
خالد: وانت شو بتسوي فيهن
نواف: بردهن لصاحبها
خالد: شوووووووووو شو صايبنك ياريال .. انت انينيت يا نواف اكيد انت مب نواف انت واحد ثاني
نواف: عشاني عرفت الطريج الصح صرت مينون .. كل يوم اجوفها في رقادي ياريال .. ماذقت طعم النوم من ذاك اليوم
خالد: يعني شو
نواف: برد الفلوس اللي سرقتهم لصاحبها
يمسك راسه: انت انينيت رسمي
نواف: اصير مينون احسن من اكون سارق .. وانا انصحك يا خالد تردهـ....
يقطع عليه خالد: كيف بتردهم
نواف: بأرسل له طرد فيه الفلوس اللي سرقتهم
خالد: لوين
نواف: للفله
خالد: انت مو صاحي .. لو امسكوك قولي
نواف: محد راح يمسكني وانا اسوي شيء صح مب غلط ..
فهمني شيء واحد يا خالد انت ترقد مرتاح كل يوم بذمتك هالاسبوع كله رقدت وانت مرتاح ؟ انسدحت على شبريتك وانت مرتاح؟
ينكر خالد: ايوه رقدت مرتاح عيل حد عنده كثر الفلوس اللي عندي ولا ينوم مرتاح
نواف: جذاب
خالد:.......
نواف: جوف اعيونك في المرايه اذا ما تشوف .. شوف السواد اللي حوالينهم .. هذا يدل على انك ما رقدت اسبوع
خالد: .........
وهو يتنهد نواف: انا خلاااااااص بردهم بعد باجر
خالد: من وين بتصرف على اهلك
نواف: انا توظفت
خالد: شو ؟؟!!!! شو من وظيفه ؟
نواف: في محطه بترول
خالد: جم راتبها
نواف: مو مهم اهم شيء لقيت لي وظيفه وبالحلال
خالد: وهالراتب بتقدر تصرف فيه على اخوانك
نواف: بدور... بدور لي أي وظيفه ثانيه .. وبعدها بكمل دراستي في الخارج
خالد: شو هالثقه الزايده .. هالقد واثق انك بتلقى وظيفه ثانيه بهالسهوله .. نواف هالايام ما يتوظف الواحد الا بواسطه .. وانت من وين لك واسطه
نواف: ربي ما بيضيعني يا خالد
صعق خالد من رد نواف
نواف: اقولها لك ولأخر مره يا خالد اصحى من اللي انت فيه قبل لا يفوت الفوت .. تذكر من ترك شيئاً لله عوضه الله خيراً منه
وظهرت من عند خالد وضميري مرتاح عقب اللي سويته
الله أكبر الله أكبر
صوت الحق
وهو صوت الأذان اسرعت بالمشيء الحق على صلاة العشاء .. اشتقت اسمع صوت الشيخ اللي ارشدني لطريق الصواب
كان كلامه مثل البلسم على اليرح لولا الله ثم اهوا كان انا بعدني في ظلال.. الحمدالله يارب انك وعيتني من اللي انا فيه
دخلت المسيد بعد ما تيددت ..
بدت الصلاة وصلينا
الشيخ: الحمدالله رب العالمين الرحمن الرحيم مالك يوم الدين إياك نعبد واياك نستعين اهدنا الصراط المستقيم صراط الذي انعمت عليهم غير المغضوب عليهم ولا الظالين ..آمين
المصلين+نواف: آمين
الشيخ: قل اعوذب رب الناس مالك الناس اله الناس من شر الوسواس الخناس الذي يوس وس في صدور الناس من الجنة والناس ..الله أكبر
المصلين+نواف: الله أكبر
الشيخ: سمع الله لمن حمده
المصلين+نواف: ربنا ولك الحمد
وأكملنا صلاتنا وختمناها بالتسليمتين وبعدها خذيت المصحف اقرا لأكمل القراءة من سورة البقره ..
بعد ما خلصت .. اسندت راسي وانا احمد ربي على الحال اللي أنا فيها
الشيخ: السلام عليكم
التفت نواف: وعليكم السلام هلا شحالك ؟
الشيخ: الحمدالله بخير وسهاله انت شحالك
نواف: الحمدالله يسرك الحال
الشيخ: شو امورك الحين ؟
نواف: الحمدالله بفضل الله ثم فضلك ماشيه بأحسن ما يكون .. بعد باجر بسير ارد الفلوس لصاحبها
الشيخ: فيك الخير يا ولدي .. لاتنسى الصلاه واذكار الصباح والمساء حافظ عليها اذا تبغي ربي يحفظك
نواف: انشاء الله لا توصي حريص
الشيخ : الله ييسر امورك انشاء الله ياولدي
بفرح كبير نواف: اللهم امين اجمعين
^
^
^
^
^

(( إنك لا تهدي من أحببت ولكن الله يهدي من يشاء ))

هل ياترى بيردها بسلام..؟
او بتقابله مشاكل ؟
وياترى بيشوف دانه ....؟

اليوم نواف بيسير( بيروح) لأبو ظبي يرجع الفلوس لأصحابها

نواف: امايا أنا بسير تبغون شيء
أم نواف: لا سلامت عمرك ما نبغي شيء
نايف: وين بتسير
نواف: بسير لابو ظبي
نايف: شو عندك ؟
نواف: عندي شغل بخلصه وبرد
أم نواف: الله ييسر دربك
نواف: آمين
نايف: تبغيني اسير وياك
نواف: لا لا ما يحتاي .. انتبه للبيت لين ارد .. يلا في وداعة الله
نايف+أم نواف: في وداعة الرحمان الله يحفظك
^
^
^
^
أبو ظبي
نواف: السلام عليكم
الموظف: وعليكم السلام
نواف: لو سمحت أبغي أرسل طرد اذا ما عليك أمر
الموظف: قد ارسلت قبل جذي ؟
نواف: لا هاي اول مره
الموظف: لأي مدينه او مكان
نواف: لا مب مدينه .. ابي ارسله لفله هني
الموظف: وين فيه
بحيره نواف: هني بابو ظبي
الموظف: شو حجم الطرد اللي بترسله
بتلبك نواف: شيء خاص
الموظف: ادري بس بتحتاي لصندوق شو حجمه ؟
نواف: حجم الجنطه الوسط تقريباً
الموظف: خذ هاي الورقه وروح عند ذيج الموظفه .. اسمها بدور
نواف: مشكور
الموظف: العفو
^
^
نواف: لو سمحتي
ماترد علي شو فيها هاي
بصوت رجولي أكثر مع ابتسامه
نواف: لو سمحتي يا انسه
قالت له ايوا واهيا تلتفت .. وبعدها صنمت .. شو هـ..
بتعجب نواف: لو سمحتي الاخ اللي هناك قالي ايي هني واعطيج الورقه هاي
ببلاهه بدور: هاه
طفر نواف منها وقال لها بنفخه واهو يعيد كلامه
نواف: لو سمحتي الاخ اللي هناك قالي ايي هني واعطيج الورقه هاي
بدور: اسفه ما سمعت عدل .. خذ هذي الصندوق وحط فيها الـ...
نواف: احط فيها الطرد اللي برسله
بنعومه بدور: ايوه حطه هني بالعلبه اووو اقصد بالصندوق وهني اكتب عنوان اللي بترسل له .. وهني اسمك .. وهني التوقيع
نواف: اوكي مشكوره
بدور: العفو اخوي
خذيت العلبه وحطيت فيها الشنطه اللي برسلها
نواف: لو سمحتي يا انسه .. ممكن قلم ورقه
بدور: نعم .. ايوه اكيد ممكن .. تفضل
نواف: مشكوره
سار بدون ما يسمع ردها
بدور: العفو .. ناديه ناديه لحقي
ناديه: نعم شو صاير
بدور: تعالي شوفي فارس احلامي .. شو فيه كاهو جدامي
ناديه: وينه ؟
بدور: واي يخبل يينن .. سلب عقلي وتفكيري ووجداني
ناديه: الله محلاته يينن
بدور: قد شفتي مثل ويهه
ناديه: لا ما شفت
بدور: ولا بتشوفين .. تدرين شو قال لي ؟
ناديه: شو قال
تقلد صوته
بدور: قالي لو سمحتي يا انسه .. ممكن قلم ورقه انا تخبلت عليه زود يوم قالها
ناديه: شوفيه ياي صوبج
بدور: واي ما اتحمل .. ناديه
ناديه: نعم
بدور: شكلي حلو
ناديه: حلو بس مو احلى عنه
بدور: لااااا انا احلى .. صدقج هو احلى عني وعنج
نواف: خلصت الحين وين اوديه
بدور: سلمه للموظـ...
شافت اللي تستلم الطرد بنيه زيها
بدور: انا بسير وياك ودليك محل ارسال الطرد
نواف: لا لا تعبين نفسج اختي .. خبريني وانا بسير
بدور: عادي تعبك راحه
شو ياها هاي انينت
نواف: لا مااريد اتعبج معي بس انتي خبريني وين المكان فيه وانا بسير له لأني تأخرت وايد
بخيبة أمل بدور: اوكي براحتك بس ما كتبت اسمك على الطرد
ودي افرها ( انطلها )من الدريشه هاي
بصوت قوي هادي

نواف: تقدرين تسمينه تحفظ أو مفاجاه للطرف الثاني
بدور: اووووه لريال والا لبنيه
مصختها وزادت حدودها مره
بتهكم
نواف: عفواً هذي أمور خاصه فيني انسه بدور .. لو سمحتي وين المكان فيه .

خبرتني وين المكان ورحت صوبه صج ناس ما تستحي تتميع علي تقول ريلها والا اخوها ويع انشاء الله ..
كتبت أسم محمد بن ظاحي على الطرد وسلمت الطرد وظهرت
^
^
وانا برع اسمع حد يناديني
^
^
^
: نوااااااف
التفت اشوف الشخص ما عرفته
: السلام عليكم
وعلامة التعجب بويهي نواف: وعليكم السلام
: شحالك ؟ شو علومك ؟
نواف: بخير تسرك الحال .. عفواً من الأخ ما عرفتك ؟
: ما عرفتني انا ربيعك ايام الثانويه تحيدها( تذكرها)
يهز راسه يبغي يتذكر
بابتسامة عجز نواف: مين ؟
: تحيد يوم نطق المدرس وننحاش من المدرسه وسوو لنا حرمان 3 ايام انت وخالد وانا....
يبتسم نواف: مـ...
: ايوه
نواف: مبارك بن عيضه ويلوي عليه
مبار: واخيراً ايوه مبارك بن عيضه
نواف: شحالك ؟ شعلومك ؟ والله ما عرفتك يا ريال متغير وايد
مبارك: بخير الله يسلمك ههههههاي محلو والا شنت
نواف: لا غرشوب .. ويطيحن عندك البنات
مبارك: لا لا استحي انا ما اتحمل هههههههاي
نواف: ههههههههاي
مبارك: شو عندك هني احيدك بالعين لايكون انتقلتو هني
نواف: لا بعدنا في العين لو شو ما بنخليها العين دار الزين بس عندي هني جم شغله خلصتهم والحين راد
مبارك: لا لا شو ترد العشى اليوم عندي
نواف: لا يا ريال لا تعب نفسك
مبارك: لا والله ما تسير بقعه قبل ما تتعشى عندي
نواف: هههه بعدك على عنادك
مبارك: عيل شو خلنا نشوف شخبارك شعلومك
نواف: بوافق بس بشرط
مبارك: شو من شروط أمر تدلل
نواف: ما يامر عليك عدو .. ما بنسير نتعشى في البيت نتعشى برع احسن لاني ما ابغي اكلف على اهلك واتعبهم
مبارك: فالك طيب .. بعدين لا تعب ولا شيء انت اخو وغالي
نواف: فالك ما يخيب .. تسلم ماتقصرون

ركبت معه في سيارته الفخمه اللي ما تحس انك بجو الامارات الحار الرطب كأنك بجو لندن على قولتهم انا مايربت جوها بس انشاء الله بيربه
دخلنا مطعم فخم بالمره وانا اول مره ادخل مثل هالمطاعم وانا امشيء التفت يمين ويسار اشوف المكان مره روعه ..جو رمانسي وجو هادي.. شكل النافوره الحلو والورود المنثوره فيها آحلى.. ابتسمت لاني بالمكان الرائع
سحب لي الكرسي القرسون على قولة مبارك ويلست وانا اقول الله يا حلو حياة العز مبين على مبارك مغتني وايد عن اول .. مبارك من ايام الثانويه وهو بخير
مبارك: لو سمحت المنيو
نواف:.......
مبارك: شو تبغي تاكل
نواف: اللي بتطلبه لنفسك اطلب لي مثله
مبارك: شدعوى خذ شوف المنيو واختار اللي تباه
نواف: ما اعرف ياريال
وهو يبتسم مبارك: لازم تعرف .. بعد يومين بتودي المدام مثل هالمطاعم بتقول لها ما اعرف
نواف: بوديها بس مو هني .. بوديها لكفتريات حدي
وهو يعقد حواجبه مبارك: لا شو هالكلام
نواف: أنا مـ... ولاشيء
انحرج شو يقوله يقول ما معي فلوس عشان اعشيها بهالمكان والا يقول له من اللي بتقبل تتيوزني وانا على الحديده
حس فيه مبارك وندم على الكلام اللي قاله كأنه لمس جرح من جروحه اللي يعاني منها نواف
مبارك: اسف نواف ما كان قصدي
نواف: لا عادي ياريال تمون
يصبره
مبارك: لاتشيل هم يا نواف مدام في واحد احد ما بتضيع وهو يبتسم خذ واطلب اللي تباه وبعد العشاء قول اللي بخاطرك
طلبنا العشاء سلطه خضار شوربه صينيه رز برياني فليه دجاج معكرونه بالجزر روست بيف بفتيك
نواف: شو تشتغل الحين يا مبارك ؟
مبارك: مدير شركات الوالد
نواف: ما شاء الله
مبارك: الحين نبغي نفتح فرع ثاني لشركتنا برع الامارات اقصد بالخارج بس الوالد مب مقنتنع بس انا بحاول معه انشاء الله
نواف: الله يسهل عليكم
مبارك: اجمعين وانت شو تشتغل ؟
نواف: كح ..كح
مبارك: بسم الله عليك شو ياك .. اشرب ماي
بعد ما شرب الماي
نواف: اشتغل في محطه بـ..ترول
مبارك: جم راتبك
نواف: امممم الف درهم
مبارك: اوه جليل
نواف: ادري بس ما باليد حيله
هدووووووووووووووووووء بعد العشاء ظهرنا وركبنا السياره وسرنا على الكورنيش واحنا نمشيء
مبارك: احيد انت اكبر اخوانك صح
نواف: ايوه
مبارك: كم عددكم
نواف: الوالده ونايف وجاسم و نوف من غيري اربعه
تذكر مبارك نوف اللي كان يحبها من يومها صغيره تذكر الايام اللي قضوها رباعه تذكر يوم تلعب معه بالرمل واذا زعلت تحذفه بالحصى واهو دوم يراضيها بجبس او علج او اسكريم ..
الله ياحلو ذيج الايام لو ترد
مبارك: وانت اللي تصرف عليهم صح
نواف: ايوه
مبارك: الف درهم ما اتوقع تكفيك انت واخوانك
نواف: الحمدالله ميسوره
مبارك: احيد اخوك جسوم مريض
نواف: ايوه و انا الحين ادور على وظيفه ثانيه عشان ترد علي شوي
مبارك: امممممممم شوف انا محتاي موظفين تعال وتوظف عندي
نواف: شو لا ياريال ما بتعبك معي
مبارك: والله لافرك في البحر اذا انا اخوك مبارك ما ساعدتنك من عيل بيساعدك ويفك ضيجك
بحزن مع فرح نواف: مشكور ما تقصر يا مبارك بس ..
مبارك: بس شو .. قولي انت تعرف كمبيوتر
نواف: لا لا ماعرف
مبارك: عادي تتعلم اللي قبلك ما يعرفون والحين حريفين كمبيوتر
نواف: مب عارف شلون اشكر فضلك هذا ما بنساه طول عمري
مبارك: العفو ولو احنا اخوان يا نواف مو معناته انتقلت وسكنت في ابو ظبي نسيتكم حشى انسى نفسي ولا انساكم
نواف: كل هذا من طيبة قلبك
مبارك: ومتى تبغي تداوم
نواف: براحتك انا من ايدك ذي لأيدك ذي
مبارك: لازم ترتب امورك ويا اهلك اكيد بتنتقل وتسكن هني والا شو
نواف: ايوه صح ما فكرت فيها
مبارك: لا تشيل هم في عماره هني للوالد خذ لك شقه
نواف: لا لا ما تقصر
مبارك: لا بتاخذنها والا بتسكن معاي
نواف: اذا باخذها بدفع ايارها
مبارك: خلاص ولا يهمك انت ادفع ايارها ..( حس بعطش ) تبغي ماي
نواف: ايوه
سار مبارك يجيب ماي
نواف الحمدالله الحمدالله يارب .. يارب وفقني في طريجي يارب يسر كل اموري يارب ارزقني رزق الحلال وابعد عني عيال الحرام يارب
يارب يسر اموري في هالشركه يالله اذا كانت هالشركه خير لي يسرها لي واذا شر لي ابعدني عنها يالله يا كريم
^
^
وانا مبسوط حدي واشوف بنيه لابستن بنطلون برمود أسود وبلوزه ابيض مرسوم عليها ورده حمراء و ماسكتن شعرها ذيل خيل وخصل ناعمه نازله على ويها وتركض على الكورنيش وبيدها حبل ممسوك برقبة جلب صغير ابيض كله فرو يلست اشوفها مره ثانيه ايوه اهيا ايوه ايوه اهيا اهيا البنت اللي لاااااا ما اصدق شو يصير لي آآآآآآه اهي بشحمها ولحمها البنت اللي طقها خالد ..
واللي هددتها يارب ما تعرفني .. صديت من الصوب الثاني وانا اقول حمدالله اهيا شافت ويهي عشان تعرفني بس احس انها اذا شافتني بتعرفني لفيت اشوفها اختفت .. وينها؟

مبارك: نوااااف

نواف: هااااه هاه
مبارك: شو ياك من ساعه اناديك .. خذ الماي
نواف: لا لا بس شفت واحد اعرفه
وهو يشرب مبارك: تبغي تسلم عليه
نواف: لا لا ما ابغي .. اسمحلي الحين برد العين
مبارك: تونا ما شبعنا منك ياريال
نواف: الاهل اكيد ينطروني ويحاتوني وانا قايلن لهم مابتأخر
مبارك: الله يسهل دربك .. سلم على الأهل
نواف: يبلغ انشاء الله
مبارك: الوعد الأسبوع الياي لا تنسى
نواف: انشاء الله .. مع السلامه
مبارك: في وداعة الله

الكورنيش
دانه: اهلين أمل شخبارج ؟ شلونج ؟
أمل: بخير انتي شخبارج
دانه: تمام شخبارعمي وعموه
أمل: الحمدالله زينين وشو اخبار عمي وعموه
دانه: bien cava
الحمدالله
أمل: يوه احجي عدل ما اطيقج اذا حجيتي جذيه
دانه: اوكي ..
أمل: شوفي دانه سارونه يايه صوبنا
دانه: ما اطيقها أف
ساره: هاااااااااااااي شحالكن بنات
بدون نفس ومن طرف خشومهن يتحجن


أمل: بخير
دانه: بخير مدامنج بعيده عني
ساره: شو
بدلع دانه: ولا شيء
ساره: صدق اللي سمعته
أمل+دانه: شو اللي سمعتيه
ساره: فلتكم اسرقوها شباب وطقوج يا دانه
بغرور واضح دانه: نعم نعم صدق اسرقوها بس يخسون يطقوني انا دانه بنت محمد بن ظاحي يطقوني تشوفين ويهي مشوه والا تشوفيني اعري يا سارونه
بدفاع أمل: ومن يروم يمد ايده على دانه بنت محمد
دانه: يمكن الشباب اهما طاقينج وتين تحطينها فيني
ساره: شو لا حبيبتي مو انا اللي انـ....
يقطعون عليها بوقت واحد
دانه+أمل: حبيبتي بنات آل ضاحي ما ينطقن
ساره: وشفيكن معصبات كله الا سؤال واحد بس
دانه: بالعكس ليش نعصب على شيء تافه مثل قايلته صح أمل
وتضرب ايد امل بخفه مصطنعه
أمل: اكيد حبيبتي ههههههههههههاي
تضحك دانه وامل على ساره
بغرور أكثر
دانه+أمل: باااااااااااااي سارونه
ويتركنها ويمشن
انقرهت ساره منهن
أمل: سباله
دانه: حقيره.. انا اراويها الحماره
أمل: هدي نفسج خلاص .. خبريني صدق اضربوج
دانه: ................. بعدين بخبرج بالسالفه مالي خلق اتحجى عقب اللي سمعته
لأذو بالصمت لمدة 5 دقايق
وهي تحاول ترد طبيعيه
دانه:شو اخبار حبيب القلب
أمل: تماااااااام التمام اليوم اتصلت به
دانه: بعدج غرقانه
وتأشر بصبعها على
أمل: لراسي . احبه احبه يا دانه
وتدور وترد تمشيء
دانه: شو قالج ؟
أمل: كلمته وقالي مشغول بيتصلبي بعد ما يخلص وانا بعد ما بندت طرشت له مسج
دانه: حمدالله لمتى بتمين تلحقين وراه خليه يلحق وراج اهو مو انتي اللي تمين وراه وراه
أمل: اللي يسمعج يقول عايشه قصة حب او تعرفين هالحركات
دانه: مو معناته اني انصحج ما اعرف الحب صج انا ما قد حبيت ولا اعرف الحب هاي اللي طايحين فيه بنات هاليومين بس.. ياما شفت ناس وناس طاحوا بشباك الحب والحين عايشين حياتهم ندم وقهر على الايام اللي طافت و عايشين بذكرى حبهم الجديم .. يا تصيب يا تخيب
أمل:بس عاد لا تخوفيني .. حبيبي غير عنهم كلهم
دانه: حلفي بس

فجاه تهدي من مشيها
أمل: ليش ما تحبين يا دانه؟
توقف
دانه: شو لا لا وش لي بعوار الراس ..
وترد تمشي
أمل: بالعكس مب عوار راس الا طيبة راس وقلب وكل شيء
دانه: حمدالله انينيتي انتي كل هاي حب بسج عاد بتموتين
أمل: الحب يسوي اكثر بعد
دانه: اقول برد للفله اصرف من سوالفج البايخه
أمل: لا تمي معي شوي
دانه: لا لا متى ما زان حكيج ييت وكلمتج .. يلا بااااااااااااااي.. مارينا مارينا
أمل: باي
مارينا: يس داناه
دانه: شيلي شنطتي وخذي الكس وصعديه السياره
مارينا: اوكي
في البيت
دانه: مارينا La saiie de bain la baignoire
يهزي لي غرفة الحمام
دانه: bonsoir لا مير
أم ناصر: bonsoir
دانه: bonsoir حرمت أخي العزيز
وهي تبتسم دلال: bonsoir
صوت ياها من وراها
: bonsoir لا سور
وينحني لها مثل الفرنسين
دانه: واااااااااااو ناصر وحشتني .. وتلوي عليه
ناصر: وانتي وحشتيني أكثر .. يالخايسه ما تتصلينبي ولا تقولين عندي اخو بكلمه
بتصيح دانه: مـ.......
يتدارك الموضوع ناصر: ادري خبرتني امايا عن اللي صار لج تعالي حذالي
وايلست حذال اخوها .. وناصر يعرف دانه تحب تتكلم بالفرنسيه وايد مع ان ابوها دايم يهزبها ويقول لها تحجي عربي مثلنا
ناصر: comment allez
شو صحتج ؟
دانه: bien
طيبه
دانه: comment allez
شو صحتك
ناصر:bien cava
لابأس الحمدالله
دلال: بسكم لا يهزبكم خالي
ناصر: Ou Le pere
وين ابويا
أم ناصر: la mosquee
في المسيد
أبو ناصر: bonsoir
الكل لف صوب أبو ناصر اللي رد عليهم بالفرنسيه
أبو ناصر: الحين انا مو قايلنلج يا ام ناصر لا تعودينهم على هالحجي بيتعلمون حجيج وبينسون حجينا
أم ناصر: انا مالي خص اهما اللي دوم يتحجون انا من خذتك وانا ناسيه حجينا بس اذا سرت هناك حجيت مثلهم
يغايظها أبو ناصر: لا مو اهما انتي اللي علمتيهم هالحجي الماصخ
بدلع أم ناصر: الحين صار حجي ماصخ يا le Coeur
يا قلبي
ناصر: شو ابوياه ههههههه
دلال: هههههههههههههه
أبو ناصر: هاه
ابو ناصر دوم ينحرج من حرمته اذا قالت هالحجي قدام اعياله
تذكر اول مره يشوفها وتقول له هالكلمه واهو كان يقول لها يـ..
قام بيشرد
أم ناصر: Ou allez vous
وين بتسير
أبو ناصر: اممممم jo voudrais m amuser
بسير ارتاح
ناصر+دلال+دانه: ههههههههههههه
أم ناصر: ههههههههاي تبغيني اسويلك شيء
يبتسم ابو ناصر: du gateau chocolat an du jus fruit
ابغي كعكه بالشكولاته مع عصير فواكه
وكمل ابو ناصر: ويبيه بمكتبي

أم ناصر: الحين من فينا يتحجى فرنسي انا والا انت
ابو ناصر: محلات حجيكم ييب العافيه يا انجي
ناصر: هههههههههههاي أي والله محلاته .. لا تنسى اسم امي موزه
أم ناصر: مب احلى عن حجيك يا محمد بن ظاحي ( تحرجه )
دلال+دانه+ ناصر: هههههههههههههههههههههههههههههاي
منحرج وايد من عياله ابو ناصر: عايبتكم السالفه .. بسكم لهزبكم
دانه: يلا بصعد اتسبح وانام Bonne nuit
تصبحون على خير
زايد: السلام عليكم
الكل: وعليكم السلام
ناصر: شحالك زايد ؟
انتبه لوجود اخوه
زايد: بخير ..الحمدالله على السلامه.. شحالك ؟
ناصر: الله يسلمك بخير تسرك الحال
الاب يشوف اولده اللي ما ينشاف الا نادراً مع انه ساكن معهم تحت سقف واحد بس وجوده مثل عدمه .. داس في هالغرفه ومحدن يشوفه
أبو ناصر: شو الدراسه معك
زايد: الحمدالله
وهو قايم بيسير
أم ناصر: وين بتسير
زايد: بصعد لغرفتي
أبو ناصر: اقعد يا زايد كله حابسن عمرك بغرفتك
أم ناصر: صدقه ابوك اقعد معنا شوي
زايد: بصعد ارتاح شوي
ناصر: زايد اقعد انت الحين وبعدين اصعد ارتاح .. انا مشتاق لك وايد
زايد: طيب
أبو ناصر: شو صار على الشركه يا ناصر
ناصر: الحمدالله كل شيء تمام .. بس كانت في اوراق تحتاي لتوقيعك بس الحمدالله تسهلت وقعت عنك
أبو ناصر: الحمدالله .. يلا الله يوفجك .. وانت يا زايد شد حيلك عشان تساعد اخوك بالشركه
زايد: ما بغي اشتغل في الشركه
ابو ناصر: شو تقول انت .. من بيساعد اخوك لا طحت
زايد: انا قيلن لكم من الاول شغل بالشركه مابغي
منفعل ابو ناصر: مب بكيفك تسمعني
ناصر: هدي ابوياه خله بكيفه لا تجبره ..براحته الشركه مفتوحه له متى ما يبغي ييي ييي احنا مابنرده
أبو ناصر: عنلاته راكب راسه ما يبغي يساعدك
زايد: هو غصب قلت لكم ما ابغي اشتغل بالشركه
وظهر برع البيت
ام ناصر: زين جذي ظهر من البيت
أبو ناصر: احسن خليه يظهر السبال الواحد ما يقدر يحاجيه او يتفاهم معه بشيء مسود الويه
ناصر: هدي نفسك ابويا هذا اهوا زايد ما تغير كل يوم وانت تقول له هالحجي واهوا يرد عليك نفس الرد ما ابغي اشتغل في الشركه
أبو ناصر: يا ولدي يا ناصر ابغيك انت واخوك يد وحده في الشده والرخا لا تركت هالدنيا ورحت من بيهتم في امك واختك لازم يساعدك اخوك والا بيضيع كل شيء
ناصر: لا تقول جذي الله يعطيك طولة العمر ولاتنسى ولد عمي عيضه معي واوعدك يا ابويا اني لأقنع زايد انه ييي ويساعدنا بشغل الشركه
أبو ناصر: فيه الخير والبركه ولد اخويا بس اخوك اعرفه مب مقتنع
ناصر: انشاء الله يقتنع لا تشيل هم يالغالي الحين روح ارتاح ويسير خير انشاء الله
بتعب أبو ناصر: انشاء الله
يغير الجو ناصر: La mere il Le pere du gateau chocolat an du jus fruit
امايا عطي ابويا كعكه الشكولا مع عصير الفواكه
تبتسم أم ناصر وابو ناصر
وهو يحاجي حرمته ويقلد صوت ابوه
ناصر: دلال du gateau chocolat an du jus fruit
ابغي كعكة شوكولاه مع عصير فواكه
ظهر ناصر من البيت بعد ما رجع البسمه على شفايف ابوه ظهر يدور على اخوه زايد اليوم لازم يتفاهم معه لين متى يسوي بروحه جذي
^
^
((((((........ العين ......... )))))))
في بيت أبو نواف
نواف: امايااااااااااااااااااااااا.. امايااااااااااااااااااااااا.. نوووووف ناااااااااايف .. جسوووووووووووم
ام نواف: شو شو صاير
نوف: شووووووووو نواف
نواف: باركولي
نوف+ ام نواف: على شووووووووووو
نواف: لقيت لي وظيفه واااااااااااااااااااااااااااو
بفرح كبير أم نواف: كللللللللللللللللللللللللللللللللللللوش الف الف مبروك يمه كلللللللللللللللللللللللللللللللللللللللللللللللوش
نوف: مبروك وتلوي على نواف مبروك الف الف مبروك
نايف: شبلاكم
جسوم: شو صاير
نوف: قولو مبروك حق نواف لقاله وظيفه يديده قوووووووووولو له
نايف: مبروك الف مبروك شو من وظيفه
جسوم: مبروك
نواف: بشتغل بشركه عند ربيعي .. امايا تحيدين يارتنا ام مبارك
أم نواف: ايوه احيدها الله يذكرها بالخير
نوف تذكرت مبارك اللي كانت تلعب دوم وياه يومهم صغار ابتسمت لذكريات الحلوه اللي مرت امبيناتهم .. الحين ماتذكر شكله وايد اخر مره شافته يومنها بالابتدائيه والحين مر على شوفته 6سنوات تقريباً هزة راسها تبغي تطرده من افكاراها وهي تبتسم
نواف: ولدها مبارك اليوم شفته بابوظبي سلمت عليه ويلس يسأل عنكم وحجيت له عن ظروفي وقال لي انهم محتاييين موظفين
بفرح نايف: حلو والله
نواف: ولازم اباشر العمل من الاسبوع الياي
بفرح اقل أم نواف: يمه يعني جذي بتشتغل بابوظبي وبتهد العين
نواف: ايوه شو اساوي اماياه كلها جم شهر ويخلص نايف ونوف دراستهم وبننتقل نسكن بابوظبي
بأعتراض أم نواف: لا لا ما بهد بيتي واروح اللي عشت فيه طوال هالسنين بحلوها ومرها مع ابوك ومعكم واليوم اروح واهده لا لا مابقى لي الا هالبيت من ريحة الغالي ابوك
وتصيح
يهدي امه نواف: اماياه هدي نفسج خلاص اذا ما تبغيني اسير خلاص مب ساير الحين بتصل بمبارك واقول له مب مشتغل عندك
أم نواف: لا لا يا يمه انت سير هناك واشتغل واحنا بنتم اهني
نواف: انا ما برتاح ولا يهدى لي بال لين اجوفج عندي ومرتاحه.. الا اذا تبغين تعنيني وانزل لكم كل يوم
ويلوي على امه وهيا تصيح
^
^

(( يا صغر الفرحه في قلبي ))

^
^

تمسح ادموعها نوف: بسكم قلبتوها فلم هندي
نايف ويسوي عمره يبجي
نايف: أي والله حرام عليكم آآآآآآآه
الكل: هههههههههههههاي
نواف: جم باقي على الامتحانات
نوف: باقي 3 شهور تقريباً
نايف: لا شو 3شهور باقي شهرين
نوف: لا نايف باقي 3 شهور
نايف: احسبيهم وشوفي كلهم شهرين وبس
نواف: يعني شهرين او 3 شهور المهم شدو حيلكم في دراستكم بعد ما تخلصون دراسه بننتقل نسكن بابوظبي
أم نواف: السكن من وين لنا يا ولدي
نوف: ومدارسنا
نواف: لا تحاتين امايا لقيت لنا شقه عطاني اياها مبارك بس انا حلفت اني اخذها بأيارها لين الله يقدرني واشتري بيت حلال
ام نواف: يزاه الله الف خير يعل والدينه يفرحون فيه وافرح فيكم
الكل: آمين
نواف: والمدارس لا تحاتون هناك اكيد بابوظبي مدارس بنسجلكم باقرب مدرسه من شقتنا
نواف: وبيتنا هاي ما بخليه جذي بأيره منها نستفيد من الأيار
نايف: كيف بيصير دوامك
نواف: من الاسبوع الياي مب شايفيني الا كل اربعاء وخميس واليمعه ارد لأبو ظبي وما اوصيك يا نايف على البيت في غيابي انا بنزل لكم كل اسبوع بس ما اوصيك على امايا ونوف وجسوم
نايف: لا توصي حريص
أم نواف: الله يوفجك ياولدي يا نواف
الكل :آمييييييين
^
^

في الصباح الباكر 7،15 يدق جرس فله محمد بن ظاحي معلناً عن وصول المشاكل أم باالسارق المتخفي

ياترى وش بتكون ردة فعل محمد بن ظاحي من هالطرد ...؟!

ونواف وش كتب في الرساله ...؟!

وهل ياترى نواف بيتصادف مره ثانيه بدانه ...؟!

نهاية الجزء الثالث

في الصباح الباكر 7،15 يدق جرس فله محمد بن ظاحي معلناً عن وصول المشاكل أم باالسارق المتخفي

قالت اوما: هذا لك بابا ؟
وحطت على مكتب أبو ناصر صندوق وسط الشكل بني اللون مكتوب عليه بوضوح اسمه وعنوانه
رفع أبو ناصر راسه معقد ويهه .. كانت افكاره منصبه على العقد اللي يدرسه لكن في هاللحظه بالذات ما كان صبر ابو ناصر يسمح له انه يهتم بهذي الاشياء
حط القلم الذهبي على الطاوله ومرر يدينه على راسه المتعب ..يلسته البارح اللي يلسها مع عياله وبالذات زايد ما كانت ناجحه مثل ما تأمل أنها تكون ناجحه
ابو ناصر: شو هذا ؟
وشاف الطرد بدون اهتمام
اوما: ما ادري بابا مكتوب ((شخصي وخاص))
لوى شفايفه وهو يشوف الصندوق هذا .. وبدا يفك الخيوط المربوطه به ثم فتحها
ابو ناصر: شو هذا ؟!!!
وشاف البشكاره بعدها واقفه .. حب انه يشوف اللي تحتويه هالجنطه بروحه
أبو ناصر: زقري لي ناصر
اوما: اوكي بابا
فتح الجنطه ويلس يشوف الفلوس المحطوطه فيها
ناصر: صباح الخير
أبو ناصر: صباح النور
ناصر: شو ابويا شو صاير ؟
أبو ناصر: يا ني طرد في هالفلوس .. عدهن وانا بقرا هاي
شاف ظرف رساله
^
^
^
^
^
الرساله

بسم الله الرحمن الرحيم
إلى محمد بن ظاحي
اتمنى وصول هذه الرساله بمتناول يديك
قد تتعجب من رسالتي وقد تتعجب اكثر من المبلغ الموجود به
هل تعلم من أنا أنا ضحية تلك السرقه لم أكن اريد فعل ذلك ولكن ارغموني اصحابي لفعل ذلك اغروني قد اغتني من الصدقات التي تأتي إلينا كل يوم من رجل او امراءه صالحه وخيره
وسرقت ولكن ؟!! لم أهتني بهذا المال الحرام .. كان ضميري يؤنبني دوماً كل يوم وليله إلى هذا اليوم .. فاكتشفت ان مال الصدقه أخير وافضل من المال المسروق
وها أنا أعيد لك مالك من النصيب الذي اقتسمناه بعد ان صحوة من غفلتي
واتمنى منك العفو والصفح والستر
سرقتك من غير علمك فسامحني حتى لو لم تعرفني سامحني حتى لو انك تعتقد بأنه ليس هناك داع للتسامح

فقط سامحني...

أريد منك الدعاء الخالص من القلب ..

قل: اللهم أيما امرئ شتمني أو آذاني أو نال مني ،

اللهم إني عفوت عنه ، اللهم فاعفوه

اللهم اني عفوت عن عبادك فاجعل لي مخرج أن يعفو عبادك عني.

اللهم أنت السميع العليم تعلم ما بي وما علي.

اللهم اني أرجو نجاةً مما أنا فيه وأنت أرحم الراحمين

انا لا أرغب في يوم الحساب بأن يأتي أحد ويأخذ من حسناتك أو يرمي عليك سيئاته؟

أرحمني لكي ترحم
فإن الله لن ينساك وسيفعل لك ما يغنيك في:

" يوم لا ينفع مالا ولا بنون إلا من أتى الله بقلب سليم"

وشكراً

ناصر: من مين هاي الرساله ؟ وهاي الفلوس؟
أبو ناصر: جم في الجنطه ؟
ناصر: 115000،16الف درهم
أبو ناصر: هذا من اللي سرقوا الفله
ناصر: شو ابويا لازم نبلغ الشرطه
أبو ناصر: لا لا ما ببلغ عنه
ناصر: اسمحلي ابويا هذا سارق ولازم يعاقب وياخذ يزاه
وهو محتار أبو ناصر: بس اهوا خلاص اهتدى وكاهو رد الفلوس لنا
ناصر: ابويا نسيت شو سوو بنتك
أبو ناصر: لا ما نسيت بس خلاص الريال هاي انا مسامحنه والله يبيحه ويحلله
يحاول يحافظ على هدوءه ناصر: ابوياه
عطاه ابوه الرساله يقراها .. وبعد ما قراها ناصر
أبو ناصر: شو قلت الحين مسامحنه والا لا ؟
ناصر: ابويا يعتبر سارق
أبو ناصر: مبين على الريال ندمان ويطلب عفونا يا ناصر
يهز راسه
ناصر: الله يهديه
أبو ناصر: لا تخبر احد بالسالفه
ناصر: ابشر ابويا

مرت 3شهور بلمحة بصر حس فيها نواف بالراحه التامه حس ان محمد بن ظاحي مسامحنه على اللي سواه ومرتاح أكثر بنجاح التوأم نواف ونايف وتعدي جسوم مرحلة الخطر
كان ينزل عليهم كل أسبوع بسيارته اليديده يشوف طلباتهم ويرد لأبو ظبي عشان الشغل تعلم الكمبيوتر وراتبه اللي حوالي الـ6000يحمد ربه على هالنعم اللي ياته من كل صوب
تذكر القول اللي يقول

(( من ترك شيئاً لله عوضه الله خيراً منه ))

جا اليوم اللي بينتقلون فيه لأبو ظبي الكل مجهزه قشارها وام نواف خذت كل شيء تحتاجه من البيت القديم الشيء الجديد خذته والقديم كبته بالزباله
ونواف يستعيلهم يبغي يوريهم الشقه اللي بيسكنونها وكل واحد فيهم ينسى شيء ويرد ييبه
نايف ونوف مبسوطين حدهم وطايرين من الفرحه بعد نجاحهم ونسبهم العاليه نسبة نايف 97% اعلى من نسبة نوف 93%
ومتشوقين أكثر لمفاجات نواف لهم كل يوم يزنون عليه عشان يخبرهم بس اهو ما خبرهم

دانه فرحانه وفرحتها ما تقدر بثمن من قدها انجحت ونسبتها 95% ابوها واعدنها بسفره لباريس وتقضي فيها العطله كلها وامها سوت لها حفله لا صارت ولا استوت اعزمت فيها يرانهم وقرايبهم اللي ما انتهت الا بعد تقطيع الاربع الادوار من الكيكه والتصوير مع ربيعاتها

ناصر عطها ساعه مره فخمه وحلوه وايد عيبتها كانت من الكرستال الخالص
ودلال طقم كريمات مع عطورات روعه
وزايد عطها برش فيه قطع من الزمرد والاحجار الكريمه استانست بالحيل يوم تذكرها زايد وعطاهاهدية نجاحها

أبو ظبي
الساعه 8 صباحاً
الشقه تتكون من 4 غرف وصاله متوسطه الحجم ومقلط وميلس ريايل و3 دورات مياه الله يكرم القارين
باب الشقه بني عاج محدد بذهبي أول ما تدخلين الشقه في ممر وسيع جدرانه بيضاء فيها 3 تحف مختلفة الاحجام وعلى اليمين ميلس الريايل واليسار دورة مياه وبعدها في باب تفتحينه وتمرين بممر صغير على اليمين مقلط الحريم واليسار مطبخ وتدخلين على الصاله الرئيسيه فيها بلكونه تطل على الشارع والكنب والابجورات والتحف مرتبه بعنايه تامه بعدها في باب يدخلك على الغرف غرفة نواف بحمامها وحذالها نايف وبعدها دورة مياه وحذالها نوف والاخيره أم نواف وجسوم
نوف: وااااااااااااااااااااااااو تينن
أم نواف: ماشاء الله ما شاء الله تبارك الله
جسوم: وين غرفتي
نواف: هناك الغرف الغرفه اللي بحمامها هذي غرفتي واللي حذالي لنايف وبعدها غرفة نوف وامي وانت
نوف: الله من وين يبت الاثاث يخبل
نواف: انشاء الله يعيبكم هذا اختياري واختيار مبارك
استانست زود يوم اعرفت ان مبارك اهو بعد مشارك في اختيار الاثاث
نايف: ماشاء الله بصراحه روعه ما عليها كلام
راحت نوف تيب الاغراض وهي تشل كيسه في ممر الشقه سمعت صوت رفعت عيونها تشوف من هالشخص اللي طلع هالصوت منه صار على ويها علامات التعجب والحيره
يكرر : السلام عليكم
بعدها مستغربه من تصرف الريال اللي واقف ويسلم عليها ردت عليه بعد مرور ثواني
نوف: وعليكم السلام نعم اخوي تبغي شيء ؟
يبتسم لها
: أنا مبارك ياركم اول وربيع نواف
صدمه وهي تغطي فمها بيدها مشت فيها قشعريره خلتها تنتفض ويبان عليها
هذا اهوا مبارك لا ما اصدق تغير وايد وايد وايد متغير محلو زياده
مبارك من اول ما شافها عرف انها نوف وهل يعقل ان ينسى حب حياته .. اكيد لا
سألها والأحراج باين على ويها
مبارك: أنتي نوف صح
ويها انصبغ أحمر من الخجل ومن الموقف اللي اهيا فيه ما كانت متوقعه انها تشوف مبارك وبالذات الحين
نوف: ايوه انا نوف
مبارك: شحالج ؟ شخبارج ؟
بحيا أكثر نوف: بخير الحمدالله .. انت شحالك
انصدمت شلون قالت جذي
بفرح مبارك: بخير تسرج الحال بس نسأل عنكم
يتها دوخه واااااااااااااااااي ما اتحمل كلامه تبغي تقول له ارجوك مبارك زول عن ويهي ما شافت نفسها الا وهي تقول
نوف: حياك تفضل بزقر لك نواف .. ادخل البيت بيتك
ايلست ثواني معدوده وهي مو مستوعبه اللي قالته بعد ما اوتعت
قالت خلني ادخل احسن لي لاقول شيء اكبر عن جذي
ضحك مبارك بفرح يوم شاف نوف البنت الوحيده اللي حبها في حياته

نواف: هـــلا حي الله أبو شهاب
مبارك: الله يحيك .. شحالك ؟
نواف: بخير الله يسلمك .. انت شو اخبارك شعلومك ؟
مبارك: أنا بخير وتماااااااااااااااام التمام
نواف: اوه باين عليك مره مبسوط
مبارك: يوم اشوف هالويه بالله ما تبغيني امبسط
نواف: اخجلت تواضعي يا فتى
مبارك: هههههههههههههههههههههاي
نواف: ههههههههههههههههههاي يعله دوم انشاء الله
مبارك: انشاء الله
نايف وهو طالع
نايف: نواف تقولك امـ..... أكيد مبارك
مبارك: بشحمه ولحمه
نايف: شحالك شخبارك ؟
ويتوايهون
مبارك: الحمدالله انت شعلومك ؟
نايف: الحمدالله بخير وسهاله
نواف: اقلط حياك .. امايا يانا مبارك
أم نواف: ياهلا ومسهلا تو ما تبارك بيتنا يمه شحالك؟ شعلومك ؟
مبارك وهو يحب راس ام نواف
مبارك: بخير تسرج الحال .. انتي شخبارج شعلومج
أم نواف: بخير الله يسلمك ويرضى عليك .. والله هاي الساعة المباركه يوم نشوفك يا مبارك
نوف واجفه حذال امها ويالسه تشوف مبارك شلون يتكلم وكيف يحرك يدينه تقول في نفسها اشتقت لك واااااااااااايد
مبارك: الله يسلمج ..والساعه الابرك يوم نشوفكم بيتنا
أم نواف: الله يسلمك ويرضى عليك شحال أبوك وامك عساهم طيبين ؟
مبارك: الحمدالله بخير .. تسرج حالهم وامايا من يوم حجيت لها عنكم استانست وايد ودوم تسألني عنكم وتبغي شوفتكم
أم نواف: والله احنا وايد مشتاقين لشوفتها ولسوالفها الطيبه
مبارك: عيل العشى اليوم عندنا يا ام نواف
نواف: لا ياريال لا تكلف على نفسك
أم نواف: الله يسلمك ما نبغي نتعبكم يوم ثاني انشاء الله
مبارك: لا والله انا قايل لنواف اول ما توصلون بوظبي ترتاحون لكم جم ساعه والعشى عندي وتعبكم راحه يا ام نواف
أم نواف: مانبغي نكلف عليكم يا ولدي
مبار: لا كلافه ولا شيء
نواف: ياريال خلها يوم ثاني
بأصرارمبارك: لا اليوم .. لا تنسين يا ام نواف اليوم العشى عندنا ..
ما تدرين قد ايش بتفرح امايا يوم تشوفج
أم نواف: الله يفرحها فيك انشاء الله
وهو يشوف نوف ويقول
مبارك: آمين وتفرحين بعيالج انشاء الله
أم نواف: آمين يا كريم
^
^
^
مبارك: يلا انا بسير توصيني بشيء
نواف: وين تو الناس تغد معانا
مبارك: لا ياريال بسير ارتاح شوي .. تعرف توني راد من السفر وسيده يت هني
نواف: شخبار الشغل هناك تمام
مبارك: الحمدالله كل الامور ماشيه مثل ما نبغي
نواف: الحمدالله
مبارك: يلا اشوفك الليله .. ولا تنسى تيب الاهل معك
نواف: مبارك خلها يوم ثاني
مبارك: اقول جب .. كل هذا عيز ما تبغي تيبهم خلاص عقب صلاة العشى بمرهم واخذهم
نواف: لا مب جذي بس ما نبغي نكلف عليك يا ريال
مبارك: اقول اذلف عن ويهي زين .. قال شو قال نكلف عليك ..
هو بين الاخوان كلافه
نواف: لا
مبارك: عيل العشى عندي .. وفمان الله
وهو يضحك على عناد مبارك المعتاد اللي براسه بيسويه بيسويه مني مناك بيسويه يعني بيسويه
نواف: فمان الكريم


شبيصير لنوف لاراحت بيت أهل مبارك؟
ياترى بتتأقلم معهم ؟
والا أمل بتعتبرها وحده صغيره مو من مستواها؟
ياترى نواف بيلتقى بمحمد بن ظاحي في بيت مبارك؟
واذا التقى فيه شبيكون موقفه ؟

(( .. الجزء الرابع .. ))


بيت عيضه بن ظاحي
اهوا رب البيت اخو محمد بن ظاحي عنده 3 بنات وولد
أم مبارك اهيا الام يابت ولد واحد و3بنات
29هند: البنت الجبيره متيوزه وعندها بنت اسمها منال وعمرها 8 سنوات ولد اسمه عبدالله وعمره 5 سنوات وساكنه بالكويت عشان ريلها
23مبارك: الولد الوحيد من بين 3 بنات وماسك شركات أبوه اهوا وولد عمه
19ندى: طالبه بالجامعه تخصص كمبيوتر هاديه حبوبه من قبل الجميع تترك بصمتها وين ماراحت بالذكر الطيب
16أمل: حبوبه ماتميل للدراسه كثير طالبه بالثانويه انجحت ونسبتها84%
^
^
أم مبارك: هذي الساعة المباركه يوم نشوفكم فيها يا ام نواف
ام نواف: ساعتج ابرك
أم مبارك: شحالج يا نوف؟
بحيا نوف: بخير الله يسلمج
أم مبارك: والله وكبرتى يا بنت خليفه وصرتي عروس أحيدج صغيرة..تربعين ورى أبوج الله يرحمه.. ولا تقارجينة..
انصبغ ويها احمر
أم نواف: الله يرحمه تمر الايام بسرعه ويكبرون فيها ولا نحس
أم مبارك: صدقتي
أمل+ندى: السلام عليكم
الكل: وعليكم السلام
أم مبارك: هذولا بناتي هذي ندى الوسطيه وهذي أمل الصغيره
أم نواف: الله يخليهم لج ويفقهم
أم مبارك: آمين
ندى: شخبارج؟
نوف: الحمدالله انتي شحالج
ندى: بخير الله يسلمج
بدلع أمل: اهلين كيفج ؟
نوف: الحمدالله انتي شخبارج ؟
أمل: تماااااام التمام
ندى: انا ندى وهاي اختي أمل
نوف: انا نوف
ندى: قومي خلينا نيلس بميلس البنات
قامت نوف من يوم ما دخلت وهي تذكر الله على هالبيت الكبير والحلو المليان مناظر واطارات وفازات فخمه دخلت ميلس البنات كان اليدار لونه زهر مسحب باللون الابيض والتفاحي ومنقوش عليه وردات بالزهر الخامج والتافحي والابيض وفيها كراسي اشكالهن غريبه بس روعه وفيها تلفزيون جبير مع فديو واسيفر
ندى: تفضلي حياج
وتصب لها القهوه وتقدم لها الشكولا والبيتي فور
نوف: الله يحيج .. مشكوره ياعمري
ندى: يقولي مبارك انكم خلاص انتقلتو تسكنون هني
بفرح بعد سماع اسم مبارك
نوف: ايوه .. عشان شغل نواف .. امايا في البدايه ما وافقت تقول ما تروم تترك العين
ندى: صدقها خالتي احنا يوم تركنها انا يلست اصيح وينا هني والحمدالله تأقلمنا مع الايام
أمل: العين حلوه ..انا ما اذكرها عدل
نوف: حلوه لأني ساكنه فيها والا انا ماسرت فيها بقعه
ندى: يقولج العين دار الزين
نوف: صدقتي
أمل: ليش ما تتمشون فيها
نوف: لا من البيت للمدرسه ومن المدرسه للبيت
ندى: انتي بأي مرحله
نوف: رايحه لثالث ثانوي
أمل: ماشاء الله انا رايحه لثاني يعني انتي اكبر عني بسنه
ندى: نجحتي هالسنه
نوف: الحمدالله نجحت
أمل: جم نسبتج ؟
نوف: 93%
ندى: ماشاء الله
بأحباط أمل: ماشاء الله انا 84%
نوف: حلو .. انا واخويا متحدين من فينا ييب نسبه عاليه
أمل: اخوج نواف
نوف: لا لا نواف اكبر عني اخوي نايف
ندى: اهما اربعه نواف ونوف ونايف توأم وجسوم الصغير صح
نوف: ايوه
أمل: ماشاء الله انتي ويا نايف توأم
تهز راسها
أمل: جم نسبته اخوج نايف
نوف: ياب 97%
ندى+أمل: ماشاء الله الله يوفجه
نوف: آمين
ندى: يلا شدي حيلج الحين بتكونين ثانويه عامه
نوف: الله يقدرني وايب نسبه عاليه تدخلني اليامعه
أمل: شو طموحج
نوف: ابغي تخصص كمبيوتر
بفرح ندى: مثلي انا ادرس تخصص كمبيوتر الحين السنه الثانيه لي
نوف: صج
ندى: ايوه .. انصحج خلج على رايج بصراحه تخصص كمبيوتر مره حلو
وخذتهم السوالف نوف حبتهم وايد وارتاحت لهم وندى استانست وايد على سوالف نوف وحركاتها وامل عيبتها تحسها انسانه طيبه وحبوبه وبسرعه تدخل القلب
وبعد العشاء
دخل مبارك يبغي ينادي امه وشاف نوف ظاهره من ميلس البنات ونوف استحت وايد وردت للميلس وهي مقفطه
مبسوط لانها شافها مبارك: امايا تعالي نواف يبغي يسلم عليج
اظهرت ام مبارك تسلم على نواف وبعدها ادخلت تنادي اهل نواف لانهم خلاص بيسيرون
نوف: والله يلستكم ما تنمل ودي ايلس اكثر
أمل: يلسي واسهري عندنا .. وانا بردج ويا السايق ..الله يخليج
ندى: أي والله الحين الناس عطله يلسي معانا قبل لا نسافر
نوف: لا الله يعافيكم مره ثانيه انشاء الله
أمل: يلسي عاد
نوف: والله قشاري ما خلصت منه اوعدج اول ما اخلص من قشاري بقول حق نواف ييبني عندكم
ندى+أمل: وتسهرين عندنا
وهي تضحك
نوف: واسهر عندكم وش تبغن بعد اوامر ثانيه
أم نواف: يلا مع السلامه بنات نشوفكم على خير
ندى: الله يحفظكم مع السلامه
نوف: يلا في امان الله
ندى+أمل: في حفظ الله
في السياره
نواف: ها استانستي امايا
أم نواف: أي والله استنسنا ووسعنا صدورنا الله يوسع صدرك بطاعته
نوف: شو من وناسه عندهن بنات يخبلن شو ادب شو اخلاق ماشاء الله عليهن
أم نوف: بالذات هاي اللي اسمها ندى ماشاء الله عليها جمال ودلال الله يحفظها ويخليها لعين ترجيها
نايف: امايا
أم نواف: لبيه
نايف: لبيتي حايه يييوزون
أم نواف: ليش لا مب لاقين احسن عنك انت واخوك
نايف: لا لا انا ما ابغي بس نواف يقولي أسأل امايا ههههه
نواف: يالجذاب انا قيلنلك
أم نواف: هذي الساعه المباركة يوم فيها نواف بيعرس
نواف: لا امايا يجذب عليج نايف
أم نواف: صدقه نايف ليش ما تتزوج ريال ماشاء الله عليك راعي صلاة طايع ربك كمل نص دينك .. لو تبغيني اخطبها لك بخطبها
نوف: صدقها امايا ليش ما تتيوز
نواف: لا شو امايا من صجج .. بعدين الزواج مسؤليه ..مب وقته الحين لا يا الوقت اللي ابغي فيه اتيوز على هالخشم اني لأييج واقولج اخطبي لي
أم نواف: الله يوفجك يا ولدي ويسهل دربك عليك
يلف صوب نايف
نواف: انا اراويك يالسبال
نايف:ههههههههههههههه
ظهرت من عندهم وانا احاتي بعد ما سمعت اسم محمد بن ظاحي وخفت زود يوم طلع عم مبارك بس يلست اقنع نفسي انه مب اهوا نفس الشخص اللي سرقنا فلته حاولت انسى بس ماقدرت
بيت عيضه بن ضاحي
مبارك: شو امايا استانستي
أم مبارك: الحمدالله يوم اشوف احد من العين وما استانس الا طايره من الوناسه
مبارك: يعله دوم يارب
ندى: ماشاء الله عليهم وايد حبوبين .. وبسرعه تأقلمنا مع نوف
استانس بسماع اسم نوف
أمل: بصراحه انا ما كنت متوقعه اني اتقبلها او اتأقلم معها بهالسرعه بصراحه يدشون القلب سيده
مبارك: اهما ناس متواضعين وحبوبين عشان جذي بسرعه يدشون القلب
ابتسمت ندى لامبارك لانها تعرف ان مبارك يحب نوف
مرة الايام وسارت نوف عند ندى وامل وتعرفت على دانه بنت عمهم شافت انها مغروره بس حبوبه وبسرعه تأقلمت معهن استانست عندهم وايد واسبحو بمسبحهم ويلسو يطقن ويغنن كل الخبال اللي بروسهن ظهرنه مره وحده وبعد السهره اللي بدت من بعد صلاة العصر وما خلصت الا على ويه الفير وداهم مبارك البحر نوف وندى وأمل ودانه وبعدها سارو يودون نوف لبيتهم نوف خبرت اخوها نواف يسجلها بفس المدارس اللي فيها أمل ودانه كانت فرحانه لأن الله رزقها بهالبنات الطيبات اللي اعتبرتهن مثل خواتها
سافر ناصر وزوجته للنمسا وسافرة محمد بن ظاحي وعياله للباريس وبعد ثلاث اسابيع تلحقهم عايلة عيضه بن ظاحي وسافر نواف بن خليفه للسعوديه لأداء العمره اهوا واهله في الميقات تسبحو وتغسلو واحرموا وبعدها ساروا متيهين لبيت الله الحرام أول ما ادخلوه الكل حس بالرهبه والخوف من الله ثم من هذا المكان المقدس الكريم اتجهوا للطواف كل واحد فيهم ماسك كتاب ادعيه صغير ويدعون الله في السر ويرجونه ويتضرعون له نوف تحمد ربها وتشكره على النعم اللي انعمها عليهم ونفس الشيء الام ونايف ونواف كان شعور كل واحد فيهم نفس الشيء طول الدورات السبع وهم يدعون ويحمدون ويثنون الله بعد ما خلصوا من الطواف اتجهوا للصلاة ركعتين خلف مقام ابراهيم وبعد ما صلوا انتجهوا للسعي في الصفى والمروه واهم يدعون ويسبحون ويهللون ويكبرون .. وبعدها فكو الأحرام نوف وام نواف قصو من شعورهم ونايف وجسوم ونواف حلقوا وهذا من سنة النبي
اظهروا من السعي وهم برع الحرم
جسوم: الله حمام وايد
ويدخل امبيناتهم ويشتريله نواف الحب
نواف: جسوم عطه ياكل
جسوم: شلون
نواف: جذي ويعلمه شلون يجب الحب بخفه .. وجسوم سوا مثل اخوه
وهو مستانس: هههههه تيمعوا امايا شوفي تيمعوا
نوف: عطني جسوم شوي بعطيهم
جسوم: ما ابغي اذا قلتي جاسم عطيتج
مغصوبه نوف: اوكي جاسم عطني
ويعطيها جاسم وتجب لهم ويتيمعون
نوف: وييييييييي يننون
نواف: نااااااااايف تعال صورهم
ويي نايف ويلتقط لهم جم صوره
ايلسوا في مكه اسبوعين وفي المدينه اسبوع مرة هالثلاث الاسابيع حلوه على كل واحد فيهم .. اشترت فيهم نوف هدايا حق ندى وأمل .. وام نواف لأم مبارك
ردو لأبو ظبي مبسوطين ردو والفرحه ما زالت في قلوبهم ردو والبسمه على شفايفهم ردو وام نواف تحمد وتشكر ربها على كل ثانيه وكل دقيقه مرة في طاعته وعبادته
والحين تنوم قريرة العين بعد ماشافت عيالها ينومون وهم متهنين ومرتاحين البال
^
^
(( في باريس ))

^
^
دانه: وهاي كل السالفه
أمل: الله ينبطهم جليلين الحياه
دانه: والى الحين مالهم أثر .. ابويا كل اسبوع يسأل الشرطه اذا في شيء يديد والا لا
أمل: قلتيلي اللي اضربج اسمه خالد
دانه: ايوه .. ودي اشوفه واذبحه السبال ..اكرهه
وبدت تصيح .. وتلوي امل عليها
أمل: خلاص حبيبتي دانه .. ربي بيازيهم ما بيخليهم واتمنى انج تسامحين الريال اللي ما ذكرو اسمه
دانه: ما بسامحهم الله لا يوفجهم .. انا الى اليوم فيني روعه من اللي صار
أمل: الله يكون بعونج .. قومي توضي وصلي لج ركعتين وتعوذي من بليس واقري قران من زمان ما قريتي
دانه: صدقتي .. وبعدها برقد عشان نقوم باجر بدري
أمل: اوكي حبيبتي .. يلا تصبحين على خير
دانه: وين تعالي رقدي عندي
أمل: لا بسير بيتنا يلا تصبحين على خير
دانه: عفيه رقدي عندي .. بس اليوم
أمل: من عيوني الثنتين جم دانه عندنا
وتلوي عليها
دانه: وجم امل عندنا .. احبج يا بنت عمي
أمل: وانا احبج .. بسج عاد فكيني
تبتسم والدموع بعيونها
دانه: ما بفكج .. ههههههههه
أمل: فكيني والا ما بقعد هني
دانه: اسميني ميته فيج
وتبوسها على خدها وتهدها دانه
أمل: وانا اكثر .. بروح اتصل بمايا واخبرها
دانه: اوكي بنطرج فوق
أمل: ثواني واييج
فلة أبو ناصر

كانت فله من 3 ادوار محوطه بالحديقه المليانه بالاشجار والورود
كانت الفله روعه بمعنى الكلمه
بعد مرور 4ايام
نواف: الو هلا مبارك
مبارك: الو هلا نواف شحالك ؟ شخبارك
نواف: الحمدالله تمام .. انت شخبارك شعلومك؟
مبارك:بخير الله يسلمك
نواف: وينك ياريال اشتقنالك
مبارك: تشتاق لك العافيه .. اذا مشتاقلي تعال باجر على اول طياره لباريس
نواف: لا مشكور ياريال توني راد من احسن الاماكن
مبارك: انشاء الله استانستوا
نواف: الحمدالله استانسنا وايد
مبارك: اخبرك هني بنات غراشيب وايد
نواف: ههههههههههههههاي عنلاتك ياللوتي وهذا اللي مقعدنك هناك
مبارك: ههههههاي لا ياريال فيه شغل هني لازم اخلصه وعقب برد البلاد بس ها ما اوصيك على الشركه يا نواف
نواف: لا توصي حريص .. ولا تشيل هم الشركه بعيوني يا بو شهاب
مبارك: هذا عشمي فيك .. ما تقصر يابو خليفه .. خيرك سابق
نواف: الله يسلمك
مبارك: في اوراق باجر بتوصلك ابغيك توقعهن بدل عني .. وانا بكون على اتصال بك
نواف: اوكي ولا يهمك
مبارك: يلا سلم على الاهل
نواف: يبلغ انشاء الله
مبارك: في امان الله
نواف: في امان الكريم

في الشقه
نوف: انا في خاطري اتحوط ..من وصلنا ما ظهرنا بقعه
نايف:عاد اللي يسمعج يقول متعوده على الحواطه .. وما كنج يايه من اربع ايام من السعوديه
نوف: عاد انا في خاطري اتحوط
نايف: اذا بتتغشين بوديج
تتخصر نوف: شووووو ما بتغشى شو شايفني عيوز
نايف: يعني بس اللي يتغشن العياييز
نوف: ايوه
نواف: شبلاكم
نايف: شوف اختك اقولها تغشي مب طايعه تتغشى زين جذي ويها مكشوف وش تبغي ينقدون علينا العرب ويقولون بنتهم ما تستحي
نواف: صدقه يا نوف انتي لازم تتغشين خلاص كبرتي
نوف: بس......
نواف: لا بس ولا شيء بعدين اذا تغشيتي استر لج واحسن لج ولنا
مبرطمه نوف: انشاء الله
يقلدها
نايف: ما بتغشى شو شايفني عيوز
تحذفه بالمخده
نوف: جب .. سبال
نايف: هههههههههههههاي انتي السباله
جسوم: انا يييييييييييييت
نايف: قول السلام عليكم مو انا يييييييييييت
جسوم:السلام عليكم
الكل: وعليكم السلام
نواف: قولي الحين من وين ياي ؟
جسوم: من تحت
نواف: اعرف انك تحت بس من وين
جسوم: كنت العب بالسيكل ويا ربيعي خالد ولد يارنا
نواف: انتبه تطلع على الشارع العام بعدين يدعمونك
جسوم: لا بس نلعب بالحديقه اللي ورى العماره
نواف: نوف قومي انشبي الغدا ميت يوع
نواف: انشاء الله

باريس
الصباح
ندى: السلام عليج خالتي ..شحالج
وتحب راس ام ناصر
أم ناصر: هلا بنيتي وعليج السلام .. بخير الله يسلمج انتي شحالج
ندى: بخير الله يعافيج
أم ناصر: شخبار امج وابوج واخوانج ؟
ندى: الحمدالله طيبين انا يايبه معي فطور قلت خلينا نفطر رباعه
أم ناصر: فيج الخير يا بنيتي
ندى:عيل وين البنات
أم ناصر: في الغرفه روحي وعيهم
ندى: انشاء الله
وسارت ندى توعي دانه وامل واهيا طالعه الدري جان تشوف زايد جدام ويها وتعدل من شيلتها و ببتسامه ناعمه
ندى: صباح الخير
وهو بيسر
زايد: صباح النور
ندى: شحالك زايد ؟
زايد: بخير الحمدالله .. انتي شحالج
ندى: الحمدالله ما نشكي باس
سار وخلاها .. راحت توعي البنات
ندى: بناااااااااااااااااااااااات يلا قومن بسكم رقاد
دانه: bonjour
ندى: bonjour
أمل: bonjour مدري اهيا صح والا لا
ندى: ههههههه يلا قومن انا اليوم مسويه الفطور ويايبتنه هني يلا قومن
دانه: من صجج
ندى: ايوه .. عيل شو تحسبني مثلكن ما يعه ما اعرف شيء
ويحذفن عليها المخدات وهي تربع عند الباب
ندى: يلا ننطركم تحت
ويقومن
أمل+دانه: اااااوووووكيييييييييي
على طاولة الطعام
ندى: خالتي عيل وين زايد
أم ناصر: برع في الحديقه
ندى: لا حد يمد ايده قبل ما نكتمل
أبوناصر: تعالي قعدي مب طايع يي يابنيتي لا تعبين نفسج
ندى: مب بكيفه .. بيبه يعني بيبه
قامت ندى تبغي تزقر لزايد عشان يفطر وياهم رباعه وشافته يالس وبيده كتاب يقراه
ندى: bonjour
يلتفت صوب الصوت ويشوفها وببرود الثلج قال
زايد: bonjour
استغرب من نفسه كيف رد عليها
ندى: زايد يلا قوم كلنا ننطرك على الفطور
زايد: ما ابغي فطور
ندى: ما بنفطر الا وانت معنا يلا قوم
زايد: ما اشتهي يا ندى
ندى: عشان خاطري وخاطر امك وابوك اللي ينطرونك تفطر معهم
زايد: بس مـ......
ندى: لا بس ولا شيء يلا قوم عن الدلع الكل هناك ينطرك يلا
يبتسم زايد ويقوم وهو متعجب من نفسه انه ما يرفض طلب لها
دخل ويلس في الكرسي اللي جدام ندى
زايد: صباح الخير
الكل: صباح النور
ندى تغمز لعمها غمزة نصر وهو يبتسم لها
دانه: امايا صبي لي عصير
ندى: عنج خالتي انا بصبه لهم
بصوت واطي
ندى: ما تستحين على ويهج تخلين امج تصب لج وهاي اليدين وشهي له
دانه: عادي لامير
أمل: ندى ابغي زيتون
ندى: انشاء الله انسه أمل أوامر ثانيه حد يبغي عصير زايد تبغي عصير
زايد: ايوه بس مو وايد
ندى: ابشر .. تفضل
زايد: شكراً
الكل متعجب من تعامل زايد اليوم ومتعجبين اكثر انه يالس وياهم على سفره وحده بالعاده اهوا يفطر بروحه وان تكلم معه احد يحقره ويسير
يغايظون ندى
دانه: ندى عطيني سجين
ندى: سمي
دانه: لا لا اقصد شوكه
أمل: ندى صبي لي كوب ماي
طفرت ندى منهم مب قايله لهن شيء وعمها يالس معاهم على السفره بس كانت تلبي كل طلباتهم وتحذرهن وتتوعدهن بعيونها
أبو ناصر: بسكم شبلاكم على البنيه
رد غير متوقع منه
زايد: صدقه ابويا شبلاكم على البنيه
الكل مصدوووووووم شو ياه زايد اليوم قبل شوي يصبح عليهم واللي بعده يفطر معهم والحين يدافع عن ندى
ترد ندى عادي
ندى: يبن يطفرن فيني عشان ما اسوي لهن فطور مره ثانيه عشان اليوم وعيتهن من وقت وهزبتهن
أبو ناصر: انتي اللي مسويتن الفطور
ندى: ايوه عمي
أبو ناصر: بارك الله فيج من بنيه وانتن ليش ما تسون مثلها ها
دانه: ابويـ...
أمل: عمـ...
أبو ناصر: جب بس ييدات في التمصخر والتضحك يعلكن فدها
يعطيج العافيه يا بيتي
دانه: فيه العافيه عمي
وسار وتركهن وهي تبتسم لهن وهن يتحرطمن
دانه: ماصار فطور
أمل: صار هزاب وهواش
زايد: احسن تستاهلن مرة ثانيه تأدبن مع اللي اكبر عنكن
وهو يقوم
زايد: يعطيج العافيه على الفطور
ندى: الله يعافيك
دانه: اقول ندى شو رايج تروحين لبيتكم .. ابويا اول مره يهزبني
بس لاااااااا قعدي لانج غيرتي شيء جبير في حياة اخويا زايد
بثقه ندى: يعني اقعد والا اسير بيتنا
دانه: لا قعدي
أمل: والله اني تفشلت وايد يوم هزبني عمي كله منج يالسباله
ندى: انا سباله .. بسير انادي ليج عمي يعلمج شلون انا سباله
أمل: لا يا معوده تعالي هني .. أسفين وحقج على روسنا
ندى: هههههههه عشان تتأدبن مره ثانيه وانتن على الاكل
أبو ناصر وام ناصر اظهرو يتمشون برع و البنات سارن كلهن بعد الفطور للصاله ..
دخلت عليهن ندى وبيدها صينية الشاي وزايد كان بيسير
ندى: وين زايد .. تعال اشرب لك كوب شاي
دانه: وانا ابغي شاي
أمل: وانا ابغي شاي بس بليمون اذا ممكن
ندى: بصب لكن بس اسكتن عن الصدعه
ويلس زايد حطت الصينيه على الطاوله وصبت له كوب شاي وهي تعطيه اياه امسكه بيد و التف الكوب من ايدها وانجب على زايد اللي وجف ومن سمعت صوت القزاز واهي بسرعه انزلت بتشله اللي انتشر وتبعثر على الارض ومسك ايدها زايد وحست بويها احمر
زايد: طاح الشر طاح الشر .. خلي عنج لا يجرح ايدج
استحت وايد وهو ماسك ايدها وقريب منها هالقرب كله
هد ايدها زايد بعد ما اوتعى من اللي سواه قال وهو محرج
دانه وامل مبلمات عقب اللي صار جدامهم
زايد: وش تنتظرن قومن ونادن البشاكير يشلنه .. يلا قومن
قامن يربعن دانه وأمل وهن مرتعبات اول مره يشوفن زايد معصب جذي
ندى: اسفه اسفه ماكنت اقصد اسفه
وهي بتصيح
زايد: لا عادي ما صار الا الخير
صاحت
زايد: خلاص ندى ما صار الا كل خير
ندى: يدك انيرحت بسبتي .. اسفه ما كنت اقصد
زايد: بسج عاد لا تصيحين .. ترى بزعل منج
ندى: بسير ايب المعقم
زايد: ما يحتاي تعالي ندى ندى
وسارت واهيا تحس بتأنيب الضمير عقب اللي سوته لزايد .. سارت تدور على صندوق الاسعافات الاوليه خذت منه معقم وشاش وربعت للصاله بعد تنظيف الارضيه والكنب
ندى: زايد .. زاااااااايد
زايد: انا هني عند المغسله
سارت صوبه
ندى: يبت المعقم والشاش .. تعال الفهن لك
سارت اهيا وياه في الصاله وحطت المعقم على اليرح ويا زايد ويع
ندى: ادري يعور بس تحمل شوي
اهوا ساكت ويالس يتأمل في ويها الملائكي ..
زايد: ويني عنها من زمان معقوله عندي بنت عم وطول هالسنين ما شفتها ولا شفت بطيبة قلبها وحنانها ..
واوتعى من افكاره بعد ما انتبه ان ندى خلصت قال
زايد: مشكوره
ندى: العفو
يمازحها
زايد: لا يكون انتي دكتوره وانا مدري
ندى: ههههه لا شو دكتوره انا تخصص كبيوتر مالي شغل ابد بالدكتورا
زايد: لا عفيه طلعي من الكمبيوتر ودخلي طب
ندى: ما اعرف للطب موليه
زايد: دخلي عشاني بس
بأهتمام واضح ندى: ليه شو فيك ؟
زايد: سلامتج ما فيني شيء بس عشان كل ما صادني شيء تتداويني
احمر ويها واستحت من كلامه وااااااااااااااايد وقالت عشان ما تبين له مع انه بان له كل شيء
ندى: تفاول خير يا زايد.. انشاء الله ما يصيدك شيء
تدخل عليهم ام ناصر وتيلس حذال ولدها
أم ناصر: السلام عليكم
زايد+ندى: وعليكم السلام
أم ناصر: شو ياك يا ولدي
زايد: ماشي .. بس يرح بسيط
أم ناصر: شو منه
ندى: طاح الكوب مـ...
يقطع عليها كلامها
زايد: طاح الكوب من ايدي ويت اشله وانيرحت
ايلست ندى تطالعه شو يقول وهو يبادلها نفس النظرات
أم ناصر: بسم الله عليك جان ناديت البشاكير يشلنه
زايد: ناديتهن وشلنه
أم ناصر: من اللي داواهن لك ؟
و هو يناظر ندى بنظره غير عن كل مره انصبغ ويها احمر وهو يقول
زايد: ندى لفتهن لي الله يعافيها والله لو هي مب موجوده جان يلست انزف لين ما تيون
بصوت مثل الهمس قالت
ندى: بسم الله عليك
يلس يشوفها يبغي يعرف شو قالت وهو يحرك شفايفه بدون صوت ويقول لها شو شو قلتي
أم ناصر:الله يعافيها فيها الخير والبركه ندى الله ييزاج الف خير يمه
ندى: ما سويت الا الواجب يا خالتي
واظهرت ندى واهيا طايره من الفرح اليوم حست انها فعلاً تحب زايد ما كانت متأكده من مشاعرها يبغيلها وقت عشان يعترف اهوا لها بحبه

مرت الايام وزايد كل يوم بعد يوم تزيد علاقته بأهله والاكثر بندى اللي اقنعته انه يشتغل ويا اخوه وولد عمه بس شرط عليها شرط وقالها مب الحين بقوله لج بعدين ويا يوم من الايام ظهرن البنات مع زايد وتسوقن وشرن لهن الاغراض اللي يبنها وشرن لهن نعل وجناط خلاص قرب موعد الرجعه للبلاد
وهن يمشن كانت تمشي دانه وامل رباعه وندى وراهم وزايد شوي يي حذالها وشوي يرد ورى
سألها
زايد: اقول ندى
لا شعوريا ندى: لبيه
بفرح زايد: لبيتي حايه انشاء الله
استحت ندى: انشاء الله
زايد: تحيدين ذاك اليوم يوم انيرح
ندى: ايوه شو فيه
زايد: ابغي اعرف شو قلتي يوم امايا تسأل عن اللي مداوني
ندى: عن شو
زايد: يوم اقول لمايا
ندى لفتهن لي الله يعافيها والله لو هي مب موجوده كان يلست انزف لين ما تيون انتي قلتي شيء بهمس شو قلتي ؟
تتصنع انها تتذكر ندى: شو قلت ما احيد اني قلت شيء
زايد: عن الدلع قولي لي
ندى: طيب ليش تبغي تعرف خلاص سالفه وراحت
زايد: لا مب سالفه وراحت من ذيج اليوم وانا ابغي اعرف شو قلتي
ندى: يعني يهمك تعرف شو قلت
زايد: ايوه يهمني
بدلع ندى: أكيد
بصوت رقيق زايد: أكيد
ندى: بعدها بتندم لو قلت لك
باصرار زايد: ما بندم
ندى: اوكي
وتوقف من مشيها وتلتفت صوبه وتوقف بويهه
ندى: تبغي تعرف شو قلت
زايد: ايوه ابغي اعرف شو قلتي
ندى: وتخبرني شو هو الشرط اللي بتقوله لي
بتفكير نواف: امممممم اوكي .. والحين قولي شو قلتي
ندى: قلت ......
وتحرك ايدها تسوي روحها تتذكر وبعدها طلعت صوت بيدها
بشوق زايد: شو قلتي
ندى: قلت امممممممم انت قلت وقتها ندى لفتهن لي الله يعافيها والله لو هي مب موجوده كان يلست انزف لين ما تيون
بقل صبر زايد: صح وانتي شو قلتي
بصوت مثل الهمس قالتها بس مسموعه
ندى: بسم الله عليك
قالتها وشافت ويه زايد احمر ومنحري ما تحملت و تبغي تشرد منه عند البنات مسكها بيدها وقال لها
زايد: تبغين تعرفين شو كنت بقول لج
بثقه ندى: شو
زايد: أحبج
انصبع ويها احمر ويسمها يلس يرتجف من تأثير الكلمه ما كانت تتوقع من زايد بهالجرأه ويقدر يقولها
زايد: تبغيني اعيدها احبج يا ندى
واهيا خلاص مب قادره تتحمل تبغي تفج ايدها من ايده بس شافت ايدينها ذايبه بمسكته الناعمه لها
بصوت مترتجف
ندى: هـ..دنـ..ي
زايد: قبل ما تقولين لي لو خطبتج بتوافقين
ندى: ..........
زايد: يقولون السكوت علامة الرضا بس انا ما اعترف بالمثل احب اسمع بذوني ها شو قلتي
ندى: زايد
زايد: عيونه
ترفع راسها مب قادره تتحمل سحره لها
ندى: هدني
زايد: قبل ما تقولين لي
ندى: اوكي
زايد: وين اوديها هاي اوكي
ندى: اوكي وبس والحين ممكن تهدني
شاف انها مب قادره تقول موافقه هدها واشردت عند البنات وهي تقول خلاص ما اروم احبه احبه
^
^
^
^
في أبو ظبي
ردمبارك من اسبوعين لأبو ظبي وكل يوم يتغدى ويتعشى عند نواف لأن ام نواف حالفتن عليه متى ما ردو اهله من السفر في ذاك الوقت بتطلق صراحه
بعد الغدا
نواف: شبلاك
مبارك: ولا شيء
جان وده يقول تراكم مصختوها من يوم ييتكم وانا ماشفت نوف موليه والله حالتي تكسر الخاطر
نواف: شوف ويهك شلون معتفس متضايج ومالك خلق وتقول ولا شيء
مبارك: مافيني شيء ياريال .. الا غصب يكون فيني شيء
نواف: طيب ليش تعصب الحين
مبارك: ادري عنك الا تخليني متضايج
يدخل عليهم جسوم
جسوم: نواف تقول لك نوف تبغي تسير السوق بتشتري اغراض حق المدرسه
هلت اساريره يوم سمع اسم نوف وسار نواف عند اخته ورد وجف عند باب ميلس الريايل ونوف واجفه عند باب الصاله
نواف: اقول مبارك متى بييون اهلك
مبارك: بيون بعد باجر انشاء الله
نواف يكلم اخته
نواف: بعد باجر بيون .. شو قلتي
نوف: خلاص مب سايره اذا يو سرت ويا أمل وندى
نواف: بس اكيد هن بيشترن من هناك
نوف: لا ما ابغي بنطرهم لين يردون البلاد
نواف: بكيفج
رد ودخل الميلس ومبارك يبغي يسأله شو بتسير والا لا بس شلون يسأله
مبارك: يلا انا بسير
نواف: وين ياريال
مبارك: مب بتسير تودي اهلك
نواف: لا هونت تقول مب سايره الحين بتسير اذا ردو خواتك من السفر
بقهر مبارك: خواتي بيشترن اغراضهن من هناك لا تنطرهن خلها تخلص اغراضها
نواف: قلت لها بس مب طايعه
مبارك: بكيفها
خلاص طفرت اول ما ترد امايا من السفر بقول لها تخطبها لي مالي شغل .. شو بيقولون عني اخطبها وهي بعدها تدرس .. مو مشكله خلها تخلص الثانويه وبخطبها وان راغتني يا ويلها
ردو أهل مبارك وعمه للبلاد واستقبلهم بالمطار واظهروا من المطار رباعه بس عند السيايير افترقوا زايد يشوف ندى ويودعها وتودعه بلغة العيون ودانه تودع أمل الكل سار لفلته
بعد اسبوع عطت نوف أمل وندى ودانه هدايهم واستانسن عليها وايد لانها اذكرتهم بشيء بسيط وندى عطت نوف الهديه اللي شرتها لها من باريس وامل اعتذرت منها لانها نست وبعدها بجم يوم سارت مع ندى وأمل
دانه ما رامت تسير معهم لأنها تعبانه وشرت لها عباتين وشيلتين وخذت كل الاغراض اللي كانت في نفسها من أول نواف ما بخل عليها بشيء ونفس الشيء لنايف وردو البيت بعد ما تعشوا برع امبسط فيها مبارك يوم شاف نوف وتضايج يوم ماشاف ويها ورد كل واحد لبيته
^
^
بدت السنه اليديده ويا التحدي اليديد اول كان بين 2 بس الحين بين 4 اشخاص حماس وتحدي يديد جمعهم كل واحد فيهم يتحدى الثاني من بيجب نسبه وتقدير اعلى الكل يشارك ويسوي له حفله جبيره
التحدي بين دانه ونوف ونايف وأمل
نايف قبل التحدي بكل معنى للتحدي
نوف: شاده حيلها عشان تيب نسبه عاليه
دانه: واثقه انها اهيا اللي بتفوز بالتحدي بدون شك
أمل: تدعي ربها كل يوم وشاده حيلها عشان تيب نسبه عاليه

وش تتوقعون من اللي بيفوز بهذا التحدي..!؟

وش بيصير لزايد بعد التغير اللي صار له ..؟!

ونواف وش بيصير بحياته ..؟!
هذا الجزء فيه احداث حلوه بالمره
والجزء اللي بعده احلى واحلى

بتصفح النت وبرجع لكم

شكلها القصه مو عاجبتكم خلاص ماراح اكملها

كملي

انشاء الله حبيبتي بكملها قريب

آسفه على التأخير بس النت فصل من عندنا كم يوم

وهاكم التكمله ...

أبو ناصر فرح وايد للخبر اللي سمعه من زايد يبغي يشتغل في الشركه ويساعد اخوه فرح وايد للخبر اللي فرح قلبه

انتهى الفصل الدراسي الاول

أعلى نسبه
1) نوف 96% مو مصدقه هالنسبه اللي يابتها فرحانه وايد
2) دانه95% محبطه لأن أول مره في حياتها يكون أحد احسن منها كانت دوم تحب الافضل لها مب مصدقه ان نوف اعلى ونايف متساويه وياه
3) نايف95% فرحان بس قال الشاطر من يضحك بالاخير
4) أمل 92% طايره من الفرحه اول مره تيب هالنسبه تحمد ربها وتشكره
^
^

(( في فلة محمد بن ظاحي ))
أم ناصر: مارينا صعدي زقري لدانه وزايد
مارينا: اوكي مدام
اوما: زقري لمدام دلال وبابا ناصر
اوما: اوكي مدام
واهما نازلين من الدري وناصر يمسك زايد مع يدينه
ناصر: ما شبعت رقاد .. صحصح
زايد: والله اني ما رقدت زين كلها الا غفوه
يضربه على راسه
ناصر: صحصح حبيبي
زايد: هدني ناصر احسلك
ناصر: شو بتسوي
زايد: ما بسوي شيء
ناصر: مب هادنك
تدخل دلال: هده ناصر لا تعوره
ناصر: عشانج بس
زايد: الله يرزقني من يداريني ويحن علي
يضربه على راسه
ناصر: عن الكلام البايخ
دلال+ناصر+ زايد: السلام عليكم
ويحب كل واحد فيهم راس امه وابوه
الام والاب: وعليكم السلام
دانه: بنـ.. ااا السلام عليكم
خافت من ابوها يهزبها لا تحجت فرنسي
أبو ناصر يضحك وزايد وناصر ردو عليها السلام
بعد ما خلصوا عشاء .. في الصاله
زايد: ابويا ابغيك بسالفه
أبو ناصر: تبغينا نسير المكتب
زايد: لا ما يحتاي .. اللي بقوله ابغيكم تسمعونه عدل
زايد: اللي ابغي اقوله بـ....
ناصر: ايوه شو تبغي تقول
زايد: ابغي أكـ....
يهمس ناصر: تبغي تقدم معروض هههههه
زايد: جب
أبو ناصر: شو تبغي يا زايد
زايد: ابغي أكمل نص ديني واتيوز
بسرعه قالها سرعة الهواء اللي يستنشقه الكل على ويهوم علامة ؟؟!! وبعدها سمعو صوت
دلال: كللللللللللللللللللللللللللللوش كلللللللللللللللللللللوش
أبو ناصر: هاي الساعة المباركه اللي يوم نشوفك بتعرس فيها
أم ناصر: ما اعرف شلون يسونها كلللللوش
ناصر: مبروك الف مبروك بييك من يحن عليك ها
زايد : الله يبارج فيك هههههههههه
دانه: وناااااااااااااسه بيصير عندنا عرس يديد .. ومنهي هاي اللي تبغي تخطبها
بحيا زايد: ابغي اخطب ندى بنت عمي عيضه
أبو ناصر: ونعم الاختيار وين بتلقى احسن من بنت عمك
أم ناصر: والله انك فرحت قلبي الله يفرح قلبك
أبو ناصر: ومتى تبغينا نخطب
زايد: يقولون خير البر عاجله .. نخطب باجر والاسبوع الياي نملج وبعد شهر نتيوز
الكل: ههههههههههههههههههههههه
ناصر: الله الله هههههههههههههههه مستعيل الريال
زايد: جب ناصر واللي يعافيك جب
أبو ناصر: وليش العيله يا ولدي
زايد: انا مب مستعيل بس ما احب انطر وايد ويقولك خير البر عاجله
أبو ناصر: فالك طيب من باجر نسير نخطبها لك
زايد: فالك ما يخيب .. يحب راس ابوه الله يخليك لنا ذخر
ناصر: مبروك يا بو محمد
زايد: الله يبارج فيك انا بو سعود انت بو محمد
بحزن ناصر: انت اللي بتيب محمد قبلي
زايد: حشى علي حاسني قلبي انك انت اللي بتيبه
ناصر: ان شاء الله
ظهر زايد وهو مبسوط حده
دلال تمسك ايد ريلها وتصبره
دلال: لا تنسى ربي اهوا اللي يرزق واهوا اللي ما يرزق
ناصر: ونعم بالله
يا اليوم الثاني اللي بيخطبون فيه ندى حق زايد وافق ابو مبارك وراح مبارك يسأل اخته ويا الخبر لزايد قبل ما يي مبارك من الزغاريط اللي طلعنها الحريم ومر الاسبوع وكانت تيهز فيه اغراضها اللي تحتايها وكانت تقول الله يهديك يا زايد هالقد مستعيل شرت لها فستان ناعم بدون اكمام لونه زهر وليموني فيه قطع كرستالات ناعمه مخليه الفستان روعه وتحنت واحيزت عند الكوافير ويا يوم الخميس يوم الملجه
أمل مشغله المسجل وترقص من الوناسه من قدها اليوم ملجة اختها طالعه حلوه مره وناعمه بشعرها القصير انزلت تحت تبغي تشوف دانه يت والا سمعت نغمة الرسايل لتلفونها وطارت من الوناسه كانت تتوقع الرساله من حبيبها وفعلاً كانت من حبيبها اصرخت

أمل: لااااااااااااااااااااااا
محد سمعها كان البيت كله مرتبش بصوت المسجل .. اصعدت فوق لغرفتها وهي تبجي حاولت تتصل فيه بس ما يرد
افتحت الباب والابتسامه على ويها
دانه: السلام عليييييييييج يا احلـ...... أمل شفيج .. امل حاجيني
أمل: دانه تركني تركني
تلوي عليها وتمسح على شعرها
دانه: بسم الله عليج هدي نفسج .. شفيج خبريني
أمل: تركني بدر
دانه: شو قالج
أمل: طرش لي هالمسج شوفي شو كاتب انا مب مصدقه اللي يصير فيني لااااااااااااااا بدر مب هادني بدر يحبني
دانه تقرا المسج
أمل اسمحيلي اقولج لا تدقين على هالرقم لأني ما احبج
ولا بحياتي حبيتج بس كنت اتسلى
والحين انسي واحد اسمه بدر
دانه: الحقير الجلب انا اراويه
وتدق عليه بس اهوا مارد حاولت لين رد عليها
بدر: مب قالينلج لا تتصلين
بعصبيه لكن بهدوء دانه: كل تبن يا جليل الحيا يا الجلب يالسبال انت شو مو ادمي تقط رسالتك ولا تعرف شو عواقبها يالجلب
بدر: اقول عن الغلط
دانه: انت اخر واحد تتكلم عن الغلط ياجليل الحيا والتربايه كلك من راسك لين ريولك غلط يا حثاله تغلط على الناس والحين تيي تتكلم عن الغلط يالخايس
بدر: اقـ..
تقطع عليه دانه: جب ولا كلمه بس بقولك شيء واحد اللي سويتنه فيها يعلك تشوفه بحرمتك وخواتك يالجلب
وتبند في ويهه وتيلس على الشبريه وهي تصيح وتلوي عليها أمل وكل وحده فيهن تصيح على الثانيه .. فزت دانه
دانه: قومي غسلي ويهج بدر هذا ما يستاهل تنزلين دمعه عليه
أمل: احبه يا دانه آآآه آآه
وهي تصيح وبصوت متقطع
دانه: بسج آآآممم بسج حب بعد اللي سواه لج تحبينه هذا واحد ما ينحب لو يحبج ما تركج والمفروض انج ما تصيحين عليه سمعيني يا امل وتمسك ويه امل بيدينها
اللي بيعج بيعيه لو هو غالي برخص التراب برخص التراب بيعيييييه
تحاول انها تهدي شوي وترد صوتها طبيعي
دانه: طلبتج يا امل انج تسينه واللي يعافيج آآآآه واللي يعافيج
وتصيح
أمل: اوعدج يا دانه اني انساه اوعدج آآآآآآه آآآآآآآآه
وتلوي عليها ويصيحن على بعض دانه تصيح على حالة أمل المنهاره وامل تصيح على حبيبيها اللي حبته وراح منها
تحت الكل مرتبش ومبسوط ياو المعازيم وندى تسأل عن اختها وعن دانه بس كانت عندها نوف
ادخلت عليهم دانه وأمل كل وحده فيهن تخلي الامر عادي بس كان باين على أمل
أمل+دانه: السلام عليكن
ند+نوف: وعليكم السلام
ندى: وينكن فيه يالسه هني بروحي لو ما يتني نوف جان نزلت بروحي عند الحريم
وهي تلوي على اختها أمل: فديت ويهج تاخرت لاني اتلبس وكاني ييت
بدفاع دانه: انا اللي اخرتها ييت من الصالون وانا ما لبست شيء لبست هني
ندى: خلا مسامحتنكن بس لا تتعودنها
أمل+دانه: اوكييييييييييييييي
يابو لها الكتاب ووقعت عليه والحين صارت حرم زايد بن محمد بن ظاحي انزلت على شريط هادي والكل يزغرط من الفرحه لبستها أم ناصر العقد الالماس اللي شرته لحرمت ولدها دانه تشوف أمل وصاحت وصاح كل من في الفله أمل ماتدري على مين تصيح وتبجي يا تصيح بحزن على بدر يا تصيح بدموع الفرح لأختها وتلوي عليها دانه وكل وحده فيهم تواسي الثانيه الكل لاحظ تغير أمل بس يعتقدون انها متضايجه عشان اختها بتروح عنها وبعد ما تعشو الناس وساروا طلب زايد انه يشوف ندى بس ندى ارفضت وقالت بما انه يبغي الزواج خلال شهر مب شايفني وحرج عليهم زايد في البدايه بس بيتحمل اهم شيء يكون الزواج بعد شهر
^
خلال هالشهر نواف يمعله مبلغ ممتاز يكفيه للدراسه في الخارج وزود فكر انه يستثمره بس بعده ما درس الفكر ..
ومبارك كل يوم بعد يوم يزيد اشتياقه لنوف ..
أمل خلاص نست بدر واقتنعت ان علاقات التلفون ابد ما تنجح مهما كانت الظروف
دانه ياعمري عليها خلاص انصدمت من الريايل ما صارت تثق بأي احد منهم غير اخوانها وابوها
انصدمت من خالد اللي طقها وانصدمت اكثر يوم شافت حالة أمل وهي منهاره ..
ندى وقفت هالكورس والسنه اليايه بتكمله بناء على طلب زايد والحين اهيا مشغوله بترتيبات زواجها كل اسبوع زايد يرسل لها باكيه من الورد الاحمر مع بطاقه مكتوب عليها ابيات من الشعر
فستان الزواج مصممته من لبنان تصميم اليا صعب البسته وطالع شكلها روعه كله من الكرستال الغالي وكان فخم وايد وطلع شكلها مع التسريحه والميك اب روعه كان كل شيء ياهز ومرتب على اكمل وجه وفستان أمل هادي وحزين مثلها لونه لون الليل اسود له كم واحد والثاني عاري فيه مسكه من الكرستال ولابسه تاج من نفس الكرستال اللي بيدينها وطالعه أميره ايوه أميره بس حزينه ودانه فستانها يايبته من باريس لونه زهر لون خدودها عاري بدون اكمام كان شكلها وايد حلو طالعه مثل السندريلا بتسريحه الشعر والنعومه
ونوف كانت لابسه فستان مره هادي لكن روعه لونه تفاحي مع زهر ورافعه شعرها وحاط فيه مشابك من كرستال وحاطه ميك اب مره هادي وطالعه ايه من الجمال كانت تتمنى اخوها يتيوز وتلبس هذا كله بس الحين فرحتها ما تقدر بثمن اليوم اختها بتتيوز
ودلال طالعه الانيقه من بين الحظور بجمالها الرباني وكبرياها الواضح كانت لابسه فستان من اللون الارجواني اللي مطلعنها بيضاء وكانت ملفته للأنتباه
استعدت ندى للزفه كانت وايد مبسوطه وفرحانه مشن وراها الحريم والبنات والمصورة من جدامها وندى ما كانت تشوف شي لان ويهها مغطى عن الرياييل

زايد في الطرف الثاني بكشخته يمشي ويا اخوه ناصر وولد عمه مبارك وابوه من وراهم تلاقوا عند الباب
مبارك: الف مبروك ندويه
ندى: الله يبارج فيك
زايد: الف مبروك
بحيا ندى: الله يبارج بحياتك

* وقفت يم زايد والاضاءه عليهم *
مشو على الاضاءة اللي كانت خافته.. والشريط يشتغل على دقه هاديه والجو صار ملائكي.. الكل يذكر الله
وصلت ندى وزايد للكوشه والقوم كلهم وراهم..الشباب كانوا يرقصون واهم متلثمين لانهم استخفوا يوم شافوا البنات والبنات يضحكن عليهن مبارك اول ما شاف نوف ما شال عيونه عنها تخبل عليها زود يوم طاحت الغشوه من ويها وشافها انين خلاص ما يقدر يتحمل اول ما يرد بيكلم ابوه ونوف ما حست فيه ولا هي داريه ومبارك يبغيها تلتفت يمه من ما زاد تعلق مبارك بنوف ركبت ندى الكوشه على هدوء ونوف ودانه وأمل يساعدنها
لبسها زايد الدبله المرصعه بالالماس ولبسته اهيا الدبله
خذت لهم المصوره صور حلوه ورومانسيه وهم يقطعون الكيكه
خذا زايد حرمته وهو يودعهم راح للفله غيرت والبست جلابيه سماويه مع تفاحي وسارو للمطار وخلصوا تذاكرهم وسافرو لأيطاليا وبعدها بسيرون لجزر هاواي
^
^
الصباح الساعه 6
: حرام عليك لا تقتلني آآآآآآآآه لا تقتلني
نواف: ما بقتلج .. لا تخافين ما بقتلج
: عيل ليش تضربني
نواف: ما ضربتج
نواف: تعالي وين بتروحين مابضربج تعااااااااااالي
كان يربع وراها وهي تربع لين اختفت
تعاااااااااالي لا تروحين سامحيني تعااااااالي
وفز من نومه
نواف: تعالي تعالي كح كحح ..اعوذبالله من الشيطان .. الحمدالله انه حلم الحمدالله .. ياربي شو يابها على بالي خلاص كل ما نسيتها تيي على بالي يارب صبرني يارب تكون مسامحتني يارب
قمت وتيددت وصليت وبعدها لبست ملابسي وافطرت انا واخواني وسرت اودي نوف ونايف لمدارسهم وسرت بعدها للشركه
في الشركه
نواف ميود راسه واهو خلاص مب قادر الحلم يروح عن باله
مبارك: السلام عليكم
نواف: وعليكم السلام
مبارك: شخبارك
نواف: الحمدالله انت شحالك
مبارك: بخير وسهاله ..شوفيك نواف
نواف: بس مصدع شوي
مبارك: خذلك حبة بندول عشان ترتاح والا اذا تبغي تروح البيت روح
نواف: لا ما يحتاي بيروح بعد شوي .. مبارك بغيت شيء
مبارك: بعدين الوقت الحين مب مناسب
نواف: اقول اقعد وقولي وش بغيت
يبتسم بخفه مبارك: اقعد اقعد امري لله
نواف: شو بغيتني فيه
مبارك: ابغي اكلمك بموضوع حساس شوي واتمنى تتفهمني
بخوف نواف: شو في ياريال خرعتني قول
يخوف نواف مبارك: كل خير بس احب اقولك اذا ما صار هالشيء ما ابغيه يأثر على علاقتنا يا نواف
بقلة صبر نواف: طيب قول خوفتني
مبارك: ابغي اخـ.... شوف يا نواف انا اقولك ....
يقطع عليه نواف: اذا ما صار هالشيء ما ابغيه يأثر على علاقتنا يا نواف والله فهمت اللي بعده
مبارك: هههههههه وش فيك عصبت
نواف: من طريقت كلامك ادخل بصلب الموضوع وريحني
مبارك: انا حاب ان علاقتنا تقوى ونصير نسايب يعني يا نواف بن خليفه انا يايك واطلب اختك لي كزوجه اذا ما عندك مانع
ملامح وجه نواف جامده ومبارك ينتظر رد نواف
نواف: هاي الساعه المباروكه يوم نناسب عايلة آل ظاحي
بفرح مبارك: الله يسلمك وانشاء الله الخميس الياي بنيي انا والوالد ونخطبها رسمي
نواف: الله يحييكم .. بس يا مبارك بقولها لك مب انك ياي تخطب بقولها لك وانت اخويا
مبارك: قول اللي بخاطرك
نواف: البنت الحين اهيا اخر سنه واخاف يأثر على دراستها يا مبارك
بخيبة امل واحباط مبارك: اوكي بنيي نخطبها بعد الامتحانات
نواف: فالك طيب
مبارك: فالك ما يخيب .. وبما انك بتأخر الخطبه بعد الامتحانات بملج على طول وبعد الملجه بشهر بتيوز
نواف: ابشر وعلى هالخشم
مبارك: تسلم بوخليفه
نواف: الله يسلمك
نوف نايف ودانه من غمسين في المذاكره للمتحانات النهائيه اهما ثانويه عامه أمل تذاكر بجهد واجتهاد وشاده حيلها تبيغي تيب أكثر تبغي تبين انها خلاص اتركت كل ايام الدلع والحين اهيا أمل اللي تفكر في دراستها وبس ماتبغي أي شيء ثاني يشغلها عن الدراسه
يات الامتحانات وكل يوم يروحن لمدارسهم لحل الاسئله وبعدها يردون البيت ويفتحون كتب ثانيه ومذاكره ثانيه مرت ايام الامتحانات ثقيله على كل واحد فيهم والاثقل منها انتظارهم لظهور النتايج في الجرايد أمل اظهرت نتيجتها ونسبتها 99% وكانت مبسوطه وايد من اللي خلا اشتياق الباقين لنتايجهم ونسبهم بعد 4اسابيع من الامتحانات
(( في الشقه))
نوف: امايااااااااااااا
أم نواف: لبيه
نوف: مايا نايف
أم نواف: لا ما يا لا تحاتين وانا امج انشاء الله ناجحه
بخوف نوف: انشاء الله
نايف: امايااااااااااااااااااااا نوفوووووووووووووووه نيحت
تفز نوف على صوت نايف
نوف: جم نسبتي
نايف: 50%
نوف: جذاب
نايف: نوف بنت خليفه 97%
نوف: ونااااااااااااااااااااااااااسه
أم نواف: الف مبروك يمه الف مبروك
نوف: الله يبارج فيج
نوف: وانت جم نسبتك ؟
وهو يصارخ نايف: 99% وااااااااااااااااااااااااااااااااااااااااااااااااو
نوف: جذاب
نايف: والله جوفي اليريده ..انتي وربيعتج دانه سون لنا حفله انا وأمل
نوف: أمل 99% وانت 99%
نايف: متعادلين انا وامل ودانه 96% مافي فرق بيني وبين امل الا جم فاصله والثانيه انتي ودانه الثالثه واااااااااااااااااو يهزو الحفله
نوف تلوي على اخوها وتبوسه
نوف: الف مبروك يا نايف
نايف: الله يباج فيج .. يس شوفي احذرج وللمره العاشره لاتتحديني انتي خاصه وربيعاتج
ويمسكها بخفه على خشمها وهي ترفع يدينها مستسلمه
نوف: خلاص توبه من هالنوبه واخر مره ما اتحداك بشيء
نايف: ههههههههه
^
^
(( في بيت محمد بن ظاحي ))
ناصر: ها بشري
دانه: 96%
ناصر: مبروك الف الف مبروك تستاهلين
ودخلت عليهم امل
أمل: داااااااااااااانه دندوناااااااااااااااااااااه وينج
دانه: انا هني تعالي
أمل: دانااااااااااااااااا مبروك وينج الف الف مبروووووووووك
دانه: الله يبارج فيج قريت نسب نايف ونوف
أمل: مبروك عليج وعليهم
دانه: الله يبارج فيج .. ما تدرين قد ايش فرحت وانبسطت يوم قريت نسبهم كنت اتوقع انا اللي بيب 100% او 99% يوشفت نسبهم ونسبتج فرحت وايد لأنها بهالفتره عشت روح التحدي مع ناس كنا ما نعرفهم تحيدين كنا ثنتين وما نحب نكون علاقات كثيره والحين ونوف بطبعها الطيب وبشخصيتها المرحه اقدرت انها تغير اشياء كثيره فينا والحين احنا 3 بنات ربيعات او بالاصح خوات من غير اللي تعرفنا عليهن بالمدرسه
أمل: صدقتي يادانه مادري من شو قلبها كلها طيبه وحنيه ماشاء الله عليها
دانه: ما شاء الله عليها اقول متى تبغن نسوي الحفله
أمل: بكيفكن انتي ونوف
دانه: انا بتصل بنوف ونتفق على كل شيء
أمل: اوكي
ناصر:امايااااااااا وين امايا
دانه: امايا فوق راقده
ناصر: ماريناااااا اومااااااا
مارينا+اوما: ايوا بابا
ناصر: روحن وعن ماما أم ناصر بسرعه
دانه: شو في دلال
وهي تبتسم دلال: او.........
يمنعها ناصر: لا تقولين لهم لين تيي امايا
أمل: يلا عاد نصور شو السالفه
ناصر: اليوم لو تناديني نويصر مب مهزبكن
أمل: لاااا السالفه جبير
بقل صبر دانه: شو السالفه نااااصر عفيا خبرني شو السالفه
أم ناصر وهي نازله من الدري
أم ناصر: شبلاكم موعيني في شيء صاير
ناصر: امايا بارجيلي دلال حامل
دانه+أمل: شووووووووووووووووو
بفرح كبيرأم ناصر: الف مبرووووووووك
دانه+أمل: دلال صج
دلال: ايوه
أمل: كلللللللللللللللللللللللللل لللللللللللللللللللللللوش ومباركين عرس الاثنين لليلة ربيع عيني قمرااااااااا كلللللللللل لللللللوش الف الصلاة والسلام عليك يا حبيب الله محمد كلللللللللللللللللللللللل لللللللللللللللللوش ودانه تصفق وامل تغني وترقص
مبروك الف الف مبروك منك المال ومنها العيال
ناصر:الله يبارج فيج
دانه: هههههههه خلتك معرس
ناصر: وانا شو توني معرس صح يا دلال
بابتسامه ناعمه دلال: ايوه

تلوي ام ناصر على دلال وتصيح وتبارك لها وتوصيها بالراحه التامه وتهتم بأكلها وحرص على دلال اكثر وصت البشاكير على فطور وغدا وعشاء دلال يسون لها اكل صحي لازم تتغذى عشان الطفل فرح ابو ناصر فرحه كبيره يوم سمع هالخبر اللي صج يفرح القلب ودعى لولده بالذريه الصالحه
تذكر ناصر كلام اخوه زايد وراح يتصل به
ناصر: السلام عليكم شحالك يالمعرس
زايد: وعليكم السلام بخير الله يسلمك انت شحالك
ناصر: شعلومك وكيف المدام
زايد: الحمدالله كلنا بخير
ناصر: بشو ابشرك
زايد: بشو
ناصر: دلال حامل
زايد: احلف
ناصر: أي والله
زايد: الف مليون مبروك تستاهل يالغالي تستاهل الله يتمم عليها
ناصر: الله يبارج بحياتك عقبالك
زايد: آمين انشاء الله
ناصر: يلا مابنشغلك عن المدام
زايد: عنلاتك يالسبال
ناصر: لو سمحت انا بو محمد مب سبال
زايد: تستاهل ما بنطول عليك يا بو محمد وسلم على الأهل
ناصر: يبلغ انشاء الله يلا في امان الله
زايد: في امان الكريم

سارت عايلة عيضة بن ظاحي للبيت نواف بن خليفه يخطبون لمبارك وافق نواف بعد ما اخذ موافقه امه واخته نوف وتمت الخطبه ولله الحمد تعالت اصوات الزغاريط واستانس مبارك وايد يوم سمع هالصوت قررو الملجه بعد خمسه ايام كانت نوف تسير فيها السوق ويا دانه وأمل يتشرن الاغراض رباعه للحفله ولملجة نوف واخر يوم يتشرن فيه دانه وأمل يو مع سايقهم ونوف يت مع اخوها نواف وهن في السوق

نوف: اف وينهن
نواف: خذي اتصلي بهن وتخبري وين مكانهن
نوف تتصل بتلفون دانه
دانه: الو
نوف: الو دانه
دانه: ايوه من معاي
نوف: انا نوف
دانه: هلا هلا نوف وينج انتي
نوف: انا بالطابق الثاني
دانه: اوكي الحين يايينج يلا باي
نوف: اوكي باي
نواف: شو وينهن
نوف: الحين يايين
^
^
^
^
^
^
^
^
^

ياترى نواف بيشوف دانه ؟
واذا شافها وش بيكون موقفه بعد ما يعرف انها بنت عم ربيعه مبارك؟
وهل دانه بتعرف نواف من نبرة صوته ..؟!

نوف: اف وينهن
نواف: خذي اتصلي بهن وتخبري وين مكانهن
نوف تتصل بتلفون دانه
دانه: الو
نوف: الو دانه
دانه: ايوه من معاي
نوف: انا نوف
دانه: هلا هلا نوف وينج انتي
نوف: انا بالطابق الثاني
دانه: اوكي الحين يايينج يلا باي
نوف: اوكي باي
نواف: شو وينهن
نوف: الحين يايين
أمل: نوف
نوف تلتفت لصوت أمل
نوف: اهلين شخبارج
أمل: بخير الحمدالله ..انتي شخبارج
نوف: الحمدالله . عيل وين دانه
أمل: شافت وحده من ربيعاتها ويالسه تسولف وياهن
نواف يلس يشوف أمل واستغرب انها ما تتغشى بس باين عليها انها صغيره وقال
نواف: شحالج أمل
بحيا واضح أمل: زينه انت شحالك
نواف: الحمدالله شخبار امج وابوج
أمل: طيبين
نواف: نوف انا بسير اتحوط ومتى ما خلصتي اتصليبي
نوف: اوكي
أمل: منو هذا
نوف: اخوي نواف
سار نواف للمحلات الرجاليه يشتري اغراض له حق ملجة نوف خذ له نعول وغتره وكندوره يديده وبعدها دخل محل العطورات ويلس يشوف ويختار له عطر ودهن عود سمع صوت انثوي مألوف
: لو سمحت ابغي عطر اويا
لف صوبها وانصدم أكثر يوم شافها هاي اهيا البنت .. ياربي ليش يصير فيني جذي .. ليش كل ما ييت انساها ارد واشوفها
دانه: وابغي عطر اكسس ميشيل
دانه ما انتبهت للنواف اللي يالس يشوفها .. نواف كان متعجب من لغتها الاماراتيه بس ما تتغشى ولا تلبس عباه وهو غايص بافكاره نبهه الموظف وقال له
الموظف: اخوي تبغى غير هالعطر
نواف يبغي يتذكر اسم واحد من العطورات اللي طلبتهن بس ماذكر الا اخر واحد كان يبغي يسأل الموظف بس خاف ينقد عليه وبعدين جبيره في حقه
نواف: ايوه ميشيل لو سمحت
استغربت من التصرف اللي انا تصرفته كنت ابغي اخذ أي شي يذكرني فيها كثر ما ابغي انساها كثر ما ابغي استولي عليها خذت العطورات وظهرت من المحل وانا ادور عليها ابغي اشوفها ابغي اطبع ملامح ويها أكثر في بالي كل يوم كنت احاول فيه اني انساها بس اليوم انشغل تفكيري فيها أكثر عن أول يلست ادور في السوق كله ابغي اشوفها بس اختفت مثل ريحة عطر انتشر ومابقى لها أثر
دانه: هاي أمل
أمل: شبلاج تأخرتي
بهمس دانه: شريت لي عطر وشريت عطرين مع خاتم من الذهب الابيض وسرت غلفتهن وييت ابغي اعطيهن نوف بس لا تخبرينها
أمل: اوكي بس وين الهديه
دانه: في المحل اذا اظهرت نوف بسير اخذها
نوف: وينج دانه ساعه ندورج
دانه: يلست ادور عليكن وكاني لقيتكن ..شريتي شيء
نوف: ايوه خلصت كل شيء والحين ممكن تتصلين بخوي نواف ابغي اسير
أمل: لحظه شوي خلينا نسير الكفي ونطلب وبعدين نسير
دانه: صدقها
نوف: براحتكن
دخلن الكوفي شوب وايلسن واطلبن 2موكا لاتي واحد كابتشينو و3قطع من كعكه بالشكولاه
أمل تغير ويها وانصبغ قالت بسرعه
أمل: دانه دانه شوفي هناك اهوا هني ياربي ما اتحمل اشوفه
بخوف دانه: منهو اللي هني
نوف: بسم الله عليج شفيج أمل
أمل: بدر بدر يا دانه
تلف دانه صوب بدر وتناظره بحتقار
دانه: أمل ما عليج منه سوي روحج عادي ولا كانج شايفتنه اضحكي واحقريه الحقير
نوف: منهو بدر هذا
دانه: كانت أمل تحبه بس اتركته الحين
نوف: امممممم
اضبطت نفسها أمل وسوت روحها ولا كأنها شايفتنه ويلست دانه تحتقره بعدها قام ويا صوبهم
أمل: يا صوبنا يا دانه
دانه: خليه علي انا .. والله لغسل شراعه
بدر: اقول.......
دانه: قبل ما تقول شيء شل هذول وحطهن بالزباله اووه تحط ايدها على فمها من حضرتك على بالي عامل النظافه
ربع بدر يلسو يضحكون عليه
ميت قهر بدر: انا بدر صرت عامل نظافه
أمل: لا مب عامل نظافه الا حقير ونذل
بدر:جب والـ.....
يا صوت رجولي
: نعم اخويا شو تبغي وش موقفنك هني
أمل: نايف
بدر: وحضرتك مين ياي تدافع عن بنات خلق الله
نايف: حضرتي اخوهم يالسبال
اعتفس ويه بدر: اعذرني اخوي بس كنت مشبه عليهن
نايف: حبيبي خواتي ما يشبهن حد ولا حد يشبهن ومافي حد مثلهن وثاني مره يالاخو البس نظارات عشان تشوف عدل وتميز بين الشين والزين
أمل استانست وايد من كلام نايف وطريقتة في الدفاع عنهن
وبدر منصدم من كلام نايف له كان يبغي يضربه بس لاشتكى عليه بيكون الغلط عليه
نايف: شو تنتظر اجلب ويهك يلا
سار بدر وهو مغيظ عليهن وهو يتوعدهن ويتوعد اخوهن
نايف: شو كان يبغي منكن
دانه: مثل أي شاب يتحرش
نايف: وانتي عايبج الوضع
أمل: لا مو عايبنا .. نايف انت جذي عيبتني وايد يوم هزبته وخليته يعرف قيمته
نايف: عيل شو اشوف خواتي واسكت عنهن
استانست وايد أمل يوم قال خواتي ودانه تقول الله على طيبة قلوبهم هالعايله
يكلم أمل نايف: والحين انتي ليش ما تغشين
أمل: بعدني صغيره
نايف: لا شو صغيره يلا سيري اشتري لج غشوه وتغشي عن يشوفنج الريايل
بدون تردد أمل: ان شاء الله
يكلم دانه: وانتي شو لابسه الله بستره شلون طالعه جذي سيري اشتريلج عباه كنج اجنبيه
بغرور وعناد دانه: مب لابسه عباه شو بتساوي
نايف: ما بساوي شيء بس انصحج يا اختاه
انقهرت وايد دانه من تصرف نايف معها
نوف: يلا نايف خلنا نسير عند نواف ونظهر تأخرنا وايد
نايف: يلا قومن
دانه: احنا مب ظاهرات
نايف: بكيفج انتي وانتي يا امل
أمل: بظهر مع دانه احنا يايين رباعه
نوف+نايف: يلا فمان الله
أمل: فمان الكريم
بعد ما سارن
أمل: ويييييييييييي يخبل يا دانه يينن يا زين اخويا اللي ما يابته امايا
دانه: مالت عليه مغرور وشايف نفسه من يكون عشان ينتقدني في لبسي
أمل: اسمحيلي يا دانه شكلج جنج اجنبيه ابد ما كانج خليجيه
دانه: انا بكيفي شكلي وعايبني مب مهم يعيبه
أمل: خلاص براحتج .. بس بسألج شفتي اخو نوف نواف
دانه: لا ما شفته ولا ابغي اشوفه اكيد مثل اخوه متعجرف ومغرور ومسيطر
أمل: لو تشوفينه يطيح الطير من السما ويقول للقمر وخر ونواف محلك يسلب عقل كل بنيه تمر يمه من جماله ومن ريحة عطره القوي المركز ياويليييييييييييييييييي
دانه: لا يكون حبيتيه
أمل: لا اهما بحسبة اخواني قومي خليني اشتري لي غشوه
دانه: من صجج
أمل: ايوه من صجي عيل شو
دانه: شلون تبغيني امشي معج ان شاء الله
أمل: تحمليني كلها جم شهر وبعدها بتسافرين وتدرسين برع
تذكرت هذي الشهور اخر الايام بتقضيها مع أمل بنت عمها ونوف ربيعتها بتسير تكمل دراستها بباريس

رديت للشقه وبعدها ما راحت من بالي دخل تحت الدش احاول اني انساها ما قدرت طلعت ولبست ودخلت بفراشي يلست اتقلب وويها ما يفارق مخيلتي طفشت باجر ملجة نوف وابغي ارقد ومن كثر ما افكر فيها ما رقدت حاولت وحاولت بس ما رمت يلست استغفر واسبح واهلل
ماحسيت بنفسي الا وانا راقد وعيت الساعه 1 الظهر مب مصدق كل هالوقت رقدت ولا صليت يارب اعفو عني قمت وتيددت وصليت الفير والظهر
يبت الاغراض اللي ناقصه للبيت شفت تلفوني فيه 13 مكالمه لم يرد عليها من مبارك و3 رسايل هم من مبارك يسأل عني شفيني ما ارد على تلفوني ضحكت عليه اكيد محتشر يبغيني اتصل به
كانت الحفله صغيره بس عايلة محمد بن ظاحي وعيضه بن ظاحي وعايلة خليفه يت ندى وزايد بعد شهر عسل دام 3 شهور كانت ندى مبسوطه وايد وياامل لخوهم مبارك من يوم شافن نوف وهن متمنيات انها تكون من نصيب اخوهم والحمدالله ربي استجاب دعواهم
تيمعوا البنات ويلسن بالصاله ويسولفن عليها لين يا نواف ودخل وعطى اخته الكتاب ووقعت وعلت زغاريط الحريم وأمل تدور على دانه تبغي توريها نواف وما لقتها الا بغرفة نوف تدور على سوارتها اللي طاحت منها ولقتها عالتسريحه لبستها أم مبارك عقد من الالماس مع سواره وخاتم طالع شكله روعه على نوف اللي طالع شكلها يينن بالأورنجي والفيروزي وبعد الربشه والعشى وبعد ما سارت عايلة محمد بن ظاحي طلب مبارك انه يشوفها وسار نواف يزقر لأخته نوف عيت نوف ما تبغي تسير بس ندى اقنعتها انها تسير عشان يرقد اخوها الليله وهو متهني
ايلست في مقلط الحريم اهيا وجسوم ونايف
نايف: مبروك الف مبروك
نوف: الله يبارك فيك وعقبالك
نايف: جدامي اربع او خمس سنوات الطب ياخذ وقت
نوف: الله يوفجك
جسوم: نوفوه صدق بتتيوزين
نوف: لا بس تملجت
جسوم: يعني بتتيوزين
نايف: ايوه بتتيوز وتسير عنا
نوف: نايف وتلتفت صوب جسوم ايوه وانت بعد بيي يوم وتتيوز فيه
جسوم يلس يناظرها وهو حاس انه بيفقدها ومب شايفنها مره ثاني
جسوم: لا تسيرين وتخلينا نوفوه
وهي تلوي عليه وامتلت عيونها بالدموع
نوف: ما بسير مكان بيلس وياك
نايف: لا تصيحين عشان ما يخترب المكياج ههههههه
نوف: ههههههههههه وانت شو عرفك
نايف: اشوفها وايد بالمسلسلات والافلام يا حببتجي ماتبكيش المكيك اب حيبوز
نوف: هههههههههههههه الله يغربل بليسك
نواف: حياك تفضل يا بو شهاب
سكتت نوف ونزلت راسها ماتبغي تشوف مبارك لانها تستحي منه
مبارك: الله يحيك .. السلام عليكم
بصوت شبه مسموع نوف: وعليك السلام
نايف: يلا بو شهاب لك 10 دقايق وبنرد لك
التفتت صوب مبارك تبغي تشوف وقفته وشكله وطوله
مبارك: لا يا معود خلني على راحتي
نزلت راسها نوف بعد ماشافت ان مبارك انتبه لها وخافت من كلامه شو خلني على راحتي ويييييييي
نايف: لا ماكو الا 10 دقايق
مبارك: نواف قول شيء
نواف: اوكي لك نص ساعه
بفرح مبارك: فديت ويهك انت اللي فاهمني
نواف: ههههههههه فديت هالطول
مبارك: لا لا انا لا تفداني اخاف حرمتي تغار
نوف انحريت من كلام مبارك
نواف: ههههههههههه الله يقطع بليسك يلا نخليكم على راحتكم
نايف+نواف: يلا جسوم اظهر
نوف لااااااااااا نواف جسوم نايف لا تهدوني الله يعافيكم بصوت محد يسمعه غيرها
سلم عليها وحب راسها يتها دوخه
مبارك: الف مبروك
نوف: الله يـ..بـ..ارج في حياتـ..ك
مبارك: شفيج مرتعبه انا ما اكل بشر حبيبي وبهمس بذنها بس اسحر قلوب
ويييييييييييييي ما اتحمل كلامه مبارك وخر عني شلون اقولها له ياربي
مبارك: شحالج
بهمس نوف: بخير
مبارك: ما بتسألين عن حالي
انحريت وما عرفت شو تقول
نوف: ....شحالك
مبارك: الحمدالله بخير ومبسوط أكثر يوم اشوف ويهج
وييييي يا مبارك حرام عليك شوي شوي علي
مبارك: شبلاج ساكته حياتي قولي شيء
نوف: ...........
مبارك: نوف .... وبعدين
نوف: لبيه
مب مصدق مبارك: لبيتي حاجه معي انا بس
ابتسمت ومسك ايدها بيدينه الثنتين
مبارك: شوفيني نوف ارفعي راسج وناظريني
نوف: استحي
مبارك: فديت اللي يستحون .. ما تصدقين قد ايش ان محظوظ يوم الله اكتبج من نصيبي من ظهرنا من العين وانتي على بالي ما نسيتج ويوم شفت اخوج نواف هني تمسكت فيه لانه ربيعي واخويا والخيط اللي بيوصلني لج وفي ذاك اليوم جفتج عند باب الشقه وخيالج باقي بعيني وهم شفتج بزواج ندى تخبلت عليج زود
تحط ايدها على ثمها : شفتني
مبارك: ما بغيتي تحجين .. ايوه شفتج ومن بعدها ماصرت اشوف بنات وكل ما شفت وحده اتحسبها انتي وبذاك اليوم قررت اني اخطبج وفعلاً رحت لنواف وقلت له بس قال ما نبغي نشغلج في دراستج
نوف: ماقالي نواف
مبارك: كاني اقولج
مبارك: بس انا ما ادري انتي تحبيني والإ.....
تحط ايها الثانيه لا شعورياً على شفايف مبارك وهي تقول
نوف: لا تقولها
وبعدها اسحبت ايدها ونزلت راسها ويييييي وش سويت انا
مبارك مو مستوعب الحركه اللي سوتها نوف
مبارك: نوف وباسها بخدها
ويها غدى طماطه نوف: ......
مبارك: رفعي راسج وشوفيني
نوف:.......
مبارك: نووووووف
لاشعوريا نوف: عيونها وسكتت
مستانس مبارك: انا ما بظهر مني اليوم ببات هني
نوف: هههههههه
مبارك: فديت هالضحكه
هدوءءءءءءءءءءءءءء
وهو يلعب باصابعها
مبارك: تبغين تقولين شيء
نوف: لا
مبارك: بس انا ابغي اقول
نوف: قول
يقرب منها ويهمس بذنها مبارك: احبج
هالمره ما تحملت فكت يدينها من يد مبارك وغطت ويها ومبارك يوخر يدينها يبغي يشوف ويها
مبارك: شفيج نوف وخري يدينج
بدلع نوف: مبارك
مبارك: عيونه المركبه
ذابت نوف: ........
بترجي مبارك: قوليها
نوف: ما اقدر وتغطي ويها
وهو يمسك يدينها ويرفع راسها عشان تشوفه
مبارك: يلا قوليها عشان خاطري
نوف: اوكي بس لف ويهك
مبارك: لا ابغي جذي
وتغطي ويها بيد وحده نوف: استحي مبارك
مبارك: لا تستحين مني انا ريلج
ويييييييي ما تتحمل اكثر مبارك خلاها تنصهر
مبارك: يلا قوليها
بدلع واضح نوف: لف ويهك واقولها
باصرار وعناد مبارك: مب لافنه وبتقولينها لي
نوف تنزل راسها ومبارك يرفعه

ياربي وين اروح منه مافي مهرب لازم اقولها له ياربي شلون اقولها استحي مبارك ما ابغي اقولها واللي يعافيك استحييييي خلني اقولها له عشان يرتـ...
يقطع عليها افكارها مبارك: تراني انطر
اقذفتها مثل القنبله بويه مبارك
نوف: أحبك
وغطت ويها .. لوى عليها مبارك وباس راسها .. سمع صوت طق على الباب
مبارك: اووووووه هذا وقته
وهو يفتح الباب
نايف: قيم اوفر
نواف:انتهى الوقت يلا مبارك
يعارض مبارك: اختك اهي قالت شيء عشان اظهر
نواف: خلاص انتهى الوقت يلا ياريال
مبارك: والله انك انت واخوك نشبه
نواف: بعد تسبنا جدام اختي
يغمز لنوف مبارك: نوف يلا فمان الله
بهمس نوف: فمان الكريم
ظهر مبارك وهو فرحااااان لالا مبسوط لالا طاير من الفرحه والارض مب سايعتنه
نوف تمشي وهي تتمايل اول مره حد يعملنها جذي ما توقعت ان مبارك جريء لهذا الحد نامت على شبريتها وهي تتذكر حركات مبارك ساعات تبتسم وتغطي ويها من المواقف اللي مرن عليها اليوم معقوله بيها نوم مب ياينها وهي اليوم حرم مبارك بن عيضه ايلست تحمد ربها على هالنعمه وهي تتجلب على الشبريه

نواف: انا اليوم مبسوط وااااااايد يوم شفت الفرحه بعيون امي ونوف
والفرحه بعيون نايف عقب ما سمع خبر قبوله في البعثه لدراسة الطب
يوقف شوي مع نفسه
وانا متى برقد مرتاح وافرح امايا فيني اوووووووه جدامي طريج طويل الله يساعدني واكمله

اليوم الكل يتبادل الهدايا دانه وأمل عطن هديه لنوف بمناسبة النجاح والملجه ونوف عطت أمل ودانه بمناسبة النجاح والتخرج لدانه
وأمل اهدت دانه ودانه اهدت أمل كل وحده تلوي على الثانيه
وبدن يقطعن الكيك ... لحظه؟؟؟؟؟؟ ستوب؟؟؟؟؟
ستوب؟؟؟؟؟
ستوب؟؟؟؟؟
نسو شخص واحد يالس ينطر هديته برع ربعاً واظهرن له أمل ونوف وعطن نايف الهديه المكونه من قلم فضي محفور عليه اسمه مع سبحه وقرآن ملفوف بمخمل أبيض بأتقان استانس وايد نايف على الهديه واستانس اكثر يوم شاف أمل متغشيه ودانه ماحبت انها تظهر عشان ما ينتقدها نايف
نوف يهزت كل أغراضها للزواج و اخوها نواف ومبارك مو مخلينها محتايه لشيء وامل ودانه دوم معها احيزن لها الكوشه وسون لها شريط تنزف عليه واحجزن لها مسكه من الكريستال والورد الطبيعي فصلن لها عبي وفصلن لها فستان مسوينه مصمم أمريكي ودنها للحنايه عشان تتحنى .. راح نايف ييب اخته من الصالون وشاف معها أمل تخبل يوم شافها بهالجمال ما قدر يمنع نفسه من شوفت هالملاك وبعدها لف وهو يتعوذ من الشيطان وسار ووداهن لصالة الفندق
وانزفت نوف مع مبارك واخوها نايف والكل يذكر الله على هالجمال ونواف مادخل لأنه مايحب يدخل عند الحريم وما يحب صدعتهم هو عارف لادخل بيخلنه يرقص وهو مايحب يرقص تمنى لأخته حياة سعيده
سافر مبارك بنوف لمكان ماقاله لأي شخص والكل متمني لهم حياة سعيده
بدت الدراسه وسافر نايف للندن يكمل دراسته وامه تدعي له في كل صلاه بأن ربي يوفجه ويثبته على طاعته وتفرح فيه
البيت خالي نواف وام نواف وجسوم اللي تحسنت حالته وقبل في المدارس إبتداً من المرحله الثالثه لانه متاخر بالدراسه بسبب المرض بس كان يعرف يكتب ويقرأ وكل ما رد من المدرسه يظهر برع البيت و يلعب بالسياكل مع ربعه
أمل ثانويه عامه وشاده حيلها تبغي تيب نسبه عاليه تدخلها الجامعه
دانه في باريس للدراسه معها بنت خالتها الفرنسيه اللي من يوم يت غيرت في شكلها قصت شعرها لنص ظهرها وميشته وطلع شكلها مثل الفرنسيات ..اشتاقت وايد لأمل رغم مكالماتهم لبعض كل اسبوع
رد مبارك ونوف لفلتهم اليديده وبدا مبارك الدوام في الشركه بعد ما تحمد له الجميع بالسلامه
نواف مشتاق لنوف ومبارك ومبارك ونوف مشتاقين لنواف سارت ام نواف لبنتها نوف كانت مشتاقه لبنتها لوت عليها وهي تصيح مرت 3 شهور ونص بدون ماتشوفها بس تسمع صوتها
دلال ظهرت من المستشفى بعد ما تأكدت من سلامة الجنين في الشهر الثامن ولله الحمد وندى مبسوطه بزايد اللي مب مخلينها تحتاي لشيء وشايلنها فوق راسه
وام ناصر وابو ناصر فاقدين بنتهم المدلـله ومشتاقين لها وايد كل يوم يتصلون فيها يتخبرون عن حالها
في الشركه
مبارك: لو سمحتي زقري نواف من مكتبه
السكرتيره: ان شاء الله
يدخل نواف على مبارك
نواف: السلام عليكم
مبارك: وعليكم السلام شحالك
نواف: الحمدالله انت شحالك
مبارك: الحمدالله
بهتمام نواف: شو بغيتني
وهو يرجع راسه لورى ويتنهد
بخوف نواف: شو في ياريال خوفتني
مبارك: مافي الا كل خير بس ابغيك تسافر باجر الصبح لباريس
نواف: شو ليش
مبارك: المدير اللي هناك صايبنه حادث وهو في حاله خطيره والشركه هناك محد ما سكنها وابغيك تسير باجر وتديرها
نواف: لا ما اقدر يا معود
مبارك: نواف مافي الا انت جدامي ناصر وزايد ماسكين فروعنا
نواف: يا مبارك عمري ما سافرت برع ولا اعرف شيء عنهم صدق اعرف اتكلم فرنسي بس ...
مبارك: انت الوحيد اللي اثق فيك واثق في مجهودك
نواف: لجم يوم
مبارك: مب جم يوم يمكن لشهور علبال مانلقى واحد جدير انه يمسك الاداره
نواف: بس امايا مب مخلينه تيلس بالشقه بروحها
مبارك: وانا وين رحت ان شاء الله .. انا مفكر من هالناحيه قبلك يعني شو متوقع اني اطلب منك تسافر وتخلي جسوم وامك بروحهم بهالشقه
نواف: ما اقصد جذي ياريال .. بس مابغي اعبل عليكم
مبارك: عن الكلام الماصخ امك بيت بنتها وولدها مب بيت غرب
نواف: الله يسلمك ما تقصر
مبارك: يهز حالك باجر الفير رحلتك الساعه 5
شاف التردد على ويه نواف
مبارك: بيستقبلونك هناك ناس موصينهم عليك لا تحاتي وفرت لك كل شيء
ظهر نواف من عند مبارك بعد ماسمحله انه يسير البيت ويخلص اموره بعد الغدا وهم في الصاله
نواف: امايا باجر انا مسافر لباريس
بخوف أم نواف: ليه
جسوم: شو ليه
انا خايف من ردت فعل امايا انا خايف عقب ما قلت لها اني بشتغل بابوظبي ايلست تصيح وشالت الدنيا واليوم اقول لها باريس شو بتقول && ياخذ نفس &&
نواف: امايا فرع شركتنا اللي باريس مديرها مسوين حادث وانا لازم اسير هناك عشان اصلح الامور لين نلقى بديل انا عارف انج مب راضيه اني اسير بس انا مجبور اني اسير
بثبات أم نواف: سير الله يوفجك الله معك انا ما بمنعك ولا بوجف في طريج شغلك او مصلحتك فيه وانت ريال ما يحتاي اخاف عليك وبعدين احنا مب ضايعين بنسير عند نوف اختك
تحاول تخفي دموع تنزل من عيونها
انصدمت كنت متوقع ردت فعل امايا غير عن كذا كنت خايف اني بسافر وامايا مب راضيه وبيلس طول سفري احاتيهم والحين ريحتني وايد امايا بكلامها
بزعل جسوم: جم يوم بتسير
نواف: ما بطول جذي شهرين
بخوف أم نواف: مو وايد
يخفف عنها نواف: يمكن اقل بعد هو حسب الشغل هناك
جسوم: بنيلس بروحنا هني
نواف: لا مب يالسين بروحكم اليوم بوديكم عند نوف ببيتها وبتشجيع ولا اوصيك يا جاسم على امايا الحين انت الريال هني وهاي بطاقة صراف كل شيء تبغيه اشتريه لك ولمايا ما اوصيك
يحبس عبره بصدره ويقوي نفسه
جسوم: لا توصي حريص
امسح على راسه والوي عليه
نواف: بارك الله فيك


شو بيصير لنواف في باريس يا ترى بيشوف دانه؟؟
واذا شافها وش بيكون موقفه ..؟

الساعه 5 كنت في الطياره بعد ما سلمت على امايا وجسوم ونوف وتطمنت عليهم عند نوف ظهرت وانا اوصي نوف على امايا وجسوم
يلست وانا ملان في الطياره رقدت وقمت واحنا ما وصلنا شفت الساعه مرت 7 ساعات والى الحين ما وصلنا فتحت الكمبيوتر ويلست اشوف الرسايل اللي في البريد الالكتروني وشيكت عليهن وفتحت الملفات ويلست ادرسهن واقراهن لين وصلنا تقريبا 3 وشوي العصر نزلت من الطياره وانا تايه بس سويت روحي اني اعرف خذت شنطتي وسرت صوب بوابة الخروج وشفت واحد واقف وماسكن زي اللوحه مكتوب عليها اسمي نواف بن خليفه ابتسمت على هالحركه جني ضايع ويايين يدوروني سرت صوبه
نواف: Bonsoir مساء الخير
يبتسم الريال: Bonsoir انت نواف بن خليفه
متعجب نواف: ايوه انا نواف بن خليفه
يمد ايده ويوايهني
الريال: انا فيصل سكرتير المدير من السعوديه
نواف: هلا تشرفنا انا من الامارات
فيصل: دار الزين تشرفنا اخوي نواف
نواف: الله يسلمك
ركبنا سيارة اللموزين اللي من شفتها وانا اقول ان شاء الله اشتريلي مثلها
سرنا للفندق وسار فيصل بعد ما عطاني كل الاوراق اللي تحتاي توقيع او دراسه رقدت لي حوالي 4 ساعات وبعدها وعيت لاني كنت وايد يوعان كنت بتصل بفيصل واقول له يي ويدليني بس قلت اعتمد على نفسي ومن سأل ماتاه توني بظهر واشوف ريال واجف سلم علي وقالي انه اهوا سواقي الخاص اللي يوديني كل مشاويري
صعدت السياره الفخمه وسرنا صوب مطعم وتعشيت ويلست امشي في شوارع باريس الخلابه بصراحه كانت رائعة الجمال رديت الفندق ارتاح وراي باجر قومه من بدري

الساعه 7 صباحاً
الريال: تفضل ياسيدي هذه الاوراق تحتاج للدراسه وبعد ذلك لتوقيعك
نواف: حسناً دعني اتصفحها وبعد ذلك اوقعها
الريال: لك ذلك سيدي
من قدي صرت سيد الكل هني يناديني سيدي
بعد اسبوعين من الشغل المتواصل وبعد مارد نواف الامور على طبعتها في الشركه ارتاح وايد لهالشيء كل من في الشركه حبو نواف وارتاحو في الشغل معه لقو فيه اسلوب مقنع ساحر ومميز تعامل جميل وراقي لأن نواف يتعامل معهم بلطف وبدون حزازيات مع وجود الاحترام فيما بينهم .. استانس وايد مبارك لهالاخبار اللي سمعها وما توقع ان نواف يضبط الشركه في خلال اسبوعين بعد التدهور اللي مرت فيه الشركه

في يوم من الايام كنت يالس في مقهى اشرب قهوتي واقرى اليريده بعد ما خلصت من قراية اليريده حطيت نظارتي على عيوني وسرت وكنت لاف ويهيي للصوب الثاني جان ادعم وحده جدامي تفوح منها ريحة الفل ومسكتها لاني ما ابغيها تطيح شفت ويها ابي اعتذر انعقد لساني البنت نفسها نفس الويه بس الشعر غير لالا مب اهيا هاي وحده اجنبيه مب اماراتيه اقطعت افكاري
طبعاً باللغه الفرنسيه بس بكتبها باللغه العربيه
دانه: هلا تركت يدي
بتمتمه وهو يترك ايدها نواف: اسف لم اقصد ذلك
بسخريه دانه: اقترح عليك ازلة هذه لكي تنظر ماهو امامك
كانت تأشر على النظاره اللي لبسنها انا
بتهكم وغرور نواف: قد تكونين بخير ماان تلبسي هذه
ويأشر على نعالها العاليه اللي لابستنها
سار وتركها وهي مغيظه عليه جان ودها تقتله
دانه: ياله من حقير
تكلم بنت خالتها
دراسي: لاتعطيه أي اهتمام داني
دانه: من يظن نفسه ليسخر مني
دارسي: داني هل يمكنك ان تهدأي قليلاً
دانه: اعتقد انني استطيع ذلك
دارسي: هذا جيد

سرت الشركه وبعدها على بالي حاولت اشيلها لين قدرت وشلتها لان البنت اللي افكر فيها اهيا بالامارات وهاي هني يعني مب اهيا ظهرت من الشركه وسرت اتغدى بمطعم اللي دوم اتغدى فيه من يوم ييت بصراحه عيبني اكله ودوم اشوف عنده زحمه دخلت المطعم وكان مزحوم وشفت كرسي فاضي طلبت غداي وخذت الورقه ورديت ويلست انتظر الطلب
من جهه ثانيه
دارسي: انظري ..داني داني
دانه: مابك
دراسي: لست واثقة من ذلك .لكن.اليس هو ذلك الرجل الذي رأيناه في المقهى
بصدمه دانه: نعم انه هو
دارسي: يا إلهي فهو يبدو جذاباً في البذلة السوداء ويبدو مراوغاُ
دانه حاولت تخفي انفعالها الداخلي وتمنت ان الغداء يمر على خير
دانه: ويبدو لي حقيراً
سار نواف عشان ياخذ الطلب ودانه سارت وايلست اهي ودارسي في الطاوله الخاصه بنواف رد نواف وصينية الغدا بيدينه وشاف وحده معطيته ظهرها والثانيه تبتسم له كانت دارسي
بأدب نواف: هلا سمحتي لي
دارسي: نعم تفضل
دانه: لا افضل ان ينظم رجل معنا
التفت اشوف ويها واطلعت اهي نفسها البنيه ياربي شتبغي مني هاي
وهي ترص على اسنانها دارسي: دانيييي
يويه كلامه لدارسي نواف: مامن مشكله انستي انا على وشك الجلوس والاستمتاع بوجبتي ويلف على دانه اليس كذلك
تعرف بنفسها دارسي: أنا دارسي
نواف: وانا نواف
دارسي: تشرفت بمعرفتك
ابتسم ابتسامه محطمه نواف: وانا كذلك
لفت دانه ما تبغي تحس بالانجذاب من ناحيته وهي سايره
دانه: تعالي والقي نظرة على لائحة الطعام يا دارسي فأنا اتضور جوعاً
دارسي: حسناً ها انا قادمه
بأستهزا نواف: ربما انتي على صواب على أي حال هذا مطعم
دانه اسحبت دارسي واظهرت من المطعم وهي طالعه من طورها مب متحملتن تصرفات هالريال ولا تطيق تشوفه ايلست تسبه وتتوعده طول الدرب ان جافته مره ثانيه بتأدبه وبتوقفه عند حده
اليوم الثاني 3 ،4، 5 ،6، ما يا ولا جافته انقهرت وايد

في أبو ظبي
في فلة مبارك بن عيظه
أم نواف: يسلم عليج نايف
نوف: شخباره
أم نواف: الحمدالله مبسوط الله يوفجه
نوف: آمين امايا اليوم بنسير عند خالتي ام ناصر
أم نواف: أي والله خلينا نسير لها ونتحمد لها على سلامة دلال بعد ما ربت
نوف: ياحليله ولدها وايد حلو يشبه لأبوه
أم نواف: الله يخليه لهم
نوف: اخبرج امايا ندى حرمت زايد حامل
أم نواف: ماشاء الله الله يتمم عليها
نوف: زايد مب سايعتنه الارض
أم نواف: هذا الظنا شو يسوي الظنا غالي يا بنيتي عقبالج يا يمه
نوف: ان شاء الله
مبارك: السلام عليكم
نوف+أم نواف: وعليكم السلام
صعد مبارك فوق لغرفته وهاي مو من عوايد مبارك
أم نواف: شبلاه ريلج
بخوف نوف: ما ادري
أم نواف: روحي شوفي شبلاه ريلج
نوف: ان شاء الله
نوف: مبارك شبلاك
مبارك: مافيني شيء
نوف: تبغيني اسويلك كوب ليمون
مبارك: قلت لج ما ابغي شيء خليني بروحي ارجوج
تعجبت نوف من تصرف مبارك لها من يوم خذنها وهو ما عاملنها بهالمعامله

محمد بن ظاحي
ناصر: ويييييييي يازينه ينن امايا صح يشبهلي
أم ناصر: وايد يشبهلك
زايد: عطني اياه .. كله راقد قوم بسك رقاد حمودي و
يقرصه بخدوده وصاح
دلال: حرام عليك زايد
ناصر: زايد خلك ريال ولا تعور ولدي
زايد: هذا مب بس ولدك ولدي
ويقرصه مره ثانيه وصاح .. ويحذفه نواف بالمخده
أم ناصر: حرام عليك يا زايد زين جذي
زايد: هههههههههههههههاي شفيك عصبت ياريال
ناصر: بلاه مب ولدك خل نشوف لا يا ولدك شو بتساوي يوم اقرصه بخده
زايد: الولد وابوه فدوه لك سوي اللي تبغي فيه انت ابوه
انحري ناصر من كلام زايد حس ان زايد متغير وايد بعد ما تيوز من ندى صار بشوش ومزوحي فرح كثير لهالتغير يدخل عليهم أبو ناصر وهو متضايج خاف ناصر على ابوه وسار وراه
ناصر: ابويا شبلاك
بتعب أبو ناصر: ما بلاني شيء
ناصر: ابويا شبلاك مبين عليك انك وايد متضايج شبلاك
يدخل عليهم زايد
سحب له كرسي عشان يقعد وعطاه كوب ماي
بخوف زايد: شبلاه ابويا .. شبلاك ابويا
أبو ناصر: الشركه الشركه تمر بأزمه ماليه جبيره من وقت وانا ما خبرتكم والحين عندنا مهله اسبوع يا ندفع يا كل شركاتنا بتضيع
زايد+ناصر: شو
أبو ناصر: حاجيت اخويا عيظه وفلوسه كلهن حطهن بشركتنا اليديده واذا بعناها بنخسر اكثر واكثر واكثر
يمسك راسه ناصر: انا لله وانا اليه راجعون
زايد: وعمي عيظه شو وضعه
أبو ناصر: مثلي واردى ما ادري شنسوي انا ماعندي الا الفله لو بعت الفله وين بنيلس فيه
ناصر: لا ابويا ان شاء الله ربي بيسرها
زايد: ان شاء الله بتتيسر
بتعب أبو ناصر: ان شاء الله .. لا تخبرن حريمكن ولا امكن ما نبغيهن يحاتن مالهن ذنب
زايد+ ناصر: ان شاء الله

في فلة مبارك بن عيظه
مبارك: يهزو حالكم بننتقل نسكن مع ابويا
نوف: ان شاء الله
ندم مبارك انه صرخ بويه نوف حرمته وحبيبته وهي يالسه تظهر الهدوم من الدولاب يا مبارك مسكها ولفها صوبه وحظنها
مبارك: سامحيني ما كنت اقصد اني اصرخ عليج
نوف: انا اسفه لاني سألتك المفروض اني ما سالك
مبارك: بس انا وايد متضايج
نوف: شبلاك طمن قلبي يا مبارك
مبارك: طمني قلبج يا قلبي بس احنا نمر بازمه ماليه جبيره وعمي اليوم طاح علينا بالشركه ووديته للمستشفى والحين اهوا بالبيت وابويا متضايج وايد اخاف يصيبهم شيء وعشان جذي انا ببيع الفله ويمكن سيارتي
سارت نوف ويابت صندوق بني
^
^
نوف: وهذا كل الذهب والالماس اللي عندي خذهن وبعهن
مبارك: لا ما باخذهن هذي شاريهن لج مب عشان تبيعيهن
نوف: عادي متى ما وجفت الشركه على ريولها من يد ويديد اشتر لي غيرهن ولو عندي شيء ثاني بعطيك اياهن واللي يسلمك مبارك خذهن
مبارك: مب ما خذهن يا نوف صح فلوس الفله مب مكفيه بس ربج بيحلها يانوف
نوف: خذهن عشان خاطري مبارك مابيهن خذهن ولا تضيج بعمرك ما احب اشوفك متضايج
وتصيح ويحظنها مبارك
مبارك: انا متضايج عشانج وعشان ابويا وعمي واخواني
نوف: واللي يسلمك لا تتضايج خذهن وربي بيحلها
مبارك: مب ماخذهن وان شاء الله ربي بييسرها
انعيب مبارك بنوف اكثر يوم سوت جذي كانت مستعده تضحي بكل شيء عندها بس عشان ما تشوفني متضايج او مزنوق
يمعوا قشارهم واظهروا من الفله وساروا لفله عيظه بن ظاحي
تعيبت ام مبارك من تصرف مبارك ولدها بس خبرها انه مايروم يسكن بفله بروحه ويو هني بعد ما رد نواف للبلاد خذا امه واخوه جسوم وردو للشقه


نواف بعد ما عرفت باللي صار لعايلة آل ظاحي ضاق صدري وايد عليهم


السبت
سار مبارك وباع الفله وفلوسها فعلاً ما تكفي
الأحد
ناصر باع سيارته الرنج روفر
الأثنين
أبو ناصر باع المزرعه
الثلاثاء
ابومبارك ماعنده غير الفله ومايقدر يبيعها
الاربعاء
اليوم الاخير والفلوس بعدها ما اكتملت ناقصهم واااااااااااايد



ياترى بيخسرون ويبدون من يد ويديد ؟
والا بتنحل الامور ؟
و نواف وش بيسوي مع دانه هل بيتطور شيء بيناتهم ؟!

الصباح الساعة 8
أبو ناصر: جم ناقصنا
ناصر: ابويا هدي نفسك
أبو مبارك: شو جم باقي يا مبارك
بحزن واضح مبارك: مليون ونص
زايد: وايد
يمسك راسه أبو مبارك: وشلون بنكمله يارب عفوك يارب
أبو ناصر: شو نساوي الحين ياربي
اسمعوا طق الباب
مبارك: تفضل
نواف: السلام عليكم
الكل: وعليكم السلام
نواف: كيف الامور
وهو يضرب على اليدار زايد: زفت زفت
مبارك: ضعنا يا نواف ضعنا
نواف: جم ناقصكم
ناصر: مليون ونص
ظهر الشنطه اللي شايلنها
نواف: وهاي مليونين
الكل يشوف ويه نواف الجامد وهو يتحجي
مبارك: شو قاعد تقول انت
ناصر: من صجك
نواف: ايوه من صجي
مبارك: من وين يبتهم
نواف: مو مهم من وين يبتهم المهم اني ما اشوف ابوي محمد وابوي عيظه واخواني مزنوقين وانا ايلس مكتوف الايادي
حظنه ابو ناصر ويلس يصيح
ابو مبارك: مشكور يا ولدي هذا جميل ماراح ننساه طول عمرنا
نواف: ولو احنا أهل
زايد: مشكور مشكور وايد ما تدري قد ايش فرحتنا الله يفرح امك فيك
نواف: العفو اللهم امين
مبارك مب مقتنع من وين ياب نواف مليونين
اضبطت امور الشركه ولله الحمد والفايض ردوه لنواف بس نواف رفض ودخله ابو ناصر وابو مبارك شريج معهم في الشركه بعد الموقف البطولي اللي سواه معهم .. بصراحه قل ما تجد مثل واحد مثل نواف بهالايام الكل نفسي نفسي بس التضحيه اللي سواها نواف هذي اجرها عند الله

نواف :يوم شفت شكل ابو ناصر اللي ناغزني قلبي منه وابو مبارك متضايجين ومرت 4ايام واهما بعدهم ما كملوا المبلغ الجبير كنت انا داخل بأسهم تجاريه وتطلع لي منها فلوس وايد غير ايار بيتنا اللي بالعين كنت ايمعهن لاني ابغي اشتري فيهن فله شفت الفلوس اللي معي مليون ونص بس سرت للعين وبعت بيتنا ياب 500الف
ابو ناصر كان وايد معيب بتصرف نواف الرجولي اللي سواه لهم مب جليل ابداً خبر ام ناصر اللي ضاق صدرها يومنه ما خبرها من البدايه وافرحت لان نواف سوى جذي
في يوم من الايام
في الشقه
نواف: اميا يلا تأخرنا على العرب
ام نواف: كاني يايه
نواف: جسوم جسووووووووووم
جسوم: كاني يييييييييييت
في السياره
نواف: الو شحالك مبارك
مبارك: الحمدالله بخير انت شحالك
نواف: الحمدالله .. اتخبرك وين فله عمك ابو ناصر
مبارك: اسمع....
وصف لي مبارك الطريج اللي من قالي على البحر وانا بطني ماغصني حيل كنت ادعي واقول يارب يطلع مب اهوا
مبارك: في فله ويمها براحه فاضيه هذا اهوا بيت عمي
بصوت مرتبك نواف: الحين ياينكم
كنت اقنع نفسي واقول يمكن تشابه اسماء او تشابه وصف لين وقفت عند باب الفله تأكدت ان الفله فلة محمد بن ظاحي ياربي ليش يصير فيني جذي يعني هذا تكفير عن اللي سويته يارب ساعدني يارب عفوك
دخلنا في ميلس الريايل بعد ما توايهنا وانا اشوف كل واحد فيهم واحسن اني خاينهم

عند الحريم
أم ناصر: حي الله من يانا زارتنا البركه يا ام نواف
أم نواف: الله يحيج
نوف: ويييييي يخبل ولدج لا يبت بنت بيوزه اياه
دلال: يلا شدي حيلج ويبيها بس ولدي يبغي وحده سنعه
ندى: يوم امها نوف وابوها مبارك شتبغينها اكيد بتيي سنعه
نوف: فديتج يا اخت ريلي الحنون
دلال: وينك يا مبارك تسمع حرمتك تفداك جدامنا
نوف: عادي ريلي
دلال: ههههههههههههاي
ندى: هههههههههههاي

في ميلس الريايل
من اول ما دخلت وانا ساكت ولا نطقت بكلمه كل من سألني ارد عليه باجابه بسيطه
بهمس مبارك: شبلاك نواف صايدنك شيء
بارتباك نواف: لا مافيني الا العافيه
مبارك: متأكد مب صاير شيء
يقطع علينا كلامنا أبو ناصر: شو الامور بباريس يا نواف
بارتباك مخفي نواف: الحمدالله ماشـ...يه ماشيه على اكمل ويه
كنت اتحاشى الكلام وياهم وخاصه ابو ناصر والحين كاهو يسألني عن الامور والاحوال فيباريس
مبارك: ماتصدق يا عمي نواف شو سوى بعد ما صار حادث لمدير الشركه اللي بباريس
يقاطعه أبو مبارك: شو صار
مبارك: انا ما خبرتكم ما ابغيكم تحاتون لاني كنت متوقع الوقت بياخذ وقت طويل وقلت بعدين بخبركمم لاني ما ابغيكم تحاتون بس انا ارسلت نواف عشان يرتب الوضع هناك وتمشي الامور عشان ما تتوقف وبعد اسبوعين والشركه راده مثل اول واحسن والكل يمدحه ويثنون عليه
أبو ناصر يالس يشوف نواف وهو معيب فيه يبغي يعطيه شيء يدل على شكره البليغ له بس مب عارف كل شيء يشوفه في حقه شوي
أبو مبارك: بارك الله فيه
نواف: لاتبالغ يا مبارك
مبارك: والله اني ما ابالغ أسأل زايد وناصر
زايد: خبروني عن تعاملك معهم وبصراحه اهم وايد معيبين فيك
ناصر: هذا الشيء شفته فيك من اول ما ييتنا اسلوب راقي في التعامل
نواف: كل هذا من فضلكم
أبو مبارك: الحين انت شريجنا اللي لنا في الشركه لك فيه مثل ما لنا
نواف: الله يسلمك
بعد العشاء ابو ناصر خذا نواف على يمب وقاله يبغيه بكلمه
أبو ناصر: عن اذنكم نواف يبغيني بكلمه
تعيبت وخفت من كلام ابو ناصر اهوا اللي يبغيني وقال لهم اني انا اللي ابغيه بصراحه انا واصل حدي ميت خوف اتوقع انه عرف اني انا اللي سرقت بيته بس انا رديتهم له

شو تتوقعون أبو ناصر بيقول لنواف؟
وهل فعلاً يبغي يكلمه بخصوص السرقه ؟
وياترى نواف من خوفه بيعترف والا بينكر ؟

دخلنا مكتبه ويلس على كرسي من الجلد الاسود
أبو ناصر: ايلس وشفيك واجف
يلست وانا احس ان العرق يتصبب من يبهتي مع ان الغرفه مكيفه كثر ماني متشوق لكلمة الراس هاي كثر ماني خايف منها
أبو ناصر: انا بدخل بصلب الموضوع يا نواف
بتنهيده نواف: خذ راحتك يا ابو ناصر
كنت اخفف على نفسي واقول بينقدني نقد جارح وعشان جذي خذاني على انفراد عشان ما يحريني جدامهم احس تنفسي صعب وريقي ناشف بللت شفايفي ابغي اخفي التوتر اللي انا فيه
أبو ناصر: يقول المثل اخطب لبنتك قبل لا تخطب لولدك
انا مو مستوعب الكلمه اللي قالها يعني شو يبغيني اتيوز بنته بنته اللي ضربها خالد لا لا مايصير جذي ليش ياربي ليش
أبو ناصر: وانا بخطب لك ياولدي اللي هو انت لبنتي دانه يمكن ما يعيبك الكلام اللي انا قلته بس مب لاقي لبنتي ريال شراتك بهالزمن
نواف: .....................
أبو ناصر: انا ما قلت هالكلام الا لاني شارينك ومئمننك على بنتي الوحيده شفت فيك انك انت الوحيد اللي بتقدر تسعد بنتي وبتصونها وبتحافظ عليها من بعدي
نواف: الله يسلمك .. و يعطيك طولة العمر
ابو ناصر: شو قلت يا ولدي
نواف: بصراحه يا ابو ناصر لي الشرف اني اناسبكم واخذ بنتكم حرمة لي لاني مب لاقين احسن عنكم ولا عنها
مدري شلون قلت هالكلام مب مصدق انا بتيوز البنت اللي اذيتها يارب عفوك
أبو ناصر: بارك الله فيك وعشان جذي انا شارينك
نواف: الله يسلمك
أبو ناصر: بنتي دانه الحين اهيا بباريس
نغزني قلبي
أبو ناصر: وانا ما كنت طايع اني اخليها تدرس بروحها هناك بس امها تبغيها تكمل دراستها وهي يالسه عند خالتها وقلبي مب متطمن على يلستها بروحها بدون محرم معها انا اليوم عايش وبكرى ميت
نواف: الله يعطيك طولة العمر
ابو ناصر: اخوانها وانا مب قادرين نسير نيلس معها قلت ايوزها وتكمل دراستها مع ريلها و متى ما تبغي تملج خبرني
نواف: نقول الاسبوع الياي علبال ما تيي البنيه من باريس
أبو ناصر: على بركة الله
ليش انا مستعيل يلست اسأل نفسي ليش كل هذا ابغي اصحح الغلطه اللي انا سويتها بس انا تبت وندمت ورديت اللي سرقته منهم وهاي اللي اسمها دانه لو بتعرف اني انا اللي هددتها بقتلها وخوفتها ورعبتها
بتكرهني زود يارب عفوك ظهرنا للميلس وكنت مرتعب من نظراتهم لي مبارك بعيونه يسألني شو السالفه وانا مرتبك حدي مب مصدق هاللي يصير فيني جان ودي اخبر مبارك بس انا خايف لو درى بالسالفه يكرهني ظهرنا من بيتهم وسرنا للشقه وانا يالس افكر بالامر

في بيت محمد بن ظاحي
ناصر: شو كان يبغيبك نواف
زايد: صدقه شيبغي منك
أبو ناصر: يا عيالي نواف اليوم كلمني بموضوع وقال انه يبغي يخطب اختكم على سنه الله ورسوله وانا ابوها موافق على الريال وشارنه
أبو مبارك: ونعم فيه ريال ولا كل الريايل
ناصر: وانت شو قلت له ابويا
أبو ناصر: قلت له موافق
ناصر: ما خذنا راي دانه ابويا
أبو ناصر: انا ابوها واعرف مصلحتها اكثر عنها
زايد: هذاك أول ابويا بس الحين غير
ناصر: بس دانه تبغي تكمل دراستها
أبو ناصر: الزواج مابيعوقها بالعكس لو تيوزت بيسير ريلها معها هناك وبيحافظ عليها وانا واحد مب مطمن ليلست بنتي بروحها
ناصر: بس الحين هي مب بروحها عند خالتي
أبو ناصر: ولو قلبي مب مطمن لين ايوزها لا انت بتقدر تسير وتيلس معها اربع سنوات دراستها ولا انا ولا انت يا زايد
مبارك: صدقه عمي تتيوز وترد تكمل دراستها احفظ وامن لها
ابو ناصر: والحين يا ناصر تتصل بختك وتقولها ترد باجر البلاد
ناصر: ان شاء الله ابويا
ظهر ابوهم من الميلس وسارو عايلة عيظه ومبارك وحرمته
محرج ناصر: انا مب عايبني تصرف ابويا شو يبغي ييوز البنيه غصب عنها
زايد: اهو ما غصبها وبعده ما جلمها
ناصر: اهوا عطى نواف جلمه اكيده يعني بتوافق حتى لو مب راضيه
زايد: ان شاء الله انها ترضى وتمشي الامور مثل ما يبغي ابويا
ناصر: تمشي مثل ما يبغي ابويا على حساب اختك هذا يواز مب لعبه يا زايد
زايد: لاتكبر السالفه زود يا ناصر ان شاء الله ربك بيسرها

في الشقه وتحديدا في الصاله
نواف: جسوم بند التلفزيون وسير ارقد
جسوم: مافيني رقاد
نواف: سير ارقد باجر وراك مدرسه
أم نواف: اسمع كلام اخوك وسير ارقد يلا فديتك
جسوم: ان شاء الله
نواف: امايا بغيت اكلمج بموضوع
أم نواف: قول يمه شو الموضوع
نواف: انا اليوم كلمت ابو ناصر وخطبت منه بنته لي انا
أم نواف: ولا تخبرني
نواف: كاني اخبرج لاني ما ابغيج تسيرين وتخطبين وبالاخير ما تصير من نصيبي فاانا كلمت ابوها اليوم وقال متى ما تبغي تيب الوالده وتخطب حياكم الله
أم نواف: مبروك يا ولدي والله دانه زينه البنات ماشاء الله عليها جمال ودلال ونعومه الله يحفظها ويكتبها من نصيبك
نواف: آمين
أم نواف: ومتى تبغيني اخطبها لك
نواف: الحين اهيا باريس عشانها تدرس
أم نواف: الله بستر بروحها
نواف: لا مب بروحها عند خالتها انتي نسيتي ان امها فرنسيه
واهيا رداه خلال هالاسبوع وعشان جذي انتي بتخطبين بعد ماترد البنيه
أم نواف: الله ييبها سالمه والله انك فرحت قلبي يانواف الله يفرح قلبك
وهو يحب راس امه نواف: يعلج دوم فرحانه
ماقلت لامايا اني بملج عليها هالاسبوع خفت تشك بالموضوع وتقول شبلاني مستعيل

في المطار
زايد: شو مسويتن بشعرج
دانه: ماعليك من شعري والحين خبرني شو صاير
زايد: مب صاير شيء بس امايا و ابويا ولهانين عليج وايد وقالوا لنا اتصلوا بها ترد البلاد هذي كل السالفه
دانه: من صجك زايد
زايد: أي من صجي عيل اكذب عليج
دانه: لا صدقتك
زايد: وين جناطج
دانه: ما يبت معي الا هاي جناط مايبت لاني اخترعت يوم قالي ناصر ردي البلاد على اول طياره
وتأشر على شنطة يد حملتنها
زايد ياعمري عليج ما تدرين ان ابويا يوزج وانتي ما تدرين
ساروا للفله
بخوف دانه: لامير شو السالفه
أم ناصر: مافي سالفه ولا شيء بس اشتقنالج وايد وبعدين شو هالشكل طالعه حلوه وايد
ابو ناصر حاجا ام ناصر وفهماها على كل شيء في البدايه اهيا اعترضت وبعد ما اقتنعت اشرطت انها اهيا اللي تحاجي بنتها وتشوف اذا اهيا موافجه مب معترضه بس اذا ماوافجت الزواج هذا مب تام غصبن عن بنتها وافج ابو ناصر على شرطها وام ناصر ما تبغي تيوز بنتها غصب عنها لان كل شيء يي بالغصب الا الزواج
دانه: عيونج الحلوين دارسي اهي اللي ودتني للصالون وصبغت شعري وقصيته
ابو ناصر: من هاي اللي عندنا
دانه: دانيييي
ابو ناصر: هلا ببنيتي الغاليه شحالج
تحب راس ابوها دانه: الحمدالله يوم تخبرني شو السالفه
ابو ناصر: ابد ماكو سوالف الا انا مشتاقين لج وايد
أم ناصر: اظلم البيت علينا يوم سرتي وخليتينا
دانه: يا قلبي عليكم منور بويودكم فديتكم والله انتم اللي وحشتوني وايد
ابو ناصر: عيل هدي الدراسه وتعالي درسي هني
دانه: بس الدراسه برع احسن
ابو ناصر: مب احسن من هني وانتي تحت عيونا ونشوفج وتشوفينا
دانه: والكمبيوترات وين راحن فيهن كميرات اقدر اشوفكم وتشوفيني
ابو ناصر: بس مب احسن وانتي هني
أم ناصر: خل البنيه بكيفها تبغي تكمل باريس بتكمل باريس
دانه: فديتج امايا
يدخل عليهم زايد
زايد: امايا بغيتج تسيرين ويانا للمستشفى مع ندى
ام ناصر: ليه وش فيها
زايد: تعبانه شوي وابغيج تكونين معها لانه قسم حريم مايرضون ادش معها
أم ناصر: بيب عباتي وبلحقك
زايد: يلا بنطرج بالسياره
ظهر زايد وهو يأنبه ضميره انه جذب على امه عشان ابوه صدق ندى عندها كشف على الجنين بس مب تعبانه كان ابوه يبغي يجلم دانه بالموضوع
ابو ناصر: شرايج نسير مكتبي
بتردد دانه: ليش
ابو ناصر: ابو ويبغي ييلس مع بنته شو فيها
دانه: ما فيها شيء
ابو ناصر: عيل قومي جدامي
دانه: ان شاء الله
^
^
^
وهو يالس على الكرسي
ابو ناصر: ها شو اخبار الدراسه هناك
دانه: وايد حلوه وبنت خالتي دارسي معي بنفس المستوى اللي انا فيه
ابو ناصر: الله يوفجكم شخبارها خالتج
دانه: الحمد الله يسلمون عليكم وايد
ابو ناصر: الله يسلمهم
وبعدها سكت ابو ناصر شلون بيخبرها وشلون بيقول لها
بخوف دانه: ابويا تبغي تقولي شيء
بتردد ابو ناصر: هاه لا لا ما ابغـ....
تقطع عليه دانه: ابويا في شيء صاير حاسه ان فيه شيء صاير وما تبغون تقولونه لي انتوا مب يايبيني من باريس عشانكم مشتاقين لي صح ابويا
ابو ناصر: ابغي اكلمج بموضوع يا دانه واوعديني انج ما تخذليني يا دانه
خافت دانه شو السالفه وشو اللي ابوها ما يبغيها تخذله فيه بخوف اكبر واكبر
دانه: شو صاير ابويا
ابو ناصر: توعديني
دانه: اوعدك اوعدك اني ما اخذلك مادمت عايشه
ابو ناصر: انتي تعرفين اني مب مقتنع ابداً بسفرتج لباريس بروحج بس انتي وامج حاولتوا تقنعوني وانا وافقت وانا مب مقتنع وقلبي مب متطمن عليج وانتي بروحج في باريس
دانه ما بغت تقطع على ابوها تبغي تسمع وشهو اللي ماتخذله ولاترده فيه
ابو ناصر: قبل ما تيين ياني نواف بن خليفه والنعم فيه ياني وهو طالب قربي وقربج وانتي مسافره ياني وهو شارينج وانا يا دانه ما بلقى ريال مثله يصونج في عرضج ويحافظ عليج ويقدرج بين العرب غيره اقدر اامنه على مستقبلج وانا مرتاح البال وانتي يادانه مب لاقيتن احسن عنه
دانه اعرفت نواف اخو نوف و اللي تحجي عنه دوم أمل لها بس مب مستوعبه الكلام اللي يقوله ابوها شلون بيوزها وهي صغيره بعدها ما كملت الـ20
دانه: بس انا صغيره ابوايا على الزواج
ابو ناصر: لا مب صغيره انتي حرمه لو تيوزتي يبتي عيال
انحريت من كلام ابوها وايد
ابو ناصر: اذا كان على الدراسه مب ما نعنج من انج تكملينها نواف وبسير وياج وبكذا ريلج معج وتكملين دراستج و الكل مرتاح ومطمن عليج وانا ما ابغي ايوزج نواف غصب عنج يا دانه ابغيج توافقين من نفسج واذا يهمج تشوفيني مرتاح وافقي يا دانه
دانه: بس .....
ابو ناصر: ريحيني يادانه ريحي ابوج وافقي عليه من يتوا وانا احاتيكم لين تطمنت على ناصر وزايد وماباقي الا انتي يا دانه طمني قلبي عليج
دانه كل همها انها تشوف امها وابوها مرتاحين والحين اهيا تشوف ابوها ولا اول مره في حالة ضعف ما تحملت انها تشوف اوبها جذي
قوت من نفسها دانه: طمن قلبك ابويا واللي تبغيه يصير
بفرح ابو ناصر: طمنتي قلبي الله يطمن قلبج
تحاول انها تكتم عبره وتضبط صوتها المهتز والمخنوق
دانه: اوكي والحين بسير ارتاح ولا تشيل هم يا ابويا كل اللي تبغيه بيصير بس عطني لباجر ارد عليك
ويلوي ابوها عليها وهي خلاص مب قادره تتحمل حاولت تكتم عبرات وشهقات وخنقات بصدرها كل اللي يهمنها انها تشوف ابوها مرتاح
ابو ناصر: بارك الله فيج ولا تعبين نفسج باجر خبريني عن رايج
اظهرت وصعدت لغرفتها ورمت نفسها على شبريتها وايلست تصيح بحسره وقهر على اللي سوته وافقت على الزواج مقدماً واهيا ما تبغيه
دانه: نواف نواف نواف شتبغي مني مالقيت الا انا في الف بنت غيري ليش اخترتني انا آآآآآآآآآآآه اممممم ياربي ما ابغي اتيوز بس ابويا
ارقدت واهيا تلوم نفسها على اللي سوته ماتدري اللي سوته صح والا لا

اليوم الثاني
هاي المره العاشره اللي تغسل فيها ويها دانه كل ما صاحت ردت تغسل ويها تبغي تنزل وتخبرهم عن قرارها ارفعت شعرها بمشابك وانزلت على الفطور
بابتسامه مصطنعه دانه: bonjour اووه اسفه صباح الخير
يبتسم ابو ناصر: صباح النور
الكل: صباح النور
ناصر: شحالج دانه
دانه: الحمدالله تمام انت شحالك
ناصر: بخير يوم اشوفج مرتاحه ومبسوطه
بارتباك دانه: الحمدالله مرتاحه يوم اشوفكم مبسوطين
ام ناصر: وينج البارح رديت لقيتج راقده كنت ابغي اقعد معج
دانه: كنت قاعده مع ابويا وبعدها سرت ارتاح
الكل يلف صوب ابو ناصر وفي عيونهم نفس السؤال شو قلت لها
تحاول تبتسم وتضبط صوتها
دانه: ابويا خبرني عن كل شيء وانا موافقه
ابو ناصر: بارك الله فيج
بهتمام ناصر: انتي مقتنعه بهالشيء
دانه: ايوه
ام ناصر: امي دانه لا توافجين عشان أي حد فينا وافقي عشان نفسج مب عشانا انتي اللي بتعيشين وياه مب احنا اللي بنعيش وياه
زايد: صدقها امي ولا تستعيلين في قرارج عندج وقت وايد فكري في الموضوع على مهلج
ابو ناصر ساكت ولا تكلم لانه عارف قرار بنته من امس واهو يعرف مصلحتها اكثر عنهم
دانه: انا فكرت وايد وما ابغي افكر اكثر وفي النهايه بتصير نفس الاجابه انتوا ما تشوفون انه يصلح لي مب ما خذتنه بس انتوا مقتنعين انه ريال والنعم فيه باخذه انا ما اعرف الريايل شراتكم وانتوا

تعرفون بعض اكثر عني
ابو ناصر: بارك الله فيج من بنيه
الكل سكت بعد الكلام اللي قالته لهم دانه اليوم الكل شاف دانه غير عن دانه الصغيره المدلـله اللي من نعومة اظافرها كانت كل رغباتها وطلباتها مجابه بدون أي مقدمات واللي ما يعيبها ترفضه
دانه: الووووووووو وحشتيييييييييييييينييييييييي وايد وايد
أمل: مرحبا الساااااااااااااااااااااااااع فديت هالصوت وانا اكثر ياقلبي
بصوت مبحوح دانه: شحالج
أمل: بخير يعل ربي يسلمج انتي شخبارج
دانه: الحمدالله
أمل: دانه فيج شي
دانه: لا مافيني شيء
أمل: عن المصاخه صوتج متغير شكلج متضايجه
تحبس عبره دانه: لا مب متضايجه ..بس مشتاقه لج وايد
أمل: وانا اكثر
دانه: سمعيني امول
أمل: عيونها
دانه: تسلم عيونها عندي لج خبر لا عندي لج خبرين بتفرحين بهم وايد
أمل: شهما
دانه: الخبر الاول انا بالامارات
أمل: حللللللللفي
دانه: ههه والله
أمل: اقول الامارات منوره وزايد نورها عشانج هني
دانه: منوره بوجودج يالغاليه
أمل: بسرعه انا يايتنكم .. بس لحظه لحظه
دانه: همممم
أمل: شو الخبر الثاني
دانه: لا يتي خبرتج
أمل: لا قولي لي الحين عشان ايب الهدايا مره وحده
دانه: اوكي بقولج بس بعدها ببند
أمل: اوكي ولا يهمج والحين شو الخبر
دانه: بتيوز
أمل: شووووووووووووو
دانه: طوطوطوطوطوططوطوطو
بعد صلاة العصر
ابو ناصر: ترى الملجه الخميس اللي بيي يهزو حالكم
ام ناصر: شوياك يا ابو ناصر تبغي تفتك من البنيه
ابو ناصر: شو هالكلام اللي تقولينه مب عيب عليج
ام ناصر: مدري عنك البارح تغصبها الاتوافج واليوم تقول الخميس ملجتها
ابو ناصر: انا اعرف مصلحت بنتي اكثر منج ودانه مب راده لباريس الا وهي متملجه على نواف
ام ناصر: يعني مب مسوين لها عرس
ابو ناصر: بنسوي لها عرس بعد ما تخلص الكورس هذا
ام ناصر: يا ابو ناصر قلبي ناغزني من هالزواج احس بنتي موافجه عشانك بس مب عشان نفسها
ابو ناصر: طمني قلبج البنت موافجه من نفسها وانتي تعرفين دانه بنتج ماتوافق على شيء ماتبغيه
تدخل امل عليهم بالهدايا
أمل: كلللللللللللللللللللللوش الف مبروك عمي
وتلوي عليه
أبو ناصر: الله يبارج فيج عقبالج
استحت من كلام عمها لها
أمل: الف مبروك خالتي
أم ناصر: الله يبارج فيج
دانه وهي نازله من الدري بعد ما سمعت صوت أمل
دانه: امووووول وحشتيييييييييييييييييييني
ويحظنون بعض وتصيح أمل
أمل: وحشتيني يالخايسه
تبوس امل دانه: وانتي اكثر اشتقت لج وايد وايد
أمل: مب اكثر مني
دانه: لا اكثر منج
من جهه ثانيه
أبو ناصر: شوفي البنيه مبسوطه وفرحانه وانتي اللي شاقه بعمرج
ما عيبها كلام ابو ناصر سارت صوب بنتها وقالت لها ان الملجه الخميس هاي اللي بتيي
وسارت اهي وامل للسوق يشرتن اغراض الملجه

في بيت عيظه بن ظاحي
نوف: هههههههههههاي مبارك هدني آآآآآآه هدني هههههه
مبارك: مب هادنج اقولج عطيني اياها
نوف: ههههه طيب بعطيك بس اول هدني
مبارك: طيب وعن تشردين يا ويلج
وهي تشرد وتربع ومبارك يربع وراها
مبارك: سويتيها فيني هاه
نوف: ههههههههههاي آآه بطني مب قادره اتحمل ههههههاي
خاف عليه مبارك: بسم الله عليج نوف شفيج
نوف: مافيني شيء هههههاي بس بطني عورني من كثر الضحك هههه
مبارك: ههههه طيب خلاص لا تضحكين
نوف: ههههههههههههههههههه
يسكر ثمها بيده مبارك: سكتي خلاص
نوف:...........
مبارك: والحين عطيني المفاتيح
نوف: مب معطيتك اياهن بتظهر وتخليني بروحي
يحضنها مبارك: مادمت عايش وراسي يشم الهوا ان ما تعرفين القعده بروحج
نوف: احبك
مبارك: وانا احبج

الخميس
نواف : امي تأخرنا على العرب
أم نواف: تونا يا ولدي كل هذا مشتطط تبغي تشوف العروس
نواف: مب شايفنها بنسير علطول لباريس بعد ما نملج
أم نواف: الله يسهل دربك ويوفجك بتمسك الشركه اللي هناك صح
نواف: ايوه
أم نواف: الله يوفجك
نواف: آمين امايا لاتعبين نفسج خلاص البشكاره هني خليها تسوي كل اللي تبغينه وهذي مفاتيح السايق كل ما بغيتي تظهرين بيوديج للمكان اللي تبغينه وخليه يودي جسوم كل يوم للمدرسه وانا بتصل فيكم كل اسبوع وبطاقة الصراف مع جسوم بنزل فيها كل شهر فلوس
أم نواف: يعطيك العافيه ويعل ربي يوفجك ويحفظك ويعل ربي يسعدك ويفرحك ويريحك من الشقا والعنا مثل مافرحت قلبي وريحتني
نواف: اللهم امين

في بيت محمد بن ظاحي
أمل من الصبح وهي مرتبشه تبغي تخلي ان الامر عادي وطبيعي بعد ما خبرتها دانه ضاج صدرها في البدايه بس شافت ان تفكير عمها على صواب وان نواف ريال ما ينعاب
وهي ترقص جدام دانه
أمل: مااااالي مالي عزا من دونج لاتيمني هواج كل الحسن بعيونج في ويهج ومحياج ماااااااااااالي ..... الناس ما يسونج يا عالي مستواج .. قلبي فضى مضمونج وارجوج لا تنسااااااااااه
وتحظن دانه
دانه: ههههههههه فديتج تعبتي نفسج من الصبح وانتي ترقصين
أمل: اذا ما رقص عشانج ارقص لمنو
تبوسها دانه: فديتج .. امول شكلي حلو
أمل: تخبلييييييييين وتيننييييييييييين وخر ياقمر ودانه تقعد بمحلك
دانه: فديتج محلا كلامج
وهي تدخل عليهن نوف: السلام عليكن
دانه+أمل: وعليج السلام
وهي تلوي على دانه نوف: شخبار حرمت اخوي
بحيا دانه: الحمدالله انتي شحالج وشحال مبارك
نوف: الحمدالله كلنا بخير
أمل: ترى دانه ماتقصد مبارك تقصد نواف بس تستحي تقـ..
وتقرصها دانه
أمل: أأأأأأأأأي يعور
دانه: تستاهلين
نوف: اخوي نواف بخير ويسلم عليج
أمل: صج
نوف:ايوه صج يا يالمنحاشه شحالج 5 ايام ما شفناج يالظالمه
أمل: بخير الله يسلمج هذي دانه والـ5ايام جليله عليها
دانه: فديتج
نوف: والله البيت ماله طعم موليه من غيرج
تلوي عيها أمل: فديت حرمت اخوي اللي تفقدني احبج
نوف: فديت ويهج هالحلو .. متى بتسيرن تحت
دانه: لين اتصور تعالي خذي معي جم صوره
نوف: اوكي
بعد ما تصورن ياها اخوها ناصر عطها الكتاب عشان توقع
ناصر: قبل ما توقعين أسألج وللمره الاخيره انتي موافق من نفسج
دانه: ايوه موافقه
ناصر: بتوقيج هني بترتبطين بشخص يديد عليج وعلى حياتج
خافت من كلام ناصر وايد كانت بتتراجع تذكرت كلام ابوها ريحيني يادانه ريحي ابوج وافقي عليه من ييتوا وانا احاتيكم لين تطمنت على ناصر وزايد وماباقي الا انتي يا دانه طمني قلبي عليج
بصوت اقوى دانه: ايوه موافقه .. وين اوقع فيه
ناصر: هني
وقعت دانه وحظنها اخوها
ناصر: مبروك
دانه: الله يبارج فيك
حاولت انها ما تصيح ما تبغيه يشك بموافقتها
انزلن تحت انزلت دانه وكل الجمال يكسو محياها بالفستان الليموني والاحمر اللي كل من شافها يذكر الله لهالجمال وهالاناقه لبستها ام نواف العقد الالماس بعد ما علت اصوات الزغاريط المكان وادمعت كل عين حاظر
نوف: الف الصلاة والسلام عليك يا حبيب الله محمد كللللللللللللللللللوش
الكل: كللللللللللللللللللللللللللللللللللوش
بعد العشاء
زايد: ندى
ربعت صوب صوت ريلها
ندى: لبيه
زايد: لبيتي حايه .. وييييي فديت ويهج محلاه
استحت ندى من كلام ريلها
زايد: الله الله شهالحلا انا مااروم عليج
ندى: عيونك الحلوين
زايد: لا صج طالعه وايد حلوه
ندى: انت تشوفني جذي
زايد: لا مب انا بروحي الكل يشوفج جذي يا بعد عمري
ندى: فديت كلامك محلاه
ويبوسها بخدها
زايد: فديت حرمتي محلاها
ندى: شبغيت
زايد: ابغيج
بدلع: زايد يد شو كنت تبغي
زايد: صح ذكرتيني .. من اشوف هالويه وانا ناسي الدنيا كلها
ندى: ههههههه
زايد: فديت هالضحكه قولي لدانه تظهر لان مابقى شيء على موعد الطياره الساعه 11
ندى: من عيوني الحين بسير اقولها
زايد: تسلم عيونج
ندى وهي سايره
زايد: ندوي
بدلع ندى: عيونها
زايد: احبج

ييه صوت من وراه
ناصر: شو تساوي هني
بارتباك زايد: من متى انت هني
يخوفه ناصر: من يوم قلت ندى
تغير ويه زايد: جذاب
ناصر يلعب عليه ماسمع شيء بس يبغي يحريه
ناصر: ايوه هههههههههههههه طالع ويهك شو صاير امزح معك ماسمعت شيء
زايد: الله ينطبك يالسبال
ناصر: استح على ويهك تقول لاخوك العود سبال
زايد: امون عادي
ناصر: قلت لهم تظهر دانه
زايد: ايوه
ناصر: نواف يبغي يسلم على امه

اظهرت ام نواف وسلمت على ولدها وسلم نواف عليهم وسار وركب سيارته
أم ناصر: دانه امي هذي فطاير مصلحتهن لج انتي ونواف كليهن في الطياره
خافت من اسم نواف اخفت خوفها وحبت امها على خدها
دانه: فديتج امايا ليش تعبلين عل نفسج
تحظنها امها وتصيح
أم ناصر: الله يوفقج
أمل: دندونه داااااااانه
تصيح
دانه: امول بسكم
الكل يلس يصيح
ندى: بنشتاق لج وايد
دلال: وولدي حمودي هم بيشتاق لعمته
دانه: فديتكن انا اللي بشتاق لكن وايد وبشتاق لحمودي
وتبوس حمودي على خده
ناصر: دانه داااااااااانه يلا تاخرتوا على الطياره
دانه: كاني يايه .. يلا مع السلامه
ابو ناصر: يلا دانه
أمل: دانه بااااااااااااااااااااااااي باي يااااااااااااااي
وترد دانه وتحضنها وتصيح أمل
أمل: الله يوفقج
دانه: بسج صياح مابغي اسير وحد يصيح يلا عاد خليني اشوف بسمتج
تبتسم امل
دانه: فديت هالمبسم .. يلا امايا ودلال وندى فمان الله
تحب راس خالتها
دانه: فمان الله خالتي
أم نواف: فمان الكريم الله يوفقج يا بنيتي
الكل متعجب من تصرف دانه اللي مانزلت ولا دمعه عليهم اليوم خلت الكل يتأكد ان الزواج هذا اهي اللي تبغيه وتريده
تظهر دانه مع ابوها وهي تسير صوب الباب
ابو ناصر: لا اوصيج انتبهي لنفسج ولريلج مانبغيه ينقد علينا
تبتسم من كلام ابوها دانه: ان شاء الله
يمسك ايدها وهم سايرين
ابو ناصر: بيي يوم يادانه وبتقولين ابويا على حق
باسها على يبتها
ابو ناصر: سيري ريلج ينطرج بالسياره يلا فمان الله
سارت وكلمة ابوها ما فارقت مخيلتها بيي يوم يادانه وبتقولين ابويا على حق
اصعدت السياره وهي ساكته مافكرت انها تلتفت وتشوف شكل ريلها الريال اللي تتمناه كل بنت على ويه الارض و فارس احلام كل بنيه
حسيت برعشه بيسمي يوم شفتها هاي دانه ابو ظبي ونفس الوقت داني باريس ياربي وريحة العطر نفسه شهالمصيبه وبدون عباه بتمشي حذالي ولا حتى شيله يارب سترك لاحظت انها مالفت صوبي ولا شافتني يعني لهالدرجه قايلين لها اني اخرع
لفيت صوبها وشفت ويها ولكني ماادري إن هناك بنيه بهالجمال تملك جمال لايملكه بشر
نواف: السلام عليكم
بهمس دانه: وعليكم السلام
الطف الجو نواف: الف مبروك
دانه: .............
لفت صوبي وهي كانت تناظرني اوصلت نظراتها إلى أعماق فؤادي دخلته دون استئذان وبنت عرشها في رحاب قلبي ووضعت قوانين جديدة في المشاعر والأحاسيس واستفقت على صوت يكلمني بعد أن غرقت في أحلام لم أرى مثلها من قبل انه صوتها الناعم
دانه: انت
نواف: ايوه انا
سبحت عيونها بالدموع دانه: انت اللي .......
ماقدرت تنطقها
نواف: وانتي داني اللي بباريس
وانفجرت بالصياح وانا خفت عليها شياها
نواف: شفيج دانه شفيج
دانه:...............
من اليوم الصبح لين اظهرت من الفله وهي حابسه وكاتمه عبره بصدرها كانت تقوي نفسها بس الحين تصعد السياره وتشوف المفاجأه اللي مخبيها لها القدر انها تشوف الشخص اللي كرهته في يوم وانتظرت شوفه اسابيع .. اوصلوا المطار وهي ساكته يسألها نواف ماترد عليه في الطياره بعد مامرت 3ساعات من السكوت
اففففففففف شهالحاله كل ما حاجيتها ماردت علي خذت منديل وكتبت عليه (( ممكن تكلميني )) وعطيتها خذتها وايلست تشوفها وارفعت حواجبها اسحبت القلم من ايدي وهذي حركه ما توقعتها ابتسمت وردت عطتني اياه ومكتوب بالفرنسي(( لماذا )) رديت
(( قولي نعم او لا )) ردت بالفرنسي((لكني لا افضل محادثه رجل )) خذت منديل ثاني ورديت (( لاكني افضل مخاطبه من هم بمثلك اذ وجد ))
تكلمت بغرور دانه: لن تجد
بالغرور نفسه نواف: وكذلك انا لن تجدي
اسكتت ولفت ويها من صوب الدريشه
نواف: ممكن تقولين لي شفيج
دانه: ..............
اوكي انا اراويج
بعد مرور 4 ساعات سارت وردت وبيدها ماي وانا مسند راسي ولا حاجيتها
دانه: تبغي ماي
ولا حاجيتها نواف:............
دانه: انا احاجيك تبغي ماي
نواف:...........
انقهرت دانه من تصرف نواف
دانه يعني شو حسباله يبي يردها لي هذا يزاي اني اعطيه ماي مالت على ويهه السبال
دام الصمت بين الطرفين الى ان اعلنت الطائره عن الوصول لمطار باريس
ظهرنا وحمل الجناط السايق بسياره الليموزين السوداء وسرنا صوب نفس الفندق اللي سرت له اول ماييت هني وجفنا عند الفندق ونزلت
بغرور دانه: ليش يايين هني
نواف:..........
عصبت دانه: انا احاجيك
ماعيبه الطريقه اللي تحاجيه فيها
نواف: متى ما تكلمتي بأدب رديت عليج
سار وتركها آآآآآآآآآآآآآآآآآآه اصرخت في داخلها وهي مغيظه منه ودها تحذفه بالشنطه سارت وهي تتوعده بس شافت ان العناد مايفيد معه تكلمت معه بأدب
دانه: نواف
محلات اسمي لانطقته
نواف: عيون نواف
المعت عيونها من كلام نواف شكله جذاب وهو يقولها حست نفسها غبيه بهالتفكير
بغرور دانه: ليش احنا يايين هني
نواف: لاني ابغي اكون هني
بثقه دانه: بس انا ما ابغي اكون هني
والتحدي بعيونه نواف: المكان اللي يعيبني لازم يعيبج
دانه: مب عايبني زين وابغي اسير فلة ابويا اللي هني
بصوتها الفتت انتباه كل من في صالة الفندق
سحبها من ايدها وهي متعجبه من قرب نواف لها بهالصوره فكرت انها تصرخ بس هذا تصرف طفولي وسارت معه للجناح بدون مقاومة منها لسحره لها
دانه: هد ايدي
اشد عليها اكثر
دانه: أي يعور هدني
هديت ايدها نواف: انتي نومي هني وانا بنوم بالغرفه الثانيه
بهمس دانه: سبال
بعد عشر دقايق الكل متيه صوب الحمام لاخذ دوش
بغرور دانه: السيدات اولاً
نواف: حلو اعترافج بانج سيده يدل على تقدم كبير فيما بينا سيده نواف
دانه:...............
احمرت خدودها من الخجل
نواف: تقدرين تدخلين الحين
اربكتها افكارها ويوم اوصلت الى حواجز مخيفه اخبطت فيها نعم كانت تنجذب له بجماله وبسلوبه الراقي
يلست انتظرها وايد وتاخرت
ظهرت دانه بعد ما خذت دوش طويل واستانست يوم شافت نواف مب يالس
دانه: اكيد انه مل وسار يرقد ههه احسن ان ماطفشتك ومللتك مااكون دانه
سارت ووغطت في نوم طويل اوتعت بعد 7 ساعات من الرقاد شافت الساعه 2 الظهر تيددت وصلت الظهر اظهرت من غرفتها وايلست على الكنب الابيض وايلست تتنقل من قناه لاقناه علت على صوت التلفزيون تبغي تزعج نواف وغرفة نواف ما صدر منها أي صوت يت الساعه 4 وهو مااوتعى من صوت التلفزيون معقوله كل هذا رقاد سارت تشوفه بغرفته تطق الباب محد يرد افتحت الباب شافت الغرفه والشبريه مرتبه يدل على ان نواف ما استخدم الغرفه او نام فيها والجنطه محطوطه مكانها ياها صوت من وراها
نواف: شو تساوين بغرفتي
خافت واصرخت
دانه: يمااااااااااااااه خرعتني
بصوت اكثر نعومه نواف: بسم الله عليج
ارتبكت من اسلوبه الحلو يت بتظهر من الغرفه وقف بويها
بخوف دانه: ممكن توخر ابغي اسير
نواف: انا سألتج شو تساوين بغرفتي
بغرور دانه: كنت اممممم اشوفها اذا هي احلى عن غرفتي بس غرفتي احلى
نواف: يايه تشوفين من احلى غرفه والا يايه تدورين علي
دانه: لا تثق بنفسك وايد والحين ممكن توخر عن طريجي
نواف: مري احد ماسكنج
دانه: طيب وخر عن طريجي
نواف: واذا ما وخرت شو بتساوين
ارفعت راسها تتحداه دانه: برفسك
بالتحدي نفسه نواف: اذا ترومين
ارفعت ريلها وضربته على ساقه وصرخ نواف
نواف:أأأأأأأأأأأأأأأأأي
كانت لابسه نعال جاسيه عشان جذي يت الضربه قويه على نواف
بابتسامه راضيه دانه: عشان ما توقف بطريجي مره ثانيه ولا تتحداني
سارت لغرفتها واتركتني والله الضربه تعور وايد انا اراويج هذا يزاي ساير ادور على فله صغيره نسكنها من البارح وانا ما نمت
ظهرت وطقيت على غرفتها
دانه: نعم
نواف: ظهري قشارج
دانه: ليش
نواف: من غير ليش ظهري قشارج
دانه: اوكي ادخل شيلهن
نواف: انتي ظهريهن
دانه: شو شلون اظهرهم الجنطتين كبار ماراوم اشلهن
نواف: لو انج صححتي موقفج من اللي سويتيه بريلي جان رمت اشيلهن بس ريلي تعورني ومااروم اشيل شي
انقهرت وايد من كلامه
نواف: بسرعا ماعندي وقت
يلست اشوفها تسحب الشنطه الاولى الجبيره رحمتها وايد كانت معقده ويها وهي تشيلها وتتأفف يوم يت بتشيل الجنطه الثانيه دخلت وراها ومسكت ايدها واخرتها
دانه حست بنعومة يد نواف بيدها وحست برعشه تسري بيسمها
بسخريه رقيقه نواف: جسم بهالنعومه مايسير يشيل جناط ثجيله
احمر ويها وانقهرت من كلامه وايد كمل يقول
نواف: اللي مثلج يشيلن ورد وكفايه عليهن
دانه صج انك سبال وحقير وتافه آآآآآآآه اكرهك قالت هالشيء في نفسها وهي سايره
شليت الجناط وعطيتهن السايق ينزلهن وطول الدرب وهي ساكته وقفنا عند مطعم
نواف: نزلي
دانه:..........
نواف: براحتج تمي هني انا ميت يوع بسير اتغدى
دانه:........
سار نواف وتركها بروحها مع السايق بالسياره
دانه: السبال الله يسامحك ابويا ياليتك تشوف شلون يعاملني
يلست انتظرها تلحقني مايت خذيت الطلب سفري عشان نتغدى رباع صعدت السياره مالقيتها انينيت
بالفرنسي نواف: اين ذهبت السيده دانه
السايق: لا اعلم
وين سارت هاي الحين يلست واجف حوالي ساعتين قلت يمكن سارت تشتري لها غرض او أي شيء او يمكن تبي تتغدى بروحها من غيري يلست ادور لها اعذار وواعذار لين اختفت الشمس وبعدها سرت ادور عليها في المحلات في المطاعم مالقيتها انينيت وين راحت هذي الحين يعني وين بتسير انا اراويج يالخايسه جذي تسوين فيني الحين 10 وهي ما يت لايكون صابها شيء يارب استر اكيد فيها شيء مب معقوله اشردت مني ولو كانت شارده ياويلها مني والله لارتكب فيها جريمه صح خالتها هني يمكن اهيا عند خالتها بس شلون تسير بدون ما تخبرني الحماره و تلفونها مغلق افففففف الحين الساعه 12 وانا واجف انتظرها عندي امل انها تكبر عقلها وترد بس هي عناديه وانا اعند انااراويج يالدان انا تسوين فيني جذي بخليج تعرفين منهو نواف بن خليفه الجو بدا يبرد اكثر واكثر وانا واجف هني انتظرها هني وانا ميت برد وهي ما يت صعدت السياره ويلست انتظر للصبح وهي ما يت سرت للشركه وتفكيري مب معي ظهرت وانا مب متحمل هالحاله اللي انا فيها لين متى بتم مختفيها ما ابغي اتصل بأهلها واسألهم تذكرت فيصل يعرف كل شيء عن عايلة ابو ناصر رديت الشركه

نواف: لو سمحتي اطلبي لي السيد فيصل
السكرتيره : حسنا سيدي يا الهي انه وسيم وجذاب
قالت كذا بعد مارد نواف لمكتبه
فيصل : السلام عليكم
نواف: وعليكم السلام شحالك
فيصل : الحمدالله انت شخبارك
نواف:بخير مانشيكي باس شو الامور في غيابي
فيصل: الحمدالله ماشيه على اكمل وجه
نواف: الحمدالله .. بغيت أسألك عبدالرحمن
فيصل: سم شبغيت
نواف: سم الله عدوك تعرف بيت خالة عيال ابو ناصر اللي هني
فيصل: ايوه اعرفه
نواف: وينه فيه ؟
فيصل: اهو مو بعيد كثير من هنا اذا تبيني اروح معك وادلك بروح معك ما عندي مانع
نواف: لا ما ابغي اتعبك بس خبرني وينه فيه
فيصل: تعبك راحه ولو
نواف: الله يسلمك
بعد ما خبره وين فلة خالة دانه
نواف: يزاك الله خير
فيصل: وياك في شيء صاير
نواف: لا بس معي غرض بوصله لهم
فيصل: اممممم ييلا انا استأذن
نواف: فوداعة الله
والحين عرفت بيت خالتج يالدان وين بتشردين مني انا اراويج

في ابو ظبي
مبارك: الف مبروك حياتي
نوف: الله يبارج فيك ..هالقد مبسوط
مبارك: وايد واااااايد انا اسعد انسان بهادنيا كلها
نوف: يعلك دوم مبسوط وفرحان يارب
مبارك: آمين انا وياج ولدي
نوف: اذا مب ولد
مبارك: عادي ولد بنيه اللي من الله مابنرده
بدلع نوف: اذا ياني ولد بسميه مبارك
مبارك:؟؟!! شو ليش
نوف: عشان يكون عندي 2 بروك بروك الصغير بروك العود اللي اهوا ابوه وتبوسه على خده
يحظنها مبارك: وييي احبج مووووووووت

باريس
الظهر 2
وظهرتي من الجامعه وانتهى الدوام والحين انا اراويج عروستي المغروره

الصبح شفتها ظاهره من بيت خالتها وسرت وراها للمطعم اللي تفطر فيه اهيا وبنت خالتها كنت اشوفها واهيا تتلفت يمين ويسار كانت متوقعه وجودي باين عليها مانامت البارح عدل كل شوي تتأفف وبعدها سارت للجامعه
بهمس في اذنها خلاها ترتعش ولا تتوازن بوجفتها
نواف: Bonsoir حبيبتي
حست بصدمه بوجوده دانه:آآآآآه انت
يحاول يخفي عصبيته جدام الناس اقترب منها وتراجعت لورى
نواف: ايوه انا من البارح وانا ادور عليج
كانت اصابعه بتحطم عظام معصمها
بخوف ولاول مره دانه: نواف هدني
نواف: تبغين تشردين مره ثانيه
برتجاف دانه: هدني شتبغي مني هاه
نواف: مو هني نتفاهم في البيت نتفاهم ونخلي لكل شيء له حد
حست بخوف شديد من كلام نواف لها حاولت تمنع انها تظهر هالخوف اللي ممتلكها من ناحية نواف الى ان استطاعت فعل ذلك
سرنا للبيت ولا واحد فينا نطق بكلمه لين وصلنا للفله ونزل السايق الاغراض







في الصاله الرئيسيه









كانت هاديه لكنه حطم هدوءها وخلاها مشوشة التفكير
كان ذكي جدا شديد الثقه بتأثيره في النساء وهذا الشيئ ماتحبه فيه
نواف: ايلسي ليه واجفه
بعناد دانه: عايبتني الوجفه
بعناد اكثرنواف: وانا اقول لج يلسي
حست ان نفسها مب قادره على الوجوف وايلست على اول كرسي جدامها
نواف: والحين ممكن توضحين لي انتي ليش شردتي مني البارح
جف ثمها وانقبض حلقها يوم شافت فيه الغضب والخبث ونيه مب طيبه لافتعال المشاكل
دانه:..............
نواف: تكلمي والا لسانج كلته الحيه
دانه: نواف حرام عليك
بأنفعال نواف: شو حرام علي حرام عليج انتي من البارح وانا ادور عليج من مطعم لمطعم ومن شارع لشارع ومن زفت لزفت بصراخ وانتي عند خالتج ولا مفتكره فيني ولا بحد شردتي وتركتيني مثل المينون ادور عليج وكل ما تأخر الوقت زود اقول اكيد صابها شيء خفت عليج يلست انطرج الى اليوم الظهر قلت يمكن تكبرين راسج وتردين بس طلعتي ياهل ياهل يادانه
بأنفعال زود دانه: لا مب ياهل و انا ما شردت منك جذي
نواف: عيل عشان شنو
دانه: شردت من معاملتك لي لين متى بتم تعاملني جذي من اول ما شفتني وانت طايح نقد وتمسخر فيني وفي الطياره احاجيك ولا ترد علي حرام عليك ياخي
نواف: واذا معاملتي لج مب عايبتنج هم انا تصرفاتج مب عايبتني تصرفاتج تصرفات يهال وكل شيء براسج تسوينه ماتفكرين بشو العواقب او تفكيرين بغيرج شبصير له من افعالج الخايسه واللي سويتيه البارح ماتسويه وحده بريلها
بصراخ دانه: كفايه
نواف: لامب كفايه انا ريلج والمسؤل عنج فاهمتني يعني ما تظهرين بقعه الا بشوري
اجمدت في مكانها بعد الكلمه اللي تتردد في ذهنها ريلج ريلج بس فعلاً اهوا ريلي بس ما يحبني لو يحبني ما عاملني جذي صاحت
بانكسار دانه: لا تعاملني جذي نواف لاتصرخ علي حرام عليك
غطت اذنها بيدينها واحظنت راسها بحظنها
شتفها وهاي المره الثانيه اللي اشوفها فيه تصيح وهي ترتجف والدموع بعيونها تندمت على اللي سويته بس اللي سوته فيني مو شوي خلتني على نار من البارح الى اليوم
رحمها نواف: دانه
دانه:........
يمسك ايدينها وحاول يرفع راسها بس اهي تنزله
نواف: دانه شوفيني
بصوت مقهوردانه: خوز عني
حاول انه يمسك يدينها بيد ورفع راسها بيد ثانيه
بصوت يحطم القلوب نواف: انا اسف
حظنها وهي تصيح
دانه: لا تعاملني جذي الله يخليك نواف لا تصرخ علي آآآآه مممم
نواف: ما صرخت عليج الا من خوفي عليج خلي نفسج مكاني لو ضعت عنج لمده 24 ساعه شو بتساوين اكيد بتساوين مثلي واكثر بعد ماتدرين قد ايش انينيت يوم رديت للسياره ولا شفتج حسيت اني انسان ضايع انسان بلا قلب وبلا روح وبلا تفكير يالس ادور على روحي وقلبي يلست ادور عليج يادانه
كانت حاطه راسها على صدره وتسمع دقات قلبه حست برعشه بيسمها كان ودها انها تقوم بس نواف امتلك كل شيء فيها بمسكته بدت مثل اللعبه بين يدينه
نواف: وكاني لقيتج ياعروستي المغروره
دانه ذابت لهالوصف اللي وصفها فيه عروسته المغروره ليش يقول لي جذي يعني اهو يحبني بس ماقال احبج يادانه
نواف ما توقعت اني اصرخ عليها جذي بس كل هذا من القهر اللي فيني ياعمري عليها منقهره وايد من معاملتي لها عيل شو اقول انا من معاملتها لي حسيت انها هدت
حاولت اني اقوم من بين يدينه بس مب قادره كل ما اوخرهم عني يضمني باقوى من الاول قال بصوت ناعم رومانسي
نواف: هديتي حبيبتي
انتفض يسمي من هالكلمه وقمت ويلست حذال نواف
دانه: امممممم
نواف: تغديتي
دانه:لا
نواف: لا فطور ولا غدى
بتعجب دانه: شعرفك اني ما تريقت
نواف: شفتج اليوم بالمطعم
دانه: متى

نواف: اليوم الصبح انتي وبنت خالتج
دانه: يعني كنت تعرف وين انا فيه
نواف: اليوم الساعه 8 عرفت وينج فيه
دانه:امممم
نواف: بس انا من البارح ما كلت شيء
دانه: وانا
واحمر ويها وتعجبت من اللي قالته يمسك ايدها
نواف: سامحيني دانه اوعدج اني مااصرخ عليج مره ثانيه ولا اخيب ضنج فيني
وباسها على يدينها وحست براحه كبيره من الاهتمام الكبير اللي تشوفه من نواف
نواف: والحين بدلي ثيابج بنظهر نتغدى
قامت وهي منصاعه لأوامر نواف من دون جدال او خلاف في الراي قامت وهي تحس ان الارض مب شايلتنها من الفرحه اللي اهي فيها
البست بنطلون اسود مع بلوزه وردي بجاكيت قصير اسود تخبل نواف عليها بهالبس الحلو عليها كان يشوفها ايه من الجمال ناقصها تغطي شعرها بشيله او حجاب
في المطهم
بنعومه نواف: شو بتطلبين
دانه: سلاد فرت اون باقيت
نفخه ببتسامه نواف: الحين هذا غداج سلطه وخبز فرنسي
باحراج دانه: ايوه
بابتسامه مذوبه نواف: انا بطلبلج على ذوقي
تخبلت دانه عليه زود
بدون تردد دانه: اوكي
نواف: شرايج بكبسه
دانه: ههههه من وين لك
نواف: صج مشتهي كبسه
دانه: هني ماكو كبسات هني اشياء خفيفه
نواف: صدقج اوكي والحين دي شيش كباب اون بيتزا افيك دي فريت اون امليت بوليه حلو
شيش كباب وبيتزا مع بطاطس مقليه مع عجه مع قطع دجاج حلو
دانه: حلو والمشرب شو
بفرح نواف: بعد على ذوقي
بغرور دانه: لالا على ذوقي
نواف: اوكي
دانه: مشروب فراوله
نواف: لاوعععع ما احب الفراوله
دانه: انا مااعترضت على اللي طلبته لي وانت بعد لا تعترض على اللي طلبته لك
نواف: ما احب الفراوله موليه
دانه: بتحبه والحين اطلب
عيب نواف مشروب الفراوله الغازي ودانه عيبها الطلب اللي طلبه نواف .. تاكل وهي تحس ان احد يراقبها في اكلها اذا ارفعت راسها ينزل نواف راسه والعكس وكل مارفعت راسها وشافتها يجوفها يحمر ويها خجل
نواف: ما توقعت طعمه جذي حلو
بثقه دانه: يكفي انه اختياري
نواف: اكيد يكفي انه اختيارج سيده نواف
حست برعشه بيسمها بعد ماسمعت صوت نواف الرقيق ينطق بكلمه سيده نواف
في ابو ظبي
أم نواف : هلا وغلا شحالك شخبارك ؟
نايف: بخير الله يسلمك شحالج امايا شحال جسوم ونواف ونوف
أم نواف: الحمدالله تسرك الحال انت شخبارك وشخبار دراستك
نايف: الحمدالله بس لاتنسيني من دعواتج يالغاليه
ام نواف: الله يوفجك يارب وتسير دكتور جبير انشاء الله
نايف: امين امايا خبرتني نوف عن نواف صدق
ام نواف: ايو صدق اتصلبه وبارج له
نايف: ومتى العرس
ام نواف: بعد ماتخلص هالكورس يقول نواف
نايف: انا بتصلبه واقوله عن تسون العرس وانا مب هني
ام نواف: حشى والله ما يهنى لنواف ولا لي عرس انت مب فيه
نايف: الله يسلمج يلا امايا سلمي عليهم
ام نواف: الله يسمك ان شاء الله انتبه لنفسك يمه
نايف: ان شاء الله امايا سلمي على جسوم
ام نواف: ان شاء الله فمان الله
نايف: فمان الكريم
جسوم: امايا من اللي متصل
ام نواف: اخوك نايف سأل عنك قلت له انك برع ويسلم عليك
جسوم: الله يسلمه مااتصل نواف
ام نواف: لا ما اتصل يمه
بعد هالكلمه رن التلفون
جسوم: الو
: السلام عليكم
جسوم: وعليكم السلام
: هذا بيت جاسم بن خليفه
بفرح جسوم: ايوه بيت جاسم بن خليفه وبيت نواف ونايف بن خليفه
: والنعم
جسوم: النعم بحالك
: يقولون البيت صار لجسوم بن خليفه
جسوم: نعم نعم جاسم لو سمحت
: لا يقولون جسوم
جسوم: انت ما تستحي تتصل على خلق الله وتيلس تطنز عليهم صج ما تستحي
: هههههههههههههههه بعدي والله انك ريال
جسوم: عيل شو استوعب نوااااااااااااف امايا نواف هذا
نواف: شحالك شخبارك شخبار امايا
جسوم: الحمدالله كلنا بخير والله ان عمرك طويل
يضحك نواف على كلام جسوم
نواف: هههههههههاي ليه
جسوم: تونا انا وامايا نسأل عنك
نواف: تسأل عنكم العافيه امايا عندك
جسوم: ايوه
نواف: عطني اكلمها
أم نواف: حي الله هالصوت ومرحبا الساع شحالك يمه
نواف: الله يحيج الحمدالله انتي شحالج وشحال جسوم عسى مب متعبج
ام نواف: الحمدالله لا مب متعبني ما سكن البيت مثلكم وزود ماشاء الله عليه
نواف: زين لااوصيج عليه امايا لاتخلينه يظهر برع كثير
ام نواف: لا توصي حريص يمه ..الا ماقلت لي شخبار دانه
نواف: الحمدالله هاي تبغي تكلمج
دانه:الو هلا خالتي شخبارج
أم نواف: بخير الله يرضى عليج انت شحالج
دانه: الحمدالله
أم نواف: شخبار دراستج يمه
دانه: الحمدالله كل شيء تمام
ام نواف: يلا امي مانطول عليكم وسلمي على نواف
دانه: ان شاء الله لحظه خالتي يبغيج نواف
نواف: هلا امايا امايا ناقصكم شيء
أم نواف: لا يمه مب ناقصنا شيء انت لا تحاتينا كل شيء مويود واحنا بالبلاد مب ضايعين
نواف: الله يحفظكم يلا فمان الله
ام نواف: فمان الكريم
في بيت محمد بن ظاحي
دلال: ندى تعالي يلسي عن حمودي لين ايي
ندى: وين بتسيرين
دلال: ماصليت العشاء بسير اصلي

دلال ماتحب البشاكير يمسكون ولدها او يقربون منه كانت تخاف عليه وايد حتى من نسمة الهواء الطايره
ندى: وي فديت هالويه محلاه شفيك زعلان ها ويي فديتك وتبوسه
اوما: مدام تلفون دانه
ندى: دانه يبي التلفون هني بسرعا
دانه: الوووو هلاو الله
ندى: هلا بج مرحبا الساااااااااااااااع حي الله هالصوت شحالج
دانه: الحمدالله
تسمع صوت ولد اخوها محمد
دانه: وييي فديت صوته حمودي حبيلي اياه
ندى: اممممممواه وهاي بوسه من عمتك شخبارج
دانه: الحمدالله شخبار امايا وابويا واخواني ودلال
ندى: الحمدالله كلنا بخير شحال نواف
دانه: الحمدالله .. عطيني امايا والا ابويا
ام ناصر وابو ناصر توهم نازلين من فوق
ندى: عمي خالتي دانه على التلفون
أم ناصر: ويي فديت بنتي الو فديت هالصوت شحالج
دانه: الحمدالله بخير انتي شحالج وشحال ابويا
أم ناصر: بخير الله يسلمج شخبار نواف
دانه: الحمدالله كلنا بخير امايا اشتقتلج وايد
أم ناصر: هم احنا اشتقنالج
ابو ناصر: عطيني اكلمها
دانه: هاي ابوي عطيني اياه الو هلا ابويا
ابو ناصر: هلا بنتي شخبارج
دانه: الحمدالله انت شحالك
ابو ناصر: مبسوط يوم اسمع هالصوت
دانه: يعلك دوم مبسوط
ابو ناصر: شحال نواف ان شاء الله بخير
دانه: الحمدالله
ابو ناصر: ان شاء الله مبسوطه يا بنيتي
دانه: الحمدالله مبسوطه
ابو ناصر: يلا ما نطول عليج وسلمي على نواف
دانه: لحظه ابويا نواف يبغي يكلمك
ابو ناصر: اهوا عندج
دانه: ايوه هاك حاجيه
استانس وايد ابو ناصر بعد ماسمع صوت بنته وبعد ماقالت له ان نواف حذالها
نواف: الو السلام عليكم شحالك يا ابو ناصر
ابو ناصر: وعليكم السلام الحمدالله انت شحالكم
نواف: الحمدالله بخير
ابو ناصر: شحال بنتي الدان
نواف: الحمدالله مبسوطه
ابو ناصر: ما اوصيك عليها تراها غاليه
نواف: لاتوصي حريص
ابو ناصر: ما بنطول عليك ياولدي فمان الله
نواف: سلم على الشباب وخالتي
ابو ناصر: يبلغ ان شاء الله
نواف: فمان الله
ابو ناصر: فمان الكريم
ندى: شكله مبسوطه الحمدالله ياخالتي
وهي تمسح دموعها ام ناصر: الحمدالله
تدخل عليهم دلال: شصاير
ندى: اتصلت دانه وتسلم عليج
دلال: حلفي
ندى: والله
ندى: كان ودي احاجيها والله اشتقت لها وايد
أم ناصر: كلنا مشتاقين لها
ابو ناصر: كلها 3 شهور وبتشوفونها
أم ناصر: الله يردها سالمه والله يحفظها


في باريس
غرفة دانه غرفة نواف








المطبخ










كان البيت جميل ومريح مزين بالوان زاهيه وهاديه اضافت عليه جواً من الرحابه والبهجه صار بيت رجل يحب التحرك بسهوله وحريه ويفضل العيش الحديث ولانيق بدون فوضى
نواف: شرايج فالبيت
دانه: حلو
بتعب واضح نواف: غرفتج عيبتج
دانه: ايوه
جافته دانه وايد تعبان ومنهد حيله حنت عليه وارحمته كان ودها انها تمسح على راسه وتخفف عليه التعب الواضح عليه
دانه: نواف اصعد ارقد بغرفتك
نواف: بسير الشركه عندي شغل وايد
دانه: خل الشركه بعدين الحين اصعد ارتاح لك شوي
نواف: ان رقدت الشغل بالشركه بيتوقف
شافته مصر
دانه: براحتك
نواف: انتي الحين صعدي وارتاحي
دانه: اوكي متى بترد
نواف: مدري ولاتشيلين هم صعدي ورقدي وانا متى ماييت برقد
دانه: اوكي
تعيبت دانه من تصرفاتها وانصاعها لأوامره بدون تردد واهتمامها بنواف شلون قدر نواف يغير من طبعها كان هالسؤال يدور ببالها لين ارقدت
رد نواف بعد شغل دام الى الساعه 10 ليلاً
يلست ادور عليها عرفت انها بغرفتها مريت من باب غرفتها وحطيت اذني على الباب اشوف اهيا صاحيه والا راقده حسيت بشعور اني ابغي ادخل واشوفها بس.. عادي انا ريلها اففففف سرت ورقدت وانا اعترف لنفسي قبل ما اعترف لها اني احبها اول مره احب شخص مثل ما حبيتها واول مره انجذب لبنيه مثل ما انجذبت لها غرورها ودلعها صدق احياناً مايعيبني بس حلو عليها وايد
الساعه 8 الصباح
اصوات العصافير وعت نواف من رقاده
نواف: افففف الساعه 8 كل هذا رقاد اوووو ماصليت الفير واليوم عندي شغل وايد
تسبحت وصليت وتلبست ونزلت تحت شفت عروستي المغروره يالسه وتقرا ميله
نواف: صباح الخير
بابتسامه ناعمه دانه: صباح النور
نواف: من متى واعيه
دانه: الساعه 5 الفير
نواف: ليش ماوعيتيني اصلي
ببلاهه دانه: مدري
برقه نواف: مره ثانيه وعيني لاني مابغي الصلاة تفوتني
دانه:اوكي
نواف: يلا انا بظهر
دانه: تريق اول
نواف: شو فيه

بابتسامه دانه: في كورن فلكس
نواف: تذكرت اخوي نايف وايد يحبه
دانه: اييب لك
نواف: ياليت
بعد 2دقايق
دانه: تفضل
تعجبت من نفسها
بابتسامه مدمره نواف: زاد فضلج
تحبه اكثر لابتسم لها هالابتسامه وهو ياكل
دانه: وين بتسير
نواف: بسير للشركه
دانه: اليوم السبت يعني ايازه
نواف: عندي شغل وايد
دانه: متى بترد
نواف: مدري على حسب الشغل
دانه:امممممم
نواف: اذا بغيتي شيء اتصليبي تعرفين رقمي
دانه: لا
نواف: سيليه **********
نواف: شكرا على الكورن فلكس يلا فمان الله
بهمس دانه: فمان الكريم
دانه: وايد احبك تضرب راسها بيدها من صجي شو احبه عادي لو حبيته ريلي في وحده ماتحب ريلها ياويل حالي شكله وسيم وجذاب بس انا احلى عنه اكيد انا احلى لاني حرم نواف بن خليفه هههههه والله اني مب صاحيه اول مره تيني هالحاله واحاجي نفسي طيب شو اساوي الحين اسير ارتب غرفتي البارح رتبت نصهم وزهقت خليني اسير ارتبهم واخلص
بعد ما خلصت من ترتيب غرفتها على الساعه 12 تيددت وصلت الظهر
دانه: وترتيب الغرفه وانتهينا منها شو اساوي الحين بسير ارتب غرفه نواف لالا شو ارتبها يمكن مايحب احد يفتش بغراضه او بخصوصياته بس انا حرمته عادي ههههه والله اني هبله اسير ارتاح احسن لي
يدق تلفونها وشافت اسم ...........
*******دلوع عنيد********
بنعومه دانه: الو
بهمس يذوب نواف: ممكن نتعرف
تنسدح على الشبريه
دانه: لا
نواف: افا ليه
دانه: لاني ما احاجي ريايل
نواف: بس انا غير عنهم كلهم
دانه: اسفه مقدر احاجيك
نواف: بس صوتج وايد عيبني حاجيني
بابتسامه دانه: لا
نواف: طيب شحالج
بتعجب دانه: ههههه اقول لك لا تحاجيني تقول شحالج
نواف: فديت هالضحكه شحالج عروستي
احمر ويها دانه:........
نواف: الوووو ههههه الوووو
دانه: الو
نواف: وين رحتي
بهمس دانه: هني
نواف: ماقلتيلي شحالج
وهي تلعب بشعرها دانه: الحمدالله انت شحالك
نواف: بخير يوم اسمع هالصوت
استحت وايد من كلامه
دانه:...........
نواف: شتسوين
لاشعورياً دانه: منسدحه على الشبريه
نواف: شتسوين
دانه: ها لالا يالسه بغرفتي
نواف: امممممم اخبرج انا مب ياي على الغدا
بخيبة امل دانه: ليه
ماسمعها نواف: شو شو تقولين طولي صوتج دانه
دانه: ولاشيء
نواف: سمعيني يهزي نفسج الساعه 7 بنظهر نتعشى برع اوكي
بفرح دانه: اوكي
نواف: والحين سيري ارتاحي لج شوي
دانه: ان شا ءالله
نواف: يلا فمان الله
دانه لا لا تسكر تو الناس قالتها بنفسها
دانه:فمان الكريم
احذفت التلفون على الشبريه
احبــــــــــــــــــــــــــــــــك
ويييييييييييييي ما اتحمل بقول لك اليوم ايوه اليوم بقولك اني احبك بس بس انت ماقلت لي انك تحبني اففففف تذكرت صوته وهو يقول والحين سيري ارتاحي لج شوي .. وييييي مايدري اني لاسمعت صوته ارتاح مااصدق شلون حبيته في يومين

............................................
وش تتوقعون بيصير بالجزء الجاي

هل دانه وقعت في حب نواف فعلاً ؟

هل حياتهم راح تستمر بهالشكل السعيد ؟

أم أن دانه ستكشف سر سرقته ؟ أم أن نواف سيقوم بالاعتراف لها ؟

وماهي ردورد فعل كلاً منهما

الساعه 6 تسبحت دانه والبست تنوره تحت الركبه من اللون السماوي مطرزه باللون الاصفر مع بلوزه صفراء هاديه وجاكيت سماوي البست خاتم من الكرستال السماوي وحلق ناعم اظهر جمالها حطت جحال خفيف بعيونها وشوية لامعه على الشفايف زاد من جمالها الفتان واخيراً البست الصندل الناعم
حست ان اليوم غير عن اليومين اللي راحت اسمعت صوت حد يمر من غرفتها من ورى الباب
نواف: 5 دقايق ببدل ملابسي وانزل
ابتسمت يوم اسمعت صوته
لبس نواف بدله رسميه ببلوزه بيضاء مع ربطه عنق اسود ورصاصي طلع شكله جذاب ويخطف قلب كل بنيه بتمر يمه نزل تحت وصعق يوم شاف دانه واجفه وتحرك الشنطه بيدها من الخجل الظاهر عليها ودانه تشوف نواف بالبدله اللي لابسنها وطالع شكله جذاب ويخطف الانفاس
نواف: شهالجمال
احمر ويها ومب قادره تتوازن بوجفتها
نواف: مو برد عليج
يقصد لبسها
دانه: لا
نواف:سرنا
تهز راسها مجيبه
ادخلوا المطعم وكل شاب لاف يشوف جمال دانه الفتان اللي زاد من غيرت نواف سحبها واحبست رجفه قوة ذراعه الدافئه خلت انفاسها تتسارع اي احتكاك جسدي يخليها تدنو من جسده القوي الرشيق وتذوب فيه
ومن باجر مب مخلينها تظهر بدون شيله على راسها وعباه دلهم النادل على الطاوله اللي حجزها نواف
فتحه في اليدار فيها اضاءه ناعمه ومحجوبه بالستاير عن المطعم الفاخر المعطره برائحة الفل كان المكان رائع رومانسي وكانت زهور الكاميليا البيضاء في اناء الكريستال الكبيره والشموع الحمراء المرتعشه مع كرسيين فاخرين
سحب لها الكرسي لين ايلست عليه ويلس جبالها
بالفرنسي وهو يبتسم نواف: تبدين اليوم فاتنه
حسيت بشيء يذوب في داخلي وهي تبتسم وهي مرتبكه
احمر ويها وابتسمت فاتنه ترجع صدى هالكلمه في دماغها هل هو يشوفني فاتنه ايلست مسمره في مكانها 10دقايق لطفه وقربه منها يربكها
نواف: شفيج ساكته
برتباك دانه: مـ..افيني شيء
خذت المنيو واطلبت اول شيء شافته عينها وبعدها شافت نواف وناظرته بنظره ثابته وهو يعطيها كوب عصير بارد
نواف: استرخي يا دانه
ماكانت واثقه من قدرتها على هالشيء صاروا وحيدين بعد ماانسحب النادل مع الاضاءه الناعمه ورائحة الفل المغريه وحيدان والرغبه في ان تمد يدها وتلمسه كانت تشوف ويهه وكتفه البارز وعيونه اللي تشع بالجاذبيه
بصوت مخنوق دانه: انا مسترخيه
نواف:هس.....
خذا نفس طويل وهو يشوف ويها الحلو وبشرتها الحريريه وقال لنفسه لازم انتظر واتعلم الانتظار
حط عينه بعينها نواف: لا تتوترين مع الايام بتتأقلمين على وجودي وكلامي هممم
بكذا نواف يزرع بذور المستقبل الحميم في رسها لاحظ نواف توتر دانه الشديد وشاف التساؤل في عيونها الممزوجه بالاخضر والازرق
قدم النادل الاطباق وصب نواف لدانه كوب عصير من الفراوله البارده وساعدها على تقطيع شرائح الدجاج وشال قطعة من البطاطس المقليه وحطها بثمها بعد ماافتحته بدون تردد انسحب الاحمرار لخديها
يغير الجو المليان بالتوتر الشديد
نواف: احكيلي عن نفسج
ترفع راسها دانه: همممممم
ابتسامه مدمره نواف: احجيلي عن نفسج
حاولت الحفاظ على هدوءها اللي بدا يخونها اتركت الشوكه من ايدها
دانه: بحق الله لاتبتسم (بالفرنسي )
شبح ابتسامه يحاول يخفيها
نواف: ليه
تهز راشها دانه: ولاشيء ولاشيء شكنت تقول
نواف: قبل ماتقولين لي ليش ماابتسم
عرفت نواف خلال هاليومين بعناده
دانه: مب الحين اقولك بعدين والحين قولي شكنت تقول
نواف: اوكي بعد ماتخلصين اكل بقول لج وتقولين لي
بعد ما خلصوا من الاكل
نواف:شرايج بالعشاء
دانه: حلو
نواف: تبغين نطلب حلى
دانه: لا لا ابغي امشيء بعد هلاكل
وهم يمشون في حديقه صغيره وكان الجو بارد اقل بروده من البارح
بغرور دانه: انا اخر العنقود ربيت مع ولدين ناصر وزايد وايد احبهم وهم يحبوني ابويا وامايا دايم يلبون لي كل طلباتي بدون تردد طموحي اني اكمل دراستي هني وكاني اكملها بالامارات ينادوني دانه وهني دانـ....
نواف: داني اذكر اول مره شفتج فيها هني
بتكبر دانه: ماعيبتني
نواف: ليه
دانه: كنت جاسي في معاملتك معاي
نواف: وانتي بعد انا اتأسف منج وانتي .....
تقطع عليه دانه: بس انا غير بنيه ما اتحمل انت ريال تتحمل
وهو يوجف بويها
نواف: بعدج زعلانه مني من ذاك اليوم
تقلده بغرور دانه: كان بامكانك تغير تصرفك
يبتسم نواف: وكاني اغيره
سحبها من ايدها وباسها على خدها وهمس بذنها
نواف: اسف عروستي المغروره
انصهرت بين يدينه مب قادره تتحمل كلامه حاولت تبعده لاحظت انها مب قادره ضحك نواف لشكلها الخجول ويها الاحمر بعد مابانت اسنانه الحلوه وردوا يمشون ولاحظ دانه انها تتمايل بمشيها مسكها ويلسها على كرسي طويل يسع لاثنين
نواف: ارتاحي
دانه:.......
ابتسم نواف: كملي
بتوتر دانه: شو اكمل
نواف: كنتي تحجين لي عن حياتج
دانه: بس ماعندي شـ... انت احجلي عن حياتك
ارتبك بعد ماذكرته بالماضي المرير بالنسبه له ينفخ بيدينه من شده البروده اللي زادت عليه بعد هالسؤال
نواف: الجو الحين بارد قومي نسير
دانه: لا حلو
نواف: شكلج متعوده على هالجو
دانه: عشت الـ5 سنوات من حياتي هني وكل صيفيه هني كل هذا ولا اتعود عليه
نواف: قومي انا ما تعودت عليه كلها مرتين اللي يت فيهم هني
تبتسم دانه: يلا بيي برد ابرد عن جذي
وهم سايرين صوب السياره وقدر نواف ينسيها السؤال
يرفع يدينه نواف: الله يعيني
دانه: هههه
نواف: باجر عندج دوام صح
بخيبه مب ظاهره دانه: ايوه
نواف: الساعه جم تسيرين
دانه: 6من7 لـ9 عندي محاظهر و10 ماعندي شيء ومن 11لـ1 محاظره ومن2لـ3 محاظره
نواف: اف كل يوم عندج 3 محاظرات
دانه: لا بس الاحد والثلاثاء جذي يدولي وباجي الايام 2
نواف: الله يوفقج
في السياره
نواف: الله يا زين الدفىء
دانه: ههههه
نواف: تبغين تسيرين البيت
كان ودها انها تقول لا لن الطلعه معه وايد حلوه ورومانسيه بس ماتبغي تبين له
دانه: نسير البيت باجر عندي دوام
نواف: انا اقول جذي
في البيت يرن تلفون دانه
دانه: هلا وغلا والله انج على بالي
أمل: هلافيج فديتج والله شحالج
دانه: الحمدالله بخير انتي شحالج
أمل:الحمدالله باين عليج مبسوطه
احمر ويها يوم شافت نواف بعده واجف عدالها وهو يسألها من اللي متصل
أمل: الو دانه
دانه: الـ.. الو الو معج
أمل: شفيج
نواف: من هذي
دانه: امل بنت عمي
يبتسم نواف: خليها تسلم على مبارك وندى اختي
دانه: يقولج نواف سلمي على مبارك واخته ندى
أمل: نواف عدالج
بحراج دانه: ايوه
أمل: من صجج
بارتباك دانه: لحظه امل بصعد لغرفتي
تكلم نواف
دانه: تبغي شيء قبل ما اصعد
نواف: لا سلامتج
بعد هالكلمه اشردت واصعدت فوق وانسدحت على شبريتها
أمل: الووووووووووو شفيج دانه
تبتسم دانه: مبسوطه وااااااااايد وايد
أمل: يعله دوم من شو مبسوطه
دانه: ما توقعت اني احبه بهالسرعه
أمل: مين نواف
دانه: ايوه نواف
أمل: مب انا قايلتن لج مع الايام بتحبينه والحين لج يومين وحبيتيه
دانه: ما تتصورين شلون معاملته ما اقدر اقاومه كل شيء يبغيه يوصل له وكل شيء يطلبه مني اسويه حتى لو ما اعرفه
أمل: ههههههههههههه
تعدل يلستها دانه: امول هذا اهوا الحب صح
أمل: ايوه هذا هو الحب
واعترفت لنفسها امل ان الحب الصحيح هو الحب اللي بعد الزواج
دانه: احيانا اقول انا ما احبه بس هذا اللي يصير مجرد انجذاب
أمل: لا هذا اهو الحب
دانه: هزرج
أمل: ايوه اقولج تسلم عليج امايا وربيعاتج كلهن ويقولن لج مبروك
دانه: الله يسلمهن من اللي خبرهن
أمل: انا اللي خبرتهن مب عرسج بعد شهرين
دانه: من اللي يقوله
أمل: يه نسيتي ابوج اللي قايله
دانه: تذكرت والله اني ناسيه
أمل: عيل نواف منسينج كل شيء حتى انا
دانه: يخسي ينسيني امول حبيبتي
أمل: فديتج انا يالسه ازهب حق عرسج
دانه: فديتج والله انا بفصل فستاني هني وبتشرى مره وحده
أمل: انا اقول جذي انتي ونواف بتيون قبل العرس بسبوعين صح
دانه: انشاء الله
أمل: يلا ما بطول عليج وانتبهي لنفسج
دانه: سلمي على عمي وعمتي وسلمي عليهن كلهن
أمل: انشاء الله يلا حياتي فمان الله
دانه: فمان الكريم
بدلت ملابسها بعد ماخذت دش دافي وبعدها ارقدت وهي تتمنى لنفسها ولنواف احلام سعيد
مرت3 اسابيع على نواف ودانه ما يشوفون بعض الا على الفطور واحياناً يرد نواف ويلقاها راقده والعكس ويوم السبت كانت دانه تيلس وتذاكر ومنها تقضي اغراضها للعرس ونواف يظهر للشركه في يوم
نواف: كحححح ......هتسووووو الحمدالله
دانه: يرحمك الله
نواف: يهديكم الله
بخوف عليه دانه: جرب من الدفايه
سارت ويابت بطانيه ومخده
دانه: ارفع راسك نواف
حطت المخده تحت راسه ولحفته بالبطانيه
دانه: بسويلك عصير ليمون
بتعب نواف: لا لاتسوين
بعد دقيقتين يابت العصير وايلست عند راسه
دانه: اقعد واشرب
نواف: ماابغي
دانه: لازم تشرب والا سير للدكتور
نواف: ما ابغي شيء
دانه: مب كيفك لازم تشرب هالكاس وتسير للدكتور بعد
بعناد نواف: مب شاربنه ولاساير للدكتور
دانه: نواف جذي بتمرض زود
مارد عليها نواف وغمض عيونه ايلست تشوف شكله وهو وايد تعبان ارحمته وحنت عليه وايد
دانه: شو اسويله الحين شكله وايد تعبان ومايبغي يسير للمستشفى
جربت منه وهي تهمس
دانه: نواف نواف انت رقدت
مسكها من ايدها وسحبها بعد ما غطاها بالبطانيه معه خافت دانه ماكانت متوقعه هالحركه منه تسارعت دقات قلبها ويسمها يرتجف بعد ماحست بحرارة يسمه
بهمس نواف: خليج يمي
بخوف دانه: هدني نواف
نواف: دانه خـ...
تقطع عليه دانه: نواف هدني
وقامت من حظن نواف بسهوله بعد ماهدها لانه وايد تعبان قام نواف وهو معصب وصعد لغرفته ونزل بعد 3 دقايق تقريبا وهو لابس
دانه: وين بتسير
بعناد نواف: بسير للشركه
دانه: شلون تسير وانت مريض
وهو يرتجف نواف: انا مب مريض بس شوية عطاس
تمسكه دانه من ايده
دانه: لاتسير امش ايلس شوف شكلك شلون تعبان تقول مب مريض
يترك ايدها نواف: مب يالس بسير للشركه
بترجي دانه: نواف
اقل عناد نواف: لا بـ....
دانه: عشان خاطريا نواف
ماتحملت اشوف ويها جذي وهي تتراجاني
نواف: بشرط تيلسين حذالي
بعناد دانه: لا مب يالسه
نواف: عيل بظهر
بغرور دانه: اظهر انت اللي بتمرض مب انا
ظهر نواف وهو فعلاً مريض وتعبان ومحرج من دانه لانها ماسوت اللي يبغيه
طفشت من عناده كل شيء براسه يبغي يسويه كل شي سوته له وعطيته اياه الا هالشيء يحلم فيه
بخوف عليه دانه: ياربي تاخر وايد والجو اليوم بارد مره عليه يارب احفظه
بعد 5ساعات من الرعب اللي مرت على دانه وهي تتصل على نواف ولا يرد عليها توقعت ان نواف صاده شيء وعشان جذي تاخر رن يرس البيت وسارت تفتح كانت متوقعه نواف
ريال: سيده دانه
بخوف دانه: نعم
الريال: السيد نواف بالمستشفى
دانه: شووووو نعم بأي مستشفى هو الان
بعد ماخبرها أي مستشفى سارت له مثل المينونه وهي ما تدري شاللي صايبنه ايلست تسأل عن غرفته
بخوف دانه: نواف نواف شو ياك
بخوف دانه: نواف نواف شو ياك
نواف: ما ياني شيء
دانه: عيل ليه انت هني
نواف: عشان تييني واشوفج
صاحت دانه: سبال من ظهرت وانا احاتيك وانت مب هامنك
خفت عليها ماتوقعتها تصيح جذي وهاي الثالثه وهي تصيح جدامي
نواف: دانه انا ييت هني عشان حرارتي ارتفعت حتى شوفي المغذي بيدي
ويراويها المغذي اللي بيده
دانه: حرام عليك خرعتني والله اني خـ...

واسكتت
بفرح نواف: تخافين علي
بغرور دانه: لا
بعناد نواف: الا تخافين علي
بعناد اكثر دانه: لا ما اخاف عليك
نواف: لو مب خايفه كان ما ييتي
سكتت بعد ماقال لها نواف جذي لانه صدق خافت عليه
كنت واثق انها بتييني ولو في شيء اسرع بتيي فيه عشان تشوفني وتطمن علي مدري شلون ياعلى بالي سالفة السرقه ضاج صدري وايد
نواف: يلسي ليش واجفه
دانه: بسير البيت
نواف: قعدي معي بعد نص ساعه بظهر
دانه: لا مب يالسه
بعناد نواف: ان ظهرتي والله ماارد البيت
بغرور دانه: اذا تروم
وهي تسير
نواف: والله لاسويها انتي تعرفيني احسن لج قعدي
سارت دانه:عنادي وراسك يابس والواحد ما يحاجيك
وهي خايفه وتتسأل اكيد يسويها ليش لا بس وين بيسير ردت البيت وايلست تنطر نواف لين يرد مع انها متأكده انه مب راد وفعلاً ارقدت وهو مايا مر على غيابه 3 ايام ماسارت فيهن لليامعه وهي معانده تحاجيه وهو معاند يرد البيت اشتاقت له وايد وحست ان البيت من دونه ولاشيء اشتاقت لاعناده بس ماتبغي اهي تروح له قالت بنفسها لين متى بنتم جذي لازم احد فينا يتنازل
الصبح اتصلت فيه فوق 10مكالمات وهو مايرد عليها وارسلت له مسج
ممكن ترد علي يانواف ضرووووووري
شاف المسج وهو يبتسم
نواف: اشتقت لج يالحماره بس انا اراويج
يرن تلفونه ويرد
دانه: الووو
بدون نفس نواف: الوووو
دانه: bonjour
نواف: bonjour
استانست دانه: شحالك
نواف: بخير الحمدالله
تنطره يسأل عن حالها بس نواف ما سأل
دانه: نواف ابغي اسير السوق اليوم
نواف: سيري مع السايق
دانه: السايق تعبان
بتعجب نواف: تعبان
دانه: ايوه تعبان
بعتب عليها نواف: هممم سايق بترحمينه واناريلج بايت 3 ايام برع البيت مارحمتيني
منحرجه دانه: .........
نواف: شبلاج ساكته
برتباك دانه: ولاشيء
نواف: متى تبغين تسيرين
دانه: 3العصر جذي
نواف: اذا عندي وقت ييت
دانه: ضروري اسير اليوم نواف
يبتسم نواف: قلت لج اذا صار عندي وقت يتج وديتج
دانه: اوكي باي
نواف: فمان الله
بندت وانا مستانس لانها اتصلت فيني لو تبغيني ايها الحين بيها بس مب ساير عشان تتأدب ولاتكسر جلمتي مره ثانيه
يها نواف الساعه 4 تأخر ساعه جامله عناد فيها دق اليرس عليها وافتحت الباب وهي تبتسم وردت لورى بهالحركه اعتقد نواف انها تبغيه يدش البيت
اشتقت لج يالحماره نواف: ياهزه
دانه: ايوه ماتبغي تبدل ملابسك
نواف: لا
شاف نواف شكلها كانت وايد حلوه وبشرتها ناعمه وخاليه من ادوات التجميل
في نفسه والله ماتظهرين اليوم جذي ابغي ادخل البيت بس مب داخل عشان ماتستانس وتفرح طيب شلون بيب الشال من غرفتي
نواف: صعدي فوق لغرفتي وبتلقين على الشبريه علبه يبيها
بدلع دانه: انت اصعد يبه
نواف: لا انتي يبيه
بنعومه دانه: بس انا ما احب ادش غرف احد
بتهكم نواف: هذي مب غرفة أي حد هذي غرفت ريلج
احمر ويها وبرتباك دانه: يمكن ما القاه
نواف: لا بتلقينه على الشبريه
سارت دانه وهي تدعي انها ما تلاقيه شافت العلبه على الشبريه وحب الاستطلاع اللي فيها خلاها تفتحه وتشوف اللي فيه وانقهرت وايد يوم شافت شال من اللون الابيض مطرز بنفسجي ومعطر انزلت وهي تتسأل منهو له هالشال
دانه: هاك
متعيب منها نواف: فتحيه
دانه: مب فاتحتنه ما احب افتح خصوصيات الناس
عرفت انها شافت الشال وغارت تحسبها لوحده غيرها
نواف: خصوصياتي هي خصوصياتج ..واقولج فتحي العلبه
افتحت دانه العلبه
بغرور دانه: وفتحناها
نواف: ولبسيها
دانه: شو
نواف: انا ما ابغي حرمتي تمشي معي وهي كاشفه عن شعرها
دانه: بس انـ....
نواف: انا ريلج سمعي جلامي ولو مره وحده
بقهر دانه: طيب ليه البسه
بهمس نواف: لاني اغار عليج
ارتجفت من كلمة نواف يغار علي هو يحبني عشان يغار علي
نواف: ظهري تاخرنا وايد
سارت دانه والشال بيدها مب مقتنعه انها تلبسه حست بفرح وبقهر بنفس الوقت ما تدري من ايش فرحانه بس منقهره من نواف
اصعدت ورى في السياره
نواف: دانه تعالي جدام
بعناد دانه: مابي
نواف: انا لله انا اليه راجعون تراني وايد تعبان يا دانه اذا تبغين تسيرين السوق امشي جدام لاني مب سواق عندج عشان تركبين ورى
شافت ان نواف وايد معصب انزلت واصعدت جدام معه ماكنت تبغي تيلس منه بهالقرب
نواف: لبسي الشال
دانه: ما اعرف البسه
ابتسم وذاب قلبها يوم جافته يبتسم لغبائها
نواف: من صجج والا تمزحين
ببلاه وبنعومه دانه: ماجد لبست بحياتي شال
لف صوبها نواف وقلبها يخفق بشده جرب منها وخذا الشال من ايدها ولفها حولين ويها وابتعد نواف بعد ماشاف ويها الاحمر حس برعشه بيسمه بقربه لها بعد ما لامست ايده خدها الناعم
بخجل وبهمس دانه: شكرا
مارد نواف عليها لانه خلاص مب طايق انه يبعد عنها اكثر 3 ايام وما تحملها بس مب راد للبيت الا اذا قالت له اهيا رد
ادخلت من محل لمحل وهي تشترى وبعدها سارت و يربت فستان العرس وشرت ادوات التجميل وشرت كل اللي تحتايه
تعبت من التسويق ونواف ما نطق بجلمه حاولت انها تاخذ رأي نواف وتغير الجو شوي بيناتهم ونواف يكتفي بهز راسه بنعم اولا خذاها لمطعم صغير وهاديء وكلو فيه اكل شهي لاحظت دانه سكوت نواف وضاج صدرها واول مره تهتم بشخص مثل ما اهتمت لنواف
نواف بعد ما نزل الاجياس عند باب البيت وهو ساير
بالفرنسي بنعومه دانه: آلا تشعر بالحنين إلى بيتك
تعيبت من نفسها شلون قالت له جذي الحين نواف بيتاكد انها مشتاقه له وايد ومتندمه على اللي سوته
بابتسامه مدمره نواف: وارى العالم موحشا دونه/ودون عروستي المغروره
سار نواف بخطوات خفيفه لها عرف انها بهالكلام تعتذر منه بس بطريقه ثانيه سار وابتعدت عنه سكر نواف الباب
نواف: جربي ليش سرتي بعيد
تجربت منه وهي ماتحس بنفسها تحس بشيء يجذبها ناحيته مد ايده نواف لها ودانه ترددت وحطت يدها بيد نواف وسحبها صوبه
الجاذبيه كانت طاغيه ملموسه وحقيقيه كل مالها تزيد امبيناتهم في كل ثانيه
وهو يحظنها نواف: اشتقت لج وايد
انزلت دمعه من خدها مسحتها بظهر ايدها وحس نواف بالرومانسيه
نواف: ليش تصيحين
دانه: ولاشيء
ورد نواف لمشاعره المتدفقه اللي بذلت جهد دانه عشان تبتعد عنه حست بويها الاحمر مب قادره تشوف نواف سارت لغرفتها وهي مب متخيله اللي صار تحت بينها وبين نواف جاوبت نفسها بدون شك ايوه احبه واموت فيه
الصبح
اجوف ويها باين عليها مارقدت البارح زين
نواف: صباح الخير
مستحيه منه وتحاول تلف ويها دانه: صباح النور
يلس نواف يشوفها وكل مالفت صوبه ابتسم لها وهي مب قادره تتحمل ابتساماته لها كل مالها ويزيد حبها لهالشخص
دانه انا شكلي مب سايره اليوم اليامعه كله منك يانواف البارح مارقدت زين ويييييي محلاتك لابتسمت انا تخبلت عليك وايد نواف ارحمني الله يرحمك
كانه يقرا افكارها نواف: فيج شيء
برتباك دانه: لا لـ..لا مافيني شيء
نواف: جنج تبغين تقولين شيء
دانه: ماعندي شيء اقوله
نواف: اكيد
تبتسم بنعومه دانه: اكيد
ايلست تلعب بظفورها من توتر الجو اللي اهما فيه ونواف يهز ريله كل واحد فيهم موتر الثاني
نواف: انا اليوم ماعندي شغل بالشركه
ماتدري شتقول دانه: اممممممم
نواف: بظهر افطر برع تسيرين وياي
بتفكير دانه: مدري عندي يامعه
نواف: الساعه جم
دانه: امممممم9
نواف: عندنا وقت نفطر رباع
عادي لو تبغيني مااسير لليامعه مب سايره قالت هالشيء بنفسها
في المطعم
يبتسم نواف: شفيج
بارتباك ممزوج بغرور دانه: مافيني شيء
نواف: طيب ليش ساكته
دانه: ما عندي شيء اقوله نواف خل نظهر نتمشى
نواف: اوكي يلا
في الحديقه






نواف: عطيني ايدج
دانه: ليش
يبتسم نواف: بعضها
بدلع دانه: لا
نواف: عطيني ايدج
دانه: ليه
نواف: ببوسها
احمر ويها ولا قدرت تنطق بجلمه
نواف:هههههههاي شو ياج
وسحب ايدها وحست بالدفىء بيدينه كانت تشوف كل واحد وتقول انا اسعد وحده هني لا لا على ويه الارض
نواف: اليوم الجو حلو مب بارد وايد
دانه: ايوه
وشافها تناظر واحد من بعيد
بغيره نواف: منهو هالريال تعرفينه
دانه: معي في اليامعه
الريال: صباح الخير داني كيف الحال
بابتسامه دانه: اهلا جي الحمدالله كيف حالك
جايمس: الحمدالله
يسألها عن الشخص اللي معها ونواف منقهر منها وايد وهي تحاجي عادي ولا همنها ولا مفتكره فيه
دانه: انه خطيبي نواف
جايمس: اووووو مبروك داني لمَ لم تخبريني من قبل اهلاً بك تشرفنا
بقهر نواف: أهلاً بك
بابتسامه دانه: حدث كل شيء على وجه السرعه
وهو يعطي نظرات لدانه جايمس:اوووووووه عزيزتي سررت لذالك
دانه: هههههههههه
جايمس: تبدين جميله وانتي تبتسمين
انقهر وايد نواف منه وانقهر اكثر وهي تضحك دانه
جايمس: اتمنى لكما حياة سعيده
بعصبيه نواف: لا تتمنى لنا شيء واجلب ويهك
يبتسم مافهم شو يقول له نواف ودانه تصحح الموقف
دانه: انه يتمنى لك السعاده ايضاً
جايمس: شكرا لك سيدي والآن اعذوريني الى اللقاء
تبتسم دانه: الى اللقاء .... شبلاك نواف
نواف: برد البيت
وسارت وراه وهي تتافف ما صدقت انه يرضى ويرد البيت والحين يزعل اف وش هالحاله انا ماخذه ريال عنادي وغيور يارب صبرني
في البيت
دانه: شفيك نواف
نواف: سئلي نفسج
دانه: شو سويت انا ما سويت شيء غلط
نواف: يالسه تحاجين ريال غريب وتقولين ما سويت شيء غلط
دانه: عادي يا نواف ما حجينا شيء مب زين كل اللي قاله عادي
نواف: لا مب عادي اذا عندج عادي انا لا عيل تضحكين وياه وانا واجف ولا مفتكره فيني
دانه: تحسبته عادي عندك
نواف: لا مب عادي
دانه: يعني شو بيساويلي بيخطفني
نواف: شو
تعيد عليه دانه: يعني بيخطفني
بتعجب مع قهر نواف: لا يروم اهوا
دانه: يعني شو تتحسبه انا معيبه فيه وهو معيب فيني او يغويني
وهو يجرب منها نواف: اذا تبغيني اغويج وااكد لج ان ماكو ريال بيخطف عروستي المغروره مني بغويج
وهذا الشيء مااكان صعب عليه ايلست وهي ترتجف من راسها الى ريولها وسحبها نواف بعنفوان وجرفها بسيل من المشاعر العنيفه
بهمس دانه: نواف هدني
نواف: وين بتسيرين
وهي منزله راسها دانه: بصعد لغرفتي
مب قادره تتحمل نواف وحركاته اللي كل يوم تزيد عن اليوم الثاني
يمسك خشمها بنعومه نواف: تسيرين وتخليني بروحي
بحيا شديد دانه: هدني وايلس معك
نواف: واذا ما هديتج
دانه: نواااااف
نواف: هههه عيونه المركبات
دانه: هدني
ويهدها نواف وسارت
نواف: وين بتسيرين تعالي
دانه: بيي لحظه بس
سارت دانه تغسل ويها مب مستوعبه اللي يصير لها مع نواف ايلست تغطي ويها من المستحى اذا تذكرت اللي صار
دانه: ياربي شلون بقعد وياه مب قادره استحي والله اني احبه هالغيور العنيد
ردت للصاله وايلست على الكنب الثاني لشخص واحد عشان نواف ما يي حذالها
نواف: شرايج نلعب
بفرح دانه: شو من لعبه
نواف: أي لعبه براسج
دانه: ما عندي العاب براسي
نواف: كل اللي عندي العاب شباب ما تصلح لج
بتفكير دانه: امممممم عندي لعبه
نواف: شو اهيا
دانه: لحظه شوي
سارت تدور على علبة ماي بس ما حصلت يابت قلم ويت
نواف: شو اللعبه
دانه: لعبة الصراحه
نواف: شو هاللعبه اول مره اسمعها
دانه: هاي مشهوره عند البنات
نواف: كيف طريجتها
دانه: ادور بالقلم جذي والراس اذا ياعندك تسألني واذا العكس انا اسألك
نواف: أي سؤال
دانه: أي سؤال
نواف: حلو يلا بدينا
دانه: بسم الله
كان يالس اهو من اليهه الثانيه واهيا جباله وحطوا الجلم على الطاوله
نواف: انا اسألج امممممم شو يعنيلج القلم
دانه: يعبر عما في داخل الانسان
ويدورونها
يبتسم نواف: هم دوري مره ثانيه شو اسأل ما اعرف
دانه: أي سؤال على بالك
نواف: ما عندي اسأله
دانه كانت تبغيه يسألها اذا هي تحبه او لا
نواف: ليش انتي عناديه
بغرور دانه: لانك عنادي
نواف:هههههههههاي الحين انا عنادي والله انتي
دانه: والله انتا مب انا يحلليلي
ويدورونها
بفرح دانه: دوري اممممم
نواف: شو سؤالج
برومانسيه دانه: شيعنيلك الحب
بتفكير نواف: اممممممم الحب هو اساس كل حياة زوجيه او غيرها في الحياه
ما كانت متوقعه هالرد بس عيبها
ويدورونها
بفرح اكبر دانه: دوري وااااااااااو امممممممم
نواف: سئلي سؤال حلو
دانه: اوكي في حد بحياتك غيري
بثقه نواف: ايوه
بخوف دانه: مين
نواف: ما تعرفينها
دانه: امك واخوانك
نواف: لا
دانه: طيب منهي
نواف: تراج سألتي اكثر من سؤال
بقل صبر دانه: خبرني منهي نواف
نواف: يهمج
بغرور دانه: لا ما يهمني
نواف: هههههههه شفيج الحين بخبرج لاتبرطمين علينا
دانه: ما برطمت
نواف: شوفي شكلج ابتسمي واقولج
بعناد دانه: مب مبتسمه
نواف: وتقول مب عناديه بقولج بس لا تبتسمين اوكي تبغين تعرفين من اهيا اهيا اممممممم عروستي المغروره داني مب دانه دانييييي يعني مو انتي
احمر ويها ما كانت متوقعه نواف يقول لها جذي جذفت عليه المخده
بهمس دانه: سبال
نواف: آآه ههههههه اقولج لا تبتسمين وابتسمتي
تلف السالفه دانه: نكمل
ويدورونها
دانه: وااااو مره ثالثه
نواف: لا لا غش كل شوي دورج دوريها عدل
دانه: والله اني ما غشيت وكاني ادورها ها
دانه: شفت دوري
نواف: لا ما يصير عطيني الجلم انا اللي بدورها
دانه: والله اني ما غشيت يا نواف دوري
نواف: لا عطيني الجلم
وتعطيه الجلم ودوره نواف
بفرح دانه: واااااااااااو شفت دوري
بخيبه نواف: اوكي سئلي سؤل عدل مب قبل شوي
دانه: ههه اوكي لحظه شوي بس اممممممم شسألك امممممممم عندك شيء تبغي تعترف لي فيه او تصارحني فيه
ويه نواف جمد من أي تعبير ردت ذاكرته لـ3سنوات ورى دانه
حرام عليك حرام عليك آه آه امممم لا تسوي فيني شيء الله يعافيك لا تسوي فيني شيء الله يخليك لا تقتلني
بخوف دانه: نواف شفيك
غمض عيونه نواف: ما فيني شيء
دانه: شفيك نواف
رد نواف راسه لورى وبان عليه التعب فجأه
نواف: دانه
دانه: لبيه
نواف: تعالي حذالي
قامت وايلست حذال نواف ومسكها نواف من ايدينها
نواف: انتي طلبتي مني اني اصارحج بشيء كان ودي اصارحج فيه من زمان
بخوف دانه: شو اهوا
نواف: بس توعديني وعد يا دانه ان اللي بينا ما يتغير مهما كانت الظروف و ان الامور تتم بينا مثل ما كانت
دانه: طيب شو السالفه خرعتني
نواف: قبل ما توعديني يا دانه
دانه: اوعدك اني ما اتغير
يتأكد نواف: وعد
بقل صبر دانه: والله اوعدك وعد خبرني شو السالفه
نواف: وهالسر يا دانه يبقى بيني وبينج وما تخبرين فيه احد مهما كانت النتايج
دانه: نواف لا تخوفني
نواف: بس ابغي اتأكد يا دانه
بقل صبر دانه: اوعدك انه يكون سر بيني وبينك
نواف: دانه قبل 3 سنوات تقريبا مريتي انتي بحادثه تذكرينها
دانه: لا
يجرب منها نواف: سمعيني عدل تحيدين يوم ينسرق بيتكم
برتجاف دانه: أيـ.. ايوه شفيه
نواف: انا اسف كنت معهم في ذيج اليوم
دانه: شوووووو غطت ثمها بيدينها من الصدمه وتراجعت
حاولت انها تفلت نفسها من بين يديني بس ارغمتها على القعده
نواف: سمعيني للأخر انا كنت مع شله منحرفه من شرب دخان لاسرقه وانا عمري ماسرقت بيت احد انا ماييت بيتكم وانا ابغي اسرق يا دانه والله اني ما ابغي اسرق بس اصحاب السؤ اهما اللي ارغموني على هالفعايل الخايسه شفتيني شلون كنت مرتبك وخايف لانها اول مره فيها اسرق
دانه: حقير هدني
نواف: سمعيني تحيدين يوم يضربج خالد شو قلت له كنا متوقعين ان البيت خالي محد فيه بس انتي ظهرتي علينا منعت خالد انه يضربج صدق كنت نذل وقتها بس تدرين شصار فيني يوم اسير للغرفه مالقيتهم وانينيت وانا اسمع صوت الشرطه يلست اسب والعن لانهم اتركوني وساروا ظهرت من السطح وانتي معي انا اسف لاني شديت معج بس الموقف كان صعب علي يا دانه وقتها قلت لج سامحيني ما كنت اقصد اني ااذيج
بصراخ دانه: ما ابي اسمع اكثر هدني ما ابي اسمع انت هددتني بالقتل يا نواف وهي تصيح هدني الى اليوم وانا مانسيت اللي سويتوه فيني
نواف: بس انا ندمت يا دانه واهتديت
دانه: مايفيد الندم انت سارق لكن .......؟!!!
نواف: لكن شووووو
دانه: اكرهك اكرهك يالحرامي انت سرقت ابويا وتسببت بالازمه الماليه اللي مرت فيها الشركه
نواف: سمعيني دانه انتي وعدتيني ان الامور تتم بينا مثل ما كانت
دانه: عقب اللي سمعته مافي أي شيء بينا يالنذل آآآآه مب مصدقه اللي يصير وياي
نواف: دانه هدي نفسج
دانه: هدني اياني وياك تلمسني فاهم
سارت واصعدت لغرفتها وهي مصدومه من نواف وهي على وشك الاعتراف له بحبها الدفين منذ شهرين
وهي على شبريتها ليش تسوي فيني جذي يانواف حرام عليك آآآآآآه ليش عقب ما حبيتك صدق انك سارق لكن ...... لكن شو يادانه لكن شو آآآآآآآآآآه ياربي شسوي الحين
تكرهني لا مب معقوله دانه تحبني تحبني دانه تحسفت وايد اني قلت لها بس اهيا يوم من الايام بتعرف الحين تدري قبل ما نتيوز بس ياليتني قلت لها بعد الزواج والحين انا شو مو ريلها ومتيوزها افففففف ياربي عسى ما تخبر ابوها يارب شهالحاله اللي انا امر فيها كل ما تهنيت ضجت افففف يارب عفوك وسترك يارب
مر اليوم ودانه ما انزلت من غرفتها خذيت القرآن ويلست اقرى واقرى وادعي ربي لاني عارف مافي غير الله وحده اهوا اللي بيساعدني ويفك ضيجي اليوم الثاني ما شفتها نزلت خفت عليها وايد صعدت لغرفتها اطق عليها الباب ما تفتح
نواف: دانه دانه فتحي الباب داااااااانه
خفت زود وكسرت الباب ولقيتها طايحه على الارض مثل الميته ومعرقه


شتتوقعون بيصير لدانه ياترى بتعيش والا بتموت ؟

ونواف شلون بعيش من دونها ؟