سارق ولكن......؟!

بتعب شليتها وهي مثل الخرجه ووديتها للمستشفى وانا اصرخ عليهم
نواف: ساعدوني لو سمحت سااااااااعدني
شالوها مني وانا منين ساير راد عليها يارب احفظها وقومها سالمه يارب
الدكتور: من انت ؟
نواف: زوجوها نواف
الدكتور: ماذا بها
بارتباك نواف: لا اعلم لا اعلم
الدكتور: يبدو انها منهاره وبعد ذلك فقدت الوعي
بخوف نواف: كيف حالها الآن
الدكتور: حالتها مستقرة الآن اخبرني ماذا حدث بينكما
بنفخه نواف: انها امور شخصيه
الدكتور: يجب علي تدوين اسباب حالتها
نواف: لا داعي لذلك اكتب أي سبب والآن هل يمكنني ان ادخل
الدكتور: نعم يمكنك بعد ان تـ....
سار واتركه نواف يحجي على نفسه سار وهو ميت خوف عليها دخل عليها وشافها منسدحه بدون أي حركه يلست حذالها وامسح على شعرها
بهمس نواف: دانه حبيبتي دانه شوفيني انا نواف يمسح دمعه من عينه عروستي المغروره قومي شوفيني دانه
ما اوتعت ياربي
دانه: كح كح ابي ماي
يبت علبة الماي نواف: يلسي وشربي
ايلست وشربتها ماي وهي مب طيبه
نواف: ارتاحي لا تعبين نفسج
بتعب دانه: ويني فيه
نواف: بالمستشفى انتي ارتاحي لا تشيلين هم
دانه: اتركني نواف سير واتركني ما ابي اشوفك اتركني وتصيح
يحظنها نواف: هددي نفسج انتي تعبانه هدي نفسج
بصياح وصوت مهزوز دانه: اتركني اطلع برع نواف اطلع ما ابي اشوفك
ظهرت برع وانا اعض اصابع الندم شلون اخبرها وماباجي على عرسنا الا 3اسابيع والله اني غبي ياربي شسوي ما ابغيها تضيع مني يارب احفظها يارب ويالله انك توفج مابينا وتيمع شملنا يارب
دخلت عليها وشفتها نايمه خذت القرآن ويلست اقرى عليها عشان تهدى
حست دانه بصوته وهو يقرا كان صوته وايد حلو بقرايته هدت وبجت بحسره على نواف وهي تلومه
بنفسها دانه: ليش تسوي فيني جذي ليش يانواف انت سارق لكن احبك احبك آآآآآآه
حسيت فيها انها تصيح قمت اشوف ويها كانت الدموع تسيل من عيونها وخشمها الطويل احمر وثمها الناعم مزرق يلست حذالها
وهي مغمضه وترتجف من قرب نواف لها
دانه: هدني نوا.....
حطي ايده على ثمها نواف: سكتي انتي تعبانه لازم ترتاحين
صاحت بشهقات متتاليه دانه: آآآآه مب قادره اتحمل
وجف نواف: اذا تبغيني اظهر بظهر بس لاتعبين روحج
وهي تصيح دانه: لا لا بس مب قادره آآآآآآه
فهمها على انه ماتبغيه يظهر جرب مها نواف: خلاص حبيبتي هدي نفسج
انسدحت ويلست اقرى عليها المعوذات وبعدها ارقدت
الصبح 5
اوتعت دانه تبغي تصلي الفير وشافت نواف مكتف ايدينه من البرد وراقد شكله وايد ينرحم وهو تعبان اسحبت شرشف ولحفته فيه تيددت وصلت الفير ودعت ربها بعد ما خلصت صلاه سمعت صوته
نواف: تقبل الله
دانه:........
سارت وايلست على السرير تيددت وصليت ويلست على الكرسي
دانه: ابغي اسير لابو ظبي
نواف: انشاء الله الحين انتي ارتاحي
دانه: ابغي الرحله باجر
نواف: انشاء الله ارتاحي وكل اللي تبغينه بيصير انشاء الله
ظهر نواف حست انها ضعيفه بعد ما اسمعت صوته وهو ينحصها انها ترتاح خلاص مب قادره تحبه تحبه بس مايفيد هالحب بعد ما اكتشفت انه خاين ابوها وسارقه
بعد 4ساعات رد نواف
نواف: السلام عليكم
دانه: وعليكم السلام
ادخلت عليهم الممرضه
الممرضه: صباح الخير سيده نواف
هناك في فرنسا ينادون الوحده باسم ريلها
بابتسامه جافه دانه: صباح الخير
الممرضه: عليك ان تاكلي جيداً مدام
دانه: لا اريد
الممرضه:؟!!!
يبتسم نواف: دعيه هنا واذهبي شكرا لك
اظهرت الممرضه
بعناد وهي تحرك يدينها دانه: مب ما كله ولا تجبرني فاهم
يهديها نواف: براحتج لا تاكلينه الحين بعد ساعه اكليه
دانه: مب ماكله
نواف: طيب هدي نفسج الدكتور مانعج من العصبيه
خذيت القرآن ويلست اقرى بترتيل وهددت عطيتها القرآن
نواف: اقري لج شوي آلا بذكر الله تطمئن القلوب
خذت القرآن من ايد نواف وافتحته وايلست تقراء بينها وبين نفسها وبعدها سكرت القرأن يا نواف وسحب الشرشف ومسكها من ايدها وهي ساكته ويلسها على الكنب الموجود بالغرفه ياب الفطور عندها
نواف: سمي بالله واكلي
بعناد دانه: بس انا مابي
نواف: قبل ساعه بس الحين غير
يقصد قبل ساعه كانت وايد محرجه ومعصبه والحين هدت بعد ماقرت القرآن
دانه: مب مشتهيه اكل
قطع خبزه فيها قطعه جبنه بيضاء
نواف: فتحي ثمج
خذت الخبزه من ايد نواف وكلتها حست ان نفسها وايد تعبانه ويوعانه ولازم تاكل شيء عشان ترد صحتها مثل قبل يلس يقطع لها وهي تاخذ من ايده وتاكل عطاها كوب الحليب شافها ترتجف ومب قادره تمسكه
نواف: انتبهي لا ينجب عليج
شافها عناديه وتمسكه بروحها حط ايده على يدينها ومسك الكوب معها بعدت يد نواف بعناد واشربت وطاح الكوب منها وانجب عليه
اصرخت دانه:آآآآآآآآآه
نواف: بسم الله عليج
شالها ووداها الحمام يغسل ريلها وفخذها اللي انجب عليه الحليب
نواف: وخري ايدج
بعناد دانه: لا اظهر نواف
بعصبيه نواف: شوفي ريلج محمره وخري ايدج دانه
دانه: نواف استحي ما ابغي
نواف: مب كيفج
رفع بنطلون بجامتها وجب عليه ماي بارد ويلس يمسح عليه
نواف: يلسي هني بنادي الممرضه وبيي
بعد 5 دقايق رد نواف ومعه الممرضه لفت لدانه ريلها ونواف منقهر وايد من عنادها اللي براسها
دانه: مـ....
نواف: ولا جلمه ارتاحي الحين
وانصاعت لأوامره مثل طفله صغيره غطت ويها بالبطانيه وهي تتذكر شكل نواف وهو ميت خوف عليها ويحاول يجب الماي على ريلها
اليوم الثاني اوتعت دانه
نواف: وين بتسيرين
باحراج دانه: بسير الحمام
نواف: لحظه
قام وسند لها حط نواف اصابعه على خصرها وهمس لها
نواف: على مهلج
دانه مب متحمله كل ما جرب منها تدنو من يسمه اكثر وهالشيء مب من صالحها
على الشبريه دانه: متى بظهر من هني
نواف: اليوم
ظهر نواف من المستشفى وسار للبيت
نواف: لازم ترتاحين انا نزلت لج غرفتج وشبريتج هني بالغرفه هاي عشان ما تعبين نفسج وتصعدين
مب مهتمه لكلامه دانه: متى بنسير للابوظبي
نواف: بسير اليوم واشوف
بغرور دانه: على اول طياره بتسير للامارات
يداريها نواف: انشاء الله والحين ارتاحي
سارت دانه وشافت الغرفه مرتبه واغراضها محطوطه باماكنها وريحة الفل منتشره بكل مكان حست بالحنين لنواف بس امنعت افكارها بالتفكير فيه ورقدت
تبغيني احيز لج على اول طياره عشان تسيرين عند اهلج وتفضحيني هاااه مب مخلينج تظهرين من هني الا وانتي فهمتن السالفه جلها مني
الغداء
من ورى الباب نواف: دانه
بهمس دانه: لبيه ..باعلى نعـــــم
نواف: دانه
دانه: ادخل
نواف: يلا الغداء
ترد تسدح دانه: ما اشتهي اكل
نواف: دانه انتي تعبانه ولازم تهتمين بصحتج
بعناد دانه: وانا ما ابغي اهتم بصحتي ابغي اموت وافتك منـ...
ما اقدرت تقولها منك
نواف: قوليها تبغين تفتكين مني
بتردد دانه: ايوه
ظهر نواف من عندها وهو محرج صدق منها
في ابو ظبي
أبو ناصر: ها يا ام ناصر يهزتوا كل شيء
أم ناصر: ايوه كل شيء ياهز الله يعافي ندى ودلال ساعدني الا قولي متى بتيي دانه
ابو ناصر: بعد اسبوعين
ام ناصر: يعلها توصل سالمه يارب
ابوناصر: انشاء الله
في فلة ابو مبارك
ام مبارك: جم مره اقولج لاتعبين نفسج
نوف: ما تعبت نفسي ياخالتي جلها الا طوفريه
مبارك: انا مب محذرنج ما تشيلين شيء
نواف: اسف وحقكم على راسي مب شايله شيء عجب هالمره
وتبوس راس خالتها
ام مبارك: فديتج يعل ولدج يحبج
وتبوس راس مبارك
بهمس مبارك: انا ماابغي مني ابغي مني
وياشر على خده
احمر ويها نوف: مبارك
مبارك: عيونه
البحر في ابو ظبي
ندى: حلو شكل البحر
زايد:مب احلى عنج
استحت ندى: فديتك بس مب احلى عنك انت
زايد:لا انتي
ندى: ولايهمك انا وانت احاى عنه واللي هنيه احلى واحلى
وتأشر على كرشتها
زايد: اكيد احلى يومني ابوه
ندى:هههههههههه اكيد
زايد:فديت ضحكتج
في باريس
بعد اربع ايام ودانه تاكل بغرفتها وما تحاجي نواف ولاترد عليه طفش منها لين متى بتم على جذي
نواف: دانه
ماترد دانه:.......
نواف: امج على التلفون اذا تبغين تحاجينها ظهري
افتحت الباب بسرعه وربعت عند التلفون تحاجي امها ومبسوطه بعد ما سمعت صوتها آنا من اربع ايام احاجيها ولا ترد علي الشكوى لله
بعد ماخلصت نواف: شخبار خالتي
دانه: بخير
نواف: قومي بدلي ثيابج بنظهر
وهي واجفه بغرور دانه: مب ظاهره بقعه
نواف: ماطفشتي من يلست البيت ومن يلست غرفتج اللي حابسه نفسج فيها 24ساعه
حست ان جلام نواف صح صدقه لازم تظهر وتغير جو شوي عن الحكره سارت وبدلت ملابسها واظهرت للحديقه نفسها






ايلست دانه على الكرسي وانا سرت للبحيره بروحي احذف الحصى لين متى بنتم على هالحال متى بحاجيها الاسبوع الياي بنسير لابوظبي وانا الى الحين مب متاكد منها اذا بتخبر امها وابوها واخوانها يارب سترك وعفوك على عبادك يارب رديت ويلست وهي ساكته
يمسك ايدها نواف: تبغين ماي
برتباك دانه: امم لا
نواف: بعدج زعلانه مني
دانه: .......
نواف: خير الخطاؤن التوابون اعترف اني اخطيت بس تبت يادانه
كل مالها وتضعف بقربه لها مب قادره تحاجيه ولا تكلمه
يغير الموضوع نواف: تبغين تاكلين شيء
دانه: بكيفك
بتعيب نواف: يعني ايوه والا لا
دانه: ايوه
ساروا لمطعم ولا واحد فيهم نطق بجلمه بعد ما خلصوا من الاكل طلب لهم قهوه
نواف: رحلتنا بعد يومين
بفرح دانه: صج
نواف: ايوه صج يهزي اغراضج
دانه: كل قشاري بشله لاني مب راده هني
انين نواف: ودراستج
اسكتت فتره وبعدها قالت دانه: بجملها بس مب هالسنه
بخوف مب واضح نواف: متى
كنت خايف انها تقول بعد ما ننفصل ولو قالت جذي والله لاضربها
دانه: مدري .. متى رحلتنا
نواف: الصبح 6 الصبح
دانه: حلو
بخوف نواف: بتخبرين اهلج
فهمت وبتكبر دانه: يهمك
نواف: اكيد يهمني
بغرور دانه: قد ايش
بهمس جذاب نواف: يهمني وايد بس مب قد ما انتي تهميني
من قال كذا فقدت توازنها مره ثانيه لاحظ عليها نواف الارتباك
نواف: ما قلتيلي بتخبرينهم
تلف ويها من الصوب الثاني دانه: هالشيء يخصني انا
نواف: مافي بينا خصوصيات يادانه
هذاك اول يا نواف الحين غير بس انتي وعدتيني دانه انا مب قد هالوعد مر هالشيء بلغة عيونهم

وهي تشوف نواف دانه: ابغي اسير للبيت
ساروا للبيت وايلست ترتيب اغراضها ظهر نواف من البيت ورد متاخر ماكان يبغي يشوفها وهي تصد عنه يا يوم السفر
في الصاله
نواف: هذي كل اغراضج
دانه: ايوه
نواف: وين شالج
دانه: بالجنطه
نواف: شو يساوي بالجنطه ظهريه ولبسيه ولبسي هاي معه
وعطها عباه مجاسها
بحياتها مالبست عباه والحين نواف بيلبسها عباه على ويها علامات؟!!!
يجرب منها ويهمس بذنها نواف: لاتخلين غيري يكحل ناظره بشوفج
وسار وتركها واجفه في الصاله بعد ما تأكد ان كلامه لها بيأثر وايد عليها وللابد .. اظهرت وهي لابسه العباه ولافه الشيله بترتيب كانت منقهره ومتعيبه بنفس الوقت شلون عرف مجاسي وشلون انا لبستها
في المطار
نواف: حلو شكلج جذي
بغرور دانه: من وين يبتها لايكون سارقها
انقهر منها نواف: الله يسامحج^
^
شبيصير في ابو ظبي ؟

ياترى دانه بتلغي الزواج والا بيتم ؟

او بتكشف نواف على حقيقته قدام اهلها ؟

واذا انكشف امره وش بيكون ردة فعلة قدام امه واهل دانه ؟

في مطار ابو ظبي
يا زايد وناصر وابوناصر وأم ناصر وأمل وندى ودلال وحمودي الصغير وام نواف وجسوم الكل يا يستقبل دانه وريلها نواف
ابو ناصر يشوف بنته بالعباه وهو مبسوط وايد على التغير اللي صار لبنته دانه

زايد وناصر ارتاحوا لهالشيء
ابو ناصر: الحمدالله على السلامه
نواف: الله يسلمك آمايا هني
أم نواف: شحالك شخبارك
ويحب راس امه نواف: بخير الله يسلمج انتي شخبارج
ييهم صوت جسوم: نواف انا يييييييييييييت
نواف: هلا وغلا بريال البيت شخبارك
زايد: هلا وغلا تو مانورة الامارات ويلوي على اخته
بابتسامه دانه: بويودك
ام ناصر: هلا بالغاليه شخبارج وتبوسها امها
دانه: الحمدالله
أمل: دندونه داااااانه وحشتييييييييني
دانه: هلا وغلا فديتج والله انا مشتاقه لج وايد
نواف يشوف حرمته دانه كانت وايد مبسوطه يوم شافت اهلها بس قلبه مب مطمن على انها تخبر اهلها بسالفته
ناصر: الحمدالله على سلامتكم
اوتعى من افكاره نواف: الله يسلمك
سارت دانه مع اهلها بدون ما تلتفت صوب نواف او تودعه ونواف يالس ينطر جلمه وحده منها لو بالعين
^
^
ما باجي على الزواج الا اسبوع وهالحماره ما جلمتني ولا شيء والله اني اشتقت لها وايد طرشت لها مسج
مايموت الشوق لو قل الوصل !
ومايهز الحب زلزال الظروف
وانت داري في معزتنا اصل ..!
ولو يطول الصمت لا يلحقج خوف
والغلا بالقلب متصل !
ثابت مثل الاصابع بالكفوف ..
ماردت وطرش مسج ثاني
أعزي القلب في بعدك وأقول انبض على هونك مصير الوقت يجمعنا وأبين لك عن الخافي
قرت دانه الرسايل وايلست تبجي دورت على رساله من بين رسايلها واختارت
اشتقت لك يا نواف وين الاقيك ..
محتاجلك بالحيل ودي اشوفك ..
اشتقت اسولف معك واسمع حكاويك
واللمه الحلوه وباقي مزوحك
يا نواف من كثر ما اطريك واغليك ..
صرت اتحلم فيك واصحى واشوفك ...
يت بتضغط على زر ارسال ترددت وامسحت الرساله
دانه: ليش يا نواف تسوي فيني جذييييييي آآآآه
اسمعت نغمة الرساله وربعت وافتحتها من نواف
ادفن الضيق بالصدر الحنون
والتناهيت في عمري كدر
واقضي الليل هواجيس وظنون
ضايق البال محروم النظركل ما قلت بهونها وتهون
عانق الدمع رمشي وانتثر
ما يعوضني في غيابج من يكون
يا حياتي غيبتج عني قهر
حاولت تقوي نفسها وطرشت له مسج استانس وايد نواف يوم سمع صوت تلفونه يرن
نواف: انا عايش مع همي وهمي صعب تفسيره حياتي بالالم تبدأ وهذا اول المشوار وانا حاضر بلا ديره وانا طيف مضى وقته واصبح للزمن تذكار
وانا جرح صعب يبرى وكسر صعب تجبيره
وجودي والألم واحد دنيا كلها اسرار وانا ورده بدت تذبل
وضعها كيف تصويره تخيلها سحابة صيف بخيله حتى بالامطار ..؟!
انقهر نواف من الرساله واتصل عليها بس ماردت ورد واتصل
دانه:.......
نواف: الوو دانه
تمسح دموعها ومب قادره تتحجى دانه: هممممم
نواف: شفيج تعبانه
بصوت مخنوف دانه: لا
نواف: سمعيني اذا تعبتج الجروح وظاجت بصدرج الروح وسدت بويهج الدنيا كل طريج وروحج ما تحمل تعالي وخذي نصف روحي واذا زادت عليج المواجع وحسيتي ان الفرح لج موادع وان الكدر لج رفيق تعالي وخذي باقي الروح
ابعدت التلفون من اذنها وايلست تصيح بقهر خلاص مب قادره تتحمل بعده عنها
بخوف نواف: الو دانه الووووووووو
تحاول ترد صوتها طبيعي بس افشلت دانه: نعم
نواف: شفيج حياتي
دانه: مافيني شيء
نواف: محتايه شيء ناقصج شيء
ايوه انت ناقصني بغرور دانه: لا مب ناقصني شيء
نواف: اكيد
دانه: ايوه والحين لازم اسكر نواف
نواف: لحظه بـ...
دانه: مقدر نواف فمان الله
نواف: فمان الكريم
ياه صوت جسوم: أنا يييييييييييت
سكت يوم شاف اخوه وايد متضايج وعيونه حمر
يمسح على راسه جسوم: شفيك نواف
يستعدل بيلسته نواف: مافيني شيء شو هذا اللي بيدك
جسوم: كتبت مقطع شعر ابغي اسمعك اياها
نواف: سمعنا
جسوم: لا صرت في فكري وأنا في خيالك مانفترق لو قال الزمن افترقنا
بتشجيع نواف: افترقنا صح لسانك
جسوم: صح بدنك
نواف: وايد حلو خطك
جسوم: نواف انت متضايج صح
نواف: شوي مو وايد
جسوم: انا قلبي رهيف وتعبان لا تصيح نواف
حظني ويلس يصيح خفت عليه وايد وانا امسح على راسه كنت وايد احبه بس اليوم زاد حبه
جسوم: لاتضيج بعمرك بعدين تتعب مثل ابويا ومثلي
نواف: لا انا مب متضايج انا فرحان وايد ماباجي على عرسي الا جم يوم وانا واااايد مبسوط وفرحان لاني بتيوز ولان عندي اخو حلو مثلك
ويبوسه بخده وسار جسوم بعد ماعطيته دفتر يديد وقلم وقلت له يدون فيه اشعاره اللي يكتبها

يوم الزواج
زواج دانه بنت ظاحي الكل كان يتحسب لهذا الزواج ويحسب له الف حساب
بعد اخر نداء لها من آمل تطلب منها انها تستعد عشان يطلعونها استسلمت دانه خارجيا وطلعت منها دمعة كلها الم وشوق لنواف
المزينه: لا لا تبجين بيخرب الميك آب
أمل: دندونه دااااااانه لا تصيحين
دانه: خايفه وايد
أمل: شتخافين منه هذا ريلج مب غريب عليج اذكري الله وهدي نفسج
دانه ما خبرت احد بالسالفه
شكل امل وايد حلو لابسه فستان فوشي وايد حلو عليها ونوف لابستن فستان حمال سماوي وابيض طالعه فيه جميله وهاديه دانه كان فستانها وايد حلو تصميم فرنسي وثجيل لانه من الكرستال الغالي وماسكتن بوكيه ورد فخم و ضخم كان وايد ينن وكان فخم بدرجه كبيرة
لبسوها الشنيول الثجيل على شنيولها الفاخر الشفاف.. يودت يدها امول وابوها ماسكها من جتفها وطلعوا سارن وراها الحريم والبنات والمصورة من جدامها دانه ما كانت تشوف شي لان ويهها مغطى عن الرياييل اللي كانوا بزفه نواف
نواف في الطرف الثاني بابهته وكشخته يمشي ويا اخوه نايف وجسوم من وراهم مبارك وناصر وزايد تلاقوا عند الصاله وكل اللي بالصاله عيونهم على الباب
وجف معاها كان طويل واهي وصلت لجتفه.. دموعها تجمعت بعيونها تعلن التساقط.. اخذت نفس قوي ومشت.. الاضاءة كانت خافته.. والفرقه تطق على اغنيه هب السعد التقليديه.. والجو صار ملائكي وهادي ورمانسي البنات كلهن ماتن يوم شافن نواف وشكثر كان وسيم
وصلت دانه ونواف للكوشه والقوم كلهم وراهم.. الشباب كانوا يرقصون واهم متلثمين لانهم استخفوا يوم شافن البنات
نوف لنواف: شيل الشنيول من ويها ؟
نواف: اشيله ليش لا
وقفت يم نواف مثل الملاك بفستانها الابيض نواف يلتفت واهو يتنهد ويرفع شنيول دانه اول ما رفعه وقف قلبه.. ما شاء الله تبارك الله كانت دانه طالعه حوريه بهالجمال.. التف مخ نواف 180 درجه وحس عمره يرتجف اهو يعرف دانه انها وايد حلوه وملكة جمال بس اليوم طالعه تينن دانه طبعا كانت موخيه نظرها ولا ماعطته ويه
الكل شهق يوم شاف دانه البنات كلهن حتى ارفيجاتها وجفن الحريم وقعدن يصلن على النبي واهن يتشهدن.. عن الحسد طبعا
نوف: مدي ايدج دانه
ما مدت ايدها دانه
بهدوء نواف: ماتبين دبلتج يعني
دانه زاداحراجها وحمرن خدودها لبسها الدبله وقالت له المصوره بوسها واستانس وايد نواف باس دانه برقه من اللي خلا دانه ترتجف بوجفتها وهمس في اذنها
نواف: اشتقت لج
ايلست وهي ترتجف اشتاقت لنواف وايد بس بعدها زعلانه منه لف نواف صوبها وشاف خصلات سودا ناعمه نازله على يوها من شعرها الاسود اللي اصبغته قبل التسريحه الحلوه وشكلها كان روعه
أبو ناصر: الف مبروك نواف
نواف: الله يبارج فيك
ناصر: لا اوصيك الدانه بعيونك
نواف: لاتوصي حريص
ابو ناصر: الف مبروك يابنتي ويبوسها على راسها
وتغارقت عيونها دانه: الله يبارج فيك
ابو ناصر: لالا لاتصيحين وانا ابوج يلا الله يوفقج
زايد: دندونه مبروك الف مبروك
تبتسم دانه: الله يبارج فيك
زايد: يلا شدي حيلج ويبي بنيه لولدي
احمر ويها دانه: زايد
نواف: عيل يب 2 توم لاني بيب 2 توم
زايد:ههههههه ماشاء الله عيل مخططين قبل
استحت دانه من كلام زايد ونواف عن اليهال
دانه: امول خلاص ابغي اظهر
امل: تو الناس
دانه: راسي عورني من الصدعه هني
بهمس نواف: شفيج
بغرور دانه: ابغي اظهر

نواف: ليش مستعيله
انحريت وايد
نواف: تبغينا نسير
دانه: ايوه
دانه ونواف يشوفن زايد من طرف ثاني يرقص وياكل ويا الفرقه والاهل كانوا فرحانين حيل ما شبعوا من الرقص والرباشه والاكل
^
^
سارت دانه للفندق مع نواف وهي خايفه من هالليله اليوم خلاص اهيا ملك لريال يديد لريال كرهته وحبته وحبته واكرهته وافقدته واشتاقت له اليوم صارت ملك لنواف بعد ماكانت ملك لنفسها
في الفندق
مرتبك نواف: مبروك دانه
دانه: ليش ما خذت يناح بغرفتين
نواف: وليش الغرفه الثانيه
دانه: عشاني برقد فيها
نواف: انا ريلج وعـ....
تقطع عليه دانه: ولاتفكر ولامجرد تفكير اني ارقد معك على سرير واحد تفهم
يكظم غيظه نواف: دانه يلسي
ايلست دانه وهو ياخذ نفس
نواف: من اليوم يادانه ياخذ نفس بنبدأ صفحه يديده وحياه يديده ننسى فيها الجراح والماضي المر اللي مر علينا احنا عيال اليوم ونعيش اليوم وننسى اللي مضى
بتكبر دانه: اذا تقدر انت تنسى انا لا ما انسى ولا بنسى يا نواف اللي سويته مب شوي
بقهر مكبوت نواف: انتي تصعبين الامور جذي يادانه
دانه: لا ما اصعبها اللي سويته مب جليل في حقي وابويا
بعجز نواف: انا تندمت يا دانه وتبت
وهي توجف دانه: ما ينفع الندم يا نواف
نواف: بس انا مب راضي بمعاملتج جذي معي
دانه: مب مهم تعيبك معاملتي المهم اني ........
نواف: انك شو شو يادانه
دانه: لاتفكر يانواف اني وافجت اني اتيوزك عشان سواد عيونك تيوزتك عشان ابويا وافجت وانا مدري انك حرامي
نواف: جب

الصباحيه المره
نايف يتصل على نواف
بتعب نواف: الووووو
نايف: صباح الخير يالمعرس شحالك عسى ما ازعجناك
نواف: الحمدالله لا لا ما ازعجتني ياريال
نايف: وينك الكل ينطرك على الغداء هني
نواف: ليه الساعه جم
نايف: هههههه من قدك معرس الحين الساعه 1 الظهر
نواف: اووووه طيب ياينكم بعد شوي
نايف: عن تأخرك المدام
نواف: اجلب ويهك
نايف:هههههههه عادي تمون ننطرك فمان الله
نواف: فمان الكريم
يبند ويعود يرن تلفونه وماشاف من المتصل لانه مارقد عدل على الارض ومن كلام دانه يرن في اذنه انا ماتيوزتك عشان سواد عيونك تيوزتك عشان ابويا
نواف: الوووووو
مبارك: هلا وغلا بالمعرس شحالك شخبارك
حالي زفت نواف: الحمدالله انت شحالك
مبارك: وينك يامعود تأخرتوا وايد
نواف: توني قاعد من النوم
مبارك: من قدك معرس ههههههه شحال المدام
يتذكر اللي صار ويبتسم ابتسامه جافه نواف: الحمد لله
مبارك: متى بتيي عيل
نواف: والله ما ودي ايي مارقدت يامبارك
مبارك: معرس اكيد مارقدت عدل هههههههههه
يبتسم بحسره على حظه نواف: هههه الله ينبطك استح على ويهك
مبارك: هههههههه لا تتاخر بننطرك
نواف: اوكي 10 دقايق بالكثير واحنا عندكم

ساروا لبيت محمد بن ظاحي ونواف مانطق بجلمه ولا لف صوبها دخلوا عليهم والكل يبارج لهم ويهنيهم ويه دانه باين عليه التعب والارهاق
مبارك: هذا اللي يقول 10دقايق واهوا هني مرت ساعه جامله
يبتسم وهو يكذب نواف: تعرف الحريم
مبارك: ههههههههه قايلن لك
يبتسم نواف بحسره
مبارك: الله يوفجكم
نواف: آمين

عند الحريم
نوف: شحالج دانه شخبارج
بغرور دانه: الحمدالله
استغربت نوف تصرف دانه معها
تحاجي دانه ندى: شفيج دانه
بدون نفس دانه: مافيني شيء
ندى: باين عليج تعبانه وايد
أمل: صدقها ندى شكلج تعبانه
تحاول تغير من تعابير ويها دانه: لا والله مب تعبانه بس ما رقدت البارح عدل
تبتسم ندى: هههه امممم جذي كل وحده تتيوز ماترقد عدل
دانه في نفسها مسجينه تحسبين اللي صار لكل متيوزه صار لي انا غير عنهم انا ليلة زواج مره على جبدي وقلبي
ببلاهه أمل: ليه ما ترقد
ندى: مب الحين بتعرفين لا كبرتي عرفتي
أمل: وانا الحين شو يلا خبريني
ندى: امول اقولج عيب اذا كبرتي خبرتج
خلصوا الغدا ويا العصر ودانه ما اظهرت من عند اهلها ونواف ما اتصل فيها
دلال: دانه يقول ناصر يقولج نواف ظهري لان طيارتكم الساعه 7
أمل: ليش ما يتصل فيج نواف مايعرف رقمج
بارتباك دانه: الا يعرفه بس .....
ندى: اكيد مستحي يتصل عشان مايعلقون عليه الشباب
دلال: عارفه ريلج مب مخلنه في حاله بيلعوز الريال
ندى:لا والله مب ريلي الا ريلج
أمل:ههههههه شبلاكم
دانه ارتبكت من الوضع واحمدت ربها ان ندى صرفت الموضوع بس ماتدري اهيا ليش سوت جذي وحاولت انها تدافع عن نواف

اصعدت السياره بصمت
دانه: السلام عليكم
نواف: وعليكم السلام
كانت الشمس على وشك الغروب .. فقد بدأ لونها يتغير .. كانت تغوص داخل الماء تذهب بعيداً أذنة للقمر بالظهور .. ارادت بعدها أن تعلن عن وصول الطائره للنمسا
ساروا للفندق
يلف صوبها نواف: ولا كلمه
كانت تبغي تقول له ياخذ يناح بغرفتين ونواف سار وتركها اتبعت نواف للدور الرابع لليناح المطل على البحر واكتشفت ان اليناح فيه غرفتين وحمام فرحت وحزنت بس مابينت حزنها له سار نواف لغرفته وسكر الباب عليه بدون جلمة كان وايد تعبان ومرهق ومتضايج من معاملة دانه ودانه هم ضايجه بس ماتبين هالشيء لان غرورها مايسمح لها انها تضعف جدام نواف
بعد يومين من الفراق الطويل والثقيل بالنسبه لكل منهما
في شوارع فينيا اشوفها تبتسم وهي تتمشى والمكان وايد عايبها وانا مبسوط لاني اشوفها مبسوطه بس ضايج لاني زعلان عليها ومشتاق لها وايد احساس غريب زعلان ومشتاق لها بنفس الوقت يارب احبها بس انا لازم انتظر واخليها اهيا اللي تييني مب انا اللي اييها لين متى كل ما زعلت انا اراضيها هالمره انا الزعلان واهيا اللي تراضيني
بغرور دانه: مساكين هالفقراء يواعا وايد كل اللي يمتلكونه هالثوب اللي عليهم
كانت تتعمد جرح مشاعره وشعوره بس نواف سكت ولارد عليها
بتكبر دانه: صح يانواف انت كنت فقير
يناظرها بنظرات بارده مثل برودة الثلج
تحاول تغيظه وبسخريه دانه: احجي لي عن حياة الفقر انا مايربتها
بهمس نواف: أنتي غنيه بنت عز ومـــــال كلً يبيج ولا نظرتيه يومي
أنا الفقير اللي بأرض الفقر رحال كل مااملك سلة همومي
اللي بقا منها بهزة الغربــــــــال انا واليل وشنطة هدومي
صعقت دانه من حجي نواف وكلامه القوي اللي كاد ان يؤثر فيها بس ردت عليها بغرور واضح
دانه: اممممم اكيد
بقهر بارد نواف: لا لا يغرج زين منظر عيونج وينسيج بالهوى من تكونين
انتي الزهر والارض شينه بدونج وانا المطر وانتي من دوني تموتين
قال جذي وهو متاكد انه بيأثر فيها وايد مثل اللي قبل واكثربعد
في الفندق
دانه: انا متاكده اني خلاص ماعدت احبه بس اليوم حجيه وكلامه لي خلاني اتندم على المعاملة اللي عاملتنه به ياربي شصار فيني يعني شو احبه والا اكرهه انا كنت احبه بس الحين .... بعد ماعرفته انه سارق لكن....؟؟!!!! لكن شو
اظهرت دانه وايلست على الكرسي في الصاله الصغيره
دانه: ابغي اكلم امايا
نواف: اتصلي فيهم هذا التلفون
قامت دانه وهي ماتعرف ليش سوت جذي كلمت امها وابوها واهيا سرحانه بالانسان اللي يالس على الكرسي الثاني وهو مغمض عيونه وتعبان قلبها تقطع عليه مليون قطعه مب قادره تشوفه جذي وهو تعبان بس لازم يتـ... حرام عليج يادانه ليش تسوين فيه جذي كان ودها تحظنه وتخفف عليه من آلمه بس مب قادره عقب اللي قاله لها

دانه: نواف نواف
نواف: نعم
دانه: ابويا يبغي يحاجيك
خذا نواف السماعه وكلم ابو دانه وبعدها بند خذت دانه التلفون وقالت
دانه: جم رقم بيتكم
نواف: ليه
دانه: ماتبغي تحاجي امك وتطمنها عليك
بعتب جبير مع حسره وقهر نواف: امايا قلبها متطمن علي يوم اني خذتج تحسبج حرمه سنعه مثل باجي الحريم بتقدرين تسعدين ولدها بس للأسف
اسكتت دانه وهي مقهوره من كلام نواف لها وظهر من الفندق
ماني قادر اتحمل اكثر من جذي بس لازم اصبر على غرورها ودلعها الزايد ليش حياتي جذي دايم مصاعب كل ما قلت هانت الا وتشين اكثر واكثر يقول مابعد ضيج الا فرج يارب بصبر وفرج عني يارب
الصبح
في حديقه فينيا الجبيره
كانت يالسه دانه وهي لافه الشال الوردي على ويها ولابسه العباه وهي تشوف اليهال يلعبون بالماي كان الجو اليوم دافئ وحلو وايد بس ينقصه الرومانسيه مابين شخصين سار نواف صوبهم يبغي يغير من الروتين اللي اهما فيه ولعب معهم كوره
وهو يمسح على راس البنت الصغيره الشقراء نواف: ما اسمك يا حبيبتي
البنت الصغيره: ميا وانت
نواف: انا نواف
ميا: حسنا هل تعرف بناء قصر من الطين
بايتسامه نواف: نعم
ميا: ابني لي قصراً هنا
تقصد يبنيلها بيت من التراب
نواف: حسناً ساعديني على فعل ذلك
ميا: واااااو انت ابني القصر وانا امممم ماذا افعل انا
نواف: قلت لك ساعديني على فعل ذلك
ميا: قد يخترب ان سـ....
يقطع عليها وهو يبتسم ويمسح على راسها الناعم القصير نواف: لا لن يخترب سيبدو جميلاً عندما تعملين بتزيينه
ابتسمت ميا فرحانه بتشجيع نواف لها بعد ما انتهوا من تزين القصر
نواف: امممم يبدو جميلاً الآن اليس كذلك
ميا: واااااو انه جميل ينقصه زهور حمراء وصفراء حول القصر لتزين الحديقه اليس كذلك
بتعجب من ذكاها نواف: نعم
بفرح ميا: سأجلب الزهور حالاً
سارت ويابت زهور صغيره من اللون الاحمر والاصفر واغرسناها حوالينها
وهو يغرس اخر ورده نواف: هاقد انتهينا من حديقة القصر
وهي تبوسه بخده ميا: شكراً لك لقد فرحت كثيراً بذلك
وهو يضحك على اسلوبها الحلو نواف: لقد سررت بفعل ذلك يا ميمي
بتعجب ميا: انا ميا لست ميمي
بتشجيع وهو يمسك خشمها بنعومه نواف: ميمي يبدو اجمل لفتاة القصر الحسناء والجميله والجذابه
ابتسمت دانه للحركه تذكرت نواف يوم يسوي لها جذي
وهي تنقز ميا: وااااااااو هههههه حسناً اسمي ميمي
وهو يحط تاج على راسها من الورد
نواف: والآن اصبحتي الملكه ميمي ويبوسها بخدها
تحظن نواف ميا: احبك شكرا لك .. انتظرني هنا سارت بعيد عنه
دانه تشوف هالموقف جدامها وكيف معاملة نواف مع اليهال وايد طيب وحبوب كانت تشوف ويهه وهو يلعب معها ويمسح على راسها تمنت لو كانت اهيا بدال هالبنيه الصغيره لف نواف صوبها ويلس يشوفها وهو ساكت واهيا ارتبكت من افكارها بعد ماشافت نواف يشوفها وعيونهم تناظر بعض
نواف: حرام عليج ليش تسوين فيني جذي
دانه: بس انت غلطت يانواف
نواف: المسامح كريم يادانه
دانه: .............
نواف: تحبيني يادانه
دانه: أيـ......
قطع عليهم الحجي بالعيون صوت ميا لف صوبها وهو يتمنى يعرف جواب دانه اهيا تحبه او لا
ميا: هذه امي
وهو يوجف نواف: اهلاً
وهي تبتسم الام: اهلاً بك
وهي فرحانه ميا: ماما لقد بنى لي قصرا انظري انظري وجعلني الملكه ميمي هل هو اسماً جميل يا ماما
وهي تبتسم وتنزل لبنتها وتحاجيها الام: نعم انه اسم جميل لملكه هذا القصر الرائع يبدو جميلاً
ميا: ساقطن فيه انا وانتي
الام: حسناً
وايلست ميا تلعب بالتراب وهي مبسوطه
وهي توجف لنواف الام: اشكرك لأدخالك السرور في قلب ابنتي الوحيده
ابتسامه حلوه نواف: لا شكر على واجب فاانا احب الاطفال كثيراً
تتكلم وهي فرحانه الام: لقد اتت الي وهي فرحه وتخبرني ان رجل اسمه نواف قد بنى لها قصراً كادت ان تطير من الفرح الذي جعلتها به شكرا لك حقاً شكراً لك
ابتسامه مدمره نواف: لا شكر على واجب ...حقاً سررت بذلك ابنتك تكتسب مواهب جميله في التنسيق والاختيار اتمنى لها مستقبلاً زاهر
الام:نعم لديها مواهب عده منها الرسم والسباحه وركوب الخيل
انقهرت دانه من نواف وهي تشوه واجف مع الحرمه الشقراء وهو يبتسم ومبسوط
وكملت حجيها بحزن الام: لكنها تفتقد هذه الاشياء بعد رحيل والدها
يعقد حوايبه نواف: اسف لذلك
الام: لا لا تأبه فقد فرحت كثيرا اليوم بعد مارايت الفرحه والبهجه ترجع لابنتي الوحيده
دانه: شو يقول لها ياربي اكيد تقول انت وايد حلو وعيبتني ممكن رقمك صج ما يستحون اففففففف شيقول لها نواف
الام: ادعى جاكلين
وهو يبتسم نواف: وانا نواف
ويصافحها بيده
جاكلين: سررت بمعرفتك هل انت هنا لوحدك
نواف: لا اني هنا في شهر عسل مع زوجتي هناك
ويأشر عليها
تبتسم بفرح جاكلين: وااااااو انتم حديثي الزواج
يبتسم نواف: نعم
جاكلين: هل يسعني التعرف عليها
نواف: نعم نعم تفضلي
وهم سايرين صوب دانه
نواف: اعرفك على زوجتي وشريكة حياتي داني
احمر ويه دانه وما بان عليها انها غايره من الحرمه الشقرا اللي واجفه حذال نواف ومن ساعه تضحك وياه
دانه: اهلاً سررت بمعرفتك انسه ....
جاكلين: وانا كذلك جاكلين ادعى جاكلين
بابتسامه غرور دانه: تشرفنا
جاكلين: مبروك لكليكما لقد اخبرني نواف انكما حديثي الزواج
ابتسامه ناعمه دانه:نعم شكر لك
جاكلين: سررت حقاً بالتعرف عليكما والآن اسمحا لي
وهو يبتسم نواف: لم العجله اجلسي قليلاً
جاكلين: شكرا لك ربما مرة آخرى الى اللقاء
نواف: الى اللقاء
بقهر دانه: عادي عندك تحاجي حريم وتسولف معهن
نواف: حد يحاجيني احسن عن اللي مايحاجيك وان حاجيته مب في ويهك مثل النار تاكل فيك لين تموت
انقهرت من حجي نواف ورد يكمل
يغايظها نواف: اسلوب راقي في تعاملها وانسانه هاديه
بغرور وتكبر دانه: وش رايك تسرقها وتحتفظ فيها
استعدل في يلسته أكثر منقهر من ردها القوي رد لمكانه بهدوء وحب يغايظها اكثر واكثر
نواف: ربما في وقت لاحق سيده نواف
بقهر وهي توجف دانه: ابغي اسير للفندق
ظهر نواف من الفندق بعد ماوصل دانه لليناح يلس يمشي في شوارع فينيا الهاديه
ارسلت لها مسج
اجرحي مادام الجرح فيني يسليج اجرحي عساج انتي السبب في وفاتي
قرت دانه المسج وضاج صدرها وخافت عليه انه يسوي بروحه شيء كانت تبغي تتصل فيه بس منعها كبرياها انها تتصل عليه مايها رقاد وهي تنتظر نواف
دخلت الصاله وشفتها نايمه على الكنب شلتها وحطيتها على شبريتها وظهرت بدون ما تحس فيني كان ويها مثل الملاك النايم بالبجامه البيضاء الناعمه

الظهر في احدى مطاعم نمسا
بعد ما انتهوا من الغدا
بصراحه صادقه دانه: احجلي عن حياتك اول
يناظرها نواف: عن شو
دانه: عن حياتك اول يومنك صغير جذي يعني
يرد ظهره على الكرسي نواف: ضروري
بغرور دانه : همممم يعني تقدر تسميه حب استطلاع تقريباً
نواف: عشت الـ22 من عمري فقير
تغير ويه دانه يوم قال هالجلمه
يكمل نواف: الفقر عمره ما كان عيب لان الغني غني النفس مب غني بالفلوس
اعرفت دانه انه يقصد غرورها وكبريها وتفاخرها بفلوس ابوها
نواف: عشت مثل أي ياهل يعيش في بيته مب كل رغباتي مجابه مثلج كان ابويا يصرف علينا وراتبه جليل وايد من 12 من عمري صار لابوي حادث بعد مايابت امايا نوف ونايف بعدها انشل و يابت جسوم تم اربع سنين وبعدها توفى صرنا يوم ناكل ويوم لا كان مصروفنا الوحيد اهوا من الماكينه اللي تخيط فيها امايا درست وتخرجت من الثانويه بنسبه زينه
دانه: جم نسبتك
نواف: 92%
كنت اشوف على ويها علامه تقول وايد حلوه نسبتك ليش ما اشتغلت
يكمل نواف: بعد ماتخرجت تعرفت على شله فاسده وضيعوني واللي باجي تعرفينه
دانه: كيف وصلت للي وصلت له الحين
نواف: من ربج اللي مايضيع عبيده لو لجؤ له
تحاول انها توضح له عدم تأثرها بحجيه دانه: الفلوس اللي سرقتهم من ابويا شو سويت فيهم
نواف: رديتهم
بصدمه دانه: شو
نواف: ايوه رديتهم لأني اكتشفت ان المال الحرام مب زين لي ولا لأهلي رديتهم ومن بعدها اهتديت وتبت لله وتندمت على اللي سويته كل واحد فينا ماغلط وكل غلطان بيتوب وبيرد لطريج الصواب لانا نعرف خير الخطاؤون التوابون وانا اعرف ان ابوج مسامحني على اللي سويته ومتاكد من مسامحته لي
اسكتت دانه بعد ما اسمعت هالحجي اليديد من نواف مقعوله رد الفلوس لابويا وابويا ماقال له شيء او بلغ عليه الشرطه
قرا افكارها نواف: طبعاً ما سرت لابوج وقلت له اني انا اللي سرقت بيتك وسامحني لا انا ارسلت له طرد فيها الفلوس معها رساله مني اعتذر فيها على تصرفي الغلط
حست نفسها انها تحب نواف اكثر عن اول بس خافت انها تنصدم فيه اكثر
يرن تلقون نواف: الووووو هلا بو شهاب شحالك
مبارك: الحمدالله يسرك الحال ابشرك ندى اختي يابت بنت
يبتسم نواف: مبروووك الف مبروك شسموها
مبارك: انجي على خالتها
نواف: من صجك
مبارك: هههههه لا سموها ريم
نواف: وايد حلو هالاسم تتربى في عزهم ان شاء الله شحال اختي نوف
مبارك: ماعليها تمام لحظه تبغي تحاجيك
نوف: هلا وغلا ومرحبا الساع شحالك والله اشتقت لك وايد شحال دانه
نواف: ههههههه صبري علي كلتيني بقشوري هههه الحمدالله انتي شحالج وشحال امايا وجسوم
نوف: الحمدالله بخير الحين لك اسبوعين ولا اتصلت بمايا
نواف: انشغلت وايد
نوف: بس امايا وايد تحاتيك
نوف: امزح وياج شو قالولج جليل حيا وماعندي مذهب عشان ما اكلم امايا انا حاجيتها 3مرات بعد
نوف: صج
نواف: ايوه صج
نوف: زين عيل.. ايوه شخبار دانه
نواف: الحمدالله انتي شخبار كرشتج
نوف:هههههههه الحمدالله
دانه كانت سرحانه وتفكر بنواف اللي شغل تفكيرها وهي يالسه جدامه قطع عليها حبل افكارها
نواف: يسلمون عليج
ببلاه دانه: الله يسلمهم بس منهم
يبتسم خلاها ترتبك نواف: ندى ومبارك
تهز راسها دانه: اممممم
نواف: ندى يابت بنت
بفرح دانه: صج
نواف: ايوه صج ليه وينج فيه وانا احاجيهم
تهز راسها دانه: ولا شيء ولاشيء شسموها
نواف: ريم

الصباح
اقعدت دانه من نومها مبجر مايها رقاد عجب اللي سمعته من نواف ايلست في البلكونه وهي ظاهره شافت دفتر صغير افتحته وايلست وقرت الدفتر الابيض الوسطي المنقوش عليه باللون الذهبي البارز
تلاقي مع حب

الصفحه الثانيه
حبيبتي وعروستي المغروره
انني اكاد أكون اسعد مخلوق في هذه الدنيا وافضلهم حظا فأنت حياتي لكن لا اعلم هل تحبيني بصدق كما احبك
اني يا حبيبتي كنت قبل أن احبك مخلوقا ساذجا لا يحلم بادنى شئ ، اللهم قضاء يومه على أي حال كان والآن اصبحت غير ذلك الانسان الماضي .. الآن أحبك ، أنا أحمل بداخلي حبا يجعلني اسير إلى الامام برغبة مجنونة تدفعني إلى تحقيق المستحيل
حبيبتي انني اعيش في فلك حبك واسكن شغاف قلبك ، فأحاول جاهدا ما استطعت أن أسعد قلب من استحليت لأني بسعادته اسعد وبشقائه اتعذب
حبيبتي ان في قلبي احاسيس ومشاعر تضطرب كلما رايتك ، فكأني أريد أن أختفي من هذه الدنيا ، واندمج في روحك ، لأن نفسي تواقة إليك ، مولعة بك فأصبحت لا استطيع أن استغني عنك فرفقا بي ، بيديك سعادتي
الصفحه الثالثه
عتب وشكوى
زعلت ومالقيت أقرب من العين تفك الهم
غضبت ومالقيت ابعد من عيونج ابجيها
حبيبتي والوجع يسمع من جروحي حديث الدم
تخيلت الغلا نبضه تحاجيني واحاجيها
&&&&&
الرابعه
يوم التقينا بعد لوعات وافراق
تشكين وأنا أشكي وأنتي ما فيج فيني
تشدني نظرة عيونج وأشتاق
لرموشها ســـــاعـــة تلامس جبيني

سمعت صوت نواف ردت الدفتر مكانه وقامت وايلست على الكنب وهي تفكر فيه حست بنشوة الحب يتسلل لعقلها ودفئها لقلبها وجفت تشوف نواف جدامها ارتبكت من افكارها وبدت ترتجف
نواف: شفيج
برتباك دانه: لا لا ولاشيء ولا شيء
يجرب منها وافقدت توازنها نواف: شفيج دانه
ايلست دانه: مافيني شيء
نواف: يهزي حالج طيارتنا بعد ساعتين
دانه: لوين وين بنسير يعني ويـ....
يجرب ويمسك راسها نواف: شفيج دانه مصخنه والا تعبانه
توجف وهي خايفه انها تضعف اكثر بجربه دانه: لا مافيني شيء والحين بيهز قشاري عن اذنك
نواف: تدرين وين بنسير
برتباك اقل دانه: ايوه بنسير للامارات صح
يبتسم بتعجب نواف: لا دانه فيج شيء
دانه: قلت لك مافيني شيء
نواف: البارح قايلن لج بنسير لسويسرا
تخفي ارتباكها مره ثانيه دانه: ايه ايه صح بسير ارتب قشاري

استغربت اليوم تصرفات دانه وياي كانت مب طبيعيه تتصرف بغباء وحركات غصب عني ابتسم لها احسها اليوم غير عن دانه المغروره والمتكبره

في سويسرا
نواف: شفيج ساكته من وصلنا هني وانتي ساكته فيج شيء دانه
برتباك دانه: لا لا مافيني شيء بـ.. بس المكان غريب علي
نواف: اول مره تيين لسويسرا
دانه: ايوه
نواف: وايد حلو شكل البحر هني
دانه: وايد ليش ماتسبح
نواف: لا لا ماجد سبحت في بحر
بصدمه دانه: شو
نواف: بسم الله عليج اقول ماجد سبحت في البحر
بغرابه دانه: ولامره بحياتك
يبتسم نواف: لا بس سبحت بدش حمامنا
دانه:هههههههه بس السبوح في البحر غير عن سبوحك في حمامكم
استانست وايد يوم شفتها تضحك كانت ضحكتها ناعمه وحلوه
دانه: وشرايك تسبح الحين
نواف: ما اعرف لا لا
بتشجيع دانه: انا بعلمك
اسكتت شوي مب مستوعبه اللي قالته اهيا بنفسها بتعلم نواف على السباحه
مبسوط نواف: وشلون بتعلميني
بثقه بعد الارتباك دانه: مثل أي مدرس سباحه يدرس طلابه
نواف: يعني انتي بتكونين مدرستي وانا الطالب
بدلع دانه: اييييييوه
بهمس نواف: مايصير تعلمني عروستي المغروره لاني ما ابي غيرها
تسارعت دقات قلبها بجنون من كلام نواف ونظراته يت بتسير ومسكها
بهمس مدمر نواف: انتي كتومه وايد يادانه وتخشين عواطفج كانفاس التنين ورى درع بارد مثل يلد التنين ليش ما تصارحيني بحبج لي
ارتجفت ومب قادره على قربه لها وحجيه اللي اكتشف فيه شخصيتها الغامضه سارت للفندق وهي تتذكر كلام نواف لحقها نواف لليناح ومسكها ولفها صوبه بحنيه
بهمس رقيق نواف: تحبيني
بغرور مع رجفه تسري بيسمها دانه: لا لا ما احبك
سحبها وحط يده على قلبها واسحبت نفس طويل وهو يصحح كلامها نواف: تقصدين انج لن تعترفي ابدا
وهي تبتعد عنه دانه: لا ما احبك وهي تبعد خصل ناعمه عن ويها
سرت وتركتها وانا متندم على اللي سويته كل ما هانت شينتها زياده يعني اهي اليوم مبسوطه ليش اضيج عليها ياربي بس انا ابغي اوضح لها اشياء كثير بداخلي وابغي اعرف اهيا تحبني والا لا بس انا متاكد من حبها لي بس ابغي اسمعها منها ارسلت لها
نواف: توج صغيره وسط مايه تذوبين
لا تكدري يا بنت,, صفوة حياتج
الحقي قطــرج لا.... تتوهين
وتا خذ سنينج لـونها من عباتج
انا قد وضحتلج ... وانتي تدرين
ما ينفلق راسي..بحـذفة حصاتج
وارسل مسج ثاني
إن كان قلبج في بحور الهوى هام
واشلون أجل تضميني وأنتي غريقة
مشاعرج نسمة ونغمات والهـــــام
بس الوهم عذب القلوب الرقيقة
قرت الرساله دانه وهي خلاص تبغي تعترف له عن حبها الدفين بس مب قادره تحس بشيء يمنعها يعني انا اتوهم اني ما احب نواف بس انا احبه اعترفت لنفسها وسارت وايلست في البلكون المطل على البحر وشافت نواف يالس جدام البحر ومعه دفتره ويكتب انا لازم اغير معاملتي معه والله مسجين ما يستاهل قالت هالشيء في نفسها وهي نازله
اسحبت الدفتر بخفه من ايده دانه: شو تكتب
قام نواف: عطيني الدفتر دانه
سارت دانه: بقرا شو في الدفتر
قبل شوي كانت اجواهم مغيمه ومعتمه والحين رجعت السماء صافيه بيناتهم يحاول نواف ياخذ منها الدفتر بس اهيا تبتعد عنه وهي تبتسم
مسكها نواف: عطيني الدفتر
تخبيه ورى ظهرها دانه: شو فيه
نواف: خصوصياتي
دانه: بس انت تقول ماكو خصوصيات بيناتنا
كنت بقول لها انتي اللي حطيتي الحواجز بيناتنا بس مابغيت اعفس الامور زياده
نواف: اوكي عطيني الدفتر وبقرالج اللي فيه
وهي تعطي نواف الدفتر دانه: اوكي
ايلسوا على البحر وكان اليو بارد وحلو
نواف: شو تبغيني اقرالج
دانه: شو انت كاتب
نواف: اشعار
دانه: انا احب الشعر وايد
بعتب نواف: عيل سمعي هذي كتبتها الحين
جيت البحر اشتكيله عن الحال
جيته وانا بقلبى هموم كثيره
جيته وخبرته عن كل الاحوال
وروحت مثل ماجيت وزادت الحيره
ثم رجعت ولقيت الموج شيال
وابديت له قصتى ورد بتفاسيره
قال:مالك بدنيا المحبين منزال
ارحل وسافر واقطع السيره
قلت:ياموج نسيانه محال
وشلون ابنسى وهو ساكن الديره
دانه منزله راسها وقلبها يدق بسرعه وهي تسمع وعارفه انها اهي المقصوده بهالقصيده
لولا الرجا فيه ياموج ماصرت موال
بلسان العواذل مع باجى العشيره
قلت: احبه والحب ضاعت به رجال
قال: مسكين من مثلك ولا له مجال
اصبر ولا بد الصبر ياتى بتباشيره
بعتب واضح :قلت: صبرت والصبر طول وطال
قال:الصبر ولا فيه حل غيره
وروحت انا منه والدمع شيال
والفكر مشلول من كثره تفاكيره
هذى حياتى دروبها وعر وجبال
دروب مظلمه لاحشا ماهي منيره
عايش بدنيا كلها هم وخيال
هذا القدر بلا بشره وعيا بخيره
هذى قصه نـــــــــــواف مثال؟‍!!
كتبتها لج بطريقه شعره وتفسيره
وسلامتج
دانه:....................
بهمس وهو يمسك ايدها بنعومه نواف: لازم يا دانه تعطين فرصه لحياتنا انها تمشيء بسلام خلينا ننسى اللي راح ونعيش اليوم انا اعرف اني تسببت في جرح مشاعرج وانا اعرف انج مب مسامحتني لكن انا احبج يادانه
ارتجف يسمها من اعتراف نواف لها ولاول مره كانت تنطرها من زمان والحين قالها
نواف: انا اعرف انج تحبيني وايد بس ما تبغين تعترفين لي بمشاعرج
هديت ايدها وسارت دانه للفندق ولحقتها بتصرفها هذا حسيت انها مب زعلانه علي وايد عرفت انها متندمه على المعامله اللي عاملتني بها انا عارف انها ما تبغي تسوي جذي بس غرورها اهو اللي يمنعها من التقرب صوبي اول ما دخلت وشفتها يالسه على الكنب بابتسامه
نواف: اوكي يا عروستي المغروره
مسكها من معصمها وقفها على ريولها بحركه سريعه وقالت
بخوف دانه: لاتلمسني نواف
بهمس نواف: اناريلج يادانه
دانه:بس......
يحط ايده على فمها نواف:اوششش اليوم بس انسي اللي راح وعطيني فرصه يادانه
تسارعت دقات قلبها بجنون من النظره اللي ويها لها نواف من بين اهدابه الكثيفه الطويله كان سحره لا يقاوم جذبها نواف عنده خافت من رجولته القويه المليانه بالعاطفه الجياشه وتصلبت من خوفها حاولت انها تبتعد عنه او تدفعه وفجاءة سار لغرفة النوم ويلسها على الشبريه قامت دانه وقلبها يدق بسرعه قصوى ومسكها
نواف: وين بتسيرين
برتباك دانه:بسير الحمام
وربعت من الغرفه وسكرت باب الحمام وراها وصارت تتاكد من قفله كل شوي خوف من نواف يلحقها اعرفت انها ماتقدر تقعد بالحمام طول الليل بعدها خذت دوش وفرشت اسنانها وشالت ملابسها اللي على الكرسي افتحت الباب وسارت لغرفة النوم شافت نواف منسدح على الشبريه ويدينه تحت راسه والمخده اللي تفصل بينهم مويوده شكله وايد متضايج ومعصب وجفت بعيد عن الشبريه
نواف: شفيج واجفه
برتباك وبصوت مخنوق وهي تجرب من الشبريه دانه: مافيني شيء بس.....
^
^
^
^
استسلمت للنوم وقامت في اخر الليل وشافت نفسها قريبه من نواف تحركت شوي وقربت من ويه نواف وهي ماتدري ان نواف موتعي سألها بلطف
نواف: تبين شيء
ولف صوبها وسحبها وجرها معه في عالم من الإحاسيس الجامحه والمظطربه التي لم تتمكن من مقاومتها
اوتعت وشافت الغرفه منوره بنور الصباح رفعت شعرها الناعم الاسود عن عيونها ولفت راسها وشافت نواف منسدح بهدوء ويراقبها
وشافت عيونه الحلوه من حيث الشكل واللون عينان تجعلان الرجل العادي مميزا وهو ماكان عادي ابدا ابتسمت له بكسل وبخجل كانت تشوف بمعاملته الحنيه والرقه تذكرت السالفه اللي خبرها نواف بها وغشت غمامة حزن عيونها
ضاق فكه وسألها نواف: شفيج
دانه: مافيني شيء
حست انها مب قادره تقوم من الشبريه
نواف: بتقومين من الفراش والا لا
رفعت خشمها الطويل ومنعها خجلها من الاعتراف بانها تبغي تيلس على الشبريه وقالت بتكبر دانه: ايوه بقوم
تركت فراشها الوثير واتجهت الى الحمام كانت متمدده تحت المويه الساخنه المعطره ودق عليها نواف طلت براسها وشافت نواف لابس بدله انيقه وحلوه وشكله وايد جذاب وحلو ووسيم ومعه فنجان من الشاي وقف بغطرسه ويلس يتأملها برضى مما جعل الحمره تزحف لوجهها شافها مب مرتاحه لوجفته وابتعد عن الباب وقال
نواف: بيي الفطور بعد عشر دقايق
وسار بسرعه قبل مايسمع ردها ... بعد ما خلصت دانه من تجفيف شعرها البست ثوب هادي من القطن لونه سماوي حاولت انها تكون هاديه وواثقه من نفسها وسارت للصاله وشمت ريحة الفل المنتشر فيها مالقت نواف سارت عند البلكون وكان نور خفيف من الشمس ظاهر شافت طاوله وعليها فطور كامل ونواف يالس ينتظرها
بابتسامه هاديه دانه: صباح الخير
بابتسامه ناعمه نواف: صباح النور
سحبت لها كرسي وايلست وصبيت لها كوب من عصير البرتقال البارد وبدت تاكل بهدوء وهي تحس بالجوع
بهمس مع ابتسامه نواف: انتي مبسوطه دانه
برتباك واضح دانه: ايوه الحمدالله
نواف: اقصد مبسوطه معي
كانت تبغي تمسك ايده بحنيه و تقول له ايوه مبسوطه وااايد حبيبي وماكو ريال يدلل حرمته ويحبها مثلك بس امنعت نفسها لانها خايفه قامت وسارت للصاله لحقها نواف ووقف وراها ومال براسه وحظنها بذراعه القويه وسحبها صوبه تستند عليه حست بتيار كهربائي قوي صدمها وتركها مشلوله وعاجزه عن الحركه ولفها صوبه وقال لها برقه
نواف: اذا تبغينا نظهر بنظهر
وهو يتكلم كانت دانه تتأمل وجهه وخشمه وثمه وحست بقشعريره تسري بيسمها
نواف:بنظهر نتغدى برع
بحيا شديد دانه: اوكي
نواف: انا بنطرج تحت اوكي
تهز راسها سارت وبدلت ملابسها وتغدوا برع غدا لذيذ وشهي سارت السوق وشرت هدايا لاهلها كل ما اتركت نواف وانشغلت بالملابس تشوفه يرد للدفتر اللي معه ويكتب واذا يت يخش الدفتر عنها ويبعده ردوا للشقه بعد يوم طويل شاق بالنسبه لكل واحد فيهم تسبح نواف ورقد وهي ما ياها رقاد بعد المعامله اللي يعاملنها فيه نواف حسته وايد حنون وطيب وقالت انها لازم تسامحه وهي ظاهره من الغرفه تذكرت الدفتر وقالت فرصه خلني اقراه مدام نواف راقد ايلست ادور عليه ولقته على الكومدينه اخذته واظهرت بهدوء افتحته بعد ما لفت اربع صفحات وقرت
كلٍ يقول إن البكا فيه راحة..وأنا بكيت اليوم لعلي ارتاح
بكيت من قلبٍ تزايد جراحه..بكيت بكي اللي بكا يوم الافراح
الخامسه
سالت دموع الليل فوق المدينه
تلمس قديم الجرح ويسيل همه
أمشيء انا وكل الشوارع حزينه
فيها الفرح يرتاح لاشاف دمه
دورت وجهك في الجروح القديمه
وتعبت ادور في الليالي وألمه
وفجأه تروعنا دموع المدينه
واخذ قديم الجرح واشيل همه
حست دانه بتانيب الضمير حست انها اهي السبب في الحاله اللي مر فيها نواف
السادسه
تدرين يانوف دفا احلامي جمد في شارع البرد الطويل
وبرد الفراغ اغتلاني .. يا صوت دانه الدافيء تعال
تخنقها العبره
السابعه
الشعر اللي قاله لها على البحر
الثامنه
من زمان اكتب عشان انتي تقرين ... من زمـــان
بس ما تشوف المكاتيب جابت همها
التاسعه
قالوا حبيبك يسمع الشعر ..؟ قلت ايه
يقراه بعيوني قبل تسمعونـــــــــــه
لولاه حتى طاري الشعــــر ما ابيـــه
بس اكتبه من شان خاطر عيــــــــــونه
ردت راسها لورى وحست بنفسها ودها تبجي وتصيح وفي نفس الوقت فرحانه ماتدري شو اهوا هالشعور اللي اهيا فيه ..... ردت تقرا
بابتسامه بارده نواف: شتسوين ... عطيني الدفتر
خافت من الصوت دانه: يمه خرعتني
نواف: عطيني الدفتر
اعطته الدفتر
نواف: قريتي شيء
بكذب دانه: لا توني ماخذتنه
نواف: قلت لج البارح ما احب حد يفتش بخصوصياتي صح
بجرأءه دانه: ماكو بين المتيوزين خصوصيات
يبتسم لحجيها ويجرب منها نواف: اكيد وخاصة بيني وبينج
وسحبها معه للغرفه بحنيه وشغف واضح
بعتراض دانه: لا لا نواف
نواف: دا........
ويقطع عليهم تليفون نواف تركها وسار يرد عليه
نواف: الو هلا نايف شحالك
نايف: الحمدالله انت شحالك
نواف: بخير الله يسلمك شخبار دراستك
برتباك نايف: الحمدالله
حس باخوه وسار وظهر برع الغرفه نواف: نايف فيك شيء خبرني
بخوف نايف: نواف انت لازم تيي لابوظبي
بخوف اكثر نواف: ليش شصاير
نايف: اخوي جسوم
بقل صبر نواف: شفيه جسوم شصاده خبرني نايف
نايف: صار له حادث والحين اهوا بالمستشفى
نواف: انت بابوظبي

نايف: ايوه البارح ييت
نواف: اوكي باجر الصبح انا عندكم
ظهر نواف ورد بعد ساعه وكانت دانه وايد تحاتيه
دانه: شفيك نواف
يخفي ضيجه عشان ما يخوفها نواف: مافيني شيء بس يهزي قشارج بنرد للبلاد
دانه: ليش بنرد البلاد
بعصبيه نواف: قلت لج يهزي قشارج
بعصبيه مقاربه دانه: طيب خبرني شو صاير ايهز قشاري جذي بس
وهو يصرخ نواف: اخويا جسوم بالمستشفى صار له حادث ارتحتي الحين
ضاج صدرها بعد ما اسمعت هالخبر اللي يضيج الصدر وضاجت اكثر لانها اصرت على نواف يخبرها .. ساروا في الطياره ونواف حالته تسوا اكثر واكثر كل ماعطته دانه ياكل شيء يرفض وكل ما حاجيته تشوفه سرحان
قلبي ناغزني وايد احس جسوم مب صاير له بس حادث احسه شيء جايد وجبير يلست ادعي ربي انه يقوم بالسلامه اذا اهو بالمستشفى .. وصلنا و اتصلت على نايف
نواف: الو باي مستشفى جسوم
نايف: انت وصلت نواف
بصراخ نواف: ايوه اقولك شو المستشفى اللي فيها جسوم
ببرود نايف: تعال في البيت
بفرح قليل نواف: ظهر جسوم من المستشفى
نايف: ايوه تعال للبيت
بندت بويه نايف وانا فرحان لان جسوم رد للبيت
بخوف دانه: شو صحته
بابتسامه نواف: الحمدالله ظهر من المستشفى
بفرح دانه: الحمدالله
في الشقه
وانا داخل عليهم اسمع صوت امايا تبجي ونوف عندهم هم تبجي
بخوف جبير نواف: شفيج امايا
الام بفرح يوم اسمعت صوت ولدها نواف سارت ولوت عليه وهي تصيح
أم نواف: رااااااااح يا نواف راااااااح آآآآآآه ياقلبي عليك يا جسوم آآآآآه
بخوف نواف: شياه جسوم
ييه صوت مبارك: عطاك عمره
بصدمه نواف: شو لا جسوم مامــ... انا متصل بنايف يقول لي اهوا هني بالبيت وانتم ظهرتوه ناااااااااااايف بصراخ نااااااااايف
خافت دانه وايلست تصيح اول مره في حياتها تشوف نواف جذي محرج ومعصب
يي نايف ويلوي على اخوه ويصيح
يبعد ه عنه نواف: وين جسوم انت تقول انه هني بصوت اقل وينه
نايف: ما ابـ........
تقطع عليه بصياح نوف: جسوم راااااااااح يانواف جسوم راااااح
نواف: خبرني يانايف شصار له بتعب خبرني خبرني
مب قادر ينطق بجلمه نايف:............
بخوف مع دموع تنزل مقهوره نواف: دخليك لاتقولها دخيلك يا نايف قول أي شيء بس لاتقولها
وهو يصيح نايف:آآآآآآآه امممممم لاحول ولاقوة الا بالله
بصوت قوي مبارك: كان يلعب بالسيكل وادعمته سياره وياه نزيف داخلي
بتعب وهي يصيح نواف: انا محذرنه مايظهر برع آآآآه محذرنه مايلعب في الشارع آآآآآخ ياجسوم ليش عصيت كلامي ليش كان الحين انت عايش بصراخ ليييييش يا جسوم آآه
يمسكه مبارك: اذكر الله يانواف اذكر الله كلنا بنموت
أم نواف: يا ويل حالج يا ام نواف على جسوم ولدج راااااااح راااااح آآآآآآه
تلوي على امها وهي تصيح نوف: امايا خلاص آه خلآآآآص
بعدم تصديق ام نواف: نوف يمه قوليلي ان جسوم مامات قوليلي بعدج راقد يا امايا آآآآآآه دخيلج يمه قوليلي دخيلج
صاحت دانه من المنظر اللي تشوفه جدامها عايلة نواف منهارين بالمره ونواف شكله وايد تعبان
وهو يمسح دموعه نواف: من اللي كان معه بالمستشفى
مبارك: انا سرت به المستشفى
بخنفه نواف: كان متعور وايد وتعبان هممم
وهو ينزل راسه مبارك: ايوه كان وايد متعور كان يصيح ويزقر لامه
يوم الحادثه
جسوم: امايا امايا آآآآآآآآآآه نواااااف اييييييهييي آآآآه
مبارك: خلاص حبيبي الحين بزقر لامك
وهو يصيح والدم كله على ويهه جسوم: أأأأأي يعور يعور ريولي ريلوي يامبارك تعورني ابغي امايا ونواف
مبارك: طيب بييبهم لك
وهو يشاهق جسوم: ابغي نواف ابغي نواف أأأأأأأأأأي يعوووور ريولييييييي راسي آآآآآه ريولي يمااااه امايااااا آآآآآآآه نواف يعورني مبارك بهزبني نواف بيهزبني نوااااااف
يواسيه مبارك: محد مهزبك نواف مب مهزبك
جسوم: آآآآآه ابغي امايا آآآآآهي آآآآ يعور نواف يعور راسيييي آآآآه
لأرض الواقع
يلس نواف يصيح وهو يتخيل منظر يسوم وهو يصيح يلس يصيح بحسره على اخوه اللي راح منه
بقهر نواف: ليته عايش والله ما هزبه ليتك عايش ياجسوم آآآآآه يا حسرة اخوك عليك يا جسوم آآآآآآآآآآآآآه
تظهر من الغرفه دانه: مبارك نوف ماادري شياها يالسه تصيح
سار مبارك بنوف للمستشفى ياها طلق مبكر في الثامن من الروعه بعد ما سمعت بوفاة اخوها الصغير جسوم
الممرضه: مبروك ولد بس الحين لازم ييلس عندنا هني لين يكتمل نموه
فرح مبارك وسار عند نوف
مبارك: الحمدالله على سلامتج
نوف: الله يسلمك
مبارك: يبتي ولد شتبغين تسمينه
وهي تصيح وتمسك كندورة مبارك نوف: دخيلك ابغي اسميه جسوم على اخويا آآآآآآآه
يحظنها مبارك: ولايهمج جاسم جاسم بس لاتعبين روحج ارتاحي الحين
يت الممرضه وعطتها ابره منومه عشان ترتاح
مرت الـ3الايام العزاء ثجيله ام نواف شكلها يكسر الخاطر وهي تبجي كل يوم على فراق ولدها الصغير .... نواف في حالة صدمه جبيره سار لغرفته ويلس يدور بغراضه واشياءه يلس يشوف صورته وهو معهم وهو راكب السيكل دانه قلبها معورنها على ريلها نواف اللي ماحط لقمه بحلجه من 3ايام
كنت يالس بالصاله مع امايا وفجأءه
أم نواف: لبيه يمه
التفت صوب امايا اشوفها
أم نواف: يمه نواف جسوم يزقرني يقول امايا
حظنت امايا وهي تقول ام نواف: انا اسمعه نواف يقول انا يييييت امايا انا ييييييآآآآآآآآآآه
وهي تغطي اذانيها وهي تصيح بحسره على ظناها
نواف: اذكري الله امايا
عرفت ان امايا تتخيل ويود جسوم وهو يزقرها خذتها للمستشفى نزور نوف عشان تغير يو شوي بعد العزاء خذينا اختي نوف وسرنا لبيتنا
دانه: الحمدالله على سلامتج
بتعب نوف: الله يسلمج
دانه: ارتاحي وين سايره
نوف: ابي ماي
دانه: ارتاحي بيب لج
سارت دانه ويابت الماي لنوف
نوف: مشكوره ياعمري
دانه: العفو شخبار ولدج
نوف: الحمدالله بيتم عندهم شهر وبعدين بيظهر
بابتسامة تشجيع دانه: ان شاء الله يظهر بالسلامه
نوف: ان شاء الله
وهو طالع من الغرفه نواف: امايا
أم نواف: لبيه
نواف: في دفتر صغير بغرفتج وينه
مابغيت اقولها حق جسوم عشان ماتتذكره وتصيح مع انا مانسيناه ولا بننساه
ام نواف: مادري دور في الدولاب يمكن تلاجيه هناك
سرت ويلست ادور على دفتر جسوم اللي عطيتنه اياه لقيته تحت مخدته فتحته وانا متشوق اقرى اللي فيه كان مكتوب


وش تتوقعون مكتوب في دفتره ؟؟

ودانه ياترى بترضى بحال نواف وشقتهم ؟؟؟؟؟

~*¤ô§ô¤*~*¤ô§ô¤*~الجـــــــــــــــــــــــــزء الاخير ~*¤ô§ô¤*~*¤ô§ô¤*~



نواف: في دفتر صغير بغرفتج وينه
مابغيت اقولها حق جسوم عشان ماتتذكره وتصيح مع انا مانسيناه ولا بننساه
ام نواف: مادري دور في الدولاب يمكن تلاجيه هناك
سرت ويلست ادور على دفتر جسوم اللي عطيتنه اياه لقيته تحت مخدته فتحته وانا متشوق اقرى اللي فيه كان مكتوب
الصفحه الاولى
اليوم نواف عطاني الدفتر هذا وايد عيبني
وكان كاتب بين قوسين جسوم
((لا صرت في فكري وأنا في خيالك مانفترق لو قال الزمن افترقنا))
وكاتب تحتها
نواف اهديتني دفتر وانا مدري شهديلك بس انا احبك وايد وايد
بس دفترك غالي علي بالحيل لانه منك (( احبك)) يا ابو شنو اسميك ابو فيصل حلو رسم ويه يضحك
اليوم أمايا تصيح لانها مشتاقه وايد لنواف حتى أنا مشتاق لك وايد يانواف
طال السفر يانواف والمنتظر مل صبره
والشوق ياخوي في ناظري شاب
رد النظر خليت بالكف جمره
لهيبها في داخل القلب شباب
مر اسبوعين ونواف ماحاجني ولا كلمني بس كلمني نايف ليش يانواف ماكلمتني ولا حاجيتني انا اليوم تعبان وايد
احبكم وااااااايد قد الدنيا جلها واذا فيه شيء اكبر عن جذي انا احبكم
جسوم **
مسكت الدفتر ويلست ابجي واصيح عليه كان حاس انه بيموت ليتني حاجيته وكلمته ماتنفع الحين ياليت ماتنفع سمعت صوت انثوي
دانه: هدي نفسك يانواف
لفيت صوبها وشفتها وبعدها ظهرت من البيت ويلست على البحر ويلست اقرى اخر شيء اكتبه
ماكنت اعرف الدنيا ولا كنت اعرف الأحزان

وغرتني

أحسّب لونها وردي

وما اعرف باجي الألوان

وغرتني

أجمع وردها بيدي

ومدري الشوك في الأغصان

وغرتني

أحسّب طعمها حالي

وانا ازوّد من السكّر واثاري المرّ في الفنجان..

حسبت اني بعيش العمر فرحان

وانا أزهي..

حولي ثلاثة اخوان

وغرتني

تفرق جمع الاخوان

(( هني وجف جسوم عن الكتابه ))
^
^
وبعدها انا كملت

ما كنت تدري إن الموت يتربّص

قاعد بيننا في كتمان

ولّف البيت يقطفهم

ويقطف أخوي جسوم

وغّرتني

صحيت من لوثة الدنيا

أقول يمّه

بعد حزنك.. أبي تذكار

أبي منك قلم جسوم

عطيني دفتر اشعاره

زمان..كان يصحيني

في نص الليل . . ويقرا لي ..يسمّعني نضم واوزان

في كل صفحة كتب اسمي

كتب نواف

وأحيانا بأبو فلان

أخوي شاعر أخوي فنّان

لجسوم أبي صورة

أبي صورة وهو يضحك

أبي صورة وهو فرحان

وحشني قلبه الطيب

ما أنسى يوم يواسيني

وهو يبكي واشكي له

وامسح دمعته بيده

ويقول لي قلبي رهيّف

ما أتحمل

ترى تعبان

لو تبكيي ترى بابكي معك أزمان

اخوي طيب ..اخوي إنسان

وكانت ضحكته حلوة

شباب حبيبي وصغيّر

..ولكن.. بالعقل ميزان

وقول يمه بعد حزنك

أبي تذكار

أبي ثوب لجسوم

أبي أحطه بدولابي

ليوم اشتاق

أبي أتخيله في هذا الثوب

فيه إنسان

أبي أشوفه يمد يده

وهو يمسح على راسي

ويقول منك أنا زعلان

مر اسبوع وما شفتك

وثم يضحك ويقول امزح

تراك أخوي ونظر عيني

ولا قوة تفرقنا وحنا إخوان

اخوي طيب اخوي إنسان

رضي الوالدين جسوم

وفي الآخر هي الدنيا

تلاعبنا

ونغلبها وتغلبنا

وفي الآخر هي الدنيا

وما خلّت ولا إنسان

نودعها وتودعنا

نخليها وتخلينا

بلا عنوان

واذا ما متنا وين نروح

وا ذا ما حزنا كيف نبوح ؟

وكيف بنحصل السلوان

هي الدنيا وهو الموت

وحنّا غابة الأحزان

أقول يمة بعد حزنك

تعالي نرفع يدينا وندعي ربنا الرحمن

ندعي الله يرحمه يمه

ويسكنه فسيح جنان

ويسقيه من انهاره

ويجمعنا به في الدار

يحّاكينا ونحّاكيه ..

حنا وصحبة الأبرار

ايلست دانه تتصل فيه ولا يرد خافت عليه وايد طرشت له مسجات وهم مايرد وبعدها رن تلفونها افرحت شافت المتصل أمل حاجتها وبعدها سكرت ورن تلفونها ردت ببرود ومن دون ماتشوف مين المتصل
دانه: الوو
نواف: الو
اعتدلت بيسلتها دانه: نواف وينك فيه انا يالسه هني احاتيك
نواف: بيي بعد ساعه لا تحاتون
بهتمام دانه: نواف حبيبي انتبه لروحك
ابتسم للي قالته نواف: ان شاء الله فمان الله
دانه: مع السلامه

مر شهر كامل رد فيها نواف للشركه ورجع وضعه مثل اول ودانه صارت تنوم مع نواف بغرفته اللي شبريتها لنفر ونص بس نواف وعدها بعد ما يفضون ياخذ فله يسكن فيها ظهر جسوم ولد نوف من المستشفى في الشقه
دانه: ويييي يخبل ولدج محلاته
مبارك: اذكري الله عن تصكين ولدنا بعين
دانه: وانا شو قلت ماشاء الله يت علي انا اللي بصكه بعين
نوف:ههههههه ههههههه
يرفع ضغطها نواف: صدقه مبارك عن تصكين ولد اختي بعين اذكري الله
بزعل دانه: نواف ماقلت شيء انا
أم نواف: شبلاكم على الدان دانة بوظبي والامارات جلها
تلوي عليها دانه: ويييي فديت خالتي اللي تحبني اذا انا دانة الامارات جلها انتي حلات الامارات لا ويه انتي حلات الخليج جله
أم نواف: وييييي محلات حجيج
مبارك: خالتي تلعب عليج بهالحجي دانه
أم نواف: لا ويه فديتها وفديت حجيها محلاه
استانست وايد يوم شفت دانه متأقلمه بالحيل مع امايا ونوف
نواف: دانه يبي جسوم هني عندي
بخوف دانه: ما اعرف اشيله
نواف: شيليه ما بيطيح منج
دانه: لا لا نواف اخاف يطيح مني
مبارك: هي انت وحرمتك انا مب بايع ولدي عسب تشيله حرمتك
بعصبيه دانه: مبارك .. تلف صوب نواف ما ابي اشيله
نواف: ماعليج منه يبيه
نوف: تعالي دانه شيليه مابيطيح منج تعاااااليييي
دانه: والله اني خايفه ماجد شلت يهال شالته وهي تسمي بالله
يربكها مبارك: انتبهي لولدي لا يطيح امشيء زين
نواف: مبارك خل حمرتي في حالها شو شايفها نوف حرمتك
تفتح ثمها نوف: افااااااا يانواف شو سويت فيك هذا وانا اختك
نواف:هههههههههههههه ريلج اهوا اللي بد
مبارك: ويييييي فديت حرمتي سنعه
نواف: اذا انت تتفدا مرتك مره انا اتفدا ام فيصل الف مره حرمه ولا كل الحريم
استحت وايد من حجي نواف لها واول مره يتفداها جدام حد
مبارك: استح على ويهك تتفدى حرمتك جدامنا هههههههه
نواف:هههه اقول اجلب ويهك نوف ولدج باخذه معي
مبارك: تعال وين بتسير
نواف: بتوحد بولدك
مبارك: احذرك يا نواف ان يا ولدي شيء ياويلك
نواف: لا تخاف عليه بحطه هني هذا جسوم
ويأشر على قلبه سرت لغرفتي وانسدحت على الشبريه وهو يمي ويلست العبه وايد يشبه مبارك وفيه شبه خفيف من امه احس انه يذكرني بجسوم
وهي تيلس حذالي دانه: شو تساون
بهمس نواف: اوششش بيرقد
بهمس دانه: اوكي وتغطي ثمها وترد تحجي وي محلاته ينن
نواف: اوص عن يقوم
تبتسم دانه: ههه شكله عذاب ما اتحمل ودي ابوسه
نواف: بوسيني انا وبوصلها له
استحت وايد واحمرن خدودها دانه: لا ببوس جسوم وبس
سحبها نواف وحظنها نواف: انا قبل بعدين جسوم
وتبوسه بهدوء وتبتعد عنه دانه: والحين خوز عني ببوس جسوم
نواف: لا لاتبوسينه مثلي
وايلست دانه تبوسه جسوم وتلعب بخدوده وانا مبسوط وايد
نواف: عقبالج يادانه
بلا مبلاه دانه: بشو
نواف: تيبين لي ياهل
ابتسمت بعد ما احمر ويها دانه: جم تبغي
اعيبته السالفه نواف: ابغي 5 لا لا 8 اربع بنات واربع عيال
منبهره من العدد دانه: اوووووه هههههه لا شو 8 حدي 3 وبس
بجديه نواف: مب بكيفج انا ابغي اترس البيت على امايا يهال
دانه: اوكي بنترسه 3 يهال
يعتدل بيلسته نواف: شو 3 ابغي 8 او 10 كل مامشيت اشوف واحد جدامي
دانه:هههههههههه لا لا نواف بموت شلون بيب 10 كل شوي تزيد العدد ههههه
يحظنها نواف: بسم الله عليج من الموت
شرا نواف فله بمسبحها عوده وايد وحلوه انتقلوا هناك للسكن فيها تتكون من اربع ادوار واااااااااااااااااااااايد حلوة

نواف: ها شرايج امايا
أم نواف: وايد حلو ماشاء الله تبارك الله الله يعطيك خيرها ويكفيك شرها
نواف: اعيبتج غرفتج
ام نواف: ايوه وصاحت تذكرت جسوم
يحظن امه نواف: امايا ادعيله بالرحمه والغفران الحين اهوا مايبغي منا الا الدعاء مايبغينا نصيح ونبجي عليه
وهي تسمح دموعها أم نواف: الله يرحمه
تدخلت وهي مبسوطه دانه: وااااااااااااااااو تينن الفله والمسبح وايد روعه واسكتت وهي تسأل نواف بعيونها وش السالفه
يغير الموضوع نواف: شفتي غرفتج اعيبتج
تجرب من خالتها دانه: وايد حلوه خالتي شرايج بالفله
ام نواف: وايد حلو
نواف: قلتي للبشاكير يشلن الاغراض
دانه: ايوه قلت لهن يجيبن اغراض خالتي اول بعدين احنا
نواف: بارج الله فيج
تذكرت ابوها بهالجلمه يوم يقول لها بيي يوم يادانه وبتقولين ابويا على حق بعد مامرت الايام
جرب منها نواف ومعه علبه من الجلد الاسود مربعه الشكل قدمه لها وهو يقول
نواف: هدية عيد ميلادج
افتحت غطاء العلبه وايلست تشوف بدهشه في العقد المحطوط على البطانه الحريريه السوداء عقد من االالماس الابيض الممزوج بلون عيونها الازرق والاخضر كان فخم واااايد افقدتها توازنها المفاجأءه ايلست تشوف الهديه وهي ماتدري وش تقول
نواف: اذا ما عيبتج . . . .
رفعت عينها الحلوه له دانه:: آه اعيبتني وايد وايد روعه !
نواف: طيب خليني البسج اياها
خذا منها العقد ورفع شعرها الاسود الناعم الثجيل وثبت السلسله الفخمه حول عنقها حست ببرودتها وبثجلها كانت غريبه وفريده على بشرتها قال
نواف: تمتلكين اجمل عيون شفتهم بحياتي ـ بدل كلامه ـ وقال تحبيني دانه
سرت النيران في عروقها وتسارعت دقات قلبها وردت كل خليه في يسمها بالايجاب لكن غرورها دفعتها للتخفيف من حدة مشاعرها ومكافحة الاحاسيس الدافئه هزت راسها وهي ساكته مافهمها قال
نواف: اوكي خلينا نرقد الحين
حست برغبة جامحه انها تخبره بحبها وترجوه انه يحبها اكثر الثلاثه الايام اللي مرت عليهم ماكانت تشوف نواف ضاجت وايد من هالشيء كانت تييهم نوف وجسوم وام نواف وايد تحب جسوم الصغير
نواف:كلمتي بنت خالتج
دانه: ايوه قلت لها تأجل دراستي هالكورس بجمل السنه اليايه
نواف: ماراح تكملين دراستج برع
دانه: ليش نواف
نواف: لأني ماابغي حد يشوفج او يكلمج غيري
بقهر دانه: بس انا ابغي اكمل دراستي
نواف: واذا كملتي دراستج بعدها بتقعدين في البيت تربين عيالج صح
دانه: لا بشتغل
نواف:شووو لا لا انا واحد اغار على حرمتي وما ابغيها تشتغل
قال جذي نواف وظهر وهي مقهوره وتقول غيييييييور بس احبك
زاد غياب نواف عن البيت لاوقات طويله ودانه تضايجت وايد وفي يوم تأخر نواف وايد واهيا يالسه تنتظره تاخر
دخلت عليها وشفتها منسدحه وتتظاهر بالرقاد استغربت وايد
كان قريب وايد من دانه شمت ريحة صابونه وحست بدفء جلده
ارتعشت يوم لمست يد نواف: شفيج
بزعل دانه: خوفتني كنت راقده
وهو يمزح نواف: تكذبين بالثم الملايان انتي مب راقد كنتي تسوين روحج راقده خبريني شو السالفه
غمضت عيونها دانه: مافي سالفه
نواف: ليش تسوين روحج راقده
دانه: احس بصداع
وهو كاشف اوراقها نواف: قولي الصراحه
ردت بحده دانه: اوكي الصراحه ما ابغيك تلمسني
استقام في يلسته ثم انحنى فوقها نواف: شوفيني
حاولت انها تقاومه لكنها ما قدرت فتحت عيونها قال لها برقه
نواف: والحين وضحي لي الامور ماني يابرج على انج تنومين معي لكن ما اسمح لاي واحد ولالزوجتي انها تحاجيني بهالطريقه
ارتبكت دانه: انا. . . انا
تندمت على اللي سوته ولفت عشان نواف مايشوف دموعها وتنفضح شقت دمعه طريقها عبر جفنها وانحدرت على خدها خذاها نواف في احظانه واستسلمت لعواطفها
تراجع نواف: ليش قلتي لي لا تلمسني
صرخت دانه: وانت ليش تقول عندك شغل ومشغول وايد
نواف: شو تحسبيني العب والا يالس مع حرمه غيرج
قرا افكارها وعرف انها تفكر بجذي
بكذب دانه: لا مافكرت جذي بس تسائلت وينك في لهالوقت
نواف: ليش ما سألتيني

هزت راسها وهي ساكته قال بنعومه نواف: احسن شيء اني اثبت لج
واثبت لها نواف ذلك على احسن ويه دنت من يسمه الجذاب
كنت اهمس لها دوم بالجذابه والجميله والدافئه والناعمه كنت ابغيها اكثر من أي بنت شفتها بحياتي لكنها ما انطقت بجلمة احبك حتى في اشد عاطفتنا
الصبح
نواف: اليوم ما بظهر
وهي ظهاره عليها بلبس غريب دانه: حلو
يبتسم وهو مفتتن بيسمها الناعم وبهالبس الشبه عاري نواف: شو هالبس
دانه: لبس السباحه انزل بعلمك كيف تسبح
بعتراض نواف: لا لا ما اعرف
تسحبه من ايده ونزلت تحت عند المسبح
دانه: شوف جذي
وتطمر في المسبح وكانت تسبح مثل السمجه بخفه
بصراحه عيبتني السباحه وايد بس كنت متخوف لان ماجد سبحت في مسبح او بحر
دانه: يلا دش نواف ما بيصير لك شيء
تجرأت وطبيت بالمسبح ويلست العب بالماي وارش عليها واشيلها واحذفها بالمسبح كانت ايام حلوه وايد وهي تضحك بضحكتها الحلوه
علمت نواف السباحه وكان وايد مبسوط وفرحاااااااان لان دانه علمته على السباحه
خذا له فتره لين تعلم عليها وكل مره فيها يلمس يسمه دانه يشتاق لها أكثر وكثر ودانه يزيد حبها لهالشخص اللي ملك كل مافيها باجي انها تعترف له عن حبها
بعد سنتين يابت توأم بنت شوق وولد فيصل استانس وايد نواف وطار فيهم شايلنهم في عيونه ودانه ما جملت دراستها انشغلت في تربية عيالها ونواف مب مخلينها محتايه لشيء
دانه: نوف مسكي ولدج طق بنتي
شوق: لامير آآآآآه
نوف: فديته الريال يأدب بنت خاله
دانه: جسوم جسوم
جسوم: اناييييييييييييييييييت
كان عمر جسوم 4 سنوات وشوق وفيصل سنتين
دانه: ليش تطق شوقه
جسوم: تاخذ حلاوة فيصل وفيصل يصيح
تاشر عليه شوق: لامير لامير
نواف: انا مو قايلن لج لاتعلمين البنيه فرنسي زين جذي
بدلع دانه: وييييي نواف خلها تدلع على امها وييي فديت ويها
فيصل: بباتي بباتي
نواف: لبيه هلا والله بريال البيت
جسوم: انا ريال البيت
نواف: وهم انت الريال انت الجبير وفيصل الصغير
ضحك جسوم مستانس كانت فيه وايد حركات من جسوم الله يرحمه نوف كانت تحاول قد ماتقدر انها تخليه مثل جسوم في حركاته
^
^
^
^
^
في يوم من الايام يت دانه معصبه ومحرجه
اوتعت وشربت قهوتها
نواف: مساء الخير
ماردت عليه دانه
متعيب نواف: شفيج دانه
توجف دانه: لا تحاجيني ولا تلمسني
نواف: شفيج الحين
بعصبيه دانه: مافيني شيء ما ابغي اشوفك اظهر برع
بعصبيه نواف: شصابج براسج انتي صاحيه
دانه: لا مينونه نواف اظهر ما ابغي اشوفك
بعناد نواف: مب ظاهر شبتساوين
بعجز مع عصبيه وهي تحبس خنقات بصدرها دانه: احسن اقعد هني انا اللي بظهر
وسارت لحقها نواف ومسكها نواف: شفيج الحين خبريني
دانه: قلت لك هدني ولا تلمسني
عصب يد وثبتها بيدينه نواف: سمعيني عاد عن الهبال وقولي لي شو فيج
صاحت دانه وحظنها نواف وهي تبعده عنها تسارعت دقات قلبها وازاد ظغط الدم في اذنها وباندفاع سارت للحديقه ايلست تمشي وهي حافيه تصيح شافت نواف وراها ربعت ومسكها بعنف نواف: وين بتسيرين شياج
دانه: لا تـ. . . .
بعصبيه نواف: انا ريلج تذكري وخلي عنج تصرفات اليهال هذي وخبريني شفيج
سار بها نواف لغرفتهم ويلسها وعطاها كوب ماي تشربه
نواف: والحين خبريني شو السالفه
وهي واجفه دانه: بخبرك شو السالفه بس بشرط
بقل صبر نواف: شو من شرط
وهي تمسح دموعها دانه: اول ما اخبرك بالسالفه تظهر مني
نواف: ليه
بعناد دانه: موافج والا لا
نواف: ايوه موافج والحين خبريني
بندفاع بويهه دانه: انت ليش ما خبرتني انك انت ساعدت ابويا يوم يـ... تمسح دموعها
فهمت السالفه حاولت اقوم احذفت علي المخده ورديت ويلست
دانه: ايلس واسمعني انت ليش ماخبرتني انك انت اللي انقذت ابويا من الافلاس ليش ما خبرتني يا نواف طول ذيج الايام وانا اقول انك انت السبب آآآه في الازمه الماليه اللي مرت فيها الشركه ليش ماخبرتني من اول امايا خبرتني اليوم الحين لنا جم سنه متيوزين سنتين ونص ولا فكرت مره فيها تخبرني
نواف: انتي ما عطيتيني مجال اني اكلمج او احاجيج كل ما قلت لج شيء يلستي تعايريني عشان جذي قلت اجري باخذه من الله مو منج
تحذف بالمخده دانه: تدري انك سخيف اظهر برع بسرعه
يبتسم نواف: طيب اذا ماتبغين تشوفين ويهي ضميني على صدرج على الاقل
بحده وهي تبجي دانه: ليش لا انت ريلي
ولفها نواف بذراعه بقسوه وعنف
بدلع دانه: هدني نوافوه
يمسكها بخشمها نواف: انا ريلج مو فصولي الصغير
دانه: والحين اظهر ما ابغي اشوف ويهك
يبا يتكلم نواف: ا. . . . .
تقطع عليه دانه: ولا جلمه اظهر نواف
ظهرت برع وانا مضايج ومستانس شوي دانه طاردتني من الفله بجبرها وين اسير سرت عند مبارك وبعدها يتني رسالته فتحتها
عروستي المغروره
حينما تتوقف روحي عن عشق روحك .. سيتوقف قلمي عن عشق الحروف وتقبيل الورق
استانست وايد سمعت نغمة الرسايل مره ثاينه فتحتها
الثانيه
لولا نظرة الامل التي اراها من خلال عينيك ** وكلمة حنونه اسمعها من بين شفتيك ** لما كنت على قيد الحياة بقيت ** ولكنت منذ زمن بعيد انتهيت
رووووووووعه اعيبتني كنت ابغي اسير
مبارك: وين ياريال اقعد شوي
نواف: بسير مستعيل
مبارك: والله تعقد
نواف: يا ريـ. . . .
مبارك: حلفت عليك
يلست وانا منقهر وايد يوم يت فرصتي اني اعيش يي مبارك ويخرب علي سمعت النغمة
الثالثه
قد علمتني الحياة ان الساعة ستون دقيقة وان الدقيقة ستون ثانية لكنها لم تعلمني ان الثانية من دونك ... العمر كله
ارسلت لها
نحن لا نختار في العيش من نرتاح معهم بل نختار من لا نستطيع العيش بدونهم
و ما أصعب أن نحب من يؤلمنا وما أصعب أن نتألم ممن نحب
الرابعه منها
حرام تجرح شعورى يا نظر عيني دخيل رمشك رموشي لا تغرقها
ارسلت لها
إلى اخر يوم في عمري ابيج
ما يجي لي يوم واملج واروح
اترك الاوطان اهاجر واجيج
الجسد وشلون يحيى دون روح
لاجرحج الوقت انا منج وفيج
نادني واكون لك مرهم جروح
ولاقست دنياج واشتدت عليج
لج زوج رغم احزانه مزوح..
عروستي المغروره
توني حسبت حساب بعدك وفرقاك
توني دريت اني بدونك ولا شيء
خليتني ما بين طيفك وذكراك
عذبت حالي ليش ما ترفق شوي
ارجع ولو تأمر على الروح تفداك
ارجع .. تراني شفت موتي وانا حي
ارسل نواف
ياينج يالغلا عفواً (( عروستي المغروره ))
تمايل قلبها طرباً وسارت تتنقل بخطى راقصه في الصاله وفي غرفتها قضت نهارها في الامال والاحلام تفكر في مستقبل باهر واعد بجت طويلا شاعره بالراحه التي تنعم بها الدموع
سرت لها فوق حاولت افتح الباب ما انفتح لقيت ورقه مكتوب فيها
((1))
((سير للصاله الجبيره بتلقى صندوق احمر افتحه وييب اللي وسطه ))
سرت ويبت العلبه وفتحتها كان فيها شراب الفراوله الغازي ومكتوب ورقه
كره من طرف واحد
((2))
(( سير للمطبخ وبتلقى علبه صغيرها افتحها ويب اللي فيها ))
وكانت زهور الكاميليا البيضاء في اناء الكريستال الكبيره
تلاقي مع انجذاب
((3))
(( اصعد فوق وبتلقى ورقه ملفوف يبه ))
فتحتها وشفت فيها مرسوم حرامي متلثم ومكتوب يمها
سارق ولكن …؟! أحبك
الحقيقه المره
((4))
(( سير للصاله الفوجيه وبتلقى ظرف يم التلفون افتحه ))
ربعت وفتحت الظرف كان فيه مفتاح ورساله مكتوب فيها
ثورة الحب
حياتي دلوع عنيد
إليك اسطر أحرف الحب من دماء القلب ...

دلوعي أنت الذي فجر في كل طاقات الابداع فاصبحت بك مبدعة ومن أجلك أبدعت
دلوعي لقد حققت كل ما أصبو إليه فاجتزت الصعاب ووصلت إلى المستحيل وذلك بدافع حبك بعد توفيق الله
انني لو سطرت لك أجمل الكلمات وأعذبها لم اوفيك حقك ، دلوعي اني أحمل في قلبي تصور كل انسان ، فلو استجمع شاعر قريحته وكاتب الهامه لوصف حبي لابدوا عجزهم
دلوعي العنيد قد كنت اسمع قبل أن أحبك بأن الحب عذاب ولوعة وحرمان فكنت أخافه وبعد أن احببتك تمنيت لو يجمع عذاب المحبين ويصبح من نصيبي بشرط أن تكون بجانبي
حياتي أريد أن اصرخ في وجه علماء العالم هذا العالم كي يخترعوا لما أحمل في قلبي اسما ، لاني أرى كلمة أحبك قليلة في حقك وتعبر عن شئ قليل مما في قلبي فاسمح لي بأن أخبرك بأني لا أحبك لاني أرى في تلك الكلمة إنقاصا لما أحمل لك من غرام وعشق فأنت لي روحي وحياتي وأملي ......
((5))
مكتوب على المفتاح استلم هديتك
الرجوع للحب
دخلت وكانت الغرفه الفاخره المعطره برائحة الفل كان المكان رائع رومانسي بالشموع الموجوده في كل مكان حطيت زهور الكاميليا البيضاء في اناء الكريستال الكبيره على الطاوله وحطيت يمها المشرب الغازي شفت سهم مكتوب عليه هديتك هنا ولفيت وييهي اشوف هديتي لفيت صوب هديتي الملاك الواجف جدامي الملاك اللي لابس فستان فرنسي من اللون الابيض والزهر هادي باكمام فرنسيه كانت تبتسم وهي خجلانه
نواف كان مصعوق من جمال دانه الخلاب وضحكتها الرنانه وجف مب مستوعب اللي صار سوى روحه زعلان
بقلق عليه دانه: شفيك
بغرور نواف: اعتذري لي عن طردتج المحترمه لي
بدلع دانه: جم عندي من الوقت
نواف: لين تيي هديتي لج
بتعيب دانه: شو هديتك
نواف: اول اعتذري لي
شغلت المسجل على الرقصه الفرنسيه وامسكت نواف من ايده وباست ايده بنعومه
بدلع دانه: اسفه وتبوسه بخده برقه
سار نواف ودخل معه باكيه ورد جبيييييييييييييييير مع دبدوب جبير ماسك لوحه مكتوب عليها احبج يا عروستي المغروره استانست وايد وامسكتها وقالت
دانه تضحك
يبتسم نواف: ليش تضحكين
بنعومه ذابحه دانه: ولا شيء
يمسكها ويها بحنيه ويبوسها نواف: ما قلتي لي يوم انج تحبيني
قالت تغايظه دانه: تعرف شعوري اتجاهك
ضربها بخفه نواف: ماقلتيها لي بعد ابغي اسمعها يلا
بدلع دانه: جرب نواف
ويجرب منها
بهمس دانه: جرب اكثر
جرب منها الى التصق بها
بهمس رقيق دانه: أحبك واااااايد ..
شالها نواف ويلس يدور فيها ولف صوبها وسحبها وبادلته نفس الشعور ماتمكن نواف من مقاومتها الهاديه كانت وايد هاديه وجذابه
تدخل عليهم شوق: لامير
تقوم من الشبريه دانه: وييي فديتج تعالي حبيبتي
بخيبة أمل نواف: هذا وقته دانه خليها تسير عند البشكاره
دانه: لا ما بخليها تسير عند البشكاره وامها هني
اختفت دانه ساعه جامله وبعدها ردت وهي لابسه ثوب رقص شرقي وشغلت المسجل على روبي اغنيه انت عارف ليه وايلست تغني مع المسجل دانه: انت عارف ليه بحبك ليه وحبك ليه بيحالي ... ليه بسهر ليل واذوب في عنيك واحبك تبى طوالي ... حيران على طول آه كدا ومشغول وحالك يبى من حااليييييييييي
وتدور
تكمل وهي تدور بخفه دانه: علشان بتكون عاشق مجنون وحبك ليا مالي الكون ..... وترد تتمايل وهي ترقص كان رقصها وايد حلو
تكمل بنعومه يا حبيب البي وغالي على عني والبي ومالي غناء عن حبك يوه يا سيدي انا أنا بناديك تعالى هنا وتسوي حركه بيدها
بدلع حلو وايد دانه: طب أنا عندي كلام وكلام وكلي حنين وشوق وغرام وشوقي اليك ولا بينام ولااااااااااااااا بينااااااااااااام وتحظن نواف ويردها نواف لعالم الاحاسيس والعاطفه الجياشه

بعد مرور 4 سنوات صار نايف دكتور تخصص جراحة قلب وتوظف بمستشفى جبير في الامارات وجسوم جبر والحين اهوا بـ3 ابتدائي كان نسخه من جسوم الله يرحمه يحب السياكل وايد ودوم نواف يحذرنه من اللعب بالشوارع وام نواف ما ترضى احد يهزبه او يروغه لانه ولدها وحشاشة يوفها كانت تحبه اكثر عن اخته قمر بنت مبارك وعمرها 3 سنوات وشرى مبارك لنوف كمبيوتر وتعلمت عليه بعد ما جملت دراستها وحققت حلمها
أمل كملت دراستها بتخصص كمبيوتر نواف عياله الحين بالأولى ابتدائي ودانه يابت ولد من بعدهم وسمته خليفه على ابوه الله يرحمه وحرمة ناصر يابت بنت سماها سحر وزايد ياب ولد ثاني سماه ناصر على اخوه
وهذي كل قصتي كانت وايد صعبه في البدايه والحين الحمدالله تيسرت علينا وايد مابعد ضيج الا فرج وصلني خبر عن وفاة عبدالله بحادث سياره ضاج صدري عليه وانا ادعي ان الله يغفر له ويرحمه وخالد حقق امنيته وتيوز وسكن بالسعوديه وبعد ما رتب حياته رد الفلوس اللي سرقهن تقريبا قبل 10 سنوات جذي لابو ناصر وانا مويود واوصلتني رساله منه انه عرف ربه واهتدى بعد ما تذكر كلامي ونصيحتي له ...
اليوم كل الاهل متيمعين هني وانا لازم انزل لهم يلا بااااااااااااااااااااي ادعولي بالتوفيج واتمنى لكم السعاده ..
شكلكم تبغون تكملون السالفه اذا تبغون تعرفون الحقوني

^
^
^
^
^
^
^
^
^
^
^
^
^
^
^
^
^
^
هههههه شكلكم وايد متحمسين
تحت حشره وااااااااااااايد وصدعه
دلال: حمودي
حمودي: نعم امايا
دلال: سير يب اختك سحر عن تطيح
حمودي: سحوره سحوووووووووور امايا تبغيج
تصرخ سحر: ما ابي
فيصل: جب لاتصرخين
يقلد فيصل حمودي: جب لا تصرخين
يدخل عليهم جسوم: انا ييييييييييييييييت
نوف: هلا وغلا ويييي فديت ويهك
بدلع قمر: جسوم
جسوم: قولي جاسم انا مب ياهل عندج
الكل: هههههههههههه على جسوم كان وايد مثل جسوم اخويا
أم نواف: نواف يمه وين دانه
ندى: نصور لا تلعب بالماي ريتا ريتا تعالي غيري لناصر
نوف: نواف مبارك وينه
يدخل عليهم مبارك: السلام عليكم
نوف: وييييي فديت ريلي الطيب عند ذكره حياك
الكل: ههههههههه يضحك لان مبارك انحري من حجي نوف له
أم ناصر: على مهلج يمه على مهلج
دانه: والله اني تعبت
أم نواف: انتي بالشهر التاسع صح
دانه: ايوه خالتي بس وايد متعبني هالحمال غير عن باجي عيالي
ابو ناصر: لا تعبين نفسج وايد كله سايره راده
نواف: الدكتور يقول لها لازم تمشيء
نايف: ايوه لازم تمشيء لانها تحتاي لرياضه والا بتسمن وبتطيح بجبد اخويا
الكل: ههههههههههههههههه
نواف:هههههههههههههههههه جب حرمتي غير
وهو يضحك نايف: ههههههه هذي الحقيقه الحرمه عندنا من تييب 4 او 2 تشوفها متيمعه ماتعرف ويها من يسمها
زايد:ههههههههههههههههه صدقك
ندى: حرام عليكم شايفينا ماندخل من الباب
نايف: خذ لك وحده امريكيه والا روسيه تاكل مثل الدياي تحافظ على يسمها يخترب واول ما تحمل على طول تمارين مب احنا تيلس واكلونها هاللهوم لين تسمن وماتدخل مع هالباب هههههه
نوف:ههههههههه انت من رحت لندن وانت اختربت كلش
دانه: بشوف حرمتك لاتيوزت شبيصير فيها
من قالت جذي وتدخل علينا امل
نايف: أنا حـ........
أمل: السلام عليكم
نايف اول ما شافها تذكرها من 5 او 6 سنوات ما شافها كانت وايد حلوه وهاديه وويها خالي من ادوات تجميل ونفس المبسم والغميزات بخدودها حس نفسه انه اشتاق لها وايد سلمت عليهم ويا دور نايف
أمل: شحالك نايف
برتباك قليل نايف: الحمدالله انتي شخبارج
بنعومه وهي تلعب بصبعها أمل: زينه
سارت وهي معترفه لنفسها انها تحبه وااااااااااااااااايد سارت للحديقه وهي تتمشى سمعت صوت ياها
نايف: أمل
بابتسامه ناعمه امل: هممممم
برتباك نايف: مدري شلون اقولها
امل: شو تقول
نايف: اشتقت لج وايد مدري .......
احمر ويها واستحت من حجي نايف
نايف: من سافرت وانتي مافرجتي بالي كل يوم اتذكرج امل انا احبج تتيوزيني
افقدت توازنها امل واصرخت وطاحت بالمسبح الكل ظهر خاف عليها بعد ما اسمعوا صراخها
مبارك: شفيج
برتباك مع جمود نايف: طاحت بالمسبح
ندى: بسم الله عليج شفيج
يهمس لامه جسوم: خالي نايف قال لها احبج وطاحت
دانه اسمعت جسوم وهو يقول لأمه ههههههههههههه واضحكو على امل
مبارك: شفيج طحتي بالمسبح
وهي تظهر من المسبح امل: يتني دوخه وطحت
يلفها بشرشف بعد ما يابتها البشكاره يبتسم مبارك: يتج دوخه والا ....... ههههههههههههه
حمر ويه امل وارتبك نايف من حجي مبارك حس نفسه مفضوح على الآخر

كانت ليله بارده وحلوه بالنسبه لهم
بس كانت احلى لي يوم سمعت خبر ولادة دانه ويابت توم ولد وبنت سميتهم طيف وخالد
نواف: الف مبروك عروستي المغروره ويبوسها براسها
بحيا دانه: الله يبارج فيك خلاص راحت علينا العروسه الحين عندي 5 عيال قول الف مبروك ام عيالي
يجرب منها نواف ويحط راسه براسها وداعب خشمه خشمها وقال نواف: بتظلين عروستي المغروره لو يبتي 100 ياهل
ابتسمت دانه واحظنت نواف بشغف احمدت ربها على النعمه اللي اهيا فيها والتغير اللي صار لها دانه تغيرت وايد من دانه المغروره والمتكبر الى دانه المتواضعه والطيبه والحبوبه بس احياناً ترد لغرورها ولكبرياها اذا بغت تتذكر الايام اللي طافت بينها وبين نواف وتبتسم لهالذكرى الحلوه
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^

مرت الايام حين اختطف تلك اللحظات من يومي .. استرق فيها الجلوس إلى كمبيوتري لاقص عليكم حكايتي والان استودعكم الله
نواف بن خليفه












تمت وبحمد الله